المساعد الشخصي الرقمي

مشاهدة النسخة كاملة : ((علامات ودلائل )) اعرفها ولا يلعبون عليك


عبدالله العمرو
15/05/2007, 12:16 PM
السلام عليكم ورحمة الله ...
إخواني : كلنا نعرف إن الصناعية تغصّ بأعداد هائلة من العمالة الأجنبية الغير مؤهلة ....
والغالبية بل كلهم جايين (( طرطنقي )) بمعنى أقل من عامل عادي ,,, وفترة بسيطة تلقاه فاتح له ورشة (( أدّ الدنيا )) ومسوّي فيها مهندس ... وحنّا بحبابتنا وطيبتنا بسم الله علينا من الحاسدين نسلّم أرقابنا للقصاصيب بكل ثقة ...

سؤال يفرض نفسه (( هل هذا العامل أفضل منّا ؟؟ أو يفهم أكثر منّا ))

يا جماعة ترى السوّاق ما هو اللي يعرف يمسك الطارة ... ولو تسأله وين يركب العفريتة ما عرف ... بالله ماهو قهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب ما يقهركم إذا صار عطل بسيط بسيارتك بسبب فيوز (( بنصف ريال أو ريال )) أو صفّاية بنزين قيمتها لا تتجاوز 15 ريال وتجي لرفيق وتوقف سيارتك عنده ويقولك لك (( واهد ساءة بأدين يجي )) وتتصل بخويك مرني خذني وتروح لك ساعة وترجع تلقى السيارة يا سلام سلّم ... كم يا رفيق ؟؟؟؟؟
أيييييوه انا سوّي هدا وهدا وسوي وزن كربريتور وتنظيف وتغيير (( قائمة وبفاتورة ممشيها على 20 واحد قبلك قيمتها 200 ريال قطع وشغل يده 80 ريال ... وأقرب مالك محفظتك وتسحب 300 ريال وانت مبسوووووووووط وتقوله 20 ريال بخشيش عشان انتا كويس ....
وتمشي من عنده ولا تدري وش يقول بظهرك ..... وانت ذيباااااااااااان ...

لا تزعلون ترى أغلبنا بهالشكل ووالله ما طرحت هالموضوع إلا منقهر عليكم من هالمرتزقة اللي مستغلين طيبتنا الزايدة ....

ما أطول عليكم بإذن الله سوف أعدّ لكم جدول بدلائل الأعطال ومنها انت بنفسك تعرف مشكلة سيارتك فإما تصلحها بنفسك أو تروح للأخ رفيق وتقول له (( هذي صفاية بنزين ركّبها بدل القديمة .... وعطه 10 ريال وتخب عليه )) وربي يحفظكم جميعاً .....

أخوكم /
جي اكس أر 3
15/05/2007, 12:24 PM
السلام عليكم
اخي العزيز العمرود
بكل أسف ماذكرته في عين الصواب وهذه طيبه قلوبنا الزائده وثقتنا بظعاف النفوس
التي لا تخاف من الله همهم الكسب بئي طريقه حسبي الله والنعم الوكيل ،،،،
تسلم علي طرح هذا الموظوع للحيطه والحذر ،،،،،،،،،،،،،،،
تحياتي
الاتصال السريع
15/05/2007, 12:43 PM
في الانتظار جزاك الله خير
العبقري 1
15/05/2007, 12:44 PM
والله موضوع رائع وفعلاً هذا الموجود والحمدلله من زمان وأنا أصلح أجهزتي بنفسي من أيام أول ثانوي والآن أصلح المسجلات بكل يسر وأركب مسجلات السيارات وكنت أيام زمان مهندس شباب الحارة وعندي عدة كاملة ،، ومشكور أخي على الموضوع والتنبيه وتراني معك واي سؤال فني أنا جاهز بس في حدود الالكترونيات والتبريد وبعض أعطال السيارات البسيطة وترون خويكم ميه ميه بتركيب الدش ،، أكيد بتقولون يتمدح لكن أسألوني وشوفوا .
سعد بن خالد
15/05/2007, 12:59 PM
مشكور وتنبيه رائع تشكر عليه
عبدالله العمرو
15/05/2007, 01:04 PM
السلام عليكم
اخي العزيز العمرود
بكل أسف ماذكرته في عين الصواب وهذه طيبه قلوبنا الزائده وثقتنا بظعاف النفوس
التي لا تخاف من الله همهم الكسب بئي طريقه حسبي الله والنعم الوكيل ،،،،
تسلم علي طرح هذا الموظوع للحيطه والحذر ،،،،،،،،،،،،،،،
تحياتي


أخي الحبيب ...

لا هنت ولا شنت وشكراً لمرورك المروي ....

تقبل تحياتي لقلبك ....

أخوك /
عود رمث
15/05/2007, 01:12 PM
السلام عليكم

بالانتظار وفقك الله

اخوك / عود رمث
قناص الوعول
15/05/2007, 01:20 PM
موضوع رائع وكلامك في محله وانا من الناس الي يحب تصليح السيارة بنفسه
المميـز
15/05/2007, 02:13 PM
مشكوور على الموضوع

وننتظر الجدول ...
.أبوعبدالرحمن
15/05/2007, 02:21 PM
والله من جد هذا اللي اشوفه حاصل لنا وانا اولكم الله المستعان







الله يعطيك العافية على التنويه
هاوي الله
15/05/2007, 02:36 PM
ههههههههههههههههههههههههههههههههههههههههه مشكووووووووور يالعمرود على هالمسلسل المُضحك في حياتنا

انا كذلك أحب الهندسه(لازم يكون خبره إذا مافيه لاتهندس) ولكن بحدود يعني الأشياء الثثقيله شوي مثل المكينه والقير .. مستحيل اقربها إلا بحركات بسيطه جداً جداً الظاهر إني بفتح ورشه سفري يعني سطحة تريله متنقله بس ماضنيت بيجوني أعضاء مكشات لأن أكثرهم إذا شاف السعودي إنحاااااااااااااااش لييييييييييييييييييش !!!!!!؟؟ بعضهم بيقول غالي ! وبعضهم يبي يفشح على عِلبى أبو فسيه على راحته !! يعني يهذر ويقرق على راسه وياآمر وينهى شوي ولأ دخل معه تحت السياره! ههههه لييييييييييييييييييش !!؟
تنوم
15/05/2007, 02:49 PM
نحن بالانتظار باحر من الجمر
باترول 82
15/05/2007, 06:49 PM
في الانتظار جزاك الله خير
عبدالله العمرو
16/05/2007, 11:15 AM
في الانتظار جزاك الله خير


أبشر بسعدك
سدا نجد
16/05/2007, 11:18 AM
100%100000 صحيح
عبدالله العمرو
16/05/2007, 11:19 AM
والله موضوع رائع وفعلاً هذا الموجود والحمدلله من زمان وأنا أصلح أجهزتي بنفسي من أيام أول ثانوي والآن أصلح المسجلات بكل يسر وأركب مسجلات السيارات وكنت أيام زمان مهندس شباب الحارة وعندي عدة كاملة ،، ومشكور أخي على الموضوع والتنبيه وتراني معك واي سؤال فني أنا جاهز بس في حدود الالكترونيات والتبريد وبعض أعطال السيارات البسيطة وترون خويكم ميه ميه بتركيب الدش ،، أكيد بتقولون يتمدح لكن أسألوني وشوفوا .


يا مال العافية ، الله لا يتكلك على غيرك ... تعجبني والله ... وأنا أول زبون مكشاتي عندك ...
كل الدشوش عندي تبي واحد مثلك ووالله لأدفع لك دبل عن ( رفيق ) ... جهّز العدّة :)

لا هنت ولا شنت وشكرا من القلب لمرورك ....

تحياتي ..

أخوك /
راع الابل
16/05/2007, 11:32 AM
اخوي العمرود يالله حيه وشلونك اشوف اليوم قالب اردووووووو مدري هندي متسعود (سعردو) ههههههههههه

والله ياخوك انا معك بشي من ما قلت واختلف معك في بعض الشي

اتفق معك في ان الشخص لابد ان يتعرف على العطال بنفسه او اي مشكلة بسيارته بنفسه سواء كان الفيوز او غيره لانه اذا عرف او تعرف على العطال فأنه يقدر يحدد قيمة التصليح ولكن المشكلة اللي تواجه فئة من الناس انهم ما يعرفون يركبون الاستبنه وهذه الفئة هي اللي جرئت الهندي وغيرة على نفس الوتيره في التعامل مع البقية

بعض الاختلاف

عملية تقييمك للتصليح فهذا رزق والرزق يدور الرازق في كونه


قال تعالى ( ويرزق من يشاء بغير حساب)

وهيا محاورة بينك وبين صاحب او هندي الورشة واما الاتفاق او البحث عن غيره بمعنا لابد ان تتفق مع الهنيدي على تحديد العطل قبل الاتفاق على السعر

بيض الله وجهك على هذا الموضوع

تقبل مشاركتي بصدر رحب

ياصاحب القلب الكبير
ناوي نيه
16/05/2007, 12:54 PM
انا واحد احب اصلح شيي بنفسي واذا ماعرفت مابليد حيله
عندك يابعدي
16/05/2007, 01:04 PM
اخوي الغالي:قد يكون السبب في هذه المشكلة نحن لاننا وضعنا عندهم الثقة التامة وبعدين ممكن كل انسان يقدر شغله باالمعقول ويمر على اكثر من واحد ويحددالسعر واول وهله خلك عنده وقل له وش في السيارة وش تحتاج وبعدين تفاهم معه وانااقول اهم شي الاتفاق على السعر لانه قديفاجئك بسعر غير معقول ويلزمك احيانا السعر لانه ماحصل اتفاق قبل وقالوا العوام:اوله شرط اخره نور)

http://altallal.googlepages.com/endek.gif
alkongrs
16/05/2007, 04:39 PM
موضوع متميز وحنا بالنتضار وشينتهم يقولك كلاص معلوم الله لا يكثرهم
هويدي
16/05/2007, 04:45 PM
صح لسانك يالعمرود


وميب بعيده بعد يسرق قطع من السياره اصليه وغاليه ويستبدلها بتجاري
شامخ ألهيلا
16/05/2007, 05:08 PM
هذا الي يخلي الاجانب يضحكون علينا من بعض السعوديين
قبل فتره كنت عند راعي ورشه وقف واحد قال يبي تنظيف اصابع البطاريه قال العامل 20 ريال عاد ابو الشباب يسوي فاهم قال الا 15 ريال صراحه قهرني كلمته قلت ليش انت ماتسوي هذا بنفسك مابيلها شي فك الاصابع وصب عليها مويه حاره ورجع وشد عليها فال ماني فاضي اوسخ ثوبي ويديني 15ريال خلها تولي
بصراحه بغيت ارميه في الحفره الي في الورشه من القهر
ابشرك كل الصيانه والفك والربط وتغير الفحمات والكهرباء في السياره ازينها عندي في البيت اما الشغل الثقيل اخليه في الصناعيه ووقف عند راسه لين يخلص بعد المكاسر وشويت مهاوش معهم لين يظبطون شغلتي

ومشكور اخوي على موضوعك
بس وين الي يفهمون
عبدالله العمرو
16/05/2007, 09:50 PM
مشكور وتنبيه رائع تشكر عليه


حياك يا ابن خالد ... والشكر موصولا لحضورك ولحروفك ....

تقبل عاطر التحايا ....
أخوك /
عبدالله العمرو
16/05/2007, 09:52 PM
السلام عليكم


بالانتظار وفقك الله

اخوك / عود رمث



أخي الحبيب / عود رمث / لاعدمتك
أبشررررر بسعدك قريباً جدا أنتهي منه وعسى الله يوفق ...

دعواتك ...

تقبل عاطر الود ....
عبدالله العمرو
18/05/2007, 01:35 AM
موضوع رائع وكلامك في محله وانا من الناس الي يحب تصليح السيارة بنفسه

الله لا يروعك بغواليك ....
أخوي قناص الوعول / لاعدمتك
يفترض أن نقوم باحتياجاتنا بأنفسنا ونلقي بالاتكالية بعيداً عنا .. حتى لا نضحك بقوم ونحن أسوأ منهم :)
ولو كان مثلك وشرواك واجد كان مالقى ثلاث أرباع هالمرتزقه لهم مكان بيننا ....

بيض الله وجهك وألف شكر على مرورك المعشب ....

تقبل عاطر التحايا ....
السفاري وبس
18/05/2007, 01:57 AM
الله يعطيك الف مليون عافيه والله انك ذيب عزالله جبت الغايبه لنا والله انك تستاهل كل خير على الموضوع الاكثر من رائع وتقبلو تحياتي
hamo0o0ody
18/05/2007, 01:04 PM
مشكور على الموضوع وكلامك في محله
هذا اللي صاير في معظم الورشات صاير مع بعضنا
لكن الواحد في ها الزمن لزم ينتبه شوي لأ اكثر العمال يبي يستفيد بأي طريقه و خاصه مثل ما قلت المخالفين ((طرطنقيه))
عقـــــــــاب
18/05/2007, 01:23 PM
موضوع يستحق النقاش صراحه

لأنني ممكن أكون أكثر واحد تعرض للنصب .

تخيل عندك تهريب زيت بسيط بسبب جلده ...ويقول لك المكينه تنقص !!!!
ويبي لها توضيب كامل مع خرط !!!!
وهات القطع وجيب كل شيء صغير وكبير من الوكاله ...وأجلس فوق رأسه حول أسبوعين ..
وطلعت السياره . وأعطيته حسابه وزود مع إبتسامه وطيب منا .
الشكمان يدخن أزرق!!
بعد التمرين وجدت زيت على البواجي !!
وأردها له بعد أن عرفت أنه قلب الشنابر .
وقال جيب القطع ومسامحك على شغل اليد ... يعني مرة ثانية تنفك المكينه !!!
قلت له هالحين أنت ياللي ماتخاف الله تخليني أوضب مكينه والمشكله جلده ب15 ريال !!
المهم سوى كل شيء على حسابه وجاني وقال
والله صديق أنا أهل كلم يقول هذا ((بقر أنت موت )) مربي بقر ومات !!
وصراحه قام يتعبر ويشاهق ...وبغيت أجاوب معه وأصيح ..
وأعطيه حقه كامل مع شغل اليد والقطع ...
يعني مرتين يفك مكينه ويفلفس بها والعله 15 ريال جلده ...
والسيارة من يوم حط يده بها ماعينت خير ...
وهالحين يتعدى من عندي ((شاري له 200l) ويدق بوري ويقول سلااااااااام مع إبتسامه ..
وأكيد بققلبه يقول الله يكثر من أمثاله ...
وأنا ما أقول غير حسبي الله ونعم الوكيل . وجزاك الله خير على فتح الموضوع .
ولد ال زايد
18/05/2007, 01:26 PM
مشكور اخوي على موضوعك وعز الله انك ماقلت الا عين العقل
abo lafi
18/05/2007, 01:54 PM
السلام عليكم
ماقصرت على اطراء الموضوع وانا في انتظارك......
بندر القصيم
18/05/2007, 05:17 PM
جزاك الله خير

والله انك صادق
الذيب الابيض
18/05/2007, 05:25 PM
جزااااااااااك الله خير على التنبيه


والمشكله فينا حنا مهوب هم

يعني هم لاقييييييييييييينا
عاشق خلاوي
18/05/2007, 09:47 PM
موضووووووووع متعوب عليه ؟؟

والله يجعله في ميزان حسناتك يوم القيامه.... وحنا بانتظارك يالعمرود
عبدالله العمرو
19/05/2007, 08:18 AM
مشكوور على الموضوع

وننتظر الجدول ...

أخي الحبيب المميز / لاعدمتك

لا شكر على واجب وتستاهلون ...

تفضل الجدول :
http://www.mekshat.com/vb/showthread.php?t=87195

تقبل تحياتي
عبدالله العمرو
19/05/2007, 08:20 AM
والله من جد هذا اللي اشوفه حاصل لنا وانا اولكم الله المستعان







الله يعطيك العافية على التنويه

هلا بك أبو عبدالرحمن

الله يعين وانا أخوك على هالدنيا وأهلها ...


شكراً لمرورك العذب ..
تحياتي
عبدالله العمرو
19/05/2007, 08:25 AM
ههههههههههههههههههههههههههههههههههههههههه مشكووووووووور يالعمرود على هالمسلسل المُضحك في حياتنا

انا كذلك أحب الهندسه(لازم يكون خبره إذا مافيه لاتهندس) ولكن بحدود يعني الأشياء الثثقيله شوي مثل المكينه والقير .. مستحيل اقربها إلا بحركات بسيطه جداً جداً الظاهر إني بفتح ورشه سفري يعني سطحة تريله متنقله بس ماضنيت بيجوني أعضاء مكشات لأن أكثرهم إذا شاف السعودي إنحاااااااااااااااش لييييييييييييييييييش !!!!!!؟؟ بعضهم بيقول غالي ! وبعضهم يبي يفشح على عِلبى أبو فسيه على راحته !! يعني يهذر ويقرق على راسه وياآمر وينهى شوي ولأ دخل معه تحت السياره! ههههه لييييييييييييييييييش !!؟

أخوي هاوي هدد / لاعدمتك
كلامك عين العقل ، وهذا اللي مفروض كلنا نسويه ...
طبعاً ما أنصح إنك تقرب المكينة طالما ماعندك العدد والخبرة الكافية لذلك ..

أما بالنسبة للسعودي وبالنسبة لي : والله لو يكون سعره دبل عن غيره أروح له وانا متطمن ..
واللي يبي يفشح على عامل وش بيحصل منها ؟؟ ؟؟ بيطول عمره يعني ؟؟ والا بيحصل ترقية ؟؟
ماهو محصل غير خساير لخارج البلد لناس تلعب علينا وتروح ...

شكراً حبيب قلوبي لحضورك ومرورك ....

تحياتي
عبدالله العمرو
19/05/2007, 08:26 AM
نحن بالانتظار باحر من الجمر

أخي تنوم /

لا تنتظر تفضل طال عمرك
http://www.mekshat.com/vb/showthread.php?t=87195

تحياتي
ابوفيصل200
19/05/2007, 08:40 AM
يا اخوان لو فيه اختبار للعامل على حسب مهنته (ميكانيكي,سباك,كهربائي,......) قبل ما تصرف له اقامة كان ما شفت العمالة اللي تتعلم على حسابنا ,,واللي يفشل في الاختبار يسفر الى بلده ويتحمل العامل او مكتب الاستقدام كل المصاريف لو طبقت كان ما شفت المهازل اللي تصير
دغيم1
19/05/2007, 09:04 AM
السلام عليكم
يعطيك العافية أخوي : العمرود
جهد تشكر عليه - واهتمام نابع من محبة
والرسول عليه الصلاة والسلام يقول :
( من أستطاع أن ينفع أخاه فلينفعه .. وفي قول آخر : فليفعل . )
لاحرمك الله الأجر والمثوبة - تسلم وحفظك الله
تقبل تحياتي - دغيم 1
الضب الصماني
19/05/2007, 09:10 AM
شكرا لك معلومات قيمة ،،، وشعور نبيل.
متفائل
19/05/2007, 09:54 AM
يا اخوان لو فيه اختبار للعامل على حسب مهنته (ميكانيكي,سباك,كهربائي,......) قبل ما تصرف له اقامة كان ما شفت العمالة اللي تتعلم على حسابنا ,,واللي يفشل في الاختبار يسفر الى بلده ويتحمل العامل او مكتب الاستقدام كل المصاريف لو طبقت كان ما شفت المهازل اللي تصير

اااه بس ياليت يطبقون هالشيء بس انا متفائل انهم يطبقونه وماظنيت في نفس الوقت
ههههههه

ذاك اليوم ركب معي كهربائي رحت انا واياه للصراف ابي اعطيه حقه وقعدت اسولف معه وقال لي : " انا في روح سفر للهند خلاص بعد اثنين شهر " قلت طيب مانت راجع مره ثانيه ؟؟ قال " يمكن مافي ارجع" ثم سكتنا شوي ثم قال لي : " انتا مافي عندك تأشيره سواااق عشان انا اجي مره ثانيه " :( قلت لا والله لو عندي تأشيره تسفير كان سفرت اغلب العماله النصابه الموجوده هنا ذهاب بدون عوده هههههههه وبس
رددو ياليل ماطولك :(

قال ايش قال تأشية سواااق المشكلة انه الكفيل السعودي هو الوسيط وهو الي يساعد على هالاشياء

يعني المسألة كبيره ماوقفت على العامل بس :mad:

والله ياجماعة لو السعوديين الي يتخرجون كهربائيين وميكانيكيين يشتغلون شغلهم لنهم متخصصين والله انهم يستاهلون المبلغ الي ياخذه العامل الي جرب على مواترنا ولا درس ولا شي

طبعا ان ماأقول العامل مايستاهل هذا رزق من الله وجاه والله اعلم والله سبحانه موزع الارزاق مافيها كلام بس اذا كان فيه ضرر على المستهلك هنا نتووووووووقف :no2:
عبدالله العمرو
19/05/2007, 11:49 AM
في الانتظار جزاك الله خير

أخي باترول82 / لاعدمتك

سم طال عمرك وما يهبا إلا إلانتظار !!!
http://www.mekshat.com/vb/showthread.php?t=87195

عسى تلقى فيه ما يفيدك ولو حرف واحد ...

تقبل تحياتي ...
عبدالله العمرو
19/05/2007, 11:51 AM
100%100000 صحيح

سدا نجد ...

شكرا لمرورك صحّح الله لك كل مايل ...

تحياتي
عبدالله العمرو
19/05/2007, 12:11 PM
اخوي العمرود يالله حيه وشلونك اشوف اليوم قالب اردووووووو مدري هندي متسعود (سعردو) ههههههههههه

والله ياخوك انا معك بشي من ما قلت واختلف معك في بعض الشي

اتفق معك في ان الشخص لابد ان يتعرف على العطال بنفسه او اي مشكلة بسيارته بنفسه سواء كان الفيوز او غيره لانه اذا عرف او تعرف على العطال فأنه يقدر يحدد قيمة التصليح ولكن المشكلة اللي تواجه فئة من الناس انهم ما يعرفون يركبون الاستبنه وهذه الفئة هي اللي جرئت الهندي وغيرة على نفس الوتيره في التعامل مع البقية

بعض الاختلاف

عملية تقييمك للتصليح فهذا رزق والرزق يدور الرازق في كونه


قال تعالى ( ويرزق من يشاء بغير حساب)

وهيا محاورة بينك وبين صاحب او هندي الورشة واما الاتفاق او البحث عن غيره بمعنا لابد ان تتفق مع الهنيدي على تحديد العطل قبل الاتفاق على السعر

بيض الله وجهك على هذا الموضوع

تقبل مشاركتي بصدر رحب

ياصاحب القلب الكبير















هلااااااااااااا وغلاااااااااااااااااااااا ومرحبااااااااااااااااااااااااا
حيالله حبيب قلوووووووبي راعي الأبل .. أسفرت وانورت ...

حبيبي :

الاختلاف لا يفسد للود قضية ...
إتفاقك معي يعني إني الحمد لله ماشي صح :)

وإختلافك معي يدلّني على الصح يعني أنت بكل الحالتين مكسب لي :)

ابي اضيف شي لكلامك بس :
الفئة اللي ما تعرف تركّب الاستبنة ، بيتعلّمون مثل ما تعلّمنا من قبل ومثل ما علّمونا اللي أكبر وابخص منّا هم بيتعلمون بعد ... وهذي فائدة اعتبرها اجتماعية وثقافة لشريحة ما كانت تعرف ...

أما بالنسبة للاتفاق على السعر فهو واجب وماكان اوله شرط كان آخره نور ... ولا نحسد أحد برزق يجيه تفضّلاً من كريم ...

ولكن المشكلة أن يستغلنا أحد بأشياء ما لها أي داعي ... وكل شي بحدود المعقول :
يعني لو بنغيّر بواجي وأجي لعامل ويقول لي 100 ريال أسكت واقول هذا رزقه ؟؟؟ ماهو معقول هالكلام .. كلنا نعرف إن 8 سلندر 25 ريال 6 سلندر 20 - 15 ريال 4 سلندر من 15 - 10 ريال .. تبي تعطيه زيادة الله يجزاك خير هذا تفضلا منك ...

أخوي راعي الأبل والله المشكلة أكبر من تحديد السعر .. المشكلة مثل ما تفضل أحد الأخوان إن العامل الجاهل أو الاستغلالي يفك مكينة السيارة مرتين ويتضح إن السبب جلدة تهرب زيت ؟؟؟

يا عزيزي نسمع ناس يقولون : سيارتي اليوم طفت علي بالطريق واخذها بسطحة لورشة قالوا له يبي لك مكينة ... انصفق الرجل !!! قالوا ولا يهمك اش عليك بيع مكينتك بتجيب لك نصف قيمة المكينة وزد على قيمتها شوي ونركبها لك ... حس بنوع من الارتياح وتسائل :
طيب وين بودّي مكينتي ومن يشتريها ؟؟؟؟
قالوا حنا نشتريها منك وندبر لك مكينة ... انبسط الرجال وقال جزاكم الله خير خلاص ...
خذوا مكينته بربع قيمتها علماً بأنها ما فكّت قبل يعني المكينة ( صفر ) وباعوا عليه مكينة موظبة مرتين ولا تجي ربع عمر مكينته بسعر مضاعف ((((( غير شغل أيديهم ))))) ...
بالله عليك نسمع ونشوف مثل هالاستغلال ونسكت ؟؟؟

يا بعد راسي الأمر والله العظيم أكبر وفيه بلاوي أكبر من هذي .... دهان أجنبي في مدينة بقدرة قادر بعد 7 شهور يلتقيه شخص يعمل ممرض في مستوصف في قرية أخرى !!!! هاهاهاااااااااا بس بوريك اللعب ...

حبيبي : أشكر حضورك اللي أثرى الموضوع وأشكر مداخلتك العطرة وحضورك المشرق ...

لك كل الحب ....

أخوك /
عبدالله العمرو
19/05/2007, 12:18 PM
انا واحد احب اصلح شيي بنفسي واذا ماعرفت مابليد حيله

أخوي الحبيب ناوي نية / أصلح لك الله النية والذرية ...

هذا شي جيد وانا اخوك ... واللي ما تعرفه استعن بصديق ثقة فاهم وتعلم شي جديد .. ما يضر وانا اخوك ...
وفي الحالات الصعبة ماعليش نروح للورش ولكن نصحصح لا يبلوعننا وحنا نشوف ....
شكراً لمرورك ...
دعواتي لك بالتوفيق ...
راع الابل
19/05/2007, 01:38 PM
ياهلا اخوي العمرود قريت كلامك كله اللي فوق وكله ينقط عسل من عسل الله يسلمه

الفئه يبون يتعلمون مثل ما تعلمنا حنا هههههههههههههههههههههههه

معصي معصي ياخوي هذولي جيل الهمبرجر والوجبات السريعة ههههههههههه ولا جررربوووا الضرب اللي مر علينا سواء كان في المدرسه او من ابوانا الله يرحم الميت منهم ويعافي الحي خلونا من الضرب نتعلم كل شي وضربهم كله تعليم وليس الا

الثانيه وانا قاعد اقرا ردك علي راح مخي يدور ويفكر وبالنهاية طلعت بموضوع جديد ولك السبق ولك الفضل لهذا الموضوع

الموضوع بأسم راع الابل والفائدة للجميع
عبدالله العمرو
19/05/2007, 11:31 PM
اخوي الغالي:قد يكون السبب في هذه المشكلة نحن لاننا وضعنا عندهم الثقة التامة وبعدين ممكن كل انسان يقدر شغله باالمعقول ويمر على اكثر من واحد ويحددالسعر واول وهله خلك عنده وقل له وش في السيارة وش تحتاج وبعدين تفاهم معه وانااقول اهم شي الاتفاق على السعر لانه قديفاجئك بسعر غير معقول ويلزمك احيانا السعر لانه ماحصل اتفاق قبل وقالوا العوام:اوله شرط اخره نور)

http://altallal.googlepages.com/endek.gif

===========


عنك يا بعدي / لاعدمتك

وأنا أبصم لكلامك بالعشر ....
كلام ما عليه غبار ...

يسلم فكرك ويعطيك العافية لمرورك المروي ....

تحياتي ...
ابراهيم
20/05/2007, 06:41 PM
السلام عليكم
ياجماعه كلامكم عين العقل
هالعماله لعبت فينا وفي الديره و المشكله في ربعنا الي مدري وش اسميهم سمحين او مغفلين او او او او
وش ترجون من رجال كان في سيارته معنا بالمحطه وعسكري بعد , يوم اني تهاوشت مع عامل محطه غشني ب20 ريال قدام عيني
جا يهدي الموضوع ويقول بسيطه ويعطيني 20 ريال من مخباه وقدام العامل بعد انا عقبها:hot:
المصيبه ياجماعه ماهي بالعشرين المصيبه بالغش الي حاصل على المسلمين من هالعماله والمصيبه الثانيه في ربعنا الي على شاكلة هالرجال
لاكن ما نقول الا الله يخلف على الاسلام والمسلمين وهالسلفه نقطه من بحر من ما واجهته
عبدالله العمرو
23/05/2007, 12:21 AM
موضوع متميز وحنا بالنتضار وشينتهم يقولك كلاص معلوم الله لا يكثرهم

أخي ولد العمدة / لاعدمتك

شكراً للإطراء وللحضور ....

تفضل أخي : الملف http://www.mekshat.com/vb/showthread.php?t=87195&page=1&pp=15

تحياتي
عبدالله العمرو
23/05/2007, 12:23 AM
صح لسانك يالعمرود


وميب بعيده بعد يسرق قطع من السياره اصليه وغاليه ويستبدلها بتجاري



صححح كللللللللك أخي هويدي ...

ماهي بعيدة وسمعنا مثل هالكلام يصير .... ولا بد نوقف على روسهم أضمن ....


شكراً لمرورك وحضورك ....


أخوك /
عبدالله العمرو
23/05/2007, 12:27 AM
هذا الي يخلي الاجانب يضحكون علينا من بعض السعوديين
قبل فتره كنت عند راعي ورشه وقف واحد قال يبي تنظيف اصابع البطاريه قال العامل 20 ريال عاد ابو الشباب يسوي فاهم قال الا 15 ريال صراحه قهرني كلمته قلت ليش انت ماتسوي هذا بنفسك مابيلها شي فك الاصابع وصب عليها مويه حاره ورجع وشد عليها فال ماني فاضي اوسخ ثوبي ويديني 15ريال خلها تولي
بصراحه بغيت ارميه في الحفره الي في الورشه من القهر
ابشرك كل الصيانه والفك والربط وتغير الفحمات والكهرباء في السياره ازينها عندي في البيت اما الشغل الثقيل اخليه في الصناعيه ووقف عند راسه لين يخلص بعد المكاسر وشويت مهاوش معهم لين يظبطون شغلتي

ومشكور اخوي على موضوعك
بس وين الي يفهمون



أخوي شامخ الهيلا / لاعدمتك

هاهاهااااااااااااا ليتك حذفته .... خخخخخخ

والله يا خي هذي بطرة على النعمة وتنظيف أصابع البطارية ماهي محتاجة أي جهد وخمسة ريالات تخب عليها ... لكن أحمد ربك إن الله أغناك عنهم ...
تحياتي وتقديري لحضورك ....

أخوك /
الصاحب الغالي
23/05/2007, 12:54 AM
هذا الواقع نعم هاذا اللي يصير
ومشكور اخوي على الموضوع



وتقبل مروري (الصاحب الغالي)
عبدالله العمرو
23/05/2007, 01:38 PM
الله يعطيك الف مليون عافيه والله انك ذيب عزالله جبت الغايبه لنا والله انك تستاهل كل خير على الموضوع الاكثر من رائع وتقبلو تحياتي


أخوي السفاري وبس ... / لاعدمتك

الله يعافيك ويجزاك خير على هالدعوة الطيبة ....

شكراً يا بعدي على مرورك العذب ...

تحياتي لقلبك ....

أخوك /
جبيلاوي_
23/05/2007, 01:51 PM
..

بيض الله وجهك

والله انك صادق

وانشالله لك أجر بهالموضوع هذا

وجزاك الله خير

بانتضار جديدك

..
عبدالله العمرو
23/05/2007, 01:55 PM
مشكور على الموضوع وكلامك في محله
هذا اللي صاير في معظم الورشات صاير مع بعضنا
لكن الواحد في ها الزمن لزم ينتبه شوي لأ اكثر العمال يبي يستفيد بأي طريقه و خاصه مثل ما قلت المخالفين ((طرطنقيه))


أخوي الحبيب / hamo0o0ody / لا عدمتك

عزّ الله كلامك صح 100% وهذا الواجب علينا نسويه طالما فيه من بياكلنا وحنا نشوف ...

والطرطنقيّة هم اللي داخلين السوق من العمالة بدون تخصص ولا خلفيات وتلقى مهنته عامل ...

أستغرب كيف البلدية تُلزٍم الحلاق والطباخ بتعليق شهاداتهم الصحية وتخصصهم ... ولكن بحياتي ما دخلت ورشة ولقيت شهادة التخصص معلقة في الورشة ....


تقبل تحياتي لمرورك الممطر ....

أخوك /
عبدالله العمرو
24/05/2007, 08:58 PM
موضوع يستحق النقاش صراحه

لأنني ممكن أكون أكثر واحد تعرض للنصب .

تخيل عندك تهريب زيت بسيط بسبب جلده ...ويقول لك المكينه تنقص !!!!
ويبي لها توضيب كامل مع خرط !!!!
وهات القطع وجيب كل شيء صغير وكبير من الوكاله ...وأجلس فوق رأسه حول أسبوعين ..
وطلعت السياره . وأعطيته حسابه وزود مع إبتسامه وطيب منا .
الشكمان يدخن أزرق!!
بعد التمرين وجدت زيت على البواجي !!
وأردها له بعد أن عرفت أنه قلب الشنابر .
وقال جيب القطع ومسامحك على شغل اليد ... يعني مرة ثانية تنفك المكينه !!!
قلت له هالحين أنت ياللي ماتخاف الله تخليني أوضب مكينه والمشكله جلده ب15 ريال !!
المهم سوى كل شيء على حسابه وجاني وقال
والله صديق أنا أهل كلم يقول هذا ((بقر أنت موت )) مربي بقر ومات !!
وصراحه قام يتعبر ويشاهق ...وبغيت أجاوب معه وأصيح ..
وأعطيه حقه كامل مع شغل اليد والقطع ...
يعني مرتين يفك مكينه ويفلفس بها والعله 15 ريال جلده ...
والسيارة من يوم حط يده بها ماعينت خير ...
وهالحين يتعدى من عندي ((شاري له 200l) ويدق بوري ويقول سلااااااااام مع إبتسامه ..
وأكيد بققلبه يقول الله يكثر من أمثاله ...
وأنا ما أقول غير حسبي الله ونعم الوكيل . وجزاك الله خير على فتح الموضوع .


أخوي عقاب / لاعدمتك

والله يا اخي إن موضوعك واللي صار لك فعلاً يقهر ... لدرجة إني استشهدت فيه بالرد على أحد الأخوان ...
يعني علشان جلدة تهرب يفك المكينة مرتين ؟؟؟؟

وين حماية المستهلك ؟؟؟؟
ولو صار مثل هذا للجميع ... إلى متى نسكت ؟؟؟ وإلى من نتوجّه ؟؟؟ الظاهر الطاسة ضايعة ...
ولا يبقى إلاّ (( إن لم تكن ذئباً ... أكلتك الذئاب )) يا اخوي ليتهم ذيابه كان أهون فيه تكافؤ ... لكن تاكلك (( تكرمون )) صخلة والله مصيبة ...

من هنا اخوي عقاب اقول :

لا بد يكون عندنا شوي مباديء في الميكانيكا وأقل شي الواحد يعرف وش قاعد يسوق ...
لكن يجيك سوّاق أقصى حد يعرفه إنه يدل اللي يفتح الكبوت !!!!

أخوي :

أشكر مرورك وإثراء الموضوع بطرحك وتفاعلك ...

والله يحفظك ويكفيك شرهم ....

تحياتي

أخوك /
عبدالله العمرو
02/06/2007, 09:24 PM
مشكور اخوي على موضوعك وعز الله انك ماقلت الا عين العقل


حيّا الله ولد زايد ....

لا شكر على واجب يا بعدي ....

شكرا لمرورك الممطر ....


تحياتي لقلبك ...

أخوك /
عبدالله العمرو
08/06/2007, 02:17 PM
السلام عليكم
ماقصرت على اطراء الموضوع وانا في انتظارك......

عليكم السلام أبو لافي / لاعدمتك

الجدول بين ايديكم وعسى الله أن يجعل فيه ما ينفعكم ...

تحياتي لقلبك ....

أخوك /
كبسولة2
28/02/2009, 03:16 AM
صاااااااااااااادق
محمد بن سعيد
28/02/2009, 08:53 AM
والله انا اغير بالوكالة لأن الموتر جديد وعلى الضمان لكن إذا بغيت اركب شيء في السيارة وخصوصاً الصناعية لازم اوقف فوق روسهم إن شاء الله خمس ساعات ما عندي مشكلة لكن ما أخلي السيارة عندهم ولا أغفل عنهم