شيرو علي بالتانكي الزين

[وضاح الرياض]

السلام عليكم
انا عندي جمس قطع 10 موديل 2001 وابغى اركب فيه تانكي موية ( لا يصدا ) وشنطة عزبة
ابغاكم تشيرون علي وش اسوي وابغى اهل الخبرة في التوانك والعزب ينصحوني
ولكم مني الشكر والامتنان

[وضاح الرياض]

يالربع مهيب هذي عوايدكم وينكم عنا الله يرحم والديكم المشورة

[بدوي جنوبي]

عليكم السلام
اخي وضاح

راجع خيمة عدد واداوت الرحلات
بالتوفيق

http://www.mekshat.com/vb/forumdisplay.php?f=59

[ابو نوره]

بالنسبه للتانكي فيه تانكي عند الرمايه بالرياض
عليه ضمان 5 سنوات وممتاز من كل النواحي
وتقدر تثبته متى ما بغيت وتشيله متى مابغيت
وياخذ 145 لتر ان ماخاب ضني
وسعره 500 ريال ولا ياخذ مكان كبير

[وضاح الرياض]

مشكور على هالمعلومة

[عاشق السيل]

أما التانكي فيه ورشة بحي السلام اسمها ( اليحي ) عندهم هندي يفصل توانك ألومنيوم ممتازة جدا وضمان عشر سنوات ( اسأل مجرب ) رح لهم وفصل على كيفك وأسعارهم أقل من (حقين الاستيل ) اللي بالصناعية بشوي ..

أما العزبة أنصحك تروح لبرق الحيا بحي الروابي وجمع عزبتك بمزاجك تراه أفضل من العزبة الجاهزة ،،

والله يوفقك ،، ( هذه مقترحات عن تجربة والخيار لك يالغالي )

تقبل مروري ...



عاشـقhttp://www.mekshat.com/pix/upload/sign/images/mk49539.gifالسيل

[وضاح الرياض]

مشكور اخوي عاشق السيل لكن ممكن توصف لي مكان الورشة او رقم تلفونها اذا ما عليك امر

[وضاح الرياض]

يا عاشق السيل ردة علي ضروري عطني وصف الورشة

[بعيد الهقاوي!]

ورشة اليحى شارع عبد الرحمن بن عوف باتجاه الجنوب بعد مسجد محمد بن عبد الوهاب (عاشق السيل كلامه صحيح)

[walad Najed]

انا مع اخوي اخوي ابو نوره و دعايه الخزان الي ينكلم عنه ابو نوره في هذا المنتدي الرائع و الرابط هو:

http://www.mekshat.com/vb/showthread.php?t=73644

[وضاح الرياض]

ابغى وصف دقيق للورشة من وانا على الدايري