ياخبراء...... (الشاص) ...... وينكم

[طيرالحمــــاد]

السلام عليكم ورحمة الله وبركاتة
يالربع انا عندي جيب شاص موديل 2001 وطلعاتي للبر مستمره والارض اللي نطلع لها جلد
المشكله انه بس ايطامر يوم تنزل منه الا انت واللي معك متكسره اظهوركم .
هواء الكفرات تقريبا 25 والكفرات ياباني (اوتسوا) مقاس 825 السوستات( 11 ) ريشه
ملاحظة/ اذا كان امحمل ماعندك احسن منه
* فتكفون اللي عنده طريقه امجربه يفزعلي بها وخصوصا ان ديرتنا جيوب الشاص قليله جدا فيها
اذا ماهي معدومه مره

وتقبلو خالص تحياتي
طير الحمـــــــاد

[قيال]

الاخ : طير الحماد
السلام عليكم ورحمة الله وبركاته وبعد

انا عندي شاص وكنت اعاني من نفس المشكله حتى وجدت الحل لدى احد الفنيين :
السست الخلفيه : فك من كل وحده ثلاث ريش ( السست تكون متدرجه في المقاسات ولكن يوجد ثلاث منهن
متكررة المقاسات هي اللي فكهن )
مع مراعات التعويض عنهن بورد او قطع صغيره من السست . لكي لاينزل قفى الموتر .

اخوك : قيال

[طيرالحمــــاد]

وعليكم السلام ورحمة الله وبركاتة...
كل الشكر ياقيال على الرد
ومادامك كنت اتعاني من نفس المشكلة ولقيت الحل بفك السست
فنا رايح افكهن
الله يعطيك العافية يا قيال على المعلومات الطيبة

اخوك : طير الحماد

[الشـ9ــاعر]

أخوي / طير الحماد (راعي الشاص)

الحل والله عندي وانا اخوك.....

كان عندي شاص موديل 2001 وانا عارف ان بلاه المطبات والشطوب
وهو اصلا الشاص مصمم عشان القوة والتحمل وحديدة قوي مرة ولكن عندي لك طريقة رائعة.....
أولا سو زي ما قالك الاخ/ قيال ... ثانيا حمل الشاص اي حمل ثقيل ثقيل مرة وخله واقف يوم والايومين (عشان تتلين الريش الباقية وتصير قابلة للمرونه والانحناء .

أنا الشاص اللي عندي مركبله خزان صغير خلفي يعني مكان السبير السفلي وماليه ماء عشان يتكي الموتر ورا ويصير المطب خفيف ..... فحبذا لو سويت مثلي ...

وشكرا

[قيال]

الاخ : الشـ9ـأعر
السلام عليكم ورحمة الله وبركاته .
بالنسبه لطريقتك الثانيه بتحميل الشاص حمل ثقيل . ومن ثم تليين السست . فأنا اخالفك الرأي .
لأنك قد تحتاج مستقبلاً ان تحمل سيارتك حمل ثقيل مثل رحله للربع الخالي او السودان
( براميل البنزيم او جراكل الماء ) وتكون سست الشاص ضعيفه . اما اقتراحي فابأمكانك
اعادة تركيب السست خلال ساعه واحده بمبلغ 60 او 70 ريال .

واذا كان الهدف من رأيك الزياده في الليونه فمن الممكن انه يفك اربع او اكثر. ولكني من خلال تجربتي
ارى ان ثلاث مناسبه .

.............................. والله الموفق .............................
اخوكم : قيال

[طيرالحمــــاد]

تسلم اخوي العزيز الشــ9ـــاعر
بالنسبه لطريقتك جربتها ركبت خزان ماء يتسع لحوالي 70 لتر يمكن اقدر اقول
خفف شوي وطريقة بقاء حمل فيه والله جربتها وحملته حوالي 40 كيس صوامع
وجلسن بظهر الموتر حوالي اربعة ايام ولكن دون جدوى علما اني مشيت فيهن حوالي
150 كيلو مابين اسفلت وجلد .
والله اعلم ين مافيه افضل من طريقة اخوي قيــــــال
لكم كل الشكر
طير الحمــــــاد

[شاص]

فيه طريقة ممتازة بالحيل سواها أحد الزملاء ونصحني أسويها بموتري ألا وهي أنه نزل سستتين (2 من السست) وقلب الثالثة وصار مركب الموتر ياسلام سلم علماً أن موتره 2001 بريمي يعني 11 سسته وصلحه عند ورشة ابن مرضاح بالصناعية القديمة

[طيرالحمــــاد]

شكرا لك على المشاركه
بس مدري اي السست اللي تقصد نزلهن خويك .
ذكر لي الاخ قيال حل تقريبا مشابه لحلك هو تنزيل ثلاث سستات (المتساويه)
مدري هن اللي تقصد والا لا