المساعد الشخصي الرقمي

مشاهدة النسخة كاملة : الفزعه في تركيب فرارات لهلي 2006 دبل


بلوتوث
21/05/2007, 07:31 PM
ياشباب هل استطيع اركب فرارات لهايلوكس دفرنسين 2006؟
وكم تكلفني؟سعرها؟
وين اركبها في الرياض؟
وهل احتاج اركبها؟
الفرارات بشكل عام وش فايدتها؟
وش افضل الفرارات الي تناسب موتري؟
اعذروني على كثر الاسئله::::::::::::::::::::::http://www.efi4500.com/vb/images/smilies/sefi/sm15.gif
ابو عاذر
21/05/2007, 07:47 PM
اخوي راجع الرابط التالي :
http://www.mekshat.com/vb/showthread.php?s=&threadid=8291

مع تحيات اخوك ابو عاذر
sameer_1798
22/05/2007, 10:34 PM
يا بلوتوث سيارتك ماتحتاج فرارات لأنها تفصل تلقائي( يعنى فيها فرار داخلي )
هذه الميزة من موديل 2006 وطالع .
عاشق السيل
24/05/2007, 09:31 PM
أخوي ماأنصحك تركب ،،

تراها تبي تغثك من كثر فك واربط انزل واركب وأنا مركبها على الباترول وماشفت فيها أي فرق ..


تقبل مروري .....




عاشـقhttp://www.mekshat.com/pix/upload/sign/images/mk49539.gifالسيل
هويدي
24/05/2007, 09:45 PM
تكلفك من 450 الى 500 حول الدعوه


مركبها على موتر باترول من ثلاث سنوات وما شفت منها مشاكل بالعكس الدفرنس اللي قدام

زيته وكاله وجديد وبكل صراحه افرق الموتر اذا كانت مشبوكه او مفصوله

وذا بغيت تركب تلقاها عند السليماني بالمرسلات النوع برازيلي فيه بلاستك الاسود والفضي افضل وامتن
بلوتوث
31/05/2007, 10:49 PM
مشكور اخوي ابو عاذر على الرابط
sameer_1798 (http://www.mekshat.com/vb/member.php?u=30962)
طيب اخوي انا اذا صرت امشي بالسياره وحطيت يدي على قير الدبل القاه متحمل يعني كانه يهتز شئ بسيط ماتحسه الابالمس

عاشق السيل (http://www.mekshat.com/vb/member.php?u=49539)
رايك على العين والراس هويدي (http://www.mekshat.com/vb/member.php?u=19651)
مشكور على الافاده وفيه واحد من الشباب يقول لازم تركبه وانا ماعرف عنها شئ ابد؟
شبح الصحراء
01/06/2007, 07:35 PM
الإهتزاز في جير الدبل عادي لا توسوس ! خصوصاً في السرعات العالية تحسه يهتز في يدك اذا لمسته .

بالنسبة للفرارات :
تأكد أولاً هل سيارتك فيها نظام فصل العكوس الأتوماتيكي عند اطفاء الدبل ، للتأكد وقف سيارتك في مكان مستوي وضع الدبل على الوضع H2 وفك الجلنط وانزل من السيارة وحرك الكفر الأمامي بيدك وناظر تحت الموتر إذا شفت العكوس وعمود الدبل يدرن فمعناه يلزمك فرارات وإذا كانت العكوس وعمود الدبل ما يدرن معناه ما تحتاج فرارات .

الفرارات مهمة للمحافظة على نظام الدبل في السيارة خصوصاً لأصحاب السفر والخطوط السريعة فالفرارات توقف عمل العكوس الأمامية وعمود الدبل والدفرنس من الدوران وبالتالي عمر طويل للدبل وصرفية أقل للبنزين وتجاوب أفضل للسيارة ( ولكن الفرق في صرفية البنزين والسرعة خفيف جداً لا يمكن ملاحظته بسهولة! ) .

ملاحظة هامة : يجب شبك الفرارات كل فترة وأخرى والتحرك بالسيارة بضعة كيلومترات وذلك لتسليك الزيوت والحديد في الدبل .

بالنسبة للفرارات البرازيلية الموجودة عند السليماني فهي جيدة نوعاً ما وسعرها 450 ريال مع التركيب ولي عليها ملاحظة أنها عند فصل الفرارات بعد الإنتهاء من البر يجب عليك الرجوع للخلف قليلاً بسيارتك لأنها لا تفصل العكوس إلا اذا رجعت ولو لمسافة ربع متر كافية .

هناك فرارات امريكية اصلية اسمها وارن لم اجربها ولكن كثير من الناس تمدحها وسعرها بحدود 800 ريال إذا وجدت فهي شبه منقطعة .

هناك فرارات بالوكالة مخصصة للهايلوكس شد بلد أصلية من اليابان وتطلب طلبية وسعرها بحدود 950 ريال من دون التركيب .

لا تنسى تشحيم الفرارات قبل تركيبها .

عند سماع أصوات من الفرارات عليك فكها وتشحيمها من جديد .

وأخيراً تمنى لك التوفيق .
اخوك شبح الصحراء .