بواجي الباث + صوت

[باثفاندر 2005]

السلام عليكم ..

يا هلا والله بقروم مكشات .. :D

سيارتي باث تماتيك ماشيه 48 ألف يحتاج أغير البواجي ؟
فكرت أغير البواجي مريت الوكاله بشتري البواجي قالي الواحد 43 ريال .. :o
يعني 6 بواجي 258 ريال .. :confused:

آخذ منهم والا آخذ تجاري ؟

الشي الثاني اذا لفيت الدركسون وانا واقف أو أمشي بسرعه بطيئه أسمع طقطقه من عند الكفر مريت ورشه قالي لازم تركب مشاحم لأنه تجي وكاله بدون مشاحم .. :confused:
وش رايكم ؟

[Abo Nader]

السلام عليكم...

أخوي بواجي الباث تمشي إلى 100ألف لأنها بلاتينيوم(أظن أسمها كذا)..

بالنسبه لطقه ممكن توضح أكثر...أخاف أن الكفر يحك بالصاجه الي تحت الرفرف..إذا كان صوت حك و هو ما يجي إلى إذا كسرت الطاره فهو عادي جادا و السبب نزول وجه الموتر...

[باثفاندر 2005]

هلا ابو نادر ..
نورت الموضوع طال عمرك ..
بالنسبه للصوت صوت طقطقه مهب حكه يعني اذا لفيت الدركسون تسمع طق بعدها بشوي طق وهكذا الين تخلص من اللفه وما يطلع الصوت الى بالسرعات المنخفضه اذا اسرعت ما يطلع ..

[Abo Nader]

و الله ما أعلم وش المشكله...

لكن مدامه على الضمان...نصيحه...

أحلته على الوكاله...

[الربذي]

اخوي لايهمونك ماهي مشاحم ماتحتاج الا بعد فتره قد تمتد الى 300000 الف ثاث مائه الف كم لانه وكاله يجي بدون تشحيم التجاري هو اللي يشحم بعدين شف الربل مشقوق اقد حق الركبه اذا انشق غيره
او قد يكون العكس معك خربان جرب شغل الدبل ولف مو قوه وشف يتغير الصوت ولا لا
وبعدين تقول ماشيه 48 الف اكيد فيه خلل مصنعي وهو تحت الضمان عليك بالوكاله وبس
البواجي اغيرهن من محلات برا الواحد بسبعة اريل تمشيني فتره ثلاثين الف كم
اما 43 شي غريب

[باثفاندر 2005]

أبونادر ..
جزاك الله خير ..
أخذت موعد بالوكاله قالو لي بعد اسبوع تعال وتجلس عندهم السياره من يومين - 3 أيام ..!! حسبي الله عليهم

الربذي ..
جزاك الله خير على المعلومه وصراحه كنت ناوي أركب مشاحم بس قلت نستشير قروم مكشات أكيد أنهم أدري من هالورش ..
بجرب الليله الدبل وحجزت موعد بالوكاله قالو لي بعد اسبوع حسبي الله عليهم وبنشوف وش آخرتها معهم ..

[salehhd]

السلام عليكم

بالنسبة للبواجي ابو نادر ماقصر وترى سعرها حسب علمي 190 الطقم وموتري الحين ماشي حول 67 الف ومااحس انها تحتاج تغيير وهي تتغير كل 100 الف لانها بلاتينيوم والبواجي الاصلية العادية قيمتها 48 الطقم لاكن لازم تتغير كل 20 او 30 الف
بالنسبة للطقة فانا اعاني من نفس المشكلة خاصة اذا لفيت يسار فياليت اذا انحلت المشكلة تقولي وش السبب لاستفيد

والله يكون في عونك

[باثفاندر 2005]

salehhd (http://www.mekshat.com/vb/member.php?u=16463)

ابشر أول ما ألقى حل للطقه بنزله بموضوع ..
الوكاله المفروض أدخل سيارتي أمس لكني انشغلت واليوم نسيت .. :(
بحاول أدخله بكره والله يعين على الهواش معهم علشان يدخلونه .. vbmenu_register("postmenu_893262", true);

[العليمي]

بواجي الباثفيندر الي مكينته 3500 تمشيك 80 الف كيلو بالراحه و انا مغيرها قبل فتره الواحد بــ 35 ريال و هي من نوعية بلاتينيوم شد بلد .

[جنوبي صميم]

البواجي نصيحه اذا ماتحتاج تغيير خلها لو تمشي معك 600000 مابتلقا زي اللي مركبه من بلدها مهما قالوا لك انها نفس الماركه واللي غير بواجي لأي سيارة يعرف الفرق ،،، ربما اكون خاطيء!!

[باثفاندر 2005]

صحيح البواجي كل 100 ألف لقيتها في كتيب الصيانه ..

لكن الطقطقه ما أحد يعرف لها ؟؟

[الساهر2003]

السلام عليكم ورحمة الله وبركاته

ممكن ترفع السيارة كلها وتشبك الدبل الخفيف وتجرب تلف الطارة وانت ماشي اذا فيه صوت فهو من العكس الخارجي وهذه بدايات الخراب ممكن الربلة فيها تمزق ودخل الرمل فيعدم الرمان الخاص بالعكس واذا مافيه صوت فهو من الركبة

مع اجمل تحية

[ق ص ك]

بالنسبه للبواجي انا عندي بواجي انا عندي بواجي جديده كان عندي باث وبعته ولا غير بواجيه كان لك نظر كلمني على الخاص وبالنسبه للصوت اتوق والله العالم انه من ربلة المساعد الايمن او الايسر الربله الي تجي مثل الواقي او للحمايه يعني وانت تشوفها لو تناضر من عند الكفر تلمس هالربله تلقاه منقطعه تروح فوق وتحت لو تخلي واحد يكسر الطاره ويدحدر الموتر وانت ناظر بالله رد وعلمنا وش يصير
ودمتم

[باثفاندر 2005]

الصوت يطلع بالدبل وبدونه ..

الموتر الآن بالوكاله وننتظر النتيجه !!:confused:

والله يعين عليهم ..

ما دخل الا بهواش !!
ولا أظن يصلحونه الا بهواش ولا يطلعونه الا بهواش !!

وكاله حراميه ..:mad:

[بعيد المناطيس]

غير مشاحم ويروح الصوت انشاء الله

[باثفاندر 2005]

بعيد المناطيس

الباث ما يجي فيه مشاحم أصلا شد بلد ..