أستفسار عن فرارات اللاند كروزر

[mushari-saud]

السلام عليكم ورحمة الله وبركاته

يأ خوان أنا عندي لاند كروزر موديل 2000 gxr طلع لي صوت في عامود الدبل زي الطقطقة الخفيفة مالكم بالطويلة.
المهم أقترح علي أحد الورش أني أركب فرارات ونصحني بإلي عند السليماني
المهم أنا رحت للسليماني وقلت له أبغا فرارات للاند قالي مافيه فرارات تركب عليه المهم قلتله فيه واحد يقولي أن عندكم فرارات تركب على الاند ثم طلع وشاف الموتر قالي إيه في موجود برازيليه بـ450 ريال والمهم يوم وراني شكلها إلا هي نفسها قد ركبتها على سفاري ربع قبل سنتين.
الأستفسارات:
هلى تنصحون اني أركب فرارات ولالا؟
إذا تنصحوني وش النوع الأفضل من الفرارات؟
هل فرار الربع السفاري يركب على الاند ولالا؟

وآسف جداً على الإطالة

والله يعطيكم العافية

أخوكم مشاري

[صلفيق]

كيف صوت الطقطقه لانه يمكن ما تطلع فرارات انا طلعت عندي طقطقه بالعمود الخلفي وقالو لي كل شي ( القير =العمود=الكلتش كل شي عقدوني )بس طحت علي مكنيكي ذكي رفع لي الموتر من ورا وقل عشق وامش وهو مرفوع وطلعت الكارونه الي ورا متهشمه سنتها وغيرتها وراح الصوت فانا اقول كانها طقطقه تحسها بالعمود وتسمعها بالقير يمكن الكارونه الي قدام عندك فيها شي وسلامتك

[بدوي جنوبي]

اخوي صلفيق كلامك منطقي ممكن يكون من الكرونه

العمود ما اعتقد

عموما اخوي مشاري قبل تركب الفرارات شف مشكلة العمود قبل التركيب

بالتوفيق

[mushari-saud]

مشكورين أخوي صلفيق وأخوي بدوي جنوبي على هذه المداخلات النافعة

ولكن انا الحين فصلت عامود الدبل والصوت راح حتى المكانيكي قالي إذا بغيت تصلحها شغلتها طويلة وقالي الأفضل أنك تركب فرارات بس السؤال هل الفرارات التي تركب على النيسان الربع هي نفسها تركب على الاند؟ ووش أفضل أنواع الفرارات للاند

ولكم تحياتي وتقديري

أخوكم مشاري

[taag1]

اخوي مشاري سلام عليكم ورحمة الله وبركاته
انا كنت عند ابوعبدالله(شخص فاضل فاهم بسيارات البر ومنصح للجميع)
صاحب ورشة سوافي بالرياض يقول ماتركب فرارات الباترول
ولا السفاري على اللاند وهذا كلام الرجال وحبيت ابلغك برايه
وسلامتكم
وتقبل تحياتي




ابو ابرهيم

[mushari-saud]

الله يعطك العافية أخوي أبو أبراهيم

طيب وش افضل فرارات للاند ؟؟ تكفون الي عنده خبرة لا يبخل

[taag1]

اخوي مشاري احسن فرارت ممكن تحصلها عند السليماني واتوقع انها امريكيه
او برازيليه لكن اذا حصلت نوعيه طيبه فياليت تبلغنا حتى تعم الفائده
ولكم جزيل الشكر .......

[هاوي الله]

الفرار البرازيلي ردييييييء جداُ وغير عملي >>>>>>>> نصيحه

[علي عليوه]

فيه فرارات على ما أعتقد عند الفريدي ببريدة

او الرميح

وأذكر سعرهن بحدود 1200 ريال خاصة للاند

وهذا رقم الفريدي يمكن يفيدك 063251755

وهذا الرميح 063230736

رقم ثاني للرميح 063234111

والله يكون في عونك

وعلى فكرة ترى الفرارات فيها وضع أتوماتيك

[taag1]

لاهنت ياعلي بس ماتعتقد ان سعرها غاللي شوي ؟؟؟
مقارنه بالسليماني اذا كان عنده فرارات للاند ؟؟؟؟
والا 1200 ريال غاليه شوي
عموما وجهة نظري والله يعطيك الف عافيه
على هذه المعلومات القيمه