حرارة الجمس ذبحتني

[جمس454]

السلام عليكم
يا شباب انا معي سوبربان موديل 1993 بس في مشكلة انو السيارة تحمى
امشي فيها عادي بس لما اوقف على اشارة يصير صوتها عالي وتطول لما تغير القير وبعدين امشي شوي وترجه زي ما هي ويطيح عزمة .... مع اني مركب مروحة اضافية وشايل البلف والديتر كبير ..بس نفس الشيء ارجو الرد ضرووووري

[جمس454]

:confused: :confused: :( :( :( :mad: :mad: :mad: :mad:

[stranger]

السلام عليكم
هذي المشكلة صارت معي 0 ولكن عندي سؤال هل لما يرتفع صوت المكينة تكون لمبة ( check engine ) مولعه 0 خذ الحل
دور على فيوز مكتوب عليه (trans) وهو خاص بالقير أفصله والسيارة شغاله راح تطفي معك السياره شغلها وتوكل على الحل0 هذي مشكلة حساسات شوفلك ورشة فيها كمبيوتر تفحص لك السياره وتشوفلك الحساس العطلان وبدلة وانشاء الله تزبط معك السياره

[جمس454]

هل لما يرتفع صوت المكينة تكون لمبة ( check engine ) مولعه ؟
لا المبة طافيه

[stranger]

اخوي جمس 454 السلام عليكم
اعتقد مشكلتك في أحد الحساسات صارت معي وانا جاي من الطائف إلى الرياض وقفت عند المحطة أعبي بنزين صار صوت الماكينة مرتفع مرة وترج معي السيارة وارتفعت حرارتها والقير ما يغير ولكن كانت لمبة (check engine ) مولعه وقبل كانت طافية حاولت ما نفع معي إلى بعد ما فحصت الفيوزات لقيت فيوز مكتوب عليه ( trans ) يعني القير شلتة طفت السيارة وركبتها مرة ثانية وشغلت السيارة اشتغلت زي اول وطاحت الحرارة وصفت الماكينة والقير صار يغير وطفت لمبة ( check engine )
فأنصحك تسوي الحركة ذي في سيارتك إذا مشت معك ودي سيارتك عند ورشة فيها كمبيوتر فحص وتأكد من الحساسات 0 وإنشاء الله أكون أفدك 0

[stranger]

آسف للمشاركة مرتين لأن الأتصال انقطع معي
ولكن جرب الفيوزات وإنشاء الله تنحل المشكلة

[جمس454]

يعني اشيلة والسيارة شغالة

ووين مكانة بالضبط

[جمس454]

لمبة (check engine ) تولع اول مادق سلف ثم تطفي

بعدين وين ماكن الفيوز مالقيتة ؟

[جمس454]

up
up



up

[يوكن]

أولاً فك بلف الحرارة هذا يرفع حرارة المكينة لأنه وضع منضم للحرارة ويجب ان تكون حرارة المكينة مابين الثلث إلى النصف حتى تكتمل عملية الإحتراق وبعدين المنصم يقفل الموية عن المكينة حتى تبرد في الديتر وعن ماتحتاج المكينة للماء يفتح المنضم ويأخذ الماء من الديتر المبرد وتذهب الموية الطالعت من المكينة حارة إلى الديتر حتى بترد وهاكذا ، أرجو أن تفيد هذه المعلومات جميع الأعضاء للفائدة وشكراً .

[قناص الحبارى]

اخوي الغالي / جمس 454

السلام عليكم ورحمة الل وبركاته ..

الحراره ترتفع وأنت واقف بس .. تأكد من كلتش المروحه ,, يعني بالعربي طف السياره وفر المروحه بايدك .. تلقاها ثقيله ولا خفيفه ...

وثانيا شف رديتر المكيف لأنه قدام راديتر السياره حاول تنظفه لأنه يمنع الهوا لا يدخل للمكينه ..
لأنك أكيد راعي بر والغبار والطين والوسخ يلبد بالرديتر حق المكيف .. غسل السياره بالبستم وأفحص كلتس المروحه وما عليك إلاالعافيه أن شاء الله

أخوك/ قناص الحبارى

[جمس454]

اخوي الغالي / جمس 454


السلام عليكم ورحمة الل وبركاته ..

الحراره ترتفع وأنت واقف بس .. تأكد من كلتش المروحه ,, يعني بالعربي طف السياره وفر المروحه بايدك .. تلقاها ثقيله ولا خفيفه ...

وثانيا شف رديتر المكيف لأنه قدام راديتر السياره حاول تنظفه لأنه يمنع الهوا لا يدخل للمكينه ..
لأنك أكيد راعي بر والغبار والطين والوسخ يلبد بالرديتر حق المكيف .. غسل السياره بالبستم وأفحص كلتس المروحه وما عليك إلاالعافيه أن شاء الله

أخوك/ قناص الحبارى

طفيت السيارة وفريت المروحة بيدي تحرك يعني خفيفه كذا خربانة ولا صالحة اخبرني

أخوى/ قناص الحبارى

[جمس454]

طفيت السيارة وفريت المروحة بيدي تحرك يعني خفيفه كذا خربانة ولا صالحة اخبروني

[جمس454]

up
up





up

[هاه..؟]

المروحة اذا كانت خفيفة =كلتشها تعبان

المروحة اذا كانت ثقيلة= كلتشها تمام

ــــــــــــــــــــــــــــــــــــــــــــــــــ ــــــــــــــ
وما تشوف شر يا بعد حيي

[escape_man]

المروحة اذا كانت خفيفة =كلتشها تعبان

المروحة اذا كانت ثقيلة= كلتشها تمام

ــــــــــــــــــــــــــــــــــــــــــــــــــ ــــــــــــــ
وما تشوف شر يا بعد حيي


عندي تعليق على كلام اخوي وهو فائدة استفدتها من الشيبان

متى نشك انه المروحة خربانه؟

في حالة ارتفاع الحرارة كل مازدت السرعة لان سرعة المكينة راح تكون اعلى من سرعة المروحة وبالعربي

ماتلحق المروحة تبرد المكينة

المعذرة ياخوي ما اقدر افيدك اكثر