المساعد الشخصي الرقمي

مشاهدة النسخة كاملة : كم تضع علبة زيت في سيارتك الاند كروزر ؟


مافيا الصحاري
14/05/2007, 10:06 PM
أهلا بأحبتي

..

كثيرا ما (يبلش) الواحد منا عند قيامه بتغيير زيت سيارته من ناحية اختيار النوعية
وكمية الزيت التي يضعها في الماكينة بدون السيفون ومعه

,,

سؤالي لخبرائنا الكرام
واضح من العنوان (متعيجز) أعيد السؤال :)




شاكرا لكم ردودكم ومروركم مسبقا ،،
سندباد الخليج
14/05/2007, 10:10 PM
بدون السيفون سبع ( 7 ) علب

ومع السيفون ( 8 ) علب

وانت سالم
مافيا الصحاري
14/05/2007, 10:14 PM
أشكر لك تفاعلك السريع أخي الكريم
..

وهل تظن أن زيادة علبة زيت أو نصفها يضر
..

وهل نجد هذا في (الكاتلوج) الخاص بالسيارة
يازين الجو
14/05/2007, 10:22 PM
البارح غيرت الزيت لجيب الوالد gxr 2003

حطيت فيه 6 علب زيت تويوتا

مدري هو كيف جيد ولا لا

طبعا ماغيرت السيفون
مافيا الصحاري
14/05/2007, 10:27 PM
يازين الجو

أشكر لك تفاعلك

وفي الحقيقة أخشى أن الماكينة
يزيد احتكاكها مع قلة الزيت فينتج عنه
مشاكل لا تطرأ على البال
وفي المقاب هل هناك ضرر في زيادته
؟؟
sameer_1798
14/05/2007, 10:27 PM
طيب إذا تبي تتأكد فك العيار وناظر فيه وشوف وصل إلى F أو لا .

و بعدين في قاعدة لجميع السيارات عدد العلب على عدد السرندرات و إذا كان الموتر فيه دبل مثل الجيوب طبعاً تزيد علبه , و إذا بالتغير السيفون أيضا بتزيد علبة أخرى .

الجيب 6 سلندر : 6 علب + 1عشان الدبل = 7 علب زيت
الهايلكس 4 سلندر ومدبل : 4 علب + 1 عشان الدبل = 5 علب زيت

وهكذا دواليك .
مافيا الصحاري
14/05/2007, 10:29 PM
لكن لا أراه مقياس يمكن الإعتماد عليه
بعد الله سبحانه وتعالى
هاوي الله
14/05/2007, 10:30 PM
يااخوان ترى مُحرك اللاندكروزر 6 سلندر بنزين من موديل 1998إلى 2007 سعة الزيت فيه كالتالي :

مع السيفون = 7.4 يعني سبعه لتر ونصف إلا قليل

( ملاحظه : يوجد سيفون كبير وسيفون صغير والأفضل هو الصغير )

بدون سيفون = 6.9 يعني سبعة لتر إلا قليل

وافضل زيت بالنسبه لي هو سوبر جي تي فوكس , اللون الأسود .

وهذا موجود في كاتلوج السياره وشكراً .
غالي
15/05/2007, 01:39 AM
انا اغير لجي اكس ار 2003
7 علب بدون سيفون
ونوع الزيت سوبر جي تي الاسود والذهبي
والله اعلم
VXR.2007
15/05/2007, 02:10 AM
طيب كم سلندر 8 او 6
انا عندي 8سلندروغيره 7 علب مع السيفون وبدون سيفون 6ونصف نوع الزيت جي تي اكس امشي عليه 4000كم واكثر
abufahad2008
15/05/2007, 02:49 AM
اخوي نصيحة لاتقرب زيت تويوتا

عليك بسوبر جي تي الاسود والذهبي
المميـز
15/05/2007, 03:28 AM
طيب إذا تبي تتأكد فك العيار وناظر فيه وشوف وصل إلى F أو لا .

و بعدين في قاعدة لجميع السيارات عدد العلب على عدد السرندرات و إذا كان الموتر فيه دبل مثل الجيوب طبعاً تزيد علبه , و إذا بالتغير السيفون أيضا بتزيد علبة أخرى .

الجيب 6 سلندر : 6 علب + 1عشان الدبل = 7 علب زيت
الهايلكس 4 سلندر ومدبل : 4 علب + 1 عشان الدبل = 5 علب زيت

وهكذا دواليك .



اخوي ودي اعدل معلومتك



الجمس 8 سلندر ودبل ياخذ خمس علب ومع السيفون خمسه ونص موديل 2000 وما فوق







الباترول 6 سلندر ودبل ياخذ سبعه ونص موديل 2001 مع السيفون ياخذ ثمان علب
هاوي الله
15/05/2007, 04:00 AM
مُحرك اللاندكروزر 8 سلندر بنزين من موديل 1998إلى 2007 سعة الزيت فيه كالتالي :

مع السيفون = 6.8 لتر

( ملاحظه : يوجد سيفون كبير وسيفون صغير والأفضل هو الصغير )

بدون سيفون = 6.4 لتر


بالنسبه لي أمشي من 8000كم إلى 10000كم وأغير مع السيفون .
هاوي الله
15/05/2007, 04:14 AM
محرك 6 سلندر سيفون وبدون سيفون , الفرق = 0.5

محرك 8 سلندر سيفون وبدون سيفون , الفرق = 0.4

ليش مايكون الفرق سوى في جميع المُحركات المذكوره !!؟؟
VXR.2007
15/05/2007, 05:03 AM
سؤال انا عندي جيب لاندكروزر موديل 98
8سلندر وسيفون صغير يعني كم علبه زيت احط مع سيفون وبدون
عبدالله العمرو
15/05/2007, 01:00 PM
السلام عليكم :

max >>>> min وش تعني ؟؟؟


حسب كاتلوج السيارة بأن ماكس تعني الحد الأقصى ... وماين تعني الحد الأدنى .... يعني المساحة المحصورة بينهم تعتبر (((( أمان ))))

إحذروا زيادة الزيت عن العيار وعدم وصول مستوى الزيت لأعلى من (( ماكس )) لأن ضغط الزيت راح يزيد ونسبته أكثر وهذا يسبب تفجّر الصوَف ( جمع صوفة ) ويبدأ المحرك بتهريب الزيت من خلال هذه الصوف مما يضطرك لفك المحرك وتغييرها كلها وتخيل إن محرك سيارتك مفكوك !!!!

الأصح يا أخوان وانت عند البنشري تخليه يصب فقط 7 علب وتغطي الزيت وتشغل السيارة واحذر كل الحذر تدوس بنزين قبل يطلع الزيت الجديد للمحركات الأعمدة والكرنكات والسبايك .... وبعد ما يطلع العيار في الطبلون تبدأ بزيادة سرعة المحرك للتأكد إن السيفون راكب صح بدون أي تهريب ....

ثم تطفيء المحرك وتنتظر 5 دقائق ينزل الزيت مرة ثانية وتبدأ بعيار الزيت مرة ثانية بشرط أن تمسح العيار قبل تعتمد على قياسه ...

إن كان مستوى الزيت تحت الخط العلوي ( ماكس max ) فهذا هو المطلوب والصح .. واحتفظ بالعلبة الثامنة للضرورة ...

وإن كان في منتصف المسافة أضف منها ربعها إلى نصفها فقط ...



ولكن الحذرررررررررر من زيادة العيار عن خط ماكس max أو نقصه تحت ماين min

ربي يحفظكم ....


أخوكم /
سعد بن خالد
15/05/2007, 01:02 PM
الاحسن 7علب
جي اكس أر 3
15/05/2007, 01:05 PM
تسلم علي طرح هذا الموظوع
تحياتي
مافيا الصحاري
15/05/2007, 04:38 PM
..

أشكر للأخوة الفضلاء
مرورهم الكريم
وأتمنى أن يأخذ هذا الموضوع حقه
..

أخوكم
ضلع الرقيبه
15/05/2007, 05:40 PM
انا سويت دراسه من مده على كمية الزيت مع السيفون وبدون

وجدت ان السياره 4 سلندر مع السيفون 4 وبدون ثلاثه ونصف

والسياره 6 سلندر وهي الجيوب مع السيفون 8 الا ربع سيفون صغير اما الكبير 8

تغيير بدون سيفون صغير 7 وبدون سيفون كبير 7 ونصف

والله اعلم
مافيا الصحاري
15/05/2007, 08:57 PM
ضلع الرقيبة

..

شكرا لمرورك الكريم
الرهدن
15/05/2007, 10:14 PM
الله يعطيكم العافية جميعآ00

وأظن لاتتعدى الكتالوج فهو أبخص:

وكل رقم محرك ( تجده ملصق بالكبوت من الداخل ) له كمية زيت محددة سواء بالسيفون أوبدون 00

جزيتم خير جميعآ على النصائح الذهبية00




والدعاء موصول لصاحب الموضوع مافيا الصحاري

.
بني سبيع
14/06/2010, 11:07 PM
طيب ياشباب ماهي افضل لزوجه للزيت وافضل نوع يقولون فوكس سوير جي تي الي علبته سوده

شرايكم طبعا 6 سلندر 2004 اوتو
فتى العارض
15/06/2010, 12:30 AM
مُحرك اللاندكروزر 8 سلندر بنزين من موديل 1998إلى 2007 سعة الزيت فيه كالتالي :

مع السيفون = 6.8 لتر

( ملاحظه : يوجد سيفون كبير وسيفون صغير والأفضل هو الصغير )

بدون سيفون = 6.4 لتر


بالنسبه لي أمشي من 8000كم إلى 10000كم وأغير مع السيفون .


أخي هاوي احسنت وبارك الله فيك وهذا الكلام الصحيح الدقيق حسب كتالوج ودليل المستخدم للسيارة .
مقدار الزيت لمكينة الــ(VX-R) الثمانية سلندر كتالي :

01 بتغيير زيت المحرك بدون الفلتر (السفون/ المرشح) 6.4 لتر 0
02 تغيير زيت المحرك بالفلتر (السفون/ المرشح) 6.8 لتر 0
ونوع الزيت فوكس سوبر جي تي (10/30) العلبة البيضاء والمسافةأغير الزيت كل 5000 كم والزيت والفلتر كل 10000 كم 0
بني سبيع
21/06/2010, 10:48 AM
طيب ياشباب ماهي افضل لزوجة زيت وافضل نوع؟؟؟
علما اني استخدم كاسترول 10دبليو 30؟؟؟

6 سلندر
@قرناص@
21/06/2010, 11:58 AM
يااخوان ترى مُحرك اللاندكروزر 6 سلندر بنزين من موديل 1998إلى 2007 سعة الزيت فيه كالتالي :

مع السيفون = 7.4 يعني سبعه لتر ونصف إلا قليل

( ملاحظه : يوجد سيفون كبير وسيفون صغير والأفضل هو الصغير )

بدون سيفون = 6.9 يعني سبعة لتر إلا قليل

وافضل زيت بالنسبه لي هو سوبر جي تي فوكس , اللون الأسود .

وهذا موجود في كاتلوج السياره وشكراً .


ليش السيفون الصغير افضل؟؟؟؟؟
ساري 111
21/06/2010, 12:02 PM
6 سلندر من الـ 2007 وتحت فقط

مع السيفون 7.4
بدون السيفون 6.9

الفرق نصف لتر

السيفون الصغير يأخذ نصف لتر
السيفون الكبير يأخذ لتر إلا ربع

الزيت المستخدم / سوبر جي تي علبه البلاستك السوداء 20 دبليو50
بني سبيع
21/06/2010, 08:34 PM
طيب ياشباب ماهي افضل لزوجة زيت وافضل نوع؟؟؟
علما اني استخدم كاسترول 10دبليو 30؟؟؟

6 سلندر
للررررررفع
المساجدي
21/06/2010, 09:14 PM
6 سلندر من الـ 2007 وتحت فقط

مع السيفون 7.4
بدون السيفون 6.9

الفرق نصف لتر

السيفون الصغير يأخذ نصف لتر
السيفون الكبير يأخذ لتر إلا ربع

الزيت المستخدم / سوبر جي تي علبه البلاستك السوداء 20 دبليو50

كلام سليم ومطابق للكتلوج بس وشلون نفرق بين السيفون الكبير والصغير وايهم افضل ؟؟؟
ابوهنود يوريني السيفون ويقول شوف بابا اصلي واقوله ركب وبس خخخخخخخ وتوني ادري ان فيه كبير وصغير!!!!
العبقري 2008
21/06/2010, 10:43 PM
طيب يا النشامى ,,

انا عندي Gxr 2003 ستة سلندر

اعبيه 8 علب زيت مع السيفون

و 7 علب بدون سيفون ..

هل هذي الحسبة صحيحة ؟