فيدوني ياهل الفزعات في باثفندر

[عبدالله1234]

ياهل الفزعات والمشوره ابي النصيخه في باثفندر 2002 سعره وقوته او 2003 وش افضل مواصفات ابي فل كامل

ابي المشوره من اهل الاجواد الله يستر عليهم دنيا واخره ... وش يختلف 2002 عن 2003 فل كامل

[غضنفر]

2002 180 حصان حجم المكينة 3200 مكينة سدرك مطورة
2003 250 حصان حجم المكينة 3500 مكينة الالتيما والمكسيما

[ايوه111]

يا خوي انت لما تقول 2002 2003 كأنك تقول السما والارض انا عندي با ثفايندر 2000 وجربت 2003 لكن 2003 عجيب كأنك تسوق مكسيما طياره

باثفايندر 2000-2002 باثفايندر 2003-2005
3300 سي سي 185 حصان 3500 سي سي 250 حصان القير العادي و240 حصان القير الاتوماتيك

لكن نصيح اذ كنت راح تاخذ لك با ثفيندر خذ موديل 2005 وانا بالنسبه لي احسن سيراه في نيسان قوي وجامد وكده ما يقول شي
مش مثل السفاري يتفكك بسرعه لكن قطع غياره غاليه ةهاذي كل النيسان كذا ويستهلك بنزين

[بواسامه]

ياعبادي
اذا تبي النشاط خذ الجديد
بس الله يعينك على شربه للبنزين وحرارة التماتيك ترتفع مع التطعيس شوي
واذا تبي الممشى العادي والصرفيه العاديه فخذ 2002 وتحت
وفقك الله

[salehhd]

السلام عليكم

الشباب ماقصرو

لاكن في ملاحظة وهي ان موديل 2003 فية مشكلة في حساس الهوى وكذلك الديكور الداخلي عادي
موديل 2004 و2005 تم حل هذه المشكلة وكذلك المقاعد تختلف والطبلون زينون فانصحك تاخد من هذي الموديلات

ولا تنسى تستخير

بالتوفيق

[المميـز]

لكن نصيح اذ كنت راح تاخذ لك با ثفيندر خذ موديل 2005 وانا بالنسبه لي احسن سيراه في نيسان قوي وجامد وكده ما يقول شي
مش مثل السفاري يتفكك بسرعه لكن قطع غياره غاليه ةهاذي كل النيسان كذا ويستهلك بنزين

هلا وغلا اخوي ايوه111

وش فيك معصب على السفاري :D

[مكحل الحنشان]

في نقطة مهمة اللي هي
ان الباثفايندر 2002 وتحت سير التايمن ربل (مطاط) لازم تغييره كل 50الى80 الف
بس من2003 وطالع سير التايمن جنزير حديد عمره من عمر المكينه

وشوكرن

[بن محفوظ]

اذا انت راعي ديره خذ لك تومتيك ..
واذا راعي بر ومكاشيت خذ عايدي ..

والصرفيه مثل الجي اكس ار

بس نصيحه لا تاخذ 2003 لانه في مشاكل تصنيعيه ...

خذ 2005 وانس المشاكل بأذن الله .

[عاشق السيل]

ايوه 111 :
السفاري أخو الباث من ناحية تماسكه وخفة دمه ،،

بس السفاري أوسع وأريح بالخطوط وأرغب بالسوق وأوفر قطع غيار ،،
أما الباث ضيق جدا ومتعب بالخطوط ونادر بالسوق وقطع غيار ،،،،،،،،،،،!!!!!! قابلني ،، ( كلامي عن تجربة طويلة )


أخوي عبدالله1234 : ألف مبروك مقدما ،، وتقبل مروري ...



عاشـقhttp://www.mekshat.com/pix/upload/sign/images/mk49539.gifالسيل

[ايوه111]

اخوي عاشق السيل

انا معك ان الباثفندر اظيق من السفاري من حيث الارتفاع في السقف لكن لركاب المقاعد الخلفيه اوسع من السفاري

سبعه من ربعي عندهم فتك ومجربهم مقارنتاً مع الباثفندر , وتقول في الخطوط ماهو شي احسن وارسى من السفاري بكثير والباثفدر اجمد

من السفاري الي عندي موديله 2000 ولله الحمد ما زال موجود مطلعه وكاله وباقي مواتر ربعي نياسين (سفاري) مديلاتها 2002

, 2005, 2006 معظمهم باعوها الا اثنين منهملانهم تبهدلوا معها

لكن انا اقول مع احترامي لاعضاء امنتدى كلهمم تبن في تبن مع عطي الله التويوتا (علماً اني من اكثر محبي النيسان سابقاً)