وش رايك في هايلكس (2007)

[خياله]

مساكم الله بالخير
شباب ودي اشتري هايلكس غمارة بنزين وبغيت من الأخوان سلبيات وإجابيات السيارة من كل النواحي وشكراً


اخوكم ابو علي التميمي

[أبو مسفر]

والله انا معي 2006 وماتفرق عن 2007 لكن عيبها انها ديزل ومع ذلك لا دخان والصوت اخف من الاولات
اما الى صارت بنزين فاخذها وانت مغمض موترماعليه كلام ووسيع ومريح لكن انصحك بالدفرنسين ابو رفارف ارفع واجمل

[المميـز]

انا اعرف واحد معه 2006 غماره وماشكى منها ماشاء الله

وانا سقتها كم مره بالنفود وخط ممتاااااازه ومريييييحه اريح من 2005 واوسع غماره بعد

واللي متعجب منه انا انه فيها ست اماكن للكاسات !!!

والله يكتب لك اللي فيه الخير

[عاشق ومعشوق]

السلام عليكم
اعرف واحد معاه 2007 يقول ماشاء الله زينه
واعرف واحد كان معاه 2006 وشرى 2007 ويقول ان 2007 بايخ وعلطول باع 2007 وشرى 2006

[المميـز]

السلام عليكم
اعرف واحد معاه 2007 يقول ماشاء الله زينه
واعرف واحد كان معاه 2006 وشرى 2007 ويقول ان 2007 بايخ وعلطول باع 2007 وشرى 2006

وش الفرق ؟؟؟ انا ما اشوف الا الخط تغير وهذا اللي انعرفه من تايوتا

؟؟

[إعصار]

ياجماعة الكرتون ارحم من الهايلكس الجديد ..

والله ماهنى شي وين الله يذكر 2005 والي قبله بالخير ابشر بموتر يتحمل ونشاط..

لكن الجديد نشيط وفي نفس الوقت كرتون ..


لكن خذ العلم ..

اذا انت رجال تبيه كشتات وتطعيس وبران وتبيه يطول معك لاتشتري الاشكال الجديدة ..

واذا انت راعي مدينة ومحتاجه في التحميل بس خذ الاشكال الجديدة ..


المعذرة كثرت الكلام ..

لكن تبقى وجهة نظر ..

والله يسر لك الصالح ..

[.أبوعبدالرحمن]

السلام عليكم ورحمة الله وبركاته


والله انا شايف انتشار الدفرنسين 2006 و2007 والله بقوة فلذلك اتوقع انه مضبوط ولا تنسى انه اخف من الموديلات القديمة وشكله روعة ابو رفارف ونصيحتي خذ 2007 خليجي او من عند البازعي والله اعلم لان خطه متغير وشكله جناااااااااااان والله يكتب لك اللي فيه خير



ولاتنسى الاستخارة

[ملاعب الريح]

عليك بالغماره السعودي (لوفرة القطع والديكور .......بعكس الخليجي) ولا تاخذ إلا بنزين


وسيعه ومريحه كأنك راكب موتر صغير وفيها عزم يروووووووووووع ما شاء الله


خذها وأنت مغمض




(ملاعب الريح)