تكفون فزعتكم ي‘أهل اليوكن

[خالد 27]

الله يحيي الجميع ويسعدني تواجدي مع ناس شقرديه مثل الموجودين معنا :good:

حبيت أشاوركم في مشكله حصلت لي في اليوكن موديله 2001 امريكي دبل

المشكله هي صوت طقة في القير إذا غير للريوس r والصوت مثل الصوت اللي يطلع عند تشغيل الدبل بس الصوت اخف

مريت ترايستار وقالوا أن السيارة مافيها شي (( بس ماتطمنت لهم لأن السيارة شاريها وهي على ضمانهم ))

ومريت مهندس سعودي وقال الدبل يبي توظيب مع العلم ان الصوت في القير ماهي في الدبل :no:

وأخيراً مريت ميكانيكي سوداني في ورشة الشباب اللي في صناعية العاصمة في الرياض على الدائري الغربي وقال

ان السيارة مافيها شي والصوت هذا فضاوه في القير ومايأثر على القير :D وكنه أقنعني

وبعد كذا جاء دوركم وخبرتكم :good2: فياليت أحد يوضح لي إذا كان مريت عليه ذا المشكله من قبل .

وعذرا على الإطاله .

[الدحبول]

إتوقع من الصليبات

كان عندي جمس موديل 1997 عادي مهوب دبل إنا كانت إسوقة وإقومة بسرعة جلس معي 8 أشهر إول ماحط القير في D إسمع صوت طقة
وحتى بعد ما إمشي
وطلع واحد من الصليبات
السبب إقومة بسرعة ,ما إدعس بريك مضبوط يعني على الطاير

[باترول للأبد]

لاتخاف يالغالي ..... هذي الصوت اللي يطلع في الغير أذا رجعت ريوس عادي ولا يأ ثر

لأن انا نفسك عندي يوكن دبل 2001 عندي وكالة ويطلع فية الصوت أذا رجعت ريوس

[ابراهيم]

عادي وانا اخوك اغلب المواتر تسويها وممكن تلاحظ انه الصباح او بعد وقفه طويله اول ما تشغل وتعشق مايطلع الصوت الا اذا كان من الصلبان شيك عليها وحافظ على تغيير زيت وفلتر القير كل 40- 50 الف (كيلو) او 25- 30 الف( ميل)بالنسبه لسيارات GM وتاكد من الفلتر والزيت انها اصليه ومايرده ان شاء الله الا ال400 الف :good2: هذا اقل شي من عمره اذا انت مواضب على صيانته اما الدبل لا تقربه :no2: وسلامتك

[بدوي جنوبي]

يا هي قوية توضيب الدبل
انتبه وانا اخوك لا تستعجل مثل ما قالوا الاخوان ممكن يكون من الصليب وما يكلفك 100 ريال

واحتمال كلام السوداني صحيح ممكن يكون من الفضاوة

راجع الموضوع هذا

۞ صيانة اعطال العمدان و الصلبان اكيد بالصور ۞ (http://www.mekshat.com/vb/showthread.php?t=87376)

بالتوفيق

[خالد 27]

صحيح انكم ماخيبتوا ظني وبيض الله وجيهكم

[ينساب صح]

الاخ / خالد
نصيحة لك لا تسمع كلام مهندس واحد حاول انك تشوف اكثر من واحد .

شيك على الرابط راح تستفيد نصايح من الاخوان لا تقدر بثمن
http://www.mekshat.com/vb/showthread.php?t=87339

[يوكن]

لايوهقونك الميكانيكية ترا أكثرهم نصاب ومايتعلم الا على حسابنا ونى مساكين معاهم معاهم انا افتي بخبرتي المتواضعة افحص الصلبان وإذا كانت سليمة فهذا فضاوة في الطنجرة التي تربط بين المكينة والقير لأن عنما تضع الريوس تقوم الطنجرة في عكس الدوران من الأمام اإلى الخلف حتى ترجع ريوس والعكس وسع صدرك ولعد كل شوي توسوس وبعدين لاترجع ريوس ومعاك يوكن خلك قداااااااااااام والريوس مفصول ولا .

[كبسولة2]

هذه طبيعية جداً في كل الجمسات و90 % من الصلبان ولا تضر عاااادي