جاء ( الـحـر ) .... وجاء تضليل السيارات !!

[شاهد عيان]

أخواني الأعضاء

السلام عليكم ورحمة الله وبركاته
زرت محلات زينة السيارات والصراحة تفاجأت من كثر أنواع تضليل زجاج السيارات .... لكن ودي أعرف وشو أحسن نوع من التضليله بحيث يكون نوعها وجودتها ممتازة ...

وعلى فكره وشو نوع التضليله التي يسمح المرور بتركيبها ...

وشكرا للجميع ...

[القماري]

في كول(V-COOL) أحسن شيء ، بس غالي

[Najd^Prince]

بسم الله الرحمن الرحيم

مساء الخير أخوي (( شاهد عيان )) :)
صدقت وانا أخوك التضليل كثر في هالايام ومثلك عارف الصيف دخل والناس يبون السيارات ماتصير قدور ضاغطه :D ماعلينا من هالكلام انت سألت عن أحسن أنواع التضليله ؟؟

إذا تبي الصراحه أعتقد مافيه أحد بالمملكه كثير تضليله زيي ;) بس على كثر التضليل الي جربته ماحصلت أحسن من تضليله أسمها (( V . Cool )) >> (( في كوول )) وهذي شركه تضلل موترك زي (( زيبرت )) الي إعلاناتها ماليه الجرايد :p على فكره هذي التضليله تحجب درجه حراره الشمس الى 60 % وعليها ضمان وتقدر انت تحدد درجه لون التضليله يعني تبيعا زي 0/0 أو 0/1 أو 0/2 ,,,,,, الخ .

بس عيبها إنها غاليه شوي :mad: :
أنا ضللت موتري كابرس 2000 جميع القزاز بـ(( 1500 )) ريال .

أما سؤالك عن التضليله الي يسمح فيها المرور فماعتقد إن المرور يسمح بشي بس هاليومين مايمسكونك على التضليله لانهم منشغلين بشي أكبر ومثلك عارف ;) .

ملاحظــــه :
راح يفتح محل في شارع الاحساء بالرياض (( قريباً إنشاء الله )) قريب من محل التأجير هرتز :)
وراح يتخصص بالنوع هذا من التضليل واسمه راح يكون (( StaR CooL )) و الاسعار راح تكون مناسبه للجميع على حسب ماسمعت من صاحب المحل شخصياً .

أميـــــــــــــــــــــر ^ نــــــــجــــــــــــــــــــد

[Y&Y_4X4]

السلام عليكم

الا منه فتح الله يعافيك العافية عطنا خبر ؟؟

[أبو ريم]

فية نوع من التضليل انقلينزي زي في كول بس رخيص 200 ريال تقريبا

وهو مفيد

[أيمن]

عطي الله .. أبو عشرين ريال تضلل السيارة كاملة .. ولو تبي تضلل نقل جماعي ما قال .. لا:D
ولا أزين منه .. :good:

تحيتي

[...الطوقي...]

8
8
8
8
8
8
8
8
مثلك انااا:D :D
ابو عشرين ويخب بعد:p







تحياتي لك
...الطوقي...

[ذيب حضن]

تحية طيبة
يوجد نوع جيد اسمه ( جونسون ) ارخص من( في كول ) بقليل