حــــــــرارة البـــــــاتـــــــرول لمن يمتلك باترول لايبخل علينا

[المميـز]

السلام عليكم

الموضوع ومافيه عن حرارة الباترول في جميع الموديلات

ودنا بهذا الموضوع نتعرف على حرارة الباترول ( يعني كم توصل معك بالشتاء وكم توصل معك بالصيف؟؟)

ومن هذا الموضوع ابشوف هل فيه فرق من باترول الى باترول ؟؟

انا اعرف ثلاث شباب معهم باثفندرات واحد منهم حرارة موتره ماتوصل الربع ماشاء الله عليه حتى بالصيف
والثاني نفس الموديل وتتعدى الربع !!
والثالث تحت النص بشوي ونفس الموديل

والثاني والثالث سوو فحص لمواترهم وصارة سلييييمه ماشاء الله والوضع طبيعي جدا

واذكر احد الاخوه عندنا بالمنتدى يقول حرارة الباثفندر معه ثابته على النص والوضع طبيعي

وانا من هذا الموضوع ابشوف الباترول

انا معي 2001 ولله الحمد يوصل الربع بالصيف وبالشتاء تحت شوي اما واحد من الشباب معه نفس الموديل ويوصل فوق الربع حتى صورتها لكم مثل ماطلب مني لانه يبي يشوف هل الموضوع طبيعي والا لا ؟؟
http://www.mekshat.com/pix/upload/images36/mk14425_img0292.jpg

طلعت معه امس الضحى وحرارة الجو كانت 43 وحرارة السياره مثل ماتشوفون كذا واكثر شوي اذا وقفنا عند اشاره

وطوووول وقتنا ومشاويرنا والمروحه شابكه والموتر ثقيييييييل وصوت طحن المكينه وطبعا مثلكم عارفين حتى العزم يطيح

انا يوم شفت الوضع معه قلت شكل الموضوع مهب طبيعي

بس خل نسأل اخويانا اللي بالمنتدى لعلهم يفيدوننا باللي حاصل معهم ومن تجاربهم مع السيارات

وانا هينا منتظركم ومنتظر وجهة نظركم تجاه هذا المسكين الذي يعاني من حرارة سيارته :D

[راعي كيف]

السلام عليكم
معي 2001 الحرارة على خط الربع تزود وتنقص إذا ارتفعت صارت مثل اللي بالصورة ركبت مراوع سوبارو الموتر خف بالحيل واضح الفرق قبل وبعد التركيب فية حساس إذا وصل الربع وتعدى شوي إشتغلت المراوح ونزلت الحرارة وبعتقادي إن الحرارة عادية جداً المهم لاتتعدى النصف .
ملاحظة قل لخويك يربط الحزام :) ههههه
وبالنسبة للوضيفة و شي شهادتك راسلني على الخاص؟؟؟؟؟


المحب راعي كيف
ابو ناصر

[ابواسامه 2007]

اخوي المميز تحياتي لك
الحقيقة انا عندي حراره الباترل تقريباً نفس اللي بالصوره في عز الظهر والمكيف شغال ومثل ما تفضلت احس بثقل في السياره وصوت حنه اذا تجاوزت ال100 بس الحراره ثابته اما في الليل تنزل شوي الحراره ويخف الموتر اذا طفيت المكيف والفرق واضح .
ودي اسأل عن مراوح السوبارو وش تفرق عن مراوح الوكاله ؟؟
وش مميزاتها وماهي عيوبها ؟؟

[abo_Majed]

طبيعي جداً

[الروض]

طبيعي جدا جدا ومعتمد كلامي هو الكاتالوج
انظر وشف وش حد الطبيعي

[المميـز]

السلام عليكم
معي 2001 الحرارة على خط الربع تزود وتنقص إذا ارتفعت صارت مثل اللي بالصورة ركبت مراوع سوبارو الموتر خف بالحيل واضح الفرق قبل وبعد التركيب فية حساس إذا وصل الربع وتعدى شوي إشتغلت المراوح ونزلت الحرارة وبعتقادي إن الحرارة عادية جداً المهم لاتتعدى النصف .
ملاحظة قل لخويك يربط الحزام :) ههههه
وبالنسبة للوضيفة و شي شهادتك راسلني على الخاص؟؟؟؟؟


المحب راعي كيف
ابو ناصر

مشكوووووووور على مرووورك اخوي راعي الكيف

اجل ابخليه يطق مراوح وانا بعد مادام ان الموتر يخف نبي نطقم مراوح

ومن ناحية الملاحظه ههههههههههههههه ابشر باللي يخليه يحزم ارباط الامان


وانتظرني على الخاص

[المميـز]

اخوي المميز تحياتي لك

الحقيقة انا عندي حراره الباترل تقريباً نفس اللي بالصوره في عز الظهر والمكيف شغال ومثل ما تفضلت احس بثقل في السياره وصوت حنه اذا تجاوزت ال100 بس الحراره ثابته اما في الليل تنزل شوي الحراره ويخف الموتر اذا طفيت المكيف والفرق واضح .
ودي اسأل عن مراوح السوبارو وش تفرق عن مراوح الوكاله ؟؟
وش مميزاتها وماهي عيوبها ؟؟


هلا وغلا اخوي ابو اسامه

الله الحمد لله دام الوضع طلع طبيعي

وبالنسبه للمراوح : الفرق بينه وبين حقت الوكاله ان حقت الوكال مروحه وحده مرتبطه بالمكينه يعني اذا اشبكت ثقلت على الموتر ويصرف بانزين واذا فصلت الموتر يخف

وبالنسبه لمراوح السوبارو تركب بالرديتر وتصير مفصوله عن المكينه ويكون لها سرعتين
السرعه الاولى ماتشتغل الا مع المكيف او اذا احتر الموتر ( طبعا فيه حساس واذا وصلت الحراره فوق الربع اشتغلت واذا نزلت تطفي المراوح )

والسرعه الثانيه ماتشتغل الا اذا ارتفعت وصارت فوق الرربع بواجد يعني حول النص واذا كان الموتر طبيعي
انسى تشتغل

انا مجربها قبل كذا على موتر ثاني وممتاااااااااااازه بالحيل وتقلل من صرفية البنزين وتخفف على السياره

ومشكووور على مروووورك

[المميـز]

ابو ماجد



الروض



مشكووووورين على مروووركم



والله يبشركم بالخير دام الوضع طبيعي

[Mr.Patrol]

اخي (المميز)

طبيعى بس ركب مرواح السوبارو الكبيره مو الصغيره تذكر ها الشئ وابشرك انا مركبه وصراحه خف الموتى حتى مع تشغيل المكيف.

[أبو محمد2010]

الحرارة طبيعية جداً ولك إلى الخط الي قبل H وهي طبيعي وراجع الكتلوج...

وشي طبعي إختلاف حرارة السيارة والباترول عادة ما يتعدى الثلث..

[rayes3]

السلام عليكم

معي موديل 98 والحرارة نفس اللي في الصوره

عندي طلب شرح لمراوح السوبارو تصلح على موديل 98

[Mr.Patrol]

اخي(rayes3)

نعم تركب مركبه على موتري نفس الموديل 98.

[المميـز]

Mr.Patrol

مشكووور على مرووورك بس ماقلتلي كم تكلف هذي المراوح ؟؟

ابو محمد 2010
مشكووووور على مروووك بس الحراره الى H اتوقع تبوش المكينه !!!

rayes3
مشكوووور على مرووورك وشكلنا نبي نطقم مراوح

[الفهد11]

والله يابعد قلبي انا معي فتك 2004

وحرارته اقل من اللي بالصوره بشي بسييييييييييييييط يعني فوق الربع بشوي

وحرارته ثابته دائما ًًََ بالصيف والشتاء نفس الكلام .


ارجو اني افدتك .

[أبو محمد2010]

ابو محمد 2010
مشكووووور على مروووك بس الحراره الى H اتوقع تبوش المكينه !!!

حياك الله يالمميز راجع الكتلوج وشف هل الكلام سليم أم لا وشكراً لك....

انا قلت الخط الي قبل H ما قلت إلين H شكراً لك.....

[المميـز]

والله يابعد قلبي انا معي فتك 2004


وحرارته اقل من اللي بالصوره بشي بسييييييييييييييط يعني فوق الربع بشوي

وحرارته ثابته دائما ًًََ بالصيف والشتاء نفس الكلام .


ارجو اني افدتك .

ماشاء الله والله لايغير عليه

ومشكووور على مرووورك الكرررريم

[المميـز]

ابو محمد 2010
مشكووووور على مروووك بس الحراره الى H اتوقع تبوش المكينه !!!

حياك الله يالمميز راجع الكتلوج وشف هل الكلام سليم أم لا وشكراً لك....

انا قلت الخط الي قبل H ما قلت إلين H شكراً لك.....

حياك ربي اخوي ابو محمد 2010 وشاكر لك على المتابعه

انا فاهم كلامك الخط اللي قبل الـ H يوم شفت الصوره وتخيلت المنظر !!! مادخل راسي

وبالنسبه للكتلوج مادري وينه وانا رجال مصدق كلامك بس اخاف الصوره اللي بالكتلوج مجرد صورة للشرح!!!

ومشكووووووووووووور على مروووووووووورك الكرررررررررررررريم

[خالي الذيب]

ياشباب الله يجزاكم خير خويكم مطفي النور ولاندري وش السالفة نبي واحد خبير يشرح قصة مراوح السوبارو شرحاً مفصلاً وبالصور اذا امكن لاني مادري هي المروحة الكبيرة او المراوح الثنتين اللي بين الشبك والرديتر ترونا دخنا

[ميهاف]

السلام علكم..
" الراي كما أتوقع انشاء الله(على حسب خبرة باترول موديل 91 قديما)
1-لون السيارة يلعب دور كبير في الحرارة.
2-الرديتر يحتاج الى تسييخ والمههههم(وضع موية تويوتا الاصلية)وان كانت السيارة نيسان او اي شركة.
(عند شراء سيارة مستخدمة التاكد من وجود بلف الحرارة)

[باترول 4×4]

على حسب ما أعرف أن سبب الحرارة هو أحد هذه الأشياء :- المروحة اللي في الماكينة (أحد الريش فيها كسر ولا اعوجاج ...الخ)
- تماتيك المروحة (فهو يكون بسرعتين وبحسب حرارة السيارة يزيد من دورة المروحة )
- الرديتر ( ناقص الماء ولا فيه تهريب ولا سدد... الخ)
- خراطيش الماء ( فيها سدد ولا تهريب ، وأحيانا إذا كان اللي قديم قد ينعفط مع الحرارة فيتسبب في زيادة حرارة السيارة...الخ)
- طرمبة الماء (حذار من بعض مغاسل السيارات اللي يدخلون لي الماء في الرديتر ويسوون له تنظيف لأن هذا يتسبب في تلف ريش طرمبة الماء ممايجعل ضخ الماء فيها ضعيفا أو معدوما .
- نقص زيت الماكينة .
- تسريب غطاء الرديتر .
- وزن الديلكو (قد يتسبب في زيادة حرارة السيارة )
- انسداد الشكمان ( لأن هواء العادم يعود إلى الماكينة)
- وجود كسر في غطاء المروحة اللي فوق الرديتر لأنه يجعل هواء المروحة اللي يدخل للرديتر أخف .
وبالنسبة لمراوح السوبارو لم أجربها ولكن أردت أن أركبها قبل مدة عند كهربائي تركي (معروف بجودة شغله لكن سعره غالي شوي) قال لي : ان المروحة الأصلية في السيارة (شد بلدها) أكثر تحملا لك للزمن حتى لو كانت ثقيلة شوي على السيارة فهي بمثابة مروحتين أو ثلاث .

[المميـز]

خالي الذيب
بالنسبه لمراوح السوبارو ماتركب بين الشبك والرديتر
تركب بالرديتر من ورا من جهة المكينه وابشر ان شاء الله بالصور


ميهاف
اخوي مشكوور على المعلومات ومشكور على المرور


باترول 4×4
مشكووووووووووووور اخوي على المعلومات
ومشكوووور على المرور الكريم

[سعيدان11]

اخوي شيل الفلتر الي جوا كوع المويه
قبل تغير المراوح

[محسن اليامي]

موتري VTC 2003 في عز الحر نفس اللي بالصوره وفوقه شي بسيط واذا مشيت طاحت على الربع وهذا شي طبيعي بالنسبه لجونا الحار واليوم الساعه خمس العصر درجة الحراره وصلت 47

[Abu Msh3aL]

الموضوع قديم من تاريخ 2007 :)

[هاااااوي]

السلام عليكم اخواني ابي استفسر عن افضل مراوح كهرب للفتك 2004

لأن الحرارة عندي ترتفع شوي وقالوا غير التوماتيك قلت اركب كهرب ازين ..

ورايكم يهمن ؟؟؟؟؟؟؟؟؟؟؟

[طحنون]

حتى لو توصل الحراره الى النص اذا كانت السياره بخاخات فهاذا طبيعي في الجو الحالي مع تشغيل المكيف وفيه سيارات اذا شغلت المكيف تنفخض الحراره بسبب المراوح تشتغل بااقصى طاقتها

[سوبر VTC]

السلام عليكم اخواني ابي استفسر عن افضل مراوح كهرب للفتك 2004

لأن الحرارة عندي ترتفع شوي وقالوا غير التوماتيك قلت اركب كهرب ازين ..

ورايكم يهمن ؟؟؟؟؟؟؟؟؟؟؟


مانصحك ابد تركب للفتك المكينة حساسة جدا و لو تطفى المرواح
تحتمي المكينة و تخبط وقيمته بالتشاليح غالية جدا جدا هذا اذا وجدت
و سبق ركبه واحد و توهق و طفت المراوح و لكن الله سلم
ادخل الرابط و شف ردي
عزيزي صاحب الباترول رايك يهمنا (( مراوح الكهرب )) - منتديات مكشات (http://www.mekshat.com/vb/showthread.php?t=222802)

[سلطان 2010]

عندي بترول صالون 97
كانت الحرارة اول تحت الخط واذا وصلت للخط تشتغل مراوح الكهرب وجلست سنتين ونص..
وبعدها غيرت الاديتر الاردني وركبت نفسة يعني بالضبط قبل شهرمركبه وبلشت وصلت الحرارة الربع والمراوح ماتفصل وقلت خلني اغسل السرندل وغسلته وغيرت غطاء من ابن ماضي اصلي بـ 35 ريال قلت ابشوفه يوم رحت لدوام 8كنت امشي 150 لمسافة 15 كم يوم وصلت لو الحرارة الربع ولا فيه اي تنسيم او تهريب مويه..
افيدوني

[يريور عيمان]

الحرارة في الصورة طبيعية
معي فتك 2009 وقت الظهر و المكيف شغال تطلع فوق الربع بشي بسيط
مثل اللي في الصورة
و ابعد عن شغل الترهيم و التركيب للمرواح
الصانع ادرى بسلعته مني و من غيري

[سوبر VTC]

عندي بترول صالون 97
كانت الحرارة اول تحت الخط واذا وصلت للخط تشتغل مراوح الكهرب وجلست سنتين ونص..
وبعدها غيرت الاديتر الاردني وركبت نفسة يعني بالضبط قبل شهرمركبه وبلشت وصلت الحرارة الربع والمراوح ماتفصل وقلت خلني اغسل السرندل وغسلته وغيرت غطاء من ابن ماضي اصلي بـ 35 ريال قلت ابشوفه يوم رحت لدوام 8كنت امشي 150 لمسافة 15 كم يوم وصلت لو الحرارة الربع ولا فيه اي تنسيم او تهريب مويه..
افيدوني



المراوح على السرعة الثانية ؟؟؟
عموما فيه خمس مواضيع الان بخيمة الاعطال يشكون من ارتفاع الحرارة بشكل مفاجئ
و انا اقول موترك مابه الا العافية و لا تخسر على غير فايدة
اذا كان عندك اديتر اصلي رصتين المنيوم ركبه حتى لو كان مستعمل بشرط نظافته
لا تنسى الان انه دخلت جمرة القيض 40يوم الوضع عادي و مطمئن
مواتر جديدة العام الاول و اللي قبله الحرارة على النص و تحت النص بشعره
خصوصا الجيوب و الباترول الفتك

تاكد من البلف لا يكون معلق و فاتح او خربان السبرنق شاهد الصور على الرابط
http://www.mekshat.com/vb/images/misc/subscribed.gif استفسار عن حرارة الداتسون ؟؟؟ (http://www.mekshat.com/vb/showthread.php?t=412251)

[عالي الكيف]

شباب استفسار الله لا يهينكم

عن تركيب مراوح السوبارو هل لازم نلغي مروحة المكينه الاساسيه ؟؟؟

ولا تكون مساعده معها ؟؟

[فتك 6666]

شباب استفسار الله لا يهينكم

عن تركيب مراوح السوبارو هل لازم نلغي مروحة المكينه الاساسيه ؟؟؟

ولا تكون مساعده معها ؟؟
اصلا ماراح تركب المراوح الا اذا الغيت المروحه الاساسيه

[التعـ King ـديل]

الحراره الطبيعيه للفتك تحت الربع بخط واحد وفوق الربع بخط واحد اذا الجو حار