الفزعة يالنشاما !!!!!!!!!

[ذهلان 1]

أخواني تكفون يالنشاما
لاخبت ولا خيبني الله:confused:
عندي لاندكروزر 2001 :cool:
مايشتغل الونش بالريموت
يشتغل دايركت
جربه الكهربائي وقال لي يبغى له شغل
وده الوكالة والوكالة تخبرونها حليلة ما تقصم الظهر!!! أبدا :no2:
أبي الله لا يهينكم اللي يعرف ورشة صيانة للونش يدلني وأدعي له الى يوم الدينً


شاكر ومقدر للجميع
حريب الردى

[alkongrs]

وده لسليماني الله العلم يزينونه لك

[ابو عاذر]

شف اخوي عليك بورشة الراجحي بالرياض على الدائري الجنوبي ووصفهم :- أمسك طريق الدائري الجنوبي متجه غرب تعدى كوبري حراج بن قاسم ثم أدخل مع الخدمة مع مخرج كوبري أل فريان ( بعد كوبري بن قاسم على طول ) خذ يو تيرن من تحت الكوبري راجع مع الدائري متجه شرق يجيك حوش محطة الصرف الصحي على يدك اليمين وأنت بالخدمة بعدها يجيك شيب ماء الورشة بجانب الشيب .
وشغلهم مضمون أصلاح وتركيب وارخص في سعر الاصلاح وافضلك من الوكالة التي من عوايدهم قيمة الاجور العالية لشغل اليد من غير قطع الغيار.

مع تحيات اخوك ابو عاذر

[غالي]

اول شيء اخوي تأكد ان الكهرباء واصل
هذا اولا
ثم تأكد ان السنن الي في الونش والي في سلك الريموت نظيفه
قد تكون احد هالحفر وصخه ولايوصل الكهرباء
واول ماتشبك الريموت ترا بتسمع مثل الطقه خفيفه في الونش
هذا معناه انه شغال
اذا سمعتها (شيك على الريموت الحاله فقط ) ترا منيب متأكد لكن مابيك تروح لفلان وعلان ويقولون خل الموتر عندنا ثم لين رجعت لهم قالوا صلحنا كذا وكذا وهو تسذب
اسمحلي عطيتك الحلول افحصها قبل لاتروح لاي ورشه
تقبل تحياتي ... والله اعلم

[عاشق السيل]

ودي أفيدك أخوي بس علشان هالدعوة ....

ياحظك يابوعاذر كسبت دعوة الرجال إلى يوم الدين !!

تقبل مروري .........



عاشـقhttp://www.mekshat.com/pix/upload/sign/images/mk49539.gifالسيل

[عبدالله العمرو]

أخوي السلام عليكم ...
قبل تتعب اكتشف وين المشكلة بالضبط أول شي ...
شف لك واحد من خوياك عنده ونش نفس الشي .. وخذ الريموت منه وجربه على الونش حقك ... إذا اشتغل ترى ونشك ما فيه مشكلة فقط دور لك ريموت ولا يحوسون بسيارتك ...
وإذا نفس المشكلة فهذا يعني إن المشكلة في الونش نفسه أو من فيش الريموت ما يوصل ....

تحياتي لك