افتوني في امري الدبل في الددسن ميزة والا عيب؟؟؟

[GMC79]

السلام عليكم

اخوكم له مدة يدوج في المعارض يدور موتر

المهم واجهتني مشكلة قاعد اقلبها في راسي مدة وهي الدبل في الددسن ميزة والاعيب

كنت اظن انه ميزة والددسن بدبل اغلى من الددسن بدون دبل

لكن شفت شي جعلني ما اجزم بهذا الشي واشاوركم قبل

شفت ددسن غمارة دفرنس واحد موديل 2002مكيف بس لاطارة هوا ولا بخاخ كلبليتر بوديه ماجاه سمكره بس فيه طعجتين او ثلاث وماشي ثلاثمية الف 300000كلم نظيف ماعليه محدود ب27000ريال

وشفت ددسن غمارة موديل الفين 2000 دبل طارة هوا وبخاخ بوديه حول الاول زين ماجاه صدوم وماشي 151000 كلم ومحدود 25000ريال

فبرايكم هل هو تفاوت طبيعي في السوق ؟
او فعلا ان الدبل عيب؟
او كلها سوا؟
او الدبل ميزه؟

بانتظار اراؤكم

[قتال]

السلام عليكم ورحمة الله وبركاته ،،،

يفترض أن يكون الدبل ميزة .. ولكن رغبة الناس بالعادي ..

وعندنا بالكويت ما يرغبون الدبل ولا تلقى اللي يقول بكم .. ويفضلون العادي ..

وهذا الملاحظ دائماً في الحراج .. وكذلك يوجد فرق بالسعر لصالح العادي ..

[sameer_1798]

الدبل أكيد ميزة وبلا شك لكن عند عشاقه فقط وهم قليل بالمقارنة مع العايدي ولذلك تلقاه في بعض الأوقات أرخص من العايدي

لأن أغلب الناس عندنا يفضلون الجيب عنه بالقوة , والسعة . والراحة .
بالنسبة لي أفضل الهايلكس الدفرنسين عن كل الجيوب لأني مجربهم كلهم بس بشرط يبغاله بعض التعديلات البسيطة .

[هاوي الله]

وعليكم السلام ,,

أتوقع إنه تفاوت طبيعي في سعر السوق .. واشوف إن الدسسن الدبل سعرها مناسب .

:D(((((اليوم أبشرك مافيه ضغط )))):D

موفق ,,

[المميـز]

انت شفت موديل 2002 غمارتين مكيف وبسعر 27 الف

انا من وجهت نظري هذا سعره

وبالنسبه للي موديله 2000 غماره وتراه موديل 2000 يعني عمره 7 سنين ودبل مايتعدى 20 الف



ويمكن اكون غلطان بكلامي ما ادري !!!

[الدحبول]

الدتسن مرغوب عندنا بالسعودية عادي
1)قطع الدبل غالية
2)غير ماتوفره إلا في الوكالة
3)شكله قبيح الدتسن الدبل
4) مارغبوة
5) في حال إعادة البيع دور على زبون إن شايف دتسن موديل 2005 ماشي 40 إلف شيفة من عام 2006 في بدايتة 2006
رحت المعارض قبل إسبوع ولاحصلته يعني له سنة واقف بالمعرض و محدود ب50 الف سالت واحد يشتغل في المعرض
قلتلة وين دتسن إلي عندكم قال راحة قالتلة بكم قال ب 45 إلف

[عاشق السيل]

تفاوت طبيعي بالسعر لأن رغبة العادي أكثر ولو رحت للوكالة لقيت الدبل أغلى من العادي ،،

وإذا كنت راعي طلعات للبر أنصحك تاخذ الدبل بدون ماتشاور خاصة إنه أرغب لك وأرخص من العادي ،، وإذا تبي رايي لاتفكر تبيعه تراه ينفعك ديرة وبر وتحميل ..

والله يوفقك بأحلى سيارة ....



عاشـقhttp://www.mekshat.com/pix/upload/sign/images/mk49539.gifالسيل

[abo lafi]

السلام عليكم
الشباب ماقصرو قالو الي عندهم
والدبل عمره ماكان عيب ولاكن يمكن يكون تفاوت في الاسعار

[الطـرقي]

الدبل فيه عيب واحد انه يثقل على الموتر

انا معاي ددسن دبل 2006 والله الموتر حلو بس عيبه انه ثقيل بس موب ذاك الثقل الي يخليه عيب يعني لو تركب له فرارات ومراوح يطلع تمام التمام

اما الددسن العادي فهو زين وخصوصا انه خفيف واللي كثير يسافر احسن له

لكن للبر لا تشاور الددسن الدبل ما عليه كلام ممتاز بالحيل

[GMC79]

الاخ الحبيب قتال شرفتنا بمشاركتك

الاخ الحبيب سمير اكيد ميزة لكن رغبة الناس عندنا مقدمه

الاخ الحبيب هاوي هدد (الله يكفينا شر الظغط) برايك انهن بسعر واحد

الاخ الحبيب المميز تراها مافرقت واجد في العمر سنتين بس لكن الممشى 150000كلم فرق

الاخ الحبيب الدحيول شكرا جزيلا لكن القطع تفرق عن العادي في غير مايتعلق بالدبل

الاخ الحبيب عاشق السيل شكرا على النصيحة

الاخ الحبيب ابو لافي شكرا على مرورك

الاخ الحبيب الطرقي شكرا على عرض التجربه