ارجو من المجرب او الخبير الدخول

[رومل]

سيارتي جيب لاندكروزر وعندي رجه بالطاره من ال50 الى 90 المهم رحت لميزان وقال عندك كراسي الدوده لازم تغيرها او تشوف لها حل طبعا سعرها 2300 ريال والجرم لحاله ب1000 وهناك ناس يقولون فيه بعض المخارط تزبط لك الدوده والله يااخوان ودي اللي عنده خلفيه عن العله يرد على الموضوع

[عجمي]

اخوي رومل

*نوع الكفرات لة دور ياليت تذكرنوع كفرات موترك

*شيك على الترصيص

*يمكن الهوبات تحتاج خرط

مساعد الدركسون يمكن منة السبب

والأخوان مايقصرون

[قتال]

السلام عليكم ورحمة الله وبركاته ،،،

أخي الحبيب رومل ..
أنصحك أنك توديه لكراجين أو ثلاثة وتاخذ التشخيص من أكثر من واحد حتى تستقر على العلة وبعدين شف وش تبي تسوي ..

[سندهم]

*نوع الكفرات لة دور ياليت تذكرنوع كفرات موترك

*شيك على الترصيص (اهم شي )

*يمكن الهوبات تحتاج خرط

أخوي رومل : زي ماقال عجمي
[line]

[رومل]

نوع الكفرات دنلوب الهوبات تمام والمقصات والترصيص جديد
وشاكر مروركم جميعا

[شامخ ألهيلا]

السلام عليكم ورحمة الله وبركاته ،،،

أخي الحبيب رومل ..
أنصحك أنك توديه لكراجين أو ثلاثة وتاخذ التشخيص من أكثر من واحد حتى تستقر على العلة وبعدين شف وش تبي تسوي ..



كلام اخوي قتال مضبوط شيك عليه في اكثر من ورشه ولاتاخذ كلام ورشه واحده
بعدين قبل كل شي غير الكفرات اذا كان قديمه صارت معي زيك رجه وماخليت ورشه ماسلتها واخر شي طلعت الكفرات

[ابو عاذر]

شف اخوي في محل بالصناعية القديمة بالرياض متخصص في تصليح دودة الدركسون واعطالها،،،،،،،،، الوصف وأنت متجه مع مخرج 17 وجهك غرب مع طريق الامير سلمان أمش على طول لين تجيك أشارة دوار طريق الخرج ألي عند الكبري الحديد خذ من عندها يسار متجه جنوب بتل لين تجيك الاشارة خذ من عندها فوق تحت بيكون السالم حق قزاز السيارات على يمينك متجه شمال بتل لين يجيك بنك الراجحيعلى اليمين أدخل من عنده يمين متجه شرق يجيك المحل على يدك اليمين عند تقاطع الشارع ،،،،،،،،،،،،، قبل كل هذا مر على ميزان الدرع وتأكد من أن المشكلة من الدودة قبل أن تمر المحل وهو قريب من عندك على نفس الشارع بتل بعد التقاطع مشرق لين يجيك تقاطع حرف T يكون ميزان الدرع على يدك اليسار فهم متخصصين في ذلك وبيعطونك هل الخراب من الدودة او من الهوب او من الجنوط او الكفرات .

مع تحيات اخوك ابو عاذر

[ابوحماد]

اخوي قتال مضبوط شيك عليه في اكثر من ورشه ولاتاخذ كلام ورشه واحده

[عبدالله العمرو]

أخي الفاضل :
بسألك سؤال :
إذا لفّيت الطارة للآخر هل تحس إن الطارة تصلّب ؟؟ وتتحمّل المكينة أكثر ؟؟
إذا جوابك نعم فالدودة وطرمبة الدركسون لها دور ...
أمّا الرجّة والسيارة بخط مستقيم مالها دخل بالدودة ...
أنصحك تشوف أحد يرصص الكفرات بطريقة الأشعّة والكفر مركّب ... وليست بالطريقة التقليدية ...
وهو جهاز مثل السيارة الصغيرة يركب عليها الفنّي ويواجه الكفر وتقوم المكينة بتدوير الكفر وهو راكب ثم تطلق أشعة على الكفر والجنط وتعطيك وزن بإذن الله 100% ... قبل تخسر وتفك شي ماله داعي ...

تحياتي

[عاشق السيل]

رح لميزان اليرموك يبي يفيدك بكل اللي تبي رغم إن الشباب ماقصروا ،،


تقبل مروري ........



عاشـقhttp://www.mekshat.com/pix/upload/sign/images/mk49539.gifالسيل

[رومل]

ابشركم صلحت المشكله وهي تبديل الكرسي الايمن للدوده والجهة اليسرى لازم تتغير مع جرم الدوده وسويت له توليفه والله زبطت معي 100% والشكر للجميع على التفاعل مع الموضوع