اللي يعرف ورش مميزه في تصليح المكيف.. الرياض

[عاشق الخزامى]

السلام عليكم جميعا

سيارتي جيب باثفندر دخلتها الوكالة عشان يعبون المكيف قلنا نكشخ وكاله كلها على اسوء احتمال

300 ريال ةلقينا السالفه مو تعبيئة مكيف المهندس يقول كمبرسور تغير كامل مع محتوياته يعني جديد

مع التصليح راح يكلف اكثر من 3600 :( المطلوب من الاخوه هنا اللي يعرف محل جيد ومعروف

لاني بصراحه اجهل كثير محلات المكيفات هنا في الرياض بذات الباثفندر موديل 1999

والله يجزيه الجنه.

وياليت تنوروني ايش الحل علما انني لاعلم فعلا هل المكيف فيه مشكله لهذي الدرجه ام لا

مع العلم اني من الناس الي يحافظ على السياره فما اعتقد وجوده كل هذي المشكله في المكيف

انتظر الردود من الجميع ,,, والله لايحرمنا من ارائكم

[Y&Y_4X4]

فية طال عمرك اثنين شيبان حضارم شغلتهم بس مكيفات وجيدين وانشاء الله انهم ينفعونك ,

وموقع محلهم الا صرت طال عمرك على طريق الخرج ووجهك جنوب في الصناعية القديمة وتعديت دوار الخرج وانت تحت الكبري طبعا يجيك بنك الراجحي على ايدك اليسرى U تيرن مع الاشارة ولف يمين بعد الراجحي يجيك محلهم بعد التقاطع على ايدك اليمنى وترى المحل على زاوية شمالية وغربية, تقريبا خلف الراجحي تماما , رح لمهم وعطنا علومك.

والسلام عليكم

[عاشق الخزامى]

اخوي من رمز لاسمـــــة 4 في 4

مشكور على الرد اخوي ونشالله راح اجي عندهم بس اتمنى انهم يكون عارفين المشكله بالضبط

لاني جيت محل في شارع ابن حنبل مكتوب على لوحته صيانة الكبروسور شافه وقرر انه يحتاج تعبيئة فقط

لكن اصراري انه لو وجدت فيه مشكله مستقبلا قال : راح اعمل فيه صيانة كاملة بسعر 250 بدون تعبيئة

وحترت خصوصا والوكاله قالو يبغى تغير على طول فالمشكله أ نى ممكن ادفع مبالغ عند الاخ هذاوبعد
كذا يطلع انه يحتاج تغير الكبرسور

ياريت من مشاركين نستنير بارئهم.

[Y&Y_4X4]

رح للي قلتلك ومثل ماوصيتك !

وفيه شي مهم مادام ان غاز المكيف نسم يعني لازم تشوف وش السبب في التنسيم يبون يفحصون الكمبرسور والمواصير والثلاجة قبل ما يعبي , لانه اذا الباش مهندس عبى غاز وقال لك امش تراه مايفهم ؟

اما بالنسبة للنك نيم استعمل نسخ ولصق ؟

[عاشق الخزامى]

Y&Y_4X4

مشكور اخوي على الردود واعتذر على طريقة كتابتي اسمك :D لكن منكم نستفيد

بالنسبه للمحل حق الحظارم اللي قلت عليهم:confused: ياريت وصف ادق من كذا واسم المحل

الله يزوجك انشالله :) قل اامين يعني مثلا لو نزلت من كبري خنشليله مثلا اول اشارهادخل يومين
ولا يسار ولا على طوول

اعذرني على دقة الوصف لاني جديد على المنطقه هذي ,,,,

[Y&Y_4X4]

شف وانا اخوك اذا نزلت من كبري خنشليلة وجاتك الاشارة رح على طول يجيك بنك الراجحي على ايدك اليمين لف معه وخله على يمينك يجيك تقاطع وقف في التقاطع وعينك على قدام الزاوية اليمنى محل شكله حقير وبعدين حظارم ماحطو لوحة, اصلا لان اللوحة تكلف فلوس يعني عفوا ما اعرف اسم المحل.

ان شاء الله ماتظيعه .

ولا تنسى الي وصيتك ؟

[عاشق الخزامى]

مشــــــكوور اخوي Y&Y_4X4

اتعبناك معنا ,,,, ويااارب نطلع بنتيجه معاهم بأقل خسائر من محلهم وشغل نظيف

وراح دور على المحل لين الاقيه اذا كان معروف على كلامك وتسلم اخوي ,,,,,

[Najd^Prince]

بسم الله الرحمن الرحيم

مساء الخير اخوي ( عاشق الخزامى )

وآسف على التأخير في الرد :( بس انا عندي لك واحد تركي في الربوه ممكن ينفعك :rolleyes: .

و هذا وصف المحل إذا تبيه :D : ادخل مخرج 14 ,, يمين كأنك متجه للربوه بتجيك اشارة ملاهي الحكير على يمينك ,, تعداها وأمسك الخدمه وديور من عند طريق النهضه ;) بتجيك محطه على يمينك تعداها وامش ممكن نص كيلو بتجيك محطه (( نفط )) على يمينك

أســـــــــال عن تركي وأسمه جــــــــوده ,, وناظر وش يقولك ;) ؟؟

و إنشاء الله نكون خدمناك يالغالي :rolleyes: .

[عاشق الخزامى]

أخـــــوي Y&Y_4X4

مشكور اخوي رحت للمحل اليوم وشكله ما عليه جيد بس مشكلتي اني رحت في وقت متأخر

ووعدته اني اروحله بدري , بنفس وصفك يشتغل وحد شايب حضرمي معاه ولده والشايب شعره ابيض

لكن نشالله يقدر يوصل للمشكله اللي في المكيف اللي طمني انه كان عنده سفاري جديد يقول جالس يضبط المكيف وفيه شبح كمان عنده نفس المشكله ,,, مشكور والله اخوي

أخـــــــــوي Najd^Prince

مشكور اخوي على مداخلتك ولعلنا نطلع بنتيجه في الحظرمي اللي وصفه اخوي Y&Y_4X4

ومنكم نستفيد جميعا ,,,

وعلى فكره كل الموقع بركه الي جمعنا وعرفنا فيكم ,, فالحقيقة الفايده جدا عظيمه من فقرات هذا المنتدى

خصوصا السيارات ونتم عارفين كثرة اجتهادات بعض الورش مهما كانت كبيره او صغيره ولكن يبقى المعروف والمميز هو من يبحث عنه الناس لو حدث اي طاري او عطل في السياره لو سمح الله
انا سعيد جدا بدخولي هذا المنتدى والذي من خلاله راح نتعرف عن قرب اكثر لاشياء كنا عن بعد عنها

لاخفي عليكم ان استفدت كثير من المنتدى سواء في الرحلات او او ورش السيارات او حتى في المطبخ

الرحلات وســـــأالله تعالى لهم التوفيق من قامو عليه لاننا بحاجه لمثل هذه المواقع التي هي منا ونحنا منها

وتحياااتي للجميـــــــــــــــــــــع ,,,,,

[Y&Y_4X4]

تسلم الله يعافيك على هالكلام الطيب

ولا يهمك ترى الشايب وورشتة فعلا معروف من قديم

وان شاء الله تلقى ظالتك عنده!

ولانسى تعلمنا وش صار معك ؟

[الفحل 2003]

الاخ عاشق الخزامى

السلام عليكم ورحمه الله وبركاته

ولا يهون الاخوان رح للحضارم اللي قالوا لك واذا ما نفعوا فيه حضارم شيبان واحد منهم توه ميت ماله شهرين ووصف الورشة اذا جيت عند بنك الراجحي لف يمين متجه شرق واول تقاطع رح معه يسار متجة جنوب تجيك الورشة على اليمين اسمها ورشة الرياض ( اللوحة كبر لوحة السيارة ) والظاهر أن الورشة حسب الوصف أو بعد التقاطع لكن المهم ان الورشة تجيك على اليمين وفيها حضرمي أسمه مبروك وولد اخوه سليمان , وارجوا لك التوفيق وأن تكون سيارتك بأحسن حال .

والسلام عليكم .