تكفون ياشباب الحراره في الباثفندر اتعبت قلبي وش الحل؟؟؟

[لا للباثفندر]

السلام عليكم يا شباب
اولا مرحبا
وثاني شيء نبغى منكم حل لهذه المشكله مع الباثفندر موديله 2004 وماشي تقريبا 110,000 والمشكله مع الحراره وخاصه اذا مشيت فوق 140 ترتفع الى النصف واذا وقف الموتر تصير الحراره طبيعيه صيخت الاديتر صلح فتره ورجع الى ماهو عليه غيرت الاديتر بكبره من الوكاله قلت يمكن الاديتر خربان وايضا صلح فتره ورجع الى ماهو عليه شيكت على المروحه الاساسيه سليمه وايضا شيكت على المروحه الكهربائيه وايضا سليمه والله ما ادري وش الحل معه افيدوا ياشباب جزاكم الله خير .

[عاشق]

ياخي عاديه الحراره اذا كان في الصيف فقط
واهم شي ماتتعدى النصف

[((( الحر)))]

هلابك اخوي

الاحتمالات كثيره لكن شيك على الكنداسه يمكن فيها ضربه مسببه لها ضيق في التنفس :) ومايرجح هذا الاحتمال هو قولك ان الحرارة ترتفع عند السرعة العاليه

تحيتي

[جهآم]

اتوقع ان الخرطوش ينصفط وانت داعس بانزين : افتح الكبوت وخل واحد يدوس بانزين الى ان يكون الكمبريشن على رقم 4 لمدت 20 ثانيه راقب الخرطوش إذا الخرطوش ينصفط غير الخرطوش بواحد جديد اصلي --- والله الموفق

[جراب]

السلام عليكم ورحمة الله وبركاته

تحية طيبة أخي لا للباثفاندر الله يعينك على ما اصابك أنا انصحك تشيك على خرطوش المكيف الحار لأنة حساس كثير أنا معي باثفاندر وخرب علي الخرطوش مرتين والحمد لله الامر سهل غيرتة بأصلي وانتهت المشكلة وكذلك غيرت البلف حق الحرارة .

الله يستر علينا وعليك ويكفيك شر الطريق والناس يارب الناس ,,,

[ابو نوره]

عليكم السلام
اتوقع يا اخوي ان الخراطيش تنصفط مع السرعه
وان شاء الله الشباب مهم مقصرين

[ابوحماد]

أخوي كان عندي هذي المشكلة وبنفس الطريقه خاصه اذا مشيت فوق 140 الى 160 كيلو ترتفع الحرارة فوق النصف

شارو علي الشباب أعضاء مكشات في بعض التشيكات ومنها تماتيك المروحه حقة المكينه غيرتها

والحمدالله زانت السيارة

غيرها بوحه جديدة (من التشليح) او من الوكاله وشيك على قوة السيور

أول شي تأكد من التماتيك قبل التغيير

[escape_man]

شف وانا اخوك


اذا المويه ماتنقص + الحرارة تزيد مع السرعة

معناها تماتيك المروحة لان المروحة مع زيادة سرعة المكينة وارتفاع حرارتها لابد تزيد معها تلقائيا سرعة المروحة

واذا في حالتك زدت السرعة تحتمي واذا وقفت او خفضت السرعة رجعت طبيعي فهذا مشكلة بالتماتيك

[ولد شقرا]

يارجال اهم اشي الموتر حرارته ماتوصل الى الى الهاي
وشرحك سرا انا موتر 2004 وماشي حوال ال 200 الف وخطوط رايح جاي فوق ال 140 ياصل النص والحمدلله ماشي معي زي اللوز
اهم شي ماينقص الرديتر وتوكل على الله سبحانه ولو تبي تعطي للحديد وجه ماسكت حتى ولو انه جديد
اتمنى اني فدتك
والله يوفقك واخيانك المسلمين
دمت بود......

[المميـز]

ماقصروا الشباب معك الله يجزاهم خير

انا ما ازيد على اللي قالوا شيء

[غضنفر]

لا تحوس ولا تغير شي
الباث اذا تعديت 140 ترتفع حرارته بشكل طبيعي
اذا كانت الحرارة ما تتعدى النص فالوضع طبيعي
سابقا في الشاص حقي كانت الحرارة دائما على النص

[كشته 111]

لا للباثفندر عندي اقتراح وودي انك تدرسه اذا كانت الحرارة ترتفع فوق الثلث .
اذا فيه مكان كافي ركب مروحة اضافية مع المروحة الرئيسية والتوماتيك , فيشها عندك في الطبلون اذا بغيت تشغل الدبل او طولت عند الاشارة او بتخلي عيالك في السيارة ونازل تجيب غرض او بغيت تمشي فوق المية وعشرين شغله , هذي الفكرة راح تريح السيارة مع المروحة التوماتيك الاصلية.
صحيح ان الحرارة ما راح تنزل للربع بس يساعد في تنزيل الحرارة شوي ,,,,


http://www.mekshat.com/pix/upload/images36/mk29635_hs46sahara.jpg

[لا للباثفندر]

الله يجزاكم خير ياشباب وان انشاء الله بشيك على كل اللي قالوه الشباب بس على فكره كيف اعرف تماتيك المروح خربان او سليم

[الحر الاول]

الحرارة طبيعية ..
افتح كاتلوج السيارة وشف مقياس الحرارة يقولك انه إلا الخط اللي قبل خط الاتش (طبيعي) رح افتح الكتلوج أنا امس شفت هاذي المعلومة موجودة فيه !!

شاكر ومقدر ...

[ابوحماد]

اذا كانت لف المروحه ثقيل على اليد فهذي علامه تدل على خرابه

بس تاكد من عند مهندس يكون افضل شي

[بدوي جنوبي]

امرك عجيب اخوي لا للباثفندر مع اسم المستعار :D
وسياراتك باثفندر
المهم ترا الحراره طبيعيه وانت عارف عندنا صيف هنا الله يعين عليه
الاخوان ما قصروا بيض الله وجيههم
اتمني لك التوفيق

[صلهامه]

بيض الله وجيهكم يالربع والله انا عندي نفس المشكلة بالظبط ورحت واحد وقال الاكيد من الاديتر وكنت ناوي اسيخه لكن شكلي بشيك على الخراطيش وتماتيك المروحة وعسى الله يجيبها سليمة والله ان السيارة تضيق الصدر اذا كنت ترتفع حرارتها او تنقص الما او الزيت وانت ماتدري وشو السبب شكري وتقديري لصاحب الموضوع ولجميع المشاركين