من يعرف سبب هالمشكلة ؟؟؟ .. وله مني الشكر

[ينساب صح]

السلام عليكم
الله لا يحرمكم الاجر يا أخواان
طلعت عندي مشكلة في سيارتي اليوكن وهي كالتالي تغيرات الجير ليست كما كانت .. في تاخير في الاقمة في الاول والثاني يحن شوي ثم يلقم اتمنى انها وضحت المسلة .. هل هي كلاتشات او ماذا ؟؟

والآهم من ذالك من يعرف مهندس قير محترم وفاهم شغلة واسعارة معقولة ؟؟؟

واالله يجزاكم الف خير

[sasasasas]

اخوي هاذي المشكله تحصل من جيوب النسيان القير الاتماتيك والعادي

وانا اعرف واحد من الاخوان تحصل معه المشكله يوم وداه الوكاله طلبو منه تغير القير

وللمعلوميه ما لقى من يحل المشكله
بس ياليت تجتهد تدور لك واحد يقدر يحلها وان شاء الله تلقى الحل

وياليت تعلمنا اذا عرفت الحل

[قناص الحبارى]

خوي الغالي ينساب صح



السلم عليكم ورحمة الله وبركاته



أولا موديل سيارتك لا هنت ..



ثانيا من متى حصلت لك المشكله ؟؟



ثالثا هل كنت مغرز والا ساحب أحد وزورت على السياره والا فجأه حصلت لك ..؟؟



رابعا لا تسوي شي للسياره ولا توديها لأحد حتى تجاوبني على الأسأله...





أنتظر ردك وبأذن الله الحل عندي





اخوك/ قناص الحبارى



ابوعبد العزيز

[بدوي جنوبي]

كلام ابو عبدالعزيز صحيح ولا تستعجل

ممكن يحتاج تغيير فلتر وزيت

فيه شي اسمه منظم سرعات ممكن يحتاج وزن للسرعات



بالتوفيق

[ينساب صح]

الاخ sasasasas
مشكور اخوي ولا قصرت على النصيحة الله يجزاك الف خير

الاخ ابو عبدالعزيز
الله يخليلك عبدالعزيز يا رب ويحفظة ان شاء الله
قبل ما انسى ان في مدينة الرياض الغالية على قلبي
وراح اجاوب على اسئلتك كالتالي:
أولا موديل سيارتك لا هنت ..
2004م ماشي 165 الف
ثانيا من متى حصلت لك المشكله ؟؟
تقريبا ما لاحظتها الا امس مع العلم اني شديد الملاحظة
ثالثا هل كنت مغرز والا ساحب أحد وزورت على السياره والا فجأه حصلت لك ..؟؟
فجاه حصلت علما لي مده ما طلعت البر من الشتاء الي راح .. ولكن اخوك من تقريبا سنه ونصف وحولها.. سبق وان سحبت سياره ولد الاخت ( الله يهديه ) جيب نيسان من فوق الطعس وهو طافي لان السياره ضاعت مافتيحها والمسافة تقريبا ربع كيلو نفود والباقي اثنان كيلو اسفلت
اما الغراز ما نعرفة ابشرك في اليوكن والله الحمد
رابعا لا تسوي شي للسياره ولا توديها لأحد حتى تجاوبني على الأسأله...
ابشر والله يا الذيب
والله يخليك لعين ترجيك

[ينساب صح]

الاخ بدوي جنوبي
بيض الله وجهك يالنشمي

[ينساب صح]

ههههههههههههههههههههههههههههههههههههه
العجلة شينه يالربع

آسف اخوي بدوي جنوبي
على الخطاء الحاصل

[غالي]

تراها تحصل لاكثر السيارات
انت رجلك ثقيله بالازفلت لاتقولي لا
يعني وانت ماشيء فجأة تدعس ويرجع نمره
وكان معي شيروكي أتوماتيك طالعه لي نفس مشكلتك وقالوا لي
منظم القير ب1800 ريال تقريبا (طبعا قطع غيار الشيروكي نار)
على كل اخوي
نصيحه مني لاتشغل بالك
وتروح المشكله نسبياً نسبياً اكرر يعني مو اكيد
اذا مسكت خط سفر طويل ودخلت الديره بتلاحظ الفرق انها راحت
لكن
اذا رجعت تقرص على الموتر فجأه مثل ماقلت لك
تراها بترجع

[a.الخثلان]

أذكر كان معي فرد

وطلعت لي هالمشكلة يعلق بالأول ثم ينتع ويعشق ويعلق بالثاني

قمت مرة من المرات وأشب عليه وادعس وأدبل في التدعيس ألين طلعت روحة ثم زبط الموتر

واتوقع من المنظم

وزي ما قال أخوي غالي الي رجله حارة ما ينفع له التوماتيك

[المميـز]

راعي فكسار صارت معه نفس المشكله

غير زيت القير وغير فلتر وضبط ماشاء الله

[northstar46]

بسيطة بسيطة غير فلتر وحط زيت أصلي أصلي ماهو بالبيد والطقة بس

[عاشق السيل]

غالبا تكون من الحساسات ،،

لكن عموما فيه ورشه اسمها ( دلتا ) في وسط شارع الجمعية بالصناعية القديمة
اسأل عن المهندس جورج ( هذا جني بالأمريكي ) ،، على فكرة شغلتهم بس أمريكي وخاصة بالقيور ،،
واحذر كل الحذر لاتروح شلنجر أو ترايستار هذولا أكبر حرامية بالعالم ،، خذ نصيحتي ولن تندم ..



عاشـقhttp://www.mekshat.com/pix/upload/sign/images/mk49539.gifالسيل

[القانوص]

السلام وعليكم جميعا ياخوان
يا اخ ينساب صح
لا تتعبث بسيارتك ترى ما فيها شي الا قطعه بسيطه وهي:
بلف راكب على البخاخات يعير القير على الماكينه بدل هالبلف وتراه رخيص قبل ما تعبث بالسيارة.
والله اعلم
اخوك القانوص

[راعي ساموده]

انا متاكد اخوي انها مشكله بفيوز الحساسات حقت القير ( رح للجميح اللي بطريق خريص قبل الصاله الرئيسه فيه شارع بينهم وبين صالة المستعمل ادخل يمين طول يجيك سور على ايدك اليسار باخر السور قبل نهاية الشارع فيه فتحه صغيره فيها ورشه معفنه ههههههههه شكله غلط بصراحه بس الكهربائيين اللي فيها هم نفسهم حقين الوكاله ) عندهم جهاز يشيكلك على كهرباء السياره كامل بخمسين ريال وانتبه تلعب بالقير.
وتاكد اذا عندك شاشة دي في دي ومشبوكه على الفيوز شيك على التوصيلات . وجزاك الله خير انك عطيتن فرصه ( اتفلسف )

[ينساب صح]

السلام عليكم ورحمة الله وبركاته

حقيقة لانشغالي الفترة الماضية لم استطيع الدخول على النت والرد عليكم .. وناسف على ذلك .. وسوف إبداء في الرد على الإخوان

وبعد ذلك نعطيكم النتائج

بسم الله على بركة الله

الأخ / غالي

مشكور على نصيحتك وبخصوص رجلي ثقيلة .. مو مررره على خفيف .وبيض الله وجهك يالذيب

الأخ / الزينون

يعطيك العافية ولا قصرت

الأخ / المميز

شكراً لك

الأخ / northstar46

شكراً على نصيحتك ويطولي عمرك

الأخ / عاشق السيل

شكراً على النصيحة وأبشرك إني شطفتهم على الماشي ( جورج _ وفادي )

الأخ / القانوص

يطولي عمرك ووصلت النصيحة وبيض الله وجهك يالذيب

الأخ / راعي سامودة

خذ راحتك وسع صدرك وتفلسف وكلي أذان صاغية هههههههههه

وأشكرك مرررررررره على النصيحة بخصوص الورشة وجزأك الله خير



واشكر جميع الإخوان الذين قدموا لي النصيحة أو مشورة أو غيره ويضاء الذي لم يستطع

ما يسعني الإ أقول لكم الله يجزاكم ألف خير ويرحم والديكم عن النار ويعطيكم على قد نيتكم ويرزقكم في الدنيا وآخرة.



شكر خاص جداً جداً جداً

للأخ ابو عبدالعزيز ( قناص الحباري ) على ما قدمه لي من نصيحة عبر الهاتف الجوال والمتابعة معي لدى الورشة وحرصه لخدمت أخيه في الإسلام .. والله يجزاك الف الف الف الف خير ويخليك لعبدالعزيز وإخوانه يالنشمي .

وحقيقة ان الشخص يكسب علاقات مع رجال شقرديه ويحبون الخير لإخوانهم عبر هذا المنتدى والله العظيم أنها لا تقدر بثمن.



وأخيرا نعطيكم النتائج عن السيارة

أمس الصباح مستأذن من الدوام من الساعة ثمان يعني راح امزمز عليهم في الورش ( ونصيحة مثل هذه المشاكل المعقدة والغير واضحة وتكون في أماكن خطره مثل القيراو المكينة .. انصح من خلال خبره متواضعة مر عشره مهندسيين ( صيغة مبالغة ) قد ما تقدر مر ولا نتأب خسران شي للان كل واحد يزودك بمعلومة وتعرف وش المشكلة بدقة ) .



لقد تم عرض السيارة على خمس او ست ورش والله اني نسيت وهي ورش متخصصة في الجير ( شلنجر الفرعيين الثنيين يعني مهندسيين – ترايستار – دلتا - ورشتيين نيست وش أسمائها) وتفقو على أن السيارة سليمة ولا فيها إلا العافية .. وسبب التغير إلي حاصل حسب إفادتهم أنها ماشية كثير وهذه غير مقلق والقير سليم 100%

ونصحوني فقط بتغير فلتر الزيت الخاص بالقير بعد ما يتأكد انه مناسب للتغيير !!

ومن ضمن الفوائد التي استنتجتها من هالمشكلة ان كل سيارة لها سرعة محددة تغير من نمره إلى نمره آخرا إذا أنت عرفت السرعة المحددة من خلالها تعرف إن القير سليم ولا .. لا ( أن شاء الله وصلت المعلومة )



على العموم اشغلانا كم بهالموضوع ...

وما قصرتم يا إخوان وأي واحد يبي يستفسر عن أي شي نحن في الخدمة بقدر المستطاع .

وشكراً جزيلاً

[ينساب صح]

آسف يا شباب
بعد ما جهزت الرد تطلع لي هالمشكلة
والله ما ادري وش الحل

[ينساب صح]

السلام عليكم ورحمة الله وبركاته

حقيقة لانشغالي الفترة الماضية لم استطيع الدخول على النت والرد عليكم .. وناسف على ذلك .. وسوف إبداء في الرد على الإخوان

وبعد ذلك نعطيكم النتائج

بسم الله على بركة الله

الأخ / غالي

مشكور على نصيحتك وبخصوص رجلي ثقيلة .. مو مررره على خفيف .وبيض الله وجهك يالذيب

الأخ / الزينون

يعطيك العافية ولا قصرت

الأخ / المميز

شكراً لك

الأخ / northstar46

شكراً على نصيحتك ويطولي عمرك

الأخ / عاشق السيل

شكراً على النصيحة وأبشرك إني شطفتهم على الماشي ( جورج _ وفادي )

الأخ / القانوص

يطولي عمرك ووصلت النصيحة وبيض الله وجهك يالذيب

الأخ / راعي سامودة

خذ راحتك وسع صدرك وتفلسف وكلي أذان صاغية هههههههههه

وأشكرك مرررررررره على النصيحة بخصوص الورشة وجزأك الله خير



واشكر جميع الإخوان الذين قدموا لي النصيحة أو مشورة أو غيره ويضاء الذي لم يستطع

ما يسعني الإ أقول لكم الله يجزاكم ألف خير ويرحم والديكم عن النار ويعطيكم على قد نيتكم ويرزقكم في الدنيا وآخرة.



شكر خاص جداً جداً جداً

للأخ ابو عبدالعزيز ( قناص الحباري ) على ما قدمه لي من نصيحة عبر الهاتف الجوال والمتابعة معي لدى الورشة وحرصه لخدمت أخيه في الإسلام .. والله يجزاك الف الف الف الف خير ويخليك لعبدالعزيز وإخوانه يالنشمي .

وحقيقة ان الشخص يكسب علاقات مع رجال شقرديه ويحبون الخير لإخوانهم عبر هذا المنتدى والله العظيم أنها لا تقدر بثمن.



وأخيرا نعطيكم النتائج عن السيارة

أمس الصباح مستأذن من الدوام من الساعة ثمان يعني راح امزمز عليهم في الورش ( ونصيحة مثل هذه المشاكل المعقدة والغير واضحة وتكون في أماكن خطره مثل القيراو المكينة .. انصح من خلال خبره متواضعة مر عشره مهندسيين ( صيغة مبالغة ) قد ما تقدر مر ولا نتأب خسران شي للان كل واحد يزودك بمعلومة وتعرف وش المشكلة بدقة ) .



لقد تم عرض السيارة على خمس او ست ورش والله اني نسيت وهي ورش متخصصة في الجير ( شلنجر الفرعيين الثنيين يعني مهندسيين – ترايستار – دلتا - ورشتيين نيست وش أسمائها) وتفقو على أن السيارة سليمة ولا فيها إلا العافية .. وسبب التغير إلي حاصل حسب إفادتهم أنها ماشية كثير وهذه غير مقلق والقير سليم 100%

ونصحوني فقط بتغير فلتر الزيت الخاص بالقير بعد ما يتأكد انه مناسب للتغيير !!

ومن ضمن الفوائد التي استنتجتها من هالمشكلة ان كل سيارة لها سرعة محددة تغير من نمره إلى نمره آخرا إذا أنت عرفت السرعة المحددة من خلالها تعرف إن القير سليم ولا .. لا ( أن شاء الله وصلت المعلومة )



على العموم اشغلانا كم بهالموضوع ...

وما قصرتم يا إخوان وأي واحد يبي يستفسر عن أي شي نحن في الخدمة بقدر المستطاع .

وشكراً جزيلاً

[ينساب صح]

ما زالت المشكلة موجودة

على العموم الله يعينكم يا شباب

[desert mirage]

السلام عليكم ورحمة الله
يا اخوان اللي عنده مشكلة في القير الأمريكي خاصه وبقيه القيرات عامه يمر على المهندس السعودي المحترف ابن شعلان في صناعية الشفاء مكانه غير واضح وبإمكانك تسأل محلات قطع غيار الأمريكي في صناعية الشفا عن مكانه ويدلونك عليه ( ورشة الشعلان )
وهو رجل متوسط العمر متخصص في القيرات الأمريكي رجل محترف وصادق ولا ياخذ فلوس ( فيه حيا زايد عن حده ) ولا جيته يمكن يعزمك بعد ويذبح لك ذبيحه طيب ونادر ويبذل كل مافي جهده من الشغل الزين والنصايح المفيده وهو متواجد بإستمرار في الورشه وعنده مستودع كبير في مكان خفي في الورشه أتحداك تكتشفه لو جلست تدور عليه شهر كامل ما تعرف وين المستودع .
أقول زيارة لذلك المهندس تعتبر رحلة ممتعه بحد ذاتها .

[بدوي جنوبي]

الاخ ينساب صح
عشان ما تتكرر نفس المشكله حاول تسوي تنظيف لملفات تعريف الارتباط وملفات الانتر نت المؤقته
واعد تسجيل الدخول وان شاء الله تنحل المشكله

بالتوفيق

[desert mirage]

اخي الكريم
رح لمحطة الجميح وتلقى فيها ورشة ميكانيك خفيف وتغيير زيت أعرض عليهم مشكلتك واسمع رأيهم ولا تصلح شيء في القير أبدا بس غير زيت القير مع الفلتر وجربها انشاء الله تصير زينه وإذا ماصارت زينه ودها لولد ابن شعلان في صناعية الشفاء يعرفونه محلات قطع غيار الأمريكي في الشفاء مهندس قيرات سعودي محترف إذا ما فادك ماضرك .
ملاحظة هامة :ـ
أرجوا من الإخوة عدم تغيير زيت القير وفلتر القير إلا في محطات شركة الجميح فقط ويعطونك فاتورة تضمن لك الشغل النظيف لأن خراب جميع القيرات يكون من محلات وورش تغيير الزيت لأن أكثرهم لعنة الله عليه يسد مصفى القير قبل مايركبة او يسد أحد فتحات القير الصغيرة ممكن بقطعة منديل أو قرطاسه ويخرب عليك القير بعد شهر أو شهرين أو يوم أو يومين والمشكلة إذا رحت للميكانيكي مثل ورشة ترايستار أو غيرها تبي تصلح القير يكتشفون ان القير مسدود أو الفلتر مسدود ولا يعلمونك يسكتون ويقولون لك القير خربان بأسباب أخرى .
بعدين لا تغير زيت القير بإستمرار وفي أوقات قريبة زيت القير ممكن تغيرة كل سنه كل 8 اشهر حسب ممشاك

[الرهدن]

وعليكم السلام ورحمة الله وبركاته :



أذكر ورشة أحمد المشعل بالصناعية00

وإلا شف اللي قالوا لك الشباب ( السعودي اللي بالشفاء )



إياك إياك تروح لأجنبي وخاصة أبو شكيم بجميع أنواعه :no2:





وصدق عاشق السيل حيث يقول :





واحذر كل الحذر لاتروح شلنجر أو ترايستار هذولا أكبر حرامية بالعالم ،، خذ نصيحتي ولن تندم ..



.

[أبونواف42]

هلا أخوي انا كان معي يكون جديد 2003 كان احيانآ يغير من الأول الى الثاني بصوت كأنه بينكسر الاحظه تقريبا الظهر واتوقع من ارتفاع الحراره لكن وديته الوكاله يقولون طبيعي وما ادري لكن اني بعته وافتكيت منه

[مقلب]

ان قلنا فلتر او منظم
الفلتر والمنظم مالها دخل في الحنه
لكن تساعد على التغيير بليونه
لكن اذا كانت الحنه والسيارة تحس انها تمشي
هذا الفلتر ,,, واذا كانت حنه والسياره تشوف انها
ماتسحب هذا كلتشات القير يعني لزم توضيب او تغيير الغير


تحياتي