من يفيدنا عن تكلفة رأس الابل شهريا من ماء وبرسيم وخلافه ؟؟

[راعي ساموده]

السلام عليكم ورحمة الله ..

الكثير ممن يحبون الابل يجهلون التكلفه الشهريه للرأس من الابل , فياليت الاخوان يفيدونا عن هالاستفسار ..

[كاشت شمال]

من 600-700 إذا تبي تكرمها ومن 300-400 إذا تبيها رشيقه :D :p

[نمر ورقان]

اذا حسبنا نصف لفه في اليوم برسيم وكان سعرها 14 ريال يعني 7*30 =210 + 10 ريال ماء في الشهر = 220
وقول بتعطيها 3 كيلو شعير وسعر الكيلو ريالين يعني بيكون في اليوم 6 ريال التكلفه في الشهر 180 ريال لشعير
ولا تنسى العامل
الناتج 220 +180 =400 ريال
والحسبة تختلف من شخص لأخر وتختلف بختلاف الاسعار لكن لا اقل من 350 ريال لشهر

[أبو شاهر]

واحد عنده 35 ناقه يدفع اجار عاملين وطعام 6000شهرياً

وقيمة الوايت140000مائة واربعون الف ريال سعودي لو اشتغل هذا الوايت كان يصفي 7000ريال شهرياً يعني اجرة الوايت في اليوم اكثر من 230ريال !!!!!
واذا انتظر وحصل له قعود من احد النياق بعد 4 سنوات باعه ب3000 والبكرة ب4500 أو5000 هذا
بالنسبة للابل المتوسطة :: وعليكم الحساب

[راعي الروضة]

تكلفة تعليف الابل عندما من اغلى دول العالم ، واعرف صديق لي عنده باكستاني قال له يوما لا ادري لماذا تربون الابل انتم يالسعوديين نحن في الباكستان نربيها لكي تصرف علينا اما انتم فتربونها لكي تصرفون عليها ويقصد اننا نشتري البرسيم والشعير وخلافه لكون صحارينا مقفره الا في بعض السنوات التي يمن الله علينا بالامطار

[النثريه]

انا اعرف صديق لي كل يوم اذهب الية في مكان الابل . يقول اني شهريا بس علف فقط 6000 ريال غير باقي المصاريف ؟؟؟؟؟؟؟؟؟؟
الا اذا عندك فلوس مضيقة فهذا شئ ثاني,,,,,,,,,,,,,,,,,,,,,,,,,,,,,,,,,,,,,,,,,,,,

[الوانيت1]

يعنى نفهم أن راعى الغنم مستفيد وربحان أكثر من راعى البل وطبعا كل ما زاد عدد الحلال زادت الفايدة منة.. حتى انى سمعت من واحد من الربع عندة فوق الخمس مية راس من الغنم أنة ما يصرف عليها شىء حيث أنها شايلة مصاريفها ومعين منها خير وتوالد فى السنة مرتين يعنى لونها سهم كان العايد 200% مع سلامة راس المال والله يعين ويرزق الجميع..../////

[راع الابل]

ياراعي ساموده حياك الله

اجل ناوي على منايح والا ذود انشاء الله ههههههههههه

الموضوع شيق ويستفيد منه الاخرين من محبي البل لكن

مصاريف البل تختلف حسب هذه الحلات

اذا كنت تبي الانتاج والبيع على الملاحم او التمتع بالبل وان يقال عندك ذود ....؟ فهذا له حساب معين
(عليك بالمجاهيم)اكبر للملاحم
هذي الحالة افضلك انك تستاجر مزرعة في الصيف وتحطها فيها لانك ما تبي من البل الا البيع والحليب فلا يهمك السمنه للناقة ويطيح مصروف الماء وفي الشتاء عليك بالربيع ويكون تكاليفك السنويه قليله جداً
فقط راتب العامل



اذا كنت تبي الانتاج الزين والبيع والشراء على اصحاب المزاينات فهذا له حسابه ..؟

في هذه الحالة ليس مطلوب عليك ان تجمل الناقة او تسمنها لانك تبي تظرب الناقة كل سنه والسمنه تمنع بعض اللقاح وبهذا الحالة يكفيك ثلاثة اكياس شعير يومياً لعدد 30 متن(الراس ) في وقت الصيف
اما الشتاء فان الربيع يغطيها
تكلفة العامل متوسط الرعاة 30 ريالاً يومياً
تكاليف الماء في الشتاء كل 15 يوماً وايت وفي الصيف كل 4 ايام وايت ماء

واذا كنت تبي دخول المزاينات والتحدي فهذا له حساااااااااااااااااااااابه المرير

جينا عادة للمصاريف اللي تقطع وتقصم الظهر
لا يمكن ان تدخل المزاين بأقل من 50 متن
يحتاج راعي وملحاق ومتوسط رواتبهم 100 ريالاً يوماً
20 لبنه يومياً برسيم يختلف اسعاراها حسب السوق
خمسة اكياس شعير يومياً في ارتفاع متصاعد
غسيل شهرياً وتحليق
احظار طبيب شهرياً لمتابعة حالة البل
هذه الفئة يتبعها التالي
وايت مقطورة سحب (مطبخ )
لوري (قلاب عفش وعلف )
غرفة مستقلة لصاحب الذود
ونش لكي تشيل اي ناقة تنصاب على طول للمستشفى
لان البل ثمينه

شاصي متابعة لوكيل البل ومتابعة البل



مصاريف حسب الشخص
لكل الفئات الثلاث
مصاريف البنزين والديزل لجميع السيارات
مصاريف عطال السيارات
مصاريف الضيافة (حسب كرم الشخص )
مصاريف علاج البل
مصاريف رشها بالمبيدات ورش الارضيه
مصاريف جوالات ومكالمات سواء ثرياء ام عادي

عليكم الحسبه النهائية

[سلطان العوني]

ياراعي ساموده حياك الله


اجل ناوي على منايح والا ذود انشاء الله ههههههههههه

الموضوع شيق ويستفيد منه الاخرين من محبي البل لكن

مصاريف البل تختلف حسب هذه الحلات

اذا كنت تبي الانتاج والبيع على الملاحم او التمتع بالبل وان يقال عندك ذود ....؟ فهذا له حساب معين
(عليك بالمجاهيم)اكبر للملاحم
هذي الحالة افضلك انك تستاجر مزرعة في الصيف وتحطها فيها لانك ما تبي من البل الا البيع والحليب فلا يهمك السمنه للناقة ويطيح مصروف الماء وفي الشتاء عليك بالربيع ويكون تكاليفك السنويه قليله جداً
فقط راتب العامل



اذا كنت تبي الانتاج الزين والبيع والشراء على اصحاب المزاينات فهذا له حسابه ..؟






في هذه الحالة ليس مطلوب عليك ان تجمل الناقة او تسمنها لانك تبي تظرب الناقة كل سنه والسمنه تمنع بعض اللقاح وبهذا الحالة يكفيك ثلاثة اكياس شعير يومياً لعدد 30 متن(الراس ) في وقت الصيف

اما الشتاء فان الربيع يغطيها
تكلفة العامل متوسط الرعاة 30 ريالاً يومياً
تكاليف الماء في الشتاء كل 15 يوماً وايت وفي الصيف كل 4 ايام وايت ماء

واذا كنت تبي دخول المزاينات والتحدي فهذا له حساااااااااااااااااااااابه المرير

جينا عادة للمصاريف اللي تقطع وتقصم الظهر
لا يمكن ان تدخل المزاين بأقل من 50 متن
يحتاج راعي وملحاق ومتوسط رواتبهم 100 ريالاً يوماً
20 لبنه يومياً برسيم يختلف اسعاراها حسب السوق
خمسة اكياس شعير يومياً في ارتفاع متصاعد
غسيل شهرياً وتحليق
احظار طبيب شهرياً لمتابعة حالة البل
هذه الفئة يتبعها التالي
وايت مقطورة سحب (مطبخ )
لوري (قلاب عفش وعلف )
غرفة مستقلة لصاحب الذود
ونش لكي تشيل اي ناقة تنصاب على طول للمستشفى
لان البل ثمينه

شاصي متابعة لوكيل البل ومتابعة البل



مصاريف حسب الشخص
لكل الفئات الثلاث
مصاريف البنزين والديزل لجميع السيارات
مصاريف عطال السيارات
مصاريف الضيافة (حسب كرم الشخص )
مصاريف علاج البل
مصاريف رشها بالمبيدات ورش الارضيه
مصاريف جوالات ومكالمات سواء ثرياء ام عادي

عليكم الحسبه النهائية









انا اقول عط الخباز خبزه لو اكل نصه

تحياتي
============
اخوك سابقا سلطان العوني

[جبل راف]

والله انها تبي مصاريف واجد غير التعب وضياع بعضها

اذا عندك مليون ريال اشتر لك بل طيبة واذا ماهنا شي لاوالله ريح واترك المغثة لغيرك

[راعي ساموده]

من 600-700 إذا تبي تكرمها ومن 300-400 إذا تبيها رشيقه :D :p



مابيها رشيقه الا ابيها هليمه بخمسين ريال بالشهر :p

[راعي ساموده]

اذا حسبنا نصف لفه في اليوم برسيم وكان سعرها 14 ريال يعني 7*30 =210 + 10 ريال ماء في الشهر = 220
وقول بتعطيها 3 كيلو شعير وسعر الكيلو ريالين يعني بيكون في اليوم 6 ريال التكلفه في الشهر 180 ريال لشعير
ولا تنسى العامل
الناتج 220 +180 =400 ريال
والحسبة تختلف من شخص لأخر وتختلف بختلاف الاسعار لكن لا اقل من 350 ريال لشهر

والله ياخوي نمر انك صادق مالظاهر تنزل التكلفه عن حسبتك

[راعي الروضة]

انا من اكثر المعارضين للتعليف بالشعير فمن بدأنا نعلف به ظهرت لنا الطلوع والسل في الماشية 000 علفوا بالبرسيم فقط 000وما جاكم عندي

[خيال الصبحا]

السلام عليكم

وش فيكم خليتوا البل ماتسوى
التكلفة للناقة الوحدة 500ريال تزيد شوي أو تنقص شوي
والحين قليل الي يقني مثل قبل
الحين الي يقني يدور الفحل الطيب ويضرب عليها ماهو على ادنى بعير
والزين انتاجه يجي زين
ويغطي سعر التكلفه3مرات أو أكثر
والذود أن كان زين الي يدفع به ماهو خساره
وأن كان للقصب أقول لراعيه بعه واشتر غنم اشوى لك
وشكرًا

[ابو طلال2007]

الناقتين اذا اكرمتهن
ياكلن في اليوم لبنه برسيم من الطيب
وسطل بويه مكعب او شعير

[1400]

لي عم كبير في السن (الله يمد بعمره على عمل صالح) كان راعي بعارين وحلالا وصل عددها ايام الطفره لي ألاف (الله يرحم تللك الايام) وعندما اسأله عن تكلفتها يقول لي انها متعبه جدا ومكلفة وتحتاج إلى كل وقتك معها
ويتحدث عن غباء الرعاة وعدم امانة بعضهم والاهمال حتى انه في احدى المرات ضاعة له ناقة طيبة فقام بتتبعها والسؤال عنها حتى وصل إلى اطراف حائل
ومن الاحداث انه وجد مرة احد جماله مفتوح البطن وقد اخذت الكبد فقط؟؟؟؟؟؟؟ قمة الاجراااااااااااااااام والخبث
ولكن مع كل هذا يحب الابل حبا جَما