ماهو الحل مع صرفية الباترول للبنزين

[هواوي]

بسم الله الرحمن الرحيم

السلام عليكم ورحمة وبركاته

يا شباب عندي باترول 2006 ربع ستاندر:mad:

وفيه مشكله من جد ازعجتني وهي سرعه انتهاء تانكي البنزين

يعني مااقدر اروح اماكن بعيده مره ما فيها محطات بانزين وسبق ان انقطع على البنزيزن عدة مرات وهذا لم يحدث معي نهائيا في اي سياره غير الباترول

سؤالي يا شباب ماهو الحل مع هذه المعضله

وهل استطيع ان اركب تانكي بديل واكبر من ذا المقرود الي في سيارتي ؟؟؟ لاني اتوقع ان سعته قليله ولهذا ينتهي بسرعه

معلومه :- :D
طبعا اذا تعدى الربع الاول فاعتبره منتهي:( حتى لو كان باقي 3 ارباع التانكي لانها تنتهي اسرع من الربع الاول;)

ارجو طرح الحلول لان الاجازه قربت ونحتاج تانكي سنع ما نتوهق فيه زي ما توهقت فيه عدة مرات ;)

[سندهم]

والله مادري شقولك ياهواوي

لاكن شفطه للبنزين فيه شي خربان فيه لانه سبق وان خلص بنزينه اكثر من مرة =معك(على كلامك .


فيه عله من البخاخات


اتوقع والله

يعطيك العافية

[هواوي]

اشكر الاخوه جميعا

اخي ابو سند الجيب ما مشى سوى6000 وهو من يوم شريته على ذا الحال

[رحـ R ـال]

والله غريب موترك .. ما احد اشكتى مثلك

بس نصيحتي أحسب كم يمشي وإن كان فيه فرق كبير فرح للوكالة وأنفضهم

وخاصة الجديد ما يصرف بنزين أبد ..

والله يكون بعونك ..

[راعي الهـــدد]

الأخ الغالي هواوي

مبروك الموتر اول شي

ثاني شي ترى بغيت اقول لك ان معك موتر ينغزى به

ثالث شي وهو بخصوص البنزين

انا معي نفس موترك بالضبط ولم اشتكي من سرعة نفاد البنزين

لأنه ماشاء الله اقتصادي بعطس الموديلات القديمه شوي

شف ونخوك انا اعبي من القصيم وارجع للرياض وباقي فيه فوق الربع

ويمشيني اذا رجعت يوم يومين في الرياض


ربما ان عندك مشكلة اذا كان على كلامك بس استبعد وجود اي مشاكل ولكن تأكد من صفاية البنزين ومن الطرمبة ايظاً

ثم احب اقول لك شي ان الربع تانكيه ومع ماقلت لك انه مايصرف معي فلابد من تانكي اضافي او توسعة للتانكي حق وكالته وذلك بالطريقة التالية

اولاً / لك خيارين في ذلك اما انك تروح للرماية وتآخذ منهم تانكي من شركة A R B العريقة ذات الجودة العالية

وتركبه في موترك ويصير يشل لك الى 140 او 160 لتر بنزين بدال 80 او 85 لتر حق الوكالة

فتروح للمواهب او ورشة تثق بها ويركبون لك تانكي A R B مكان تانكي الوكالة يعني يلغون حق الوكالة ويركبون هذا

ولكن المصيبة ان تانكي A R B نار وغالي بحدود ثلاثة الآف او قريباً منها

ولك خيار آخر اذا ماتستطيع الغلا هذا

تروح للغالي والحبيب ابو خالد صاحب ورشة المواهب وتقول له ابي تانكي اوسع من تانكي الوكالة قدر المستطاع

فهو يفصل لك نفس تانكي A R B حق الرماية بل وأجود منه لأن ابو خالد بيركب لك سماكة حديد عالية وبسعر 1600 ريال او 1500 ريال

ويصير معك حوالي 150 لتر بنزين وتسلم من قولت قطع بي البنزين



ثانياً / الذي سأعمله انا في موتري بأقوله لك

شريت ونخوك عدد 2 تانكي بنزين من السنيدي سعة كل واحد 25 لتر وهو من الحديد وله مقبض قوي ولا ينسم بأذن الله الي تجي لونها أخضر

قريب من هذا الي في الصورة التالية


http://www.mekshat.com/pix/upload/images17/mk6519_wer.jpg


وش ابي اسوي لها هالثنين

برهم لها قاعة مكان لوحة السيارة الخلفية يعني تجي تطبق على الباب الصغير حق الشنطة

تكون ثابته في زاوية الصدام من داخل الزاوية الحديد ويصير افتحها زي الأستبنه حقت الفي اكس آر اذا جيت ابي افتح باب النطة افتح القاعدة هذي زي استبنة الكسار

قد تقول لي رهم القاعدة على الباب نفسه وفك نفسك من شغل طويل عريض

اقول لك ان 50 لتر ليست هينه على الباب وقد تكون مع الوقت مشكلة على الباب وتسبب هرقله للباب

طبعاً الي شريت من السنيدي اقل جودة من شي شفته وتمنيت اني شريته قبل حق السنيدي

وهو تانكي نفس الي بالصورة اعلاه من شركة A R B وهو يباع عند الرماية سعة كل واحد 20 لتر ومنتاز حيل وقوي ومضمون من كل شي وطريقة اقفاله آمنه

هذا مالدي ياغالي

وأي استفسار ابشر

[هواوي]

تسلم والله يا راعي الهدد عز الله انك كفيت ووفيت
بالنسبه لصرفية البنزين عندي فعز الله انها ربع مشوار الي قلت فاكيد فيه مشكله رغم انه جديد

ثانيا رحت الرمايه وشفت التانكي ولقيت اشياء حلوه وتوي جاي من عندهم

وعلى فكره تذكر اني ارسل لك رساله قبل فتره استفسر عن وش احط بين المراتب الاماميه وانا لازلت انتظر الرد لانه فراغ كبير والحاجه له اكبر

تسلم على هذاا الابداع

[متعة الترحال]

أخوي هواوي

تركيب تانكي كبير من الرماية أمر جيد إذا كنت محتاج ..
ولكن تذكر ..
أن هناك مشكلة عندك قد تكون ميكانيكية فيجب حلها قبل تركيب التانكي الأكثر سعة ..
وبالتوفيق ،،،

[غضنفر]

تانكي الوكالة 95 لتر
المفروض يمشيك اذا سرعتك حول 120
من 400 الى 500 كيلو
اذا كان ما يمشيك هالمسافة تاكد ان عندك مشكلة
الاسباب قد تكون
1- فلتر الهوا متسخ او به مشكلة لذلك اقترح تغييره بجديد حتى لو انه جديد و السيارة ما مشت 6 الاف
2- الكفرات ناقص هواها عب الكفرات 40 وجرب

وقد تكون غير ذلك
انصحك ان تدخل الموتر للوكالة وتشرح المشكلة لهم خاصة انه تحت الضمان

[باثفندر]

http://www.mekshat.com/pix/upload/sign/images/mk41765.gif


ماعندي خبره بس سمعت من بعض الشباب انهم يركبون طرمبة بنزين حقت مكسيما وتوفر البنزين .

[اسهيل]

طيب اخوي راعي الهدد التانكي الي منA R Bمافيه مشاكل مناحية انسكاب البنزين برى التانكي او مع التطعيس او من ناحية الطرنبة
افدنا

[ابوو عبدالله]

مساك الله بالخير يالهواوي
انا موتري باترول سلقه 99

من يوم شريته وهو مركب فيه تانكي كبير ياخذ 150 لتر

والله ايقصر يقطع مسافه ولا ازمل معه واتوقع انه من عند الرمايه

ولكن فيه شي اذا ركبته يبي يتغير الموتر عليك الفرارات

انا ركبتهن وخفت صرفيت الجيب كثير وخف الموتر نفسه

اذا تبي نصيحتي اول شي ركب الفرارات

هذا اللي عندي اخوي الهواوي واتمنى اكون خدمتك وتقبل تحياتي ابوو عبدالله

[راعي الهـــدد]

طيب اخوي راعي الهدد التانكي الي منA R Bمافيه مشاكل مناحية انسكاب البنزين برى التانكي او مع التطعيس او من ناحية الطرنبة
افدنا





الي اعرفه ومن تزكية كثير من الأخوان له


انه افضل تانكي على الإطلاق
(( توانك البنزين طبعاً ))



ولا قد شكى منه احد


بس يعيبه غلا سعره فقط

وحل غلا السعر المواهب يفصلون لك واحد مثله

بل بحديد اقوى وآمن وبسعر اقل من النصف

وفقك الله ياغالي

[م.أبوإبراهيم]

حبيت أسئلك أخوي إذ ا كنت تمشي 120 بالخامس الظغط على كم لأنه على خبرتي بالباترولات إنه يكون الطغط على اثنين ونصف بالقير العادي لا كن فيه خويي عنده باترول ربع 2005 ستاندر يمشي 120 بالخامس الظغط على ثلاثة بالظبط وهذا أكيد سبب رئيسي في صرف زيادة البنزين
ملاحظة : بأنشدك عن عزم موترك عزمه زين مثل المواتر الثانية لأن موتر خويي ما فيه عزم أبد يالله يجيب 150 بالخط وهذا غريب
على العموم أنا أجمع معلومات حول المشكله هذي وعني معلومات كثيرة عن الباترول ومشاكله

[راعي الهـــدد]

حبيت أسئلك أخوي إذ ا كنت تمشي 120 بالخامس الظغط على كم لأنه على خبرتي بالباترولات إنه يكون الطغط على اثنين ونصف بالقير العادي لا كن فيه خويي عنده باترول ربع 2005 ستاندر يمشي 120 بالخامس الظغط على ثلاثة بالظبط وهذا أكيد سبب رئيسي في صرف زيادة البنزين
ملاحظة : بأنشدك عن عزم موترك عزمه زين مثل المواتر الثانية لأن موتر خويي ما فيه عزم أبد يالله يجيب 150 بالخط وهذا غريب
على العموم أنا أجمع معلومات حول المشكله هذي وعني معلومات كثيرة عن الباترول ومشاكله




ابو ابراهيم ياغالي

بالنسبة لكون الضغط على رقم ثلاثة والسرعة 120 فهذا طبيعي

انا امشي 120 ويكون الغط على 3 او قبله بشرطه بسيطه


ومع ذلك الصرف تمام واقتصادي

وعزم الموتر تقول جاكور ماشاء الله تبارك الله


حبيت ابين لك

وموتري نفس موتر اخونا الغالي هواوي

[المميـز]

بما ان الموتر 2006 انقز به الوكاله وخلهم يكشفون عليه

لأنه مهب معقول تانكي 80 لتر تقريبا وما يوصلك من الرياض الى القصيم على حسب كلامك !!!

[أبو محمد2010]

اذا لم يكن هناك مشاكل في الموتر فعليك بالتانكي الاسترالي....

الممشى الطبيعي لموترك 400-500كلم...

[هويدي]

اتوقع والعلم عند الله ان البلا من رجلك الحاره <= لا تزعل ترا نمزح


محاسيك معي باترول 2001 سلقه كلبليتر ويودين للقصيم بتانكي واحد بس كلما اسرعت زادت الصرفيه

وبالنسبه للفراغ اللي بين المرتبتين اشتريت من السماعيل تكايه على كيف كيفك قبل سنتين مدري اذا متوفره الى الان

فيها مكان للأشرطه والمناديل ومكان للمشروبات وهي بلكاش ملبس جلد رصاصي نفس لون المراتب

[الروض]

أنا معي باترول 99 ربع تانكيه 95 لتر أمشي به من الدمام للرياض يوصلني وباقي فيه دون اربع والممشى متوسط 130
وإذا ممشاي 110 يوصلني للمحطة اللي بقرب مزرعة الخالدية بتبراك

[المميـز]

أهــــــــــــل الباتـــــــــــــرول

تعبون بنزين 95 الاحمر أو 91 الاخضر ؟؟؟؟؟؟؟؟؟؟؟؟؟

وهل لقيت فرق بينهم بالنسبه

للصرفيـــــــــــــــه؟؟

العـــــــــــــــــــزم؟؟

[الشقردي]

الاخ هواوي

كلام الاعضاء ماعليه غبار بخصوص النصايح اللي تقلل استهلاك البنزين (هواء الكفرات, تغيير فلتر الهواء والبنزين والبواجي, تركيب الفرارات ...)

لكن ترى كل هذا ما يسوي شئ اذا كانت طريقة السواقة تستهلك بنزين أكثر,مثلا

الخطوط السريع: عدم تثبيت السرعة وكثرة التوقف والانطلاق بسرعة يزيد الصرفية
داخل الديرة:الانطلاق الفجائي والسريع,دائما حاول انه يكون مدى رؤيتك بعيد (بما ان معك موتر رفيع) وخاصه في الزحمات مثل طريق الملك فهد ناظر السيارة اللي قدامك واللي قدامها عشان تتحسب انك تهدي من بدري وخل مسافة كافية, اذا شفت الاشارة من بعيد حمرا ماله لزوم تدعس بنزين...

هذا اللي عندي : يعني الزبدة خلك رجلك خفيفه مرة ووسع صدرك .

[مسايف الطعس]

السلام عليكم

أنا معي ربع 2006 ستاندر يمشيني التانكي في الديرة320 كيلو تقريبآ

وفي الخط 350 على سرعة 140

والموتر مايتعدى 185 في الخط ألا مرة مع نزلة الغاط جاب حوالي210

والكفرات فيها 30 على السلق

والبنزين 91

الفل ب36

وعزم الموتر ماعليه

ومع أرتفاع الحرارة وعمل المروحة في الظهر يطيح ثلث أو نص العزم

ويكون الصوت مزعج

هاذي من خلال تجربتي للموتر والموتر وكالة ماركبت شي ماشي14000الف

تحياتي

[المميـز]

السلام عليكم

أنا معي ربع 2006 ستاندر يمشيني التانكي في الديرة320 كيلو تقريبآ

وفي الخط 350 على سرعة 140

والموتر مايتعدى 180 في الخط

والكفرات فيها 30 على السلق

والبنزين 91

الفل ب36

وعزم الموتر ماعليه

ومع أرتفاع الحرارة وعمل المروحة في الظهر يطيح ثلث أو نص العزم

ويكون الصوت مزعج

هاذي من خلال تجربتي للموتر والموتر وكالة ماركبت شي ماشي14000الف

تحياتي

الله يحييك معنى بمنتدى مكشات

بالنسبه للعزم : يطيح لان المروحه تكون شابكه

وهذا اللي قاهرني انا طول الظهر كون شابكه والعزم طااااايح

مالنا الا مراوح سوبارو

[عجمي]

اولاً / لك خيارين في ذلك اما انك تروح للرماية وتآخذ منهم تانكي من شركة A R B العريقة ذات الجودة العالية

وتركبه في موترك ويصير يشل لك الى 140 او 160 لتر بنزين بدال 80 او 85 لتر حق الوكالة

فتروح للمواهب او ورشة تثق بها ويركبون لك تانكي A R B مكان تانكي الوكالة يعني يلغون حق الوكالة ويركبون هذا

ولكن المصيبة ان تانكي A R B نار وغالي بحدود ثلاثة الآف او قريباً منها

ولك خيار آخر اذا ماتستطيع الغلا هذا

تروح للغالي والحبيب ابو خالد صاحب ورشة المواهب وتقول له ابي تانكي اوسع من تانكي الوكالة قدر المستطاع

فهو يفصل لك نفس تانكي A R B حق الرماية بل وأجود منه لأن ابو خالد بيركب لك سماكة حديد عالية وبسعر 1600 ريال او 1500 ريال

ويصير معك حوالي 150 لتر بنزين وتسلم من قولت قطع بي البنزين


اخوي راعي هدد مالفايدة من تغيير التانكي بواحد اكبر وتبقى المشكلة موجودة وهي الصرفية ...بمعنى حتى لو ركب تانكي 150 لتر فستكون صرفية الموتر زايدة مقارنة بسيارة شخص ثاني ....

اشوف ان افضل حل هو الوكالة

[راعي الهـــدد]

اخوي راعي هدد مالفايدة من تغيير التانكي بواحد اكبر وتبقى المشكلة موجودة وهي الصرفية ...بمعنى حتى لو ركب تانكي 150 لتر فستكون صرفية الموتر زايدة مقارنة بسيارة شخص ثاني ....

اشوف ان افضل حل هو الوكالة





أحسنت اخوي عجمي


بس انا اقول ان موتره اتوقع مابه شي

من ناحية الصرفية

بس اذا هو يبي زود بنزين يركب الي قلت له

ولو مر على الحمراني فهو افضل

ولو يشيكون له

بس نصيحة ترى الحمراني وعماله داجين انشدني عنهم

ثم اذا وديت موترك لهم

اسمعني


لاتطلع الا بموتر بديل الين يخلص موترك

هم يدبرون لك موتر أجار عليهم الين يخلص موترك

وهذا النطام


وانا حستهم حوس الى ان حولوني على شركة
تأجير كبيرة اسمها الدبلومات للأيجار السيارات
ورحت بخطاب منهم

واخترت اكسنت 2006 جديده


وتندحت بها الين خلص موتري

هذا النظام واذا ارفضو اطلع فوق لمديرهم
الي اسمه خالد نسيت باقي اسمه


بس رح له وقل له واذا رفض هدد بالشكوى
هدد باليابان وانك تعرف مراسلتهم بالنت

وهدد بالشكوى لدبي

وتشوفهم يخبون لك صح

دمت بود ومحبة

تكفون لكم حقوق ارجو ان لاتضيعونها

[هواوي]

اخواني الافاضل تقريبا نفس كلام مسايف الطعس
أنا معي ربع 2006 ستاندر يمشيني التانكي في الديرة320 كيلو تقريبآ

وفي الخط 350 على سرعة 140

والموتر مايتعدى 180 في الخط

والكفرات فيها 30 على السلق

والبنزين 91

الفل ب36

_____________________________________
واليوم رحت للرمايه قالوا ما يبيعون الا تانكي الطويل ما يبيعون تانكي الربع

ولكن لقيت عندهم صدامات ارب وعليها خصومات قويه يعني الصدام ب 1400 ريال طبعا بدون المكينه والكشافات

عموما المشكله الى اعاني منها ان الباترول ان فيه اماكن اذا رحت لها ينقطع البانزين عشان كذا حد من روحاتي لتلك الاماكن والتى لا يوجد بها اي محطه بنزين

وتقريبا كلام مسايف الطعس هو نفس مشكلتي رغم اني ما اتعدا 130 ولاني من هواة السرعه ابد يعن يسواقة شايب

عاد اذا كان البنزين 95 يمشيني اكثر فهل هو حل هذا بالاظافه للتانكي الي باركبه انشااء الله

كما اتمنا اعطائي رقم الشركه التى تفصل توانك لان الرمايه لا يبيعون تانكي الربع

وللجميع التحيه والاحترام والتقدير

[راعي الهـــدد]

اخواني الافاضل تقريبا نفس كلام مسايف الطعس
أنا معي ربع 2006 ستاندر يمشيني التانكي في الديرة320 كيلو تقريبآ

وفي الخط 350 على سرعة 140

والموتر مايتعدى 180 في الخط

والكفرات فيها 30 على السلق

والبنزين 91

الفل ب36

_____________________________________
واليوم رحت للرمايه قالوا ما يبيعون الا تانكي الطويل ما يبيعون تانكي الربع

ولكن لقيت عندهم صدامات ارب وعليها خصومات قويه يعني الصدام ب 1400 ريال طبعا بدون المكينه والكشافات

عموما المشكله الى اعاني منها ان الباترول ان فيه اماكن اذا رحت لها ينقطع البانزين عشان كذا حد من روحاتي لتلك الاماكن والتى لا يوجد بها اي محطه بنزين

وتقريبا كلام مسايف الطعس هو نفس مشكلتي رغم اني ما اتعدا 130 ولاني من هواة السرعه ابد يعن يسواقة شايب

عاد اذا كان البنزين 95 يمشيني اكثر فهل هو حل هذا بالاظافه للتانكي الي باركبه انشااء الله

كما اتمنا اعطائي رقم الشركه التى تفصل توانك لان الرمايه لا يبيعون تانكي الربع

وللجميع التحيه والاحترام والتقدير



حبيبي ياهواوي

والله ان الموتر حقي يمشيني من القصيم للرياض
ويبقى الربع اي والله وسرعتي 120 و 130 واحياناً 140

ورب البيت ان هذي صرفيته


اخوي الغالي

اذا تبي تركب تانكي تفصيل

فانصحك رح لورشة المواهب وهي معروفة اكيد

رح لبو خالد وقل له ابي تانكي

تفصلونه لي اكبر من حق الوكالة

ويبي يعطيك كل شي من مقاس وكم لتر وكم سعر قبل التركيب

والله يوفقك ويسددك

اخوك ابو حمد

[الظاغط]

السلام عليكم
اذا كانت المشكله ليست ميكانيكيه فهو احد امرين وانشاء الله نفيدك :-
1- ماهي كفرات السياراه . اذا كانت بلده مافيه مشكله يكون ماهو من الكفرات واذا كانت اكبر من مقاس بلده فهذا يسوي صرفيه للموتر . واذا كانت الكفرات بالون فهذه هي العله عندك .
2-فلتر الهواء . ضروري تكشف عليه لانه في الباترول يسوي صرفيه اذا كان خربان .

طبعاُ انصحك انك تروح للوكاله .

[هواوي]

الاخ الفاضل ابو محمد راعي الهدد

يا ليت تعطيني رقمهم او توصف لي مكانهم ولك مني كل الحب والتقدير



اخي الكريم الظاغط

الكفرات هي نفسها شد البلد ما غيرت فيها شي

واشكر الجميع على المعلومات القيمه والمهمه لي وللجيمع

[راعي الهـــدد]

الاخ الفاضل ابو محمد راعي الهدد

يا ليت تعطيني رقمهم او توصف لي مكانهم ولك مني كل الحب والتقدير



اخي الكريم الظاغط

الكفرات هي نفسها شد البلد ما غيرت فيها شي

واشكر الجميع على المعلومات القيمه والمهمه لي وللجيمع





أخوي الغالي هواوي

الوصف لو بأوصف لك هنا

والله باتعب وانا اكتب وانت بتتعب مافهمت هههه

بس خذ رقم صاحب المحل

ابو خالد وترآه اسميح وحبيب الله يبارك له في حلاله

دق عليه ويوصف لك وابشر بكل علم طيب

بتلقى والله علوم الرجال القهوه والشاهي والتمر الطيب

ومع هذا كله يخلص شغلك هههههه

هذا جواله ودق عليه وتبي تيسر امروك ان شاء الله

0504492550


أي خدمة ياغالي ابشر لو تبي اروح افاصل ابو خالد لك ههههه

دمت بود ومحبة

[هواوي]

سلمت اخي الرائع ابو محمد وبيض الله وجهك كفيت ووفيت

والف الف الف شكر

[بدوي جنوبي]

ما شاء الله نقاش ممتع ومفيد
ان شاء الله بعد اكتمال الموضوع
سيضاف الي المواضيع المتميزة
اشكرك اخي هواوي
تم تقييم الموضوع
بالتوفيق للجميع

[ابو عاذر]

السلام عليكم

أنا معي ربع 2006 ستاندر يمشيني التانكي في الديرة320 كيلو تقريبآ

وفي الخط 350 على سرعة 140

والموتر مايتعدى 185 في الخط ألا مرة مع نزلة الغاط جاب حوالي210

والكفرات فيها 30 على السلق

والبنزين 91

الفل ب36

وعزم الموتر ماعليه

ومع أرتفاع الحرارة وعمل المروحة في الظهر يطيح ثلث أو نص العزم

ويكون الصوت مزعج

هاذي من خلال تجربتي للموتر والموتر وكالة ماركبت شي ماشي14000الف

تحياتي

الله يهديك اخوي الروح غالية وش هذه السرعة العالية 185وتصل إلى 210 :confused: :confused: :confused: أخوي كل مطرودٍ ملحوق وش إلي معجلك تراه حديد أن ضرب عليك كفر لا قدر الله مهو راحمك الحديد وتذكر أن واراك أهل ( من أب وأم وزوجة وأولاد ) ينتظرون جيتك بسلامة فلا تكون سبب في حزنهم في فقدك منهم وترى بينك وبين الذي يمشي 140 وهذه سواقة الرجال الراكد المتزن سوى 13 دقيقة فتأن فأن مع التأني السلامة ومع العجلة الندامة الله يستر عليك ويوفقك لما يحبه ويرضاه .

مع تحيات اخوك ابو عاذر

[روقي]

نصيحه وانا مجربها

انا معي جيب سفاري ربع 98
وكان صرفيته مووووووووووووووووت

ركبت فرارات
وهدرز بدون صووووت

وطلع تماااااااااااااااااااااااام

[باترول2006]

سلاااااااااااام عليكم


يا ملحكم وانتم تناقشون << اقول وخر بس


المهم

حبيت اشارككم بالي عندي

انا والله مثلكم تقريبا ,, معي ربع باترول 2006 الحين يمكن ماشي 29000

بس من اول ما شريته وانا اعبي من الرياض فل وامسك طريق القصيم امشي 150

اول ما ادخل دايري بريده لمبة البنزين مشتغله ,, وكل خوياي الي معهم اخو موتري نفس الموال

2006 و 2007 الي اعرفهم نفس الشي

[مقلع الرمث]

الله يكون في عونك