كيفية ترهيم مبرد قير تماتيك لاندكروزر

[Y&Y_4X4]

الى الخبراء

السلام عليكم

كما لا يخفى عليكم ان الاندكروزر 6 سلندر قير تماتيك, لايوجد للقير اديتر شد بلد لتبريد الزيت كما في باقي السيارات , ومعلومكم انه في بعض الضروف يحتمي الزيت مما يتسبب في سرعة فقدان الزيت لخاصيته وتأثيره على اداء وحماية القير والكلام هذا حصل نعم, انا الحقيقة سمعت او قرأت طراطيش هرج عن امكانية ترهيم اديتر لزيت القير.

السؤال هل الفكرة هذي صحيحة يعني ان الزيت يحتمي ويحتاج الى تبريد ؟
الثاني عن القطع المطلوبة والتكاليف وهل العملية ناجحة فعلا ومجربة ؟

ملاحظة فيما يخص شد بلد مافية عن القير الا لمبة حمراء تحذيرية في الطبلون حسب كتيب التشغيل يقول اذا ولعت اللمبة هذي يجب عليك ان تطفي السيارة وتنتظر حتى يبرد زيت القير ومدة الانتظار طبعا حسب الجو!

الرجاء من الاخوان ذوي الخبرة في هذا الموضوع المشاركة !!!

وشكرا للجميع,,,,,,,,,,,,,

[elshamri]

أنا أذكر مره وظبت قير كابرس عند Tri Star في الدمام وأقترحوا علي أركب راديتر للقير أمام راديتر المكينه والحقيقه المكينة ما تأثرت والقير ماشا اللة تمام صارله 6 سنوات.

حياك الله وموفق انشاء الله

[Y&Y_4X4]

بس الله يعطيك العافية يالـ elshamri الكابرس كله يجي اديتر للقير شد بلد وشلون ركبو لسيارتك واحد تقول 6 سنين يعني موديله والله اعلم 95 او 96. اكيد فيه اديتر ؟

او قصدك انك مرهم قير كابرس على سيارة ثانية ؟؟؟؟؟؟؟؟؟؟؟

او تبيني اروح لـ Tri Star واشوف وش يقولون ؟؟

[mohamad1121]

بعد التحيه

انا مع اربعه في اربعه الكابريس به اديتر للتبريد او بالاصح وفي الموديلات القديمه جزء من راديتر السياره مخصص لتبريد زيت القير عبر انانبيب تمتد من القير والى الاديتر.


ابوكاسر

[Y&Y_4X4]

وأخيرا هليت بالطلعة البهية يا mohamad1121 ولا يهون اخوي elshamri ياخوي وين الدنيا وين اهلها الله يحييك وين ما وجهت تأخرت بالحيل انت وبعد مهيلان الله يرده بالسلامه !

انا الحقيقة, اني آخذ على خاطري بالحيل من هالمنتدى الطيب الي كان في ما مضى من الوقت منتدى خيمة السيارات وصيانتها لاكن للأسف حالحين صار منتدى للصور ورسم ثاني ابتدائي ؟؟؟؟؟؟؟؟؟؟


تقول وين المشرفين ليش ما يحطون خيمة جديدة ( ولا قديمة ) لرسم اليد هو فيه يأخوان رسم بالرجل ولا بالكوع ؟

لاكن وش تقول .

[mohamad1121]

لاهنت ياطويل العمر
وتسلم على السؤال لكن الاجازه انتهت ورجعت ابوظبي .

وانا مع سؤالك عن موضوع ترهيم مبرد لزيت القير بالنسبه للاندكروزر وانشاء الله تلقاله حل ونستفيد جميعا من ردود الاخوان وما يقصرون انشاء الله .

اخوك ابوكاسر

[Y&Y_4X4]

وحنا ان شاء الله بأنتظار ردودهم ؟

[آل مهنا]

اخوي Y&Y_4X4 بصراحه هالموضوع يخوف... الوالد بيشتري لاندكروزر (وهو كبير بالعمر الله يطول عمره) وودي لو انه يأخذ له واحد بقير تماتيك اريح له (خاصه انه ما يشد واجد على السياره ولا يدخل بها طعوس كبيره).

فهل التماتيك في GXR يحمى بسرعه بشكل يخوف (اذا كذا ناخذ VXR احسن لنا).

ارجو افادتي عن الموضوع.

ولك خالص تحياتي.

[Y&Y_4X4]

توكل على الله وخصوصا انه مع الوالد الله يعطية طول العمر ويمتعه بالصحة والعافية .

لاكن حنا يالشباب ( واحد يتلزق ) نجور على الموتر بزود ونحده على اقصاه, انا الحقيقة من واقع التجربة زريت على الموتر بالحيل , الله وكيلك وبالثقيل بعد في جبال فيفا ( بعد ما خزنت من القات الحالي ) هناك صعب توقف الموتر وتنزل على رجليك الا في مواقع محدودة جدا, وتقل طلعت ريحة كلتشات او زيت محروق,,

يعني اقول في مثل هذا الاقتراح من زود الحرص والحمد لله ماتغير شي الا ان القير تغير علي شيء لايكاد يذكر .

مع ملاحظة اني اغير الزيت اول 20000 كم واغير الزيت مع الفلتر مع ثاني 20000 كم ......
هذا المفروض بس اني بديت اعتمد الحركه هذي بعد الرحلة!

والسلام عليكم ,,,,,,,,

[ابو الريم]

يا جماعة الخير ...........

ترهيم مبرد زيت القير الاوتماتيك شغله مهب سهله ...... الامر الثاني نادر جدا ما يحتر وخاصة في الموديلات الحديثه قير اللاندركروز واذا كان يحتر فهو فيه مشكلة .... اجل انتوا صرتوا افهم من اليابانين :):) الامر الاخر في حالة انك ركبت لا يأتي للقير فتحتات للتبرد ........ ولو قلنا انك تشطرت وسويت فتحت سوف تواجهك مشكلة وهي ضغط الزيت فالطرمبة الموجودة في القير الذي بدون تبريد ضخها يكون اقل من التي بها مبرد

اما السيارات الامريكية فتأتي بعضها بمبرد زيت سواء للمحرك او القير وبعضها يأتي بدون مبرد حسب الدفعه وتركيب المبرد في السيارات الامريكية سهل ولا يحتاج الى ترهيب فقط جبلك من التشليح مبرد مع مواسيره وقواعده وركبها بالقير .


تحياتي ابو الريم ’,,,,,,

[آل مهنا]

الله يجزاك بالخير يخوي.... شورتك وهدايت الله... بنشريه في القريب العاجل انشاءالله.

[Y&Y_4X4]

أخوي عنيد آمين وياك والمسلمين اجمعين .

اخوي ابو الريم أحسنت

الشغلة ماهيب سهله وهذا الي نبي نتأكد منه هل هي ممكنه او لا.

فعلا هو صعب يحتمي لو تلاحظ الغلاف الخارجي مصنوع من معدن الاالمونيوم الى من خصائصه صعوبة اكتساب الحرارة وسهولة فقدانها مثل الايديتر وكذلك الشكل الي هو مصنوع علية مصنوع على شكل اسمه Heat shrink (شكل هندسي لأمتصاص الحرارة من خلال ممرات هوائية في جسم الهيكل ).

لا يمكن ماحنب افهم من اليابانيين

حنا نحاول نكتشف حاجة يجي منها خير ولا يجي منها ضرر ان شاء الله .