ورشة السوافي ياشباب وين موقعها في الرياض .

[متفائل]

السلام عليكم

ياشباب أنا ودي بكهربائي ممتاز وذكر لي ان ورشة السوافي عندهم كهربائي جيد

لكن مادري وين موقعها بالضبط ؟؟؟

الله يعطيكم العافية ،،،

[راعي الهـــدد]

اخوي الغالي


بحثت لك بالمنتدى


وحصلت موضوع فيه عناوين كثيره


من ظمنها ورشة سوافي


وترآهم على ذكر الأخوان والا انا ماجيتهم


على ذكر الإخوان انهم افضل شي بالرياض


على العموم خش على الرابط ذا



ويبي يجوز لك ويفكك من قولت كلام كثير



دمت بود



هذا الرابط


http://www.mekshat.com/vb/showthread.php?t=86952&page=1

[بدون لوحات]

اسف اول مره اسمع بها ودنا نخدمك وش المشكله

[رعد الجنوب]

السلام عليكم

هلا اخوي متفائل

تفضل هذا وصف : موقع الورشة

بعد مخرج 17 وانت متجه جنوب يجيك النفق المؤدي الى الخرج اول ماتدخل النفق امسك اليسار يجيك مخرج 18 ادخل معه باتجاه الشرق

بعد اقل من 1 كيلو تجيك اشارة اتجه يمين باتجاه الجنوب بعد 200 متر تقريبا تجيك عماره على اليمين بعدها لف يمين باتجاه الغرب ثم ثاني شارع

على يدك اليسار اتجه معه تجيك الورشة بوجهك نهاية الشارع وهذا تلفون الورشة 2418838

تحيتي لك

[متفائل]

راعي الهدد

يعطيك العافيه وماقصرت على ردك السريع

=================

بدون لوحات

مرورك يكفيني يالغالي وتسلم

================





السلام عليكم


هلا اخوي متفائل
تفضل هذا وصف : موقع الورشة
بعد مخرج 17 وانت متجه جنوب يجيك النفق المؤدي الى الخرج اول ماتدخل النفق امسك اليسار يجيك مخرج 18 ادخل معه باتجاه الشرق
بعد اقل من 1 كيلو تجيك اشارة اتجه يمين باتجاه الجنوب بعد 200 متر تقريبا تجيك عماره على اليمين بعدها لف يمين باتجاه الغرب ثم ثاني شارع
على يدك اليسار اتجه معه تجيك الورشة بوجهك نهاية الشارع وهذا تلفون الورشة 2418838


تحيتي لك


وعليكم السلام

رعد الجنوب تسلم والله يالذيب ماقصرت جبتها والله

الله يعطيك العافية . . .

[سنعوسي111]

بيّض الله وجيهكم كلكم

[السيف الاملح]

مشكووووووور

والاخوان ماقصروا

[S4500]

اخوي نصيحة

سوافي شخص نصاب ثم نصاب

وسعودي الي فية شايف نفسة بعد ما اخذ سمعة عند المكشاتين

وفوق هذا كلة سعر نار

[for]

انحش نصيحه لوجه الله

[خيال الغلبا]

انحش وانا اخوك تراي اعرفهم زين

اجشع منهم مافيه

انا مجرب


والدين النصيحة

لا يتميزون الا بالجشع والطمع

اخذوا مني الفين ريال على شغله لاتساوي خمسمائة ريال

[ريثان القصيم]

خذ العلم من اهله

شغلهم مصنف على مستوى الرياض واكبر كتجهيز كهربائي

ما فيه ورشه منافسه لهم ونتمنى من ينافسهم باذن الله

سعرهم ناااااااااااااااااااااااااااااااااااااااااااااااار

المشرف عليهم اسمهالمهندس فيروز هندي هو تقريبا كل شي

ونصيحه اذا مخربها يفضل تواجدك الدائم للسلامه على سيارتك ما احد يضمن

[صلفان.نجد]

انا اقول ان السوافي شغله نظيف ولكن السعر مبالغ فيه كثير , والافضل منه ورشة بدر على الدائري الغربي (صناعية العاصمه).

[الجندلي]

شغلهم وسط او اقل من الوسط ..اشتغلت عندهم سيارتين خاصه بي وكل شغلهم نقضته واشتغلته من جديد عند الدفع الرباعي !!
افضل ورشه بالرياض ..الدفع الرباعي
تحياتي

[قلبي معاكم]

> في واحد اسمه سفيان
مهندس دارس الكهربـاء
في الرياض وشغله تمـام التمام وعلى ضمانتي . - كل سياراتنا عندهـ
مكيف + كهربـــاء امـا الميكانيك والسمكره ماله فيهـأ

الورشه عند مدرسة جرير اممم والله ماني متأكد منهـا
لكن
أذا تبي اوصف لك - وتروح لهمـ
وتقول انكـ جاي من طرفي > > >( يطيح من سعرهـ هههه )
- طبعاً الي يشتغل فيهـا سفيان صاحب الورشه ومطوع الله يجزاه خيرر

[ABSS]

الله يعين ناس تمدح وناس تذم

[بارق تميم1]

انحش وانا اخوك تراي اعرفهم زين

اجشع منهم مافيه

انا مجرب


والدين النصيحة

لا يتميزون الا بالجشع والطمع

اخذوا مني الفين ريال على شغله لاتساوي خمسمائة ريال


اخوي خيال الغلبا إذا انت عارف ان الشغله الي سويتها عندهم ماتكلف 500 ريال ليه خليته يسويها لك ب2000 ريال؟؟

ــــــــــــ

بالنسبه لشغل الورشه انا مضبط موتري عنده بطاريه اضافيه ومحول كهرباء وتمديدات لمبات وتثبيت ماطور هواء داخل السياره مسويها عنده على عام 2006 وحتى اليوم ماشي معي تمام (ولابد من تغيير بعض القطع الاستهلاكيه )

[السيف الاملح]

S4500
for
خيال الغلبا
ريثان القصيم



وش الحل برايكم ماهو البديل للسوافي

[ريثان القصيم]

الصراحه لا يوجد

ورشة تجهيز كهربائيه للجيوب منافس فلذالك استغلو النقطه هاذي وطيرو الاسعار
_________________________________

ريثان القصيم

[لاتكب البيالة]

السلام عليكم
بما ان الموضوع صار حول سوافي من مؤيد ومعارض انا دارس الكهرب دراسة وشغل سوافي مافيه اختراع جديد او شي يصعب على الاخرين لذا اشوف ان شغلهم زين من ناحية الديكور لكن سعرهم غالي جدا ولو الشغله اللي عندهم ب 2000 ادور واحد يقولي ب1000 وازوده 100 كان اشتغل احسن منهم
اللي صحيح يستاهل كل ريال يدفع له الاخ الطاحونه وله مواضيع هنا لانه يبيع لك شغل ويبيع لك اختراع لكن ماهو بالبطاريات وما الى ذلك

[هبــ حريملاااء ـبوب]

السلام عليكم ..
هلااا بك اخوي متفائل .. الاخ رعد الجنوب اعطاك الوصف ..

اما الشغل فأنا مجرب شغلهم صح وممتاز اما الاسعار كلن وخراجه ..
لان فيه اجار وعماله ومواد صح وغيره تحكم السعر !!

عمومااا عط الخباااز خبزك لو بااق نصه ..

بالنسبه لي مجهز الموتر عندهم بـ 1750 وشغل صح ويستاهل .. ولا ابي اجرب غيرهم .. رأي شخصي

وهذا الرابط (لملااك الددسن) في صور تبين جودة العمل ..

http://www.mekshat.com/vb/showthread.php?t=172623&page=20

حيااك الله ومن يقراا

[النمر الكحلي]

يا اخوان انا جربت ورشة سوافي وشغلها طيب صحيح هم رفعوا الاسعار في الاؤنة الاخيرة بس اصحابها هم شخصين واحد اسمه بوعبدالله ورجل ملتحي لحيه بيضا وواحد استغفر الله وجه ودر وغير مريح ابدا اما بوعبدالله والله نعم الرجال ويخصم وهو خجول جدا ولا تخلوا فيروز او العمال يحسبوكم اول ما تروح قول للفيروز اسوي الاعمال الي تبيها ولا تتكلم عن الحساب وبعدين روح عند بوعبدالله والرجال محترم جزاه الله خير ................

[dodge-ram]

مشكورين والله و ماقصورتو انا والله كنت ابي اسأل وين الورشه

طيب الحين الورشه عندها تجهيزات غير الكهرب يعني مثل ((صندوق عده)) ((تانكي ماء))

؟؟؟؟؟؟؟؟؟؟؟؟؟؟؟؟

[خيال الغلبا]

اخوي بارق تميم
اقولك ليش

لاني كنت على عجلة من امري ولاني لااعرف طبيعة الشغلة قبل اسويها

لكن يوم شفت شغلهم وجربته عرفت ان الدعوى استغلال واصبحت امام الامر الواقع فدفعت الفين ريال وانا موقن بان الشغلة لاتساوي ثلث هذا المبلغ

علما بان المواد اللي ركبوها لي من اسوأ المواد

بداية باللمبات وانتهاء بالمحول الكهربائي

اما البطارية فيوم شفت بطاريتهم قلت بلاش ورحت واشتريت بطارية على حسابي

ودفعت للمنصور الفين ريال .. ومانزل ريال واحد

والله المستعان

ونصيحة لأخواني انحشوا عن سوافي وعن المنصور ...

[خيال الغلبا]

السيف الاملح وانا اخوك انحش عن سوافي نصيحة لوجه الله

لوكان صاحبها عنده مرونه وسماحه واخذ وعطا كان هانت المسأله

لكن ماعنده شيء من هذا

والاعمال اللي يسويها تراها بسيطه لاتستاهل كل هذه المبالغ

نصيحتي لك شف احد اصحابك ممن ركبوا هذه القطع في سيارتهم واذهب الى اي كهربائي وخله يشوف الشغله وقله ابغاك تسوي مثل هذي

وانا مستعد اذا تبي تشوف القطع في سيارتي اي وقت

[خيال الغلبا]

لاتكب البياله


احسنت احسنت احسنت


وضعت النقاط على الحروف



بيض الله وجهك


هذا هو الحل

[السيف الاملح]

السيف الاملح وانا اخوك انحش عن سوافي نصيحة لوجه الله

لوكان صاحبها عنده مرونه وسماحه واخذ وعطا كان هانت المسأله

لكن ماعنده شيء من هذا

والاعمال اللي يسويها تراها بسيطه لاتستاهل كل هذه المبالغ

نصيحتي لك شف احد اصحابك ممن ركبوا هذه القطع في سيارتهم واذهب الى اي كهربائي وخله يشوف الشغله وقله ابغاك تسوي مثل هذي

وانا مستعد اذا تبي تشوف القطع في سيارتي اي وقت
تسلم الله يعافيك ماقصرت

انت وريثان القصيم

[المحترف800]

أسعارهم ناااااار ..

[قناص*07]

ياشباب انا من اللي يحب يشتغل بيده وابحث عن القطع بنفسي.

http://www.mekshat.com/vb/showthread.php?t=271766&page=3
المهم انا بحث عن قاعدة الفيوزات اللي السوافي يركبها ولا لقيتها بديره بالوسطى والغربيه والقصيم و الجنوب. وصدفه وانا راجع من اجازه خارج المملكه مار بالاردن ووقفت عند محل قطع غيار ولقيت نفس قاعة الفيوزات وبـ 3 دنانير(16 ريال)والافياش ماخذها من البطحاء عند فندق اسيا على ما اعتقد في محل يبيع قطع غيار. والسويتشات من مجداف وانواع جيده. والجرجور من ساكو المتر بـ 3 ريال والمحول بـ220 ريال الفارس نفس الي عند سوافي بس ما اقتنعت فيه صراحه.الولاعه من الزينه بـ 10 ريال والمبات 4 بـ 60 ريال اصلي من مرسيدس الوكاله وقاعدة الكينود بـ 30 الثنتين ولمبة الخزان او الحنفيه بـ 15 ريال من الزينه ومحلات التريلات بس غير المبه الى 12 V والسلا المتر بـ 2ريال كيبل الرياض ولا استخدم لونين مثل السوافي من شركة الترا

والشغل باقي انت وفنك.

قبل اسبوع كنت عند سوافي مع واحد من اخوياي ومجهز سيارته عندهم واخذ منا 1700 ريال. شغلهم نعم 100% نظيف ولا فيه كلام بس السعر جداااااااااااااااااااااااا مبالغ فيه.
حسبته ما تتعدا 600 ريال وعلى فكره المحول جايبه معي

[أبو عقيل النجدي]

غاااااااااااااااااااااااااااااااااااااااااااااااال ي

وشايف روحه الله يصلحه

[عبدالله الضويان]

يا اخوان بالنسبه للشغل تقولون مايتعدى 500 وجلست احسبها ماجت معي وشلون مايكلف 500
وانا يوم انتهت بطارية سيارتي رحت اركب مثل البطاريه للي يركبونها سوافي ولقيتها في الصناعيه 340 ريال
يعني من غير تفصيل القاعده ومن غير شغل اليد
هذي البطاريه وحدها ولو تظيف المحول واللمبات والمفاتيح وغيرها بالراحه تتعدى 800 ريال من غير شغل اليد
وشلون تقولون ما تتعدى 500 ريال
طيب الاخوان اللي يقولون ماتتعدى 500 او600 هل بالامكان توفرون جميع الطلبات من غيرالشغل باقل من 500
اذا تقدرون الله يجزاكم الف خير وفروها وخوذو مكسب 100 ريال للي يطلبها منكم وخلوا اللي طالب ياخذهن ويوديها لكهربائي ويركبها لهم
وتسوون فيهم خير وانا اول واحد ابطلب

[ابو رمزي]

الله يعطيكم العافية على هالمعلومات القيمة

[وادي النوم]

شبابنا هل هناك بديل عن السوافي

مع العلم أني اتصلت بورشة بدر وصراحه اعجبني كلام راعي الورشة

لأنه قال حنا نبحث عن منظم اصلي وبإذن الله إن جبنها ابشر نتصل عليك

وإلى ساعك مااتصل واتصلت عليه قبل شهر وقال حنا مشغولين الآن بالصاجات


هل ننتظر ورشة بدر أو هناك بديل جيد ومخلص ارجو الافادة ولكم منا الدعاء والاشادة

[سوبر VTC]

وادي النوم وش تبي تركب ؟
عندك الكهربائي سليمان الخطيب بالصناعية القديمة
ايضا الكهربائي ماجد المنديل
اسعار لا باس به والشغل مشروط

[وادي النوم]

حبيبي سوبر فتك

عذرا على التأخر بالرد لانشغالي يالغالي

ابركب بطارية ثانية ولمبتين بالكبوت ولمبه بالخلف مثل لمبات راعي ورشة بدر موتري جيب

وماطور هواء وتسليك للثلاجة وفيشين للكهرب

اطلب الوصف الدقيق للورشة ورقم المنديل الله لايهينك

والمعذرة على الازعاج

[عريق الدسم2]

اخوي نصيحة

سوافي شخص نصاب ثم نصاب

وسعودي الي فية شايف نفسة بعد ما اخذ سمعة عند المكشاتين

وفوق هذا كلة سعر نار

اهم شيء ياخذ الي في جيبك من قروش بطريقه واخرى حسبي الله