شورتكم .. هداية الله ...........( مراوح للباترول )

[abo naser 21]

أحبابي في هذا المنتدى المبارك

السلام عليكم ورحمة الله وبركاته ..

حياكم الله وبياكم ..

ياشباب وياشيبان :D

..

قررت أني أركب .. مراوح للموتر مع العلم أنه ( باترول باب 2005 ) .

.
فأحترت .. أي نوع من المراوح أركب .. وماذا تنصحوني .

أنتظركم .. وجزاكم الله كل خير مسبقاً ..

دمتم

[الاعتدال]

ودي أخدمك بس خلفيتي بسيطة في الموضوع

وان شاء الله الشباب يقدمون لك المفيد

والله يعطيك خير الجيب ويكفيك شره

ملاحظة\انظر للرسائل الخاصة بك للأهمية

[جني قطر]

موترك فتك 2005 وحتر ركب له مراوح مكسيما لان مراوح المكسيما اقوى شي من المراوح وسلامتك

[Mr.Patrol]

اخي (ابو ناصر)

ركب مرواح سوبارو كبيره
وافضل محل يركبه وشغله زيين بس يبيله طولة بال وصبر محل فى مخرج 16 وانت متجه شرق بعد رابع اشاره تلقى محطه على اليسار فيها المحل
يشتغل المرواح بس وكل الى عليك بس تروح له ودراهمك معاك والمرواح والشغل عليه.

[غضنفر]

اتوقع نفس المراوح الي يركبونها اهل الربع تويوتا
قراند شروكي او فورد
ولا تركبها الا عند الدغيري مخرج 16
حتى هو بيعلمك وش المروحة المناسبة لموترك
والا منك ركبت المراوح
علمنا هل خف الموتر معك وعن العزم والحنة
نبي بالتفصيل الممل

[ابو شموع]

هلابك أخوي أبو ناصر
مراوح سوبارو وبس و:no2: لاتركبه الا عند عبدالرحمن الدغيري وهو أبخص :good: يقاله أبو أسامه رقم الجوال 0552222006

لازم أخذ موعد
صحيح مخرج 16 وأنت متجه شرق بعد رابع أشاره تجيك المحطه على اليسار يعني لازم أديور من خامس أشاره
أسم المحطه السعوي







وللمعلوميه : المحل فاتحه لشغل المراوح فقط :good2:

[هويدي]

مثل ما تفضلو الشباب عبدالرحمن الدغيري شغله زين

[حمد808]

افضل مراوح قراند شوروكي موديل 98

[عاشق السيل]

بالنسبة لي أنا قررت أروح للدغيري ومافيها كلام من كثر مدح الشباب

معي باترول 98 ومتعبني بالثقل والإزعاج خاصة بالصيف

والله يوفقك أخوي رح ولا تتردد تراه أزين للموتر وللمكيف وللحرارة بعد ( ألقاك هناك )

الله يبيض وجيهكم ياشباب الفزعات ،،،



عاشـقhttp://www.mekshat.com/pix/upload/sign/images/mk49539.gifالسيل

[abo naser 21]

كتبت كلام طويل وتعقيب على كل رد .. لاكن كالعادة .. لايمكن العثور على الصفحة ..

÷
÷
÷

الله يبارك فيكم ياشباب .. ويجزاكم كل خير

ردود كافية وشافية ووافية ...

صراحة .. تخلون الواحد يطق أطنابه بخيمة السيارات ..

ماقصتروا والله يجزاكم كل خير ..

÷
÷

للأسف يأخوان .. أنلي أقطن في القصيم وتحديداً في بريدة ... ( ماتخبرون لي محل بذاك )

وتبين من كلام الأكثرية .. أن مراوح ( سوبارو ) هي الأفضل ..

هذا يدعني أن أسأل سؤال آخر .. وآسف على الإزعاج .

بكم قيمة هذه المراوح ..


دمتم ودام عزكم

[شعيب المسمى]

يركبها الدغيري كاملة المراوح والحساسات والاكتاوت بحول 450 و500 بس تراه شغل وكالة
الله يوفقك

[أنجشة]

أخوي ابو ناصر

ترى مراوح الكهرب كان باركبها

بس شار علي كثر من الربع

اني ما اركبها

والسبب لو يتعطل بس كتاوت او حساس او يتلف شي من الأسلاك او التشبيك

فابحل بنفسك اذا كنت في البر

وكذلك شفت ناس مركبينها وصوتها مزعج شوي وبعدين على طول شغاله من تشغل الموتر وانت في أزعاج من صوتها

هذا على حد علمي

وياليت الأخوان الي ركبوها يفيدونا

هل هذا صحيح او خطأ

اقصد من ناحية الصوت وانها شغاله على طول

واما من ناحية انها توهيقه فهذي متأكد منها

حتى أن الي ركبو مراوح كهرب مافرطو في مروحة السيارة الأصل راكنينها في شنطة الموتر

الله يستر شي ولا شي فيركبها ولا يهلك

نستفيد من الأخوة ياليت توضيح

[abo naser 21]

الغالي / شعيب المسمى

الله يكتب أجرك يالغالي ومشكور وماقصرت ..


.

الغالي / أنجشة

معلومة جديدة ... نجعلها في الحسبان ..
ولاشك . أن لكل تغيير .. ظريبة . وأتوقع أن ماذكرت هو الظريبة ..
أما الصوت فأمره عادي .. ( المهم دلع الموتر ) ههه

شكرا أستاذي

[Mr.Patrol]

اخي (انجشة)

المرواح يركب لها حساس ماتشتغل الا اذا ارتفعت الحراره.

اما فى البر فتقدر تاخذ مروحة الوكاله معاك احتياط

لاكن الشغل اذا صار مضبوط فان شاء الله مافى خوف.

[أنجشة]

اخي (انجشة)

المرواح يركب لها حساس ماتشتغل الا اذا ارتفعت الحراره.

اما فى البر فتقدر تاخذ مروحة الوكاله معاك احتياط

لاكن الشغل اذا صار مضبوط فان شاء الله مافى خوف.





أخوي مستر باترول



وهل تركيب المروحة سهل

حتى تقوم بعمله في البر




وهل كل مرة ستسلم الجرة


وهل الجميع سيعرفون طريقة التركيب



ياليت نستفيد منك



وماتشوف ان السلامة ابرك



وهل مراوح الكهرب بالفعل مجدية ونافعة

حتى نضحي بمروحة البلاد

[abo naser 21]

للرفع ياشباب

[ع.ف.الدرويش]

هلابك أخوي أبو ناصر
مراوح سوبارو وبس و:no2: لاتركبه الا عند عبدالرحمن الدغيري وهو أبخص :good: يقاله أبو أسامه رقم الجوال 0552222006

لازم أخذ موعد
صحيح مخرج 16 وأنت متجه شرق بعد رابع أشاره تجيك المحطه على اليسار يعني لازم أديور من خامس أشاره
أسم المحطه السعوي









وللمعلوميه : المحل فاتحه لشغل المراوح فقط :good2:

ابو شموع ما قصر.. وكلامه زين وبالفعل الدغيري (ابو عبدالله) مذكور لي وما شاء الله تبارك الله شغله نظيف والاسبوع القادم او اللي بعده بالكثير مركب المراوح على موتري باترول ربع 2004..:good: اما المراوح فافضلها مراوح السوبارو.. طبعاً مروحتين لما سألت عن هالمراوح تبين إنها هي المفضلة لانها رخيصة ولانها ما تسحب كهرباء..

والله يكون بالعون..

أخوك.. أبو فهـد..

[ابو فهد 1]

هلا والله باابو ناصر ....


بسيطه تبي شغيل ببريده عندك محمد العثيم شغله بلمروح والشغلات الحلوة

مكانه سلمك الله بصناعيه الرواف جهته الي وراء محل الهبدان التجاري


رح لمه وهو ابخص وش تركب مرواح وشغله ماشاء الله

واذا تبي شي حنا حاضرين ..

[مواري خير]

السلام عليكم ورحمة الله وبركاته
اخي (ابو ناصر) أنصحك

ركب مرواح سوبارو أربع سرعات ركبتهم قبل 3سنوات في موتري ربع 99 باترول وشفت الفرق واضح من ناحية الخفة وقلة صرف الوقود مع العلم إني ماخليت مكا ن مارحتله بس وحده منهن إن فكت معي في الربع الخالي وفصلت السلك من الكتوات وركبلهم حساس رقم 40في الصيف و70 في الشتاء على نفس الخرطوش حق المويه من فوق عشان تتأكد منه إنه شغال ولاتنسى تركب فرارات أخف لموترك الله يعطيك من خيره ويكفيك شره

[^_^]

والله يابعدي كتجربتي وأسأل مجرب
ولا بعد على كلام أخوي ع0ف0الدرويش ماقول شي عقبه
أبو أسامه الدغيري لا تعداه
والله يوفق الجميع

[المميـز]

محمد العثيم ببريده انا مجربه ومركب عنده مراوح سوبارو 0554889118

[ابو نوره]

وعليكم السلام
والله يا ابو ناصر كل الشباب يمدحون مراوح السوبارو
وباذن الله الاسبوع الجاي بركبها على سفاري 99
وبالنسبه للمحل مايمدحون الا الدغيري