ماهو الأفضل الأنوار الصفراء أم البيضاء

[o ياسر الحربي o]

أخواني أهل الخبرة في السيارات وبالضبط اللي لديهم خبرة في تحسين انوار السيارات


أيهما الأفضل الأنوار الصفراء أم البيضاء ؟
بحثت في المحلات عن الأقوى فوجدت
أن الأقوى الأبيض
لكن أنا ارى إن الأصفر مدى الرؤية أكبر
وإذا ركبت ابيض أقوى وجدت إن مدى الرؤية أقل لكن أوضح من الأصفر
أفيدوني عن الأفضل وكم قوة الواط حقته
فأنا أريد مجال رؤية طويل
لأني ما أحب أمشي إلا بالليل
وكثير السفر
وأقطع طرق زراعية
سيارتي كامري2001 ولاغيرت الكتاوت ولا شيء

[شامخ ألهيلا]

في الرؤيه في جميع الاحوال والاجواء (الاصفر)
بس اذا بغيت قوة زيادة ركب شمعات 100 على كتاوت واتحدى اقوا زينون
لان الابيض يجهر الناس وانت ماتستفيد منه اما الاصفر يعطيك رؤيه قويه ولايؤذي الناس مثل الابيض والازرق

[شبح الصحراء]

الأصفر مخصص للضباب والأبيض لكل الظروف .

[باثفندر]

http://www.mekshat.com/pix/upload/sign/images/mk41765.gif


انا اشوف ان الاصفر اقوى بواجد ويسري اكثر ويعكس علية اي شي اما الابييض والزنون يجهر ويعمي على الفاضي ما ينور ابد

وفي شغله بالنسبة للكتاوت انصح راعين السيارات اللي تجي انوارها الامامية (الاسطبات ) بلاستيك انه اذا يركب كتاوت لا يغيير الشمعة

لانها احتمال تذوب او تتغير من داخل من واقع تجربه مع سيارة مكسيما 99 صار فيها فتحة في الانوار .

[المميـز]

الكامري ماشاء الله تبارك الله

عليها نور مهب صاحي الله لايضره

وشوري لك لا تغير به شي

[عاشق السيل]

ماشاء الله ،، معك كامري وتبي تغير النور ؟؟!!!

أنصحك لاتخلي أحد يدعي عليك ،، أنوارك زي الفل !!

بس احرص على تنظيف زجاج الأنوار والله يسهل طريقك ،،،،

تقبل مروري لو إنك ما استفدت مني شي !!!!



عاشـقhttp://www.mekshat.com/pix/upload/sign/images/mk49539.gifالسيل

[هاوي الله]

النور الأصفر = جيد

النور الأزرق = غير جيد

النور الأبيض = ممتاز × ممتاز >>> على الخط وفي كل مكان

تحياتي ,, أخوكم >> هاوي زينون أبيض

[abo naser 21]

غير الأصفر لاتدور ..

أعمونا هالمبزرة بالزنون ..الله لايعيد من صنعه

[ع.ف.الدرويش]

النور الأبيض = ممتاز × ممتاز >>> على الخط وفي كل مكان



وانا مؤيد لكلام هاوي الزينون الأبيض..:good:

[الفارس3]

طيب يا شباب انا موتري انواره الاماميه شد وكالة من البازعي ما تجي زنون بس تجي هلوجين وما ادري ايش سالفة هالهلوجين هو افضل من الزنون ...؟ على كلام الوكالة يقولون الهولجين افضل من ناحية الرؤية والاضائة ...... الوكالة يقولون 2007 كله ماجا الاهلوجين والزنون في 2006 فقط؟؟ وانا رحت محلات الزينه بالدمام وشرية انوار زنون المانية ماركة بورش ب600 ريال بس مو مثل الاصلي ....؟

[المميـز]

غير الأصفر لاتدور ..

أعمونا هالمبزرة بالزنون ..الله لايعيد من صنعه

عز الله انك صادق

[هولوكس2005]

غير الأصفر لاتدور ..

أعمونا هالمبزرة بالزنون ..الله لايعيد من صنعه


والله بأنك صادق انا مركب كتاوت شغل يدوي لهن عندي حول ال7 سنوات وشمعات اوسرام 80/100 ورافع قاعدت النور ومنزله من عندي بالفرار الي عندي داخل السياره

الي يكبس علي العالي ويعلق ارفع النور على صفر والله بأنهم يهونون لأن النور يصير بجبهت السواق
مشاءلله
وواحد من اخويياي معه زي موتري هايلكس باع الزنون وراح لم التركي يركبله كتاوت ويرفع له النور لأنه اعجبه الشغل


والاصفر صراحه ممتاز للخطوط وللبر وجهة نظر

[هاوي الله]

بعض المرات ما ألوم اللي يصقع العالي على الخطوط(خط مزدوج=مسار واحد) والسبب = الإبل + وجود قطع كفرات على الخط ..الخ

[بيت طين]

عليك بالابيض ولا افحص نظرك يمكن عندك مشكله بالنظر والله اني صادق ترى كثير من الناس ماينتبه ان المشكله من عيونه ولا الابيض مايعلا عليه حتى اللي يبي يركب زنون يركب ابيض موب ازرق والله انا نشوف الضبا في السودان على راس النور ولا احلا منه شي .

[sasasasas]

ما كل نور ابيض ممتاز

قوي ويعمي بس للسيارات الي تجي من الوكاله نور ابيض وغيره لا تفكر

[شبح الصحراء]

أنت تقصد الكشافات الصفراء التي تستخدم في الجيوب؟
الصفراء كما ذكرت مخصصة للقيادة في الضباب لأن ضوءها لا يتشتت في الضباب مثل الكشافات البيضاء .


http://www.taillightking.com/images/Fog-Driving_Lights/Aris_6-1-2inch_NEW_FogLight.JPG

[ع.ف.الدرويش]

بعض المرات ما ألوم اللي يصقع العالي على الخطوط(خط مزدوج=مسار واحد) والسبب = الإبل + وجود قطع كفرات على الخط ..الخ

:) حبيبنا هاوي هدد كلامه درر.. وفعلاً ما أعتقد إن هناك إنسان عاقل ويميز الخطأ من الصواب يتعمد صقعة العالي بعيون هالبشر.. لكن بنفس الوقت الكل هنا معذور (رايح وجاي) وللأسباب اللي أوردها اخونا هاوي.. والله يكفينا واياكم شر الطريق وشر منهو بالطريق (بعارين وغيرها)..:rolleyes:

اخوكم.. أبو فهد..