تهقون ألقا.........! [الأرشيف]

(محمد العبري)

13/05/2007, 08:20 AM

بسم الله الرحمن الرحيم

صباح الخير /مساء الخير
حيالله كلن بسمه
أخواني عندي بذور لنبتات وهذه البذور صغيرة جداً ومحتاج تصويرها لغرض دراسة دكتوراه لصديق غالي علي
عن (الأرطى ,والغضا .والحماط ,والعذر .والرمث)
طبعاً انا محتاج كمرة إحترافية (لأني ماعندي كمرة إحترافيه ) وكذلك عدسة ميكرو !
وحقيقة ابغا استأجر كمرة وسألت بعض المحلات بالبطحاء قالو ما نأجر ...!
دلون على الإستديوهات .....!
كلمت واحد قال مانأجر الكميرة بالحاله ......1
ثم قال جب الي تبين أصوره .....!
يوم شرحت اللي ابي أصورة قال لي لا كمرتي ماتقدر تخدمك ...!

ارجو منكم أحبتي إذا أحد يعرف يأجر كمرات يرد علي بأسرع وقت للأهمية

انتظركم على أحر من الجمر
تحياتي للجميع

الباحث_الصغير

13/05/2007, 12:15 PM

خدمتك شرف يالنقي بس وش نوع كاميرتك.

يمكن تخدمك إذا متطوره شوي بس يبغالك إضاءة.

(محمد العبري)

13/05/2007, 01:36 PM

هلا وغلا بالباحث(الكبير)
شاكر ومقدر ولو ماجا منك إلا هالطلله البهيه وهالكلمات الطيبه يبعدي والله
وماقول إلا خدمك المال والبنون والزوجة الحنون
حقيقة أخوي الباحث أنا إستخدمت كمرتين شبه إحترافيات
الأولى : NikonCoolpix S10
والثانيه :PentaxOptio
وخويي أعطى البذور لواحد يصورهن له وبالحقيقة ماقصر الرجال إجتهد وجاب صور جيده جداً
لكن هناك بعض المشاكل مثل الظل والتركيز في الصورة مش ولا بد
والكميره اللي إستخدمه خوينا الثالث canon EOS 5D
طبعاً الكميره أكيد ماعليه كلام بس النتائج ميهب طيبه
عموماً مالك بالطويله
انتظر ردك وباقي الأخوان وتسلملي يالغالي

عيناوي

13/05/2007, 05:09 PM

وش هي الي نتايجها ماهيب طيبه؟
عساك تقصد الـ canon EOS 5D
":/ ":/
تدري ان هالي نتايجها ماهيب طيبه قيمتها 15 الف..و قيمة بودي بس ..بدون عدسات
اذا هذي ماهيب طيبه..بارت اسواق الاحترافيات

فالك ما يخيب ان شاء الله
:)

فتى الدهناء

13/05/2007, 05:19 PM

ياعيناوي ترفق على الرجال .. :p

الرجال عارف ان الكمرة طيبة .. لكن على ماأظن أن العدسة ماخدمته .. ربما لأنه يريد تصوير ماكرو .. والكمرة ليست للماكرو ..

عموما أخوي النقى .. شف لك احد الشباب اللي معهم اس 3 .. تراهم مهوب مقصرين .. وبيصورون لك البذور .. ( سوبر ماكرو ) وتطلع واضحة وتركيزها ممتاز .. ان شاء الله .. وترسلها لخويّك ..

وفقك الله

(محمد العبري)

13/05/2007, 06:23 PM

الأخ عيناوي على قولت فتى الدهناء ترفق يالحبيب
انا قلت نتايج التصويير ميهب طيبه ماقلت الكميره ميهيب طيبه
تحياتي لك و شكراً لمرورك
\\\\\\\\\\\\\\\\\\\\\\\\\\\\ ("]\\\\\\\\\\\\\\\\\\\\\\\\\\\[/url]
الغالي فتى الدهناء
شكراً للتوضيح للأخ عيناوي
وبالنسبه لكلامك الطيب (فالشباب فيهم الخير والبركة )بس إن لقيت من يأجرني الكميره أحب لي اصور على راحتي وأشوف النتايج واصور بعد وجود الملاحظات .
وعلى قولت القايل مايخدم بخيل .
و الله لايبارك بريال مايخدم راعيه
تحياتي لك وشكراً لمرورك وكلامك الطيب
[url=")

عيناوي

13/05/2007, 07:25 PM

فتى الدهناء

13/05/2007, 09:46 PM

لا ابد عادي
بس انلخمت يوم شفت هالحتسي عن الدي فايف لا اكثر ولا اقل
والعتب على تعقيد هالكاميرا الكبير..بحكم ان كل شغلها مانيوال

وسع صدرك يا بعدي..والسموحه تساني اخطيت
وانت يالمايونيز حسابك عندي..اوريك ههههههه

الله اكبر..من دي فايف لـ اس ثري
:( نعيش ونشوف

فالكم ما يخيب ان شاء الله
:)

هههههههه ياحبني لك .. ياحبيبي الــ 5 دي ماتقارن بالاس 3 ..

قيمة الاس 3 .. ماتجيب عدسة للمحترمة ;)

لكن الجود من الماجود .. يعني بالله عليك تبي الرجال يشري عدسة ماكرو .. بكذا ألف.. علشان يصوّر كذا صورة !! ويرسلها لخويّه .. ثم يرجّع الكمرة لصاحبها :p وين يبووو

;)

الفردوس

13/05/2007, 09:50 PM

ستجد الكثير ولكن لو جعلت مبلغ من المال على تصوير هذه البذور مثلا 20 لقطة ب100 ريال
تفيد وتستفيد
أهم شيء تجد عند المصور العدسة والاضائة الجيدة

خط الأستواء

13/05/2007, 09:57 PM

الأخ النقي ياليت تذكرحجم البذور ولو
تقريبا علشان اشوف يمكن أقدر أخدمك .

(محمد العبري)

13/05/2007, 10:59 PM

اشكر كل من مر على الموضوع
وشارك بمالديه
\\\\\\\\\\\\\\\\\\\\ ("]\\\\\\\\\\\\\\\\\\\\\\\\[/url]
الغالي خط الإستواء كما ذكرت لك البذور لعدة أنواع
بإختصار بعضها أصغر من (اليانسونه والكمونه بمرتين ) وبعضهن نصف (حبةالعدس) وبعضهن لا كبار بالمقارنه بما سبق ذكره !!!
انا بالإنظارك
تحياتي لك
[url=")
تحياتي للجميع

الباحث_الصغير

13/05/2007, 11:04 PM

هذي صورة لعبس رطب سكري

صورتها بالمايكرو (Canon s3) أول ما اقتنيتها

http://www.9m.com/upload/13-05-2007/0.316910117871.jpg

الإضاءة ماخدمتني

كان الفلاش قوي وظل العدسة يغطي أحياناً.

الهدف وكذلك الخلفية غير متناسبة.

لاحظ الحجم الطبيعي عادة والصورة.

تحيات أخوك الباحث الصغير

الوشاح

13/05/2007, 11:20 PM

امممم اعتقد لابد من عدسة مايكرو ..

لاكن بمأننا مانملك عدسة مايكرو اقترح عليك تصور بالكمره الي معك بوضع المايكرو وتسوي قص لصوره .. ممكن تنجح الفكره

( برى بحرى)

13/05/2007, 11:24 PM

لو انك بالكويت عيونى لك والله الكامره والعدسه تحت امرك

(محمد العبري)

13/05/2007, 11:50 PM

الغالي الباحث الصغير
شكراً لمرورك والأمر ليته عبسه (فصمه ) لا الوضع سيء البذور صغيره للغايه كما شرحت للغالي خط الإستواء
وأشكرك لإهتمامك وحرصك يالغالي
\\\\\\\\\\\\\\\\\\\\\\\\\\\\\\\\\\ ("]\\\\\\\\\\\\\\\\\\\\\\\\[/url]
الغالي الوشاح عندي صور اللي تم تصويرهن بالكميره الإحترافيه 5d
بس يبيلهن شغل بالفوتو شوب شغل إحتراف مب لعب وأخوك أقل من مبتدء بهالبرنامج
شكراً لمرورك ووحرصك
[url=")
الغالي بري بحري
يكفين هالكلمات الحلوه والله يجعلك ذخر وأعتبره وصلت كفيت ووفيت ومايجي قصور يالغالي
\\\\\\\\\\\\\\\\\\\\\\\\\\\\\\\\\\\\\\\\\\ ("")
تحياتي لكم جميعاً

(محمد العبري)

14/05/2007, 09:38 AM

الأخوة الأعزاء

هذي صور نوعين من البذور المراد تصويرة ،انا حطيت هذه الصورتين كعينات فهي صورة لأصغر بذرة وصورة لأكبر بذرة قد لا توضح الصورة الحجم الحقيقي للبذور ولكن أرجو ان تعطي إنطباع عن الوضع اللي أنا فيه

http://www.mekshat.com/pix/upload/images35/mk7654__mg_1902.jpg

http://www.mekshat.com/pix/upload/images35/mk7654__mg_1934.jpg

عيناوي

14/05/2007, 01:16 PM

هههههههه ياحبني لك .. ياحبيبي الــ 5 دي ماتقارن بالاس 3 ..

قيمة الاس 3 .. ماتجيب عدسة للمحترمة ;)

لكن الجود من الماجود .. يعني بالله عليك تبي الرجال يشري عدسة ماكرو .. بكذا ألف.. علشان يصوّر كذا صورة !! ويرسلها لخويّه .. ثم يرجّع الكمرة لصاحبها :p وين يبووو

;)

نعنبواااااااااا بليسك ..انا الحين قايل للرجال يشتريها
..الظاهر المايونيز مأثر عليك سلبا
:D ههههههههههههههه

حسابك الليله..هين..

فالك ما يخيب ان شاء الله
:)

عيناوي

14/05/2007, 01:18 PM

النقى..
اشوف ان الصور..محتاجه شويه شغل
مدري عاد..انت اذا تشوف انها مناسبه وترضي الدكتور..توكل

فالك ما يخيب ان شاء الله
:)

(محمد العبري)

14/05/2007, 01:38 PM

والله يالغالي ياعيناوي
ماش مارضتني الصور
والدكتور غالي علي بالحيل ولا أصفطله إلا أفضل شي
وشاكر لك مرورك وهتمامك
؟؟؟ وش سالفة الماينيز ! تراي تشهويت :)

عيناوي

14/05/2007, 02:42 PM

عجيب..يعني راينا واحد
طيب وش ناوي تسوي...هل في بالك افكار او شي
ساعدني عشان اساعدك

والمايونيز علمه عند بعض الناس ههههههه
الحين ينط لك ..لا تخاف:d :d :d
هههههههههههههههههههههههههههههههههاي

فالك ما يخيب ان شاء الله
:)

(محمد العبري)

14/05/2007, 04:06 PM

انا ادور الراي ياخوي عيناوي
فكان عندك من راي لا تبطي علي
تحياتي لك وشكراً لهتمامك وحرصك يالغالي

عيناوي

14/05/2007, 04:39 PM

والله حفاظا على ماء الوجه لاصحاب المايونيز
ههههههههه
اقول شف لك اس ثري وان شاء الله تحصل لك

غير كذا عندك شغله الذمه في تصوير البذور وحبك لدكتورك هههه هذي يبيلها شغل عشان تبهره
حاول تصور على ارضيه بيضا وملسا..والاضاءه تكون حمرا وبعيده عن الهدف..
هذا رايي المبدئي بحكم اني ماقد صورت بذور..ومع التجربه بتتضح افضل آلية تصوير
وياليت الباحث يفزع لانه سبق وصور بذور

فالك ما يخيب ان شاء الله
:)

فتى الدهناء

14/05/2007, 04:41 PM

والله حفاظا على ماء الوجه لاصحاب المايونيز
ههههههههه
اقول شف لك اس ثري وان شاء الله تحصل لك

:)

ماغيرها .. :p

والميونيز أرهب حاجه :)

فتى الدهناء

14/05/2007, 04:42 PM

أخوي النقى لو تلاحظ ظل البذور في الصورة الثانية .. مأثر بشكل كبير .. لذلك لابد يكون هناك ضوء آخر في الجهة المقابلة للظل .. لتكون الوان البذور أوضح ..

وشكرا

عيناوي

14/05/2007, 08:07 PM

جب طاري اللوبستر يجيك ينط <وينك يالنحاسي..بتعجبك
ههههههههههههههههههههه

ما عليك..التجربه الاولى ما فلحت وان شاء الله الثانيه تصيب

فالك ما يخيب ان شاء الله
:)

(محمد العبري)

15/05/2007, 08:11 AM

عيناوي

15/05/2007, 07:48 PM

هلا بك يا بعدي

والله لا اخفيك اني ما سبق واستخدمت الجي سبعه
لكن ابشوف الفوكس حقها وفتحه العدسه وارد لك
اما من ناحيه تركب عليها ..فللاسف لا يركب الا الفلاتر عليها (لانها ليست احترافيه بل مدمجه)
اما كون كانون تركب عليها عدسات اخرى فهذا صحيح..عندك عدسات سيقما وتامرون ..الخ

فالك ما يخيب ان شاء الله
:)

التايغر

15/05/2007, 08:54 PM

هلا والله اخوي النقى

ما ادري عندي فكرة وان شاء الله تزبط معك

وهي انك تحاول تجيب مكبر صورة وتحاول تصور البذور من على المكبر لكن حاول تكون الإضاءة تمام التمام وتكون معك كاميرا دقتها صح وان شاء الله تضبط معك

وان شاء الله اذا جتني فكرة ثانيه اقولك

فتى الدهناء

15/05/2007, 09:11 PM

أخواني الغالين عيناوي وفتى الدهناء
شكراً على متابعتكم للموضوع
وشكراً لهتمامكم وحرصكم
أخوي عيناوي كلامك واضح وإنشاء الله يبي يسره الله
الأخ فتى الدهناء كلامك صحيح وهذا ما أنوي فعله
سؤال 1/عرض علي كميرا من نوع كانون G7 وش رايكم فيها ؟
2/ هل يركب عليها عدسة ميكرو ؟
3/ هل كميرات الكنون ماتتعامل إلا مع عدسات الكنون ؟
أرجو التوضيح ولكم فائق إحترامي
تحياتي للجميع

أما من ناحية الكمرة الرائعة .. الجي 7 .. فهي كمرة جميلة ولا بأس بها .. خاصة لمن يهتم بالكمرات ذات الحجم الصغير نوعا ما .. لكن متى ماقورنت بالإس 3 .. سأختار الإس 3 بالتأكيد .. بسبب الزوم الذي سيخدمني كثيرا .. وبسبب اليوبر ماكرو .. الرائع ..

أما عداسات الماكرو على الجي 7 ... فماأدري بالضبط هل لها عدسة أم لا .. لكن عدسات الكمرات المدمجة .. بشكل عام .. متواضعة :( فلا تحرص على عدسة للمدمجة .. والعدسات لاتصلح الا في الكمرات الإحترافية .. وتكون نتائجها مبهرة ..

أما العدسات المتاحة لكمرات الكانون ( الإحترافيّة طبعا لأن المدمجة ليس لها عدسات من غير كانون ) ..
فهناك عدسات كانون وهي الأفضل والأغلى و سيجما وتامرون .. وغيرها

وفقك الله

(محمد العبري)

15/05/2007, 10:37 PM

أخوي الغالي عيناوي
شكرا على التوضيح وحقيقة انك أفدتني
عموماً شكراً لإهتمامك وحرصك يالغالي وتحياتي لك
\\\\\\\\\\\\\\\\\\\\\ ("]\\\\\\\\\\\\\\\\\\\\\\\[/url]
الغالي التايغر
الفكره ممتازه لكن بما أني احتاج صور ذات جوده عاليه راح تكون صعبه لئني جربته على الزهور الصغيره وكانت جيده بس متعبه
عموماً شكراً لإهتمامك وحرصك يالغالي وتحياتي لك
[url=")
الغالي فتى الدهناء
شكرا على التوضيح وحقيقة انك أفدتنيووكلامك وافق كلام عيناوي ،
الله يعين على البحث مرة أخرى
عموماً شكراً لإهتمامك وحرصك يالغالي وتحياتي لك

(محمد العبري)

16/05/2007, 08:22 PM

عذراً للرفع
فمازالبحث جاري
أنتظر من يفيدني
شكراً للجميع

الباحث_الصغير

16/05/2007, 09:50 PM

هلا بك يالنقي العزيز

إلى الآن ماحصلت شي:confused:

الله يكون بعونك

أنا قمت بتجربة :cool: أخرى لبذرة صغيرة

استخدمت ماكروا الكاميرا للتجربة

الكاميرا كانون إس ثري

فقط ربما ترضيك النتيجة وربما لا :no:

طبعاً بعد البذرة تبعد عن العدسة 6 سم

البذرة المستخدمة

(الحبة السوداء)

هذه بحجمها الطبيعي أو أكبر قليلاً

http://www.mekshat.com/pix/upload/images35/mk39837_11.jpg

وهذه بعد تصويرها بالماكرو

http://www.mekshat.com/pix/upload/images35/mk39837_12.jpg

طبعاً الصورة مقتصة من الصورة الأصل والإضاءة كما وضحت سابقاً (ماعندي إمكانيات)

تحياتي

(محمد العبري)

18/05/2007, 06:40 PM

الباحث الصغير (الكبير )
الله يعين الجميع على العمل الصالح
أشكرك على مرورك وإهتمامك
محاولتك جيده لاكن الحبة السوداء كبيره بالمقارنة ببذور العاذر !
تحياتي يالغالي

فتى الدهناء

18/05/2007, 08:53 PM

دقيقة اخوي الباحث الصغير ..

طريقتك .. فيها شي من الخطأ ..

مثل هذي الصور .. ضع الكميرا على av وأضبط فتحة العدسة .. واضغط على زر ( الماكرو ضغطه مطوله - يعني ثلاث ثواني ) لين يطلع لك رمز الوردة .. وبوسطه حرف s .. كذا تكون شغلت ( السوبر ماكرو ) .. عقبها .. الإضاءة وخلها من جهة الكمرة .. وقرّب العدسة من ( الحبة السوداء ) الى أقل من سم .. واستمتع بصور جميله وفوكس رائع ..

أتمنى تعيد التجربة .. وفقك الله