لاهل الخبرة بالتظليل

[جول قميري]

السلام عليكم شباب

فيه احد منكم عنده خبره بالتظليله العازلة للحرارة

ياليت اللي عندة فكره عنه لا يبخل علينا

وجزاكم الله خييير

[alkongrs]

أتكل على الله وركب تراي مجرب كذا موتر ركب وشباب بعد يب ينصحونك ما يقصرون

[القويعي]

عندك زيبرا و سبي كول>>>يمكن اسمها خطأ


اتمنى اني افدك

[ابو عاذر]

اخوي شف التضليل العازل الحراري الكوري ممتاز سعره ما بين ( 80 إلى 150 ) ريال حسب نوع السيارة وأنصحك بتضليل أقل درجة يعطي للسيارة منظر وترتاح من تفتيش المرور لأنه نسبة التضليل المسموح بها 30 % وابعد عن ماتروج له شركات التضليل مثل زيبارت وفي كول والله حرام أضلل بــ 1800 ريال وفيه بدائل أرخص وأفضل :confused: :confused: :confused:

مع تحيات اخوك ابو عاذر

[ناوي نيه]

وين احصل الكوري الله لايهينك ياابوعاذر

[ابو عاذر]

وين احصل الكوري الله لايهينك ياابوعاذر

هلا باخوي ناوي نيه تجده في محلات زينة السيارات
عندك أذا كنت بالرياض :-
1- شارع الغرابي بالبطحاء
2- محلات الزينة للسيارات بحي المصيف الدائري الشمالي مخرج 5
3- بالنسيم شارع النخيل ( حسان بن ثابت ) طريق خريص مخرج سلمان الفارسي
4- معرض العليان لزينة السيارات على طريق خريص ولكنه غويلي شوي ( تضليل السيارة كاملة بدون القزازة الامامية في حدود 220 ريال مع التركيب )

وتراه انواع اعلاه عزله 60% وأدناه 30% من الحرارة

مع تحيات اخوك ابو عاذر

[Abo Nader]

السلام عليكم...

أعرف 2 مظللين عازل واحد عند زي بارت و الثاني عن شركه مدري وش أسمها...

أركب مواترهم بالصيف و الله يعني ما هنا ذاك الفرق..حتى هم يقولون لي أنها ماتسوى1700...

فقررت إني ما أركبها و أكتفيت بأبو10:)..

[جول قميري]

الله يجزاكم خير كل ابوكم ويرحم والدينكم قولوا امين

اخوي ابو عاذر وشي اسم ماركة التظليله الكورية عشان اذا رحت لمحل الزينه اقوله ابي التظليلة الفلانية ؟؟

السوال الثاني :التظليله اللي نسبته 60% ممنوعة ؟

تصدقون اني لي حوالي 14 سنة اسوق ومريت على ست سيارات ولا مرة ظللت ما احب هالخرابيط بس ماش ذبحنا الحر الله يلطف بنا

[anas]

وانا كذلك ابغى اركب تظليله . تعرفون احد يظلل ممتاز في جدة ؟

اخي ابو عاذر ليتك تذكر لنا اسم التظليله الكورية ابو 60% وايضا ابو 30% ؟
(( يا اخوان الموضوع مهم جدا وخاصة اننا مقبلين على إجازة صيفية ، أرجو من الجميع المشاركة لتعم الفائدة ))
وجزاكم الله خير جميعا ،،،

[VXR.2007]

يا اخوي انا مظلل جيب vxr كامل العازل حراري 70 ريال بس حلو مرررره بس مع الزمان يخف الون....يكون الي يظلل سيارتك عنده خبره كيف يظلل..... الشكل كرتون كبير ياقطع منه وفيه ثاني حجمه صغير ابعد عنه تراه رخيص ومو زين .... اسمه العازل حراري يقولون كوري

[anas]

جزاك الله خير

[G X R 7]

تظليل وكاله عبد اللطيف جميل قيمته الفان ريال عازل حراري اسمه كولكت ضمان خمس سنوات

[ابو عاذر]

وانا كذلك ابغى اركب تظليله . تعرفون احد يظلل ممتاز في جدة ؟

اخي ابو عاذر ليتك تذكر لنا اسم التظليله الكورية ابو 60% وايضا ابو 30% ؟
(( يا اخوان الموضوع مهم جدا وخاصة اننا مقبلين على إجازة صيفية ، أرجو من الجميع المشاركة لتعم الفائدة ))
وجزاكم الله خير جميعا ،،،

شف اخوي عندك في جدة المواقع التالية للتضليل وكلها ممتازة :
1- محلات الزينة بطريق مكة الداخل للبلد ( كيلو 2 ) وأنت متجه غرب للوسط جدة القديمة وقبل أن تجي طريق جسر الملك فهد تجي على اليمين و اليسار أو خلك مع طريق الملك فهد وأنت جاي من أسواق محمود سعيد وأقبلت على الجسر خلك مع الخدمة وبتل سيده ومع ثاني أشارة لف معها يسار بتل المحلات تجيك على اليمين واليسار .
2- محلات الزينة إلي عند تقاطع شارع الامير سلطان بن سلمان وطريق الملك فهد وهو أنت جاي من دوار الجواد الابيض ومتجه شمال اول اشارة المحلات عندك يمين وبعد الاشارة .
أما الاسماء فلا تحضرني

مع تحيات اخوك ابو عاذر

[فتى التويم]

انا ياجماعة الخير ضللت السياره بعازل حراري قيمته100ريال وقال لي الهندي تعال بعد سنه اذا خربت اعطيك دراهمك

يعني مضمونه ما دام الهندي ضامن بضاعته

[slmuni]

ما دام انكم تكلمون عن العزل الحراري لزجاج السيارات(التظليل) احب ان اضيف لكم معلومة بسيطة وهي عند تظليل السيارة من النوع الغالي:no2: لا تخليهم يظللون الامامي اعني شباك الراكب الامامي و السائق و فاوض صاحب التظليل على القزاز الخلفي فقط لاغير الابواب + الخلفية .. اما السائق والراكب الامامي فركب فيه تظليل كوري من النوع الجيد لا اذكر اسمه بالضبط ..

طبعاً ممكن يجي واحد يقول ليش ؟؟

اقول لك انك اذا رحت للفحص راح يفكونها لك و مع تقطيع التظليلة راح يتقطع قلبك معهم والسبب انك دافع ما يقارب 2000 ريال و الجماعة ما عندهم رحمة فك التظليلة تاخذ شهادة الفحص و تجدد استمارتك وتنقل الملكية ؟؟!!!..

وهذا اللي صاري لي قبل 2شهرين فكت الاماميتين و انفك قلبي:heart: معهن :( و هالحين ابظلل كوري وامري لله :):p

[الحر القطامي]

لاتتعدا الفي كول أشهد بالله أن قيمتها فيها وتستاهل الفلوس اللي بتحطها فيها..
يقولون حط ريالك بالشمس وإقعد بالظل...
ومن واقع تجربتي الفي كول وبس ......................
وتراها تستاهل

[أبو الطلعات]

الأخوان مقصروا نعم التظليل الكوري رائع وهو يأتي على ثلاث درجات غامق ـ ووسط ـ وشفاف مع ظل غير ملحوظ خفيف يعني .

أنصح بتركيب الوسط على خلفية السيارة وعلى النوافذ الخلفية ما خلف الراكب . وقد جربت التظليل الغامق في الجوانب الخلفية ولكن يسبب مشكلة في الليل في عدم الوضوح خاصة داخل الأحياء المظلمة فقمت بتبديله بالتظليل الوسط . أما بالنسبة لزجاج الراكب فإن الدرجة الفاتحة ممتازة ولم أجد منها مشكلة في الفحص نظراً لأنها فاتحة جداً ورائعة في تخفيف الحرارة . ومن فوائد التظليل أنها تخفف الحرارة وتفيد في تجميل السيارة وكذلك أخفاء الحوسة في السيارة خاصة لمن هو مثلنا من يرغب الرحلات البرية ومن يكون لديه في السيارة بعض الأغراض من الأشياء التي تتعلق بالسيارة أو عربة لطفل أوعفش سفر كذلك مفيد للعائلات .
أما بالنسبة للتظليل الصيني فهو رديء وغير جيد ويتغير بسرعة أكثر من الكوري بسبب التأثر بالحرارة ، كذلك مزعج عند فكه مرة أخرى .
وأنصح أن يكون التظليل دائماً من الداخل لأن التمسيح لتنظيف السيارة سوف يجعل التظليل يتأثر من ذلك . كذلك سهل العبث به من الأطفال وسريع التأثر بسبب العوامل الجوية والحرارة .
والخلاصة : أنصح بالتظليل الكوري درجة وسط لزجاج الخلفي والجوانب الخلفية . أما الجوانب الأمامية للراكب أقل درجة وتكون فاتحة .
ويكون التظليل من الداخل مع تجديد كل ما شعرت بأن التظليل قد خف ( تغير اللون ـ صار فاتح ـ ) ويتضح ذلك حينما تلاحظ أن هناك فرق بين لون التظليل وبين لون التظليل الداخل في ربل الباب لأن هناك جزء من الزجاج يدخل في ربل الباب من الأعلى فيكون ممتنع عن الحرارة ولا يتأثر فإذا وجدت أن هناك فرق واضح قم بتغيير التظليل وتجديده ، على أن لا يتجاوز ذلك عام فيمكن للتظليل الكوري أن يمد معك لعام وأكثر حيث لا يتأثر بتزعه عكس التظليل الصيني الذي يلزمك بتجديده بين فترة وأخرى .
وشكراً للجميع .

[anas]

جزاك الله خير اخي ابو عاذر ما قصرت . :good:

ابو الطلعات سأظلل بالنوع الوسط مثل ما قلت وجزاك الله خير كفيت ووفيت .

[alkongrs]

اضلل2000ريال ليش اضلل عازل حراري 120ريال أزينلي وش الفرق

[جول قميري]

الله يعطيكم العافية كلكم بس ياليت احد يقول لنا واحد من الانواع الكورية الزينه اللي مجربها

[ضاري خان]

السلام عليكم

من واقع التجربه افضل طريقه للتضليل

الزجاجه الاماميه فى كول حراري شفاف

الابواب الاماميه كوري حراري الفاتحه 01 او 00 حسب الرغبه والشوف

البواب الخلفيه والزجاج الخلفي كوري حراري متوسطه 02

واجازه سعيده مقدماً

وتقبل تحياتي

[ملاعب الريح]

اخوي شف التضليل العازل الحراري الكوري ممتاز سعره ما بين ( 80 إلى 150 ) ريال حسب نوع السيارة وأنصحك بتضليل أقل درجة يعطي للسيارة منظر وترتاح من تفتيش المرور لأنه نسبة التضليل المسموح بها 30 % وابعد عن ماتروج له شركات التضليل مثل زيبارت وفي كول والله حرام أضلل بــ 1800 ريال وفيه بدائل أرخص وأفضل :confused: :confused: :confused:

مع تحيات اخوك ابو عاذر


حيالله أبو عاذر صح إن الكوري ممتاز لاكن ليس:no2: معناه أن أبو 1800 أسوأ



بالعكس أفضل بكثيررررررر:good: ولا يعيبه سوا السعر:cool: ومن جرب التظليله هذي (في كول) لن يعيبه أو يعيقه لا سعر ولا هم يحزنون يا شيخ والله تركب بعز الظهر الطاره والطبلون ما تلسعك زي بدون تظليل

لا وميزته شفاف:good:


الوالد مظلل سيارته (فكسار 2001) من طلعها من الوكاله وإلى الآن ومكلفه حول 3000 :eek: ريال للسياره كامله مع ضمان 3 سنوات


أنا بصراحه نقدت عليه :mad: وعلى أخوي يوم ظللو بذا السعر بس يوم جربت غيرت رأيي 180 درجه:rolleyes:


تحياتي لك (ملاعب الريح)

[الروض]

أنا توني مظلل v-cool شفاف زيرو زيرو بـ 3357ريال عسى الله ينفع به على سيارة سوبر سفاري
وهذه أول مرة أركب لكن أركب تجاري وغامق مستحيل
مشوخ وظلام مع حرارة
وإذا تبي نصيحة ركب عند v-cool وشي مضمون من جميع النواحي ومعتمد من شركة أرامكو في مكاتبها
بالظهران

[مجتهد***]

أنا مع
الحر القطامي
و ملاعب الريح
و الروض
الفي كول تستاهل يكفي إذا شغلت المكيف تربد السيارة بسرهة
و مريحة للعين و تركيب محترم بدون خدوش و حزوز فقاعات
رؤية واضحة في النهارو الليل

بعكس الصيني ( ولعشان الصيني رخيص ؟ )

[جنوبي صميم]

انتم تتكلموا على الصيني طيب التايواني ما احد جاب سيرته فيه نوع تايواني رخيص اللفه ب 15 ريال طولها 3 متر
المهم لتركيب التظليل يبغالك موية زجاج ( ملمع ) ويجي لك مشرط ( سكين ) وبلاستيك مع التظليل تأخذ المقاسات تقريبيا من الخارج بحيث يكون التظليل للخارج يعني الوصله الشفافه اللي بترميها تكون للخارج بعدين تقص بالمشرط اكبر ب 3 سم تقريبا بعد القص تروح للقزاز وتلمعه من الداخل والخارج وتفتحه مسافه 3سم وترش عليه مويه لين يتبلل بالكامل وكل ماكثرت مويه كل ماكان التركيب اسهل ترجع للتظليل تفك الوصله الشفافه وترش مويه على التظليل مع مل وصله تسحبها المهم بعد ما تنتهي من كامل الوصله اركبها على القزار كما تلاحظ كل شيء مبتل تركب الجزء العلوي ولا تنسى انك فاتح القزاز 3سم تبدا بأخراج الماء من تحت التظليل وتبدأ بالوسط وتتجه للاعلى حتى تنتهي تجيب المشرط وتحدد التظليل مع حافة الزجاج بعد ماتنتهي تقفل الزجاج وترجع تحاول تدخل التظليل تحت الجلده أسفل القزاز بعد ماتنتهي تحاول تطلع المويه من تحت التظليل كل هذا بواسطة البلاستيكه اللي مع التظليل حاول الا يبقى نقطة ماء بهذا تكون انتهيت كرر العمليه على البقيه ووفر على نفسك على الاقل 100 ريال وتعلم فن التركيب وستجد انك تتطور مع كل زجاج لذا حاول ان تكون بدايتك مع زجاج خلفي
بس لي تساؤل زجاج السائق والراكب الامامي اذا كان 01 يعطون مخالفة والا لا؟؟

[No.1]

تكفون اخواني
دلوني على مركز في كوول اللي فيه فنيين ممتازين
طبعا انا من سكان الرياض

انتظركم

[ملاعب الريح]

أخوي شف (في كول) فرع خريص ممتازين وكاسرهم يجيك خصم لو 100


أتمنى إني أكون أفدتك



(ملاعب)

[No.1]

ياليت الموقع بالضبط الله يخليك
ممكن غيري يروح بالسيارة

[مرور الكرام]

موقع في - كول يا طويل العمر على طريق خريص وأنت متجه غرب

يجيك مخرج مدينة الملك فهد الطبية - مخرج شارع الضباب

أطلع منه وأول إشارة ديور معها تلقى في كول على يمينك

عندهم نوعين من التظليل

إذا كانت سيارتك جيب ولا يوجد بها شاشة ( نافيقيشن ) تكلف 2300 ريال

إذا كان بها نافيقيشن مثل الفي أكس آر تكلف 1700 ريال لأنه يكون العزل أقل علشان ما يقطع

طبعاً الأسعار تقريبية لازم تروح وتتأكد بنفسك

========

وعندك محل أسمه لومار أيضاً مجرب وأصلي ويكلف حوالي 1900 ريال مع ضمان 10 سنوات مثل في كول

موقعهم طريق صلاح الدين من تحت كوبري الخليج ووجهك غرب رح مع الإشارة يمين كأنك بتروح المطار القديم

اول إشارة ديور شفهم على يمينك .. Llumar

=======

وعندك سوبر كول بعد ما تتعدى محلات التأجير على طريق خريص تلقاه على اليمين بجانب التعاونية للتأمين قبل الحاج حسين

=======


وعندك كول لايت عند عبداللطيف جميل في أي فرع لهم

=====

وفيه سوبر أواكس على طريق الملك فهد اول ما تدخل طريق الملك فهد وأنت جاي من خريص يصير المحل على يسارك

=====


أسعارهم متقاربة يعني متوسط من 1700 - 2300

كل ما كانت درجة الشفافية أكثر كل ما زاد السعر

أغلى شي عندهم الأمامية

=====

نصيحتي أنحش عن الكوري والصيني والخرابيط يعدم عليك القزاز والرؤيا ولما تيجي فكه يبهذلك

هذول على الأقل ضمانهم 10 سنوات يغير الفلم كله إذا جاه شي ..

=====

أخوكم / ابو عبدالله .

[No.1]

موقع في - كول يا طويل العمر على طريق خريص وأنت متجه غرب

يجيك مخرج مدينة الملك فهد الطبية - مخرج شارع الضباب

أطلع منه وأول إشارة ديور معها تلقى في كول على يمينك

عندهم نوعين من التظليل

إذا كانت سيارتك جيب ولا يوجد بها شاشة ( نافيقيشن ) تكلف 2300 ريال

إذا كان بها نافيقيشن مثل الفي أكس آر تكلف 1700 ريال لأنه يكون العزل أقل علشان ما يقطع

طبعاً الأسعار تقريبية لازم تروح وتتأكد بنفسك

========

وعندك محل أسمه لومار أيضاً مجرب وأصلي ويكلف حوالي 1900 ريال مع ضمان 10 سنوات مثل في كول

موقعهم طريق صلاح الدين من تحت كوبري الخليج ووجهك غرب رح مع الإشارة يمين كأنك بتروح المطار القديم

اول إشارة ديور شفهم على يمينك .. Llumar

=======

وعندك سوبر كول بعد ما تتعدى محلات التأجير على طريق خريص تلقاه على اليمين بجانب التعاونية للتأمين قبل الحاج حسين

=======


وعندك كول لايت عند عبداللطيف جميل في أي فرع لهم

=====

وفيه سوبر أواكس على طريق الملك فهد اول ما تدخل طريق الملك فهد وأنت جاي من خريص يصير المحل على يسارك

=====


أسعارهم متقاربة يعني متوسط من 1700 - 2300

كل ما كانت درجة الشفافية أكثر كل ما زاد السعر

أغلى شي عندهم الأمامية

=====

نصيحتي أنحش عن الكوري والصيني والخرابيط يعدم عليك القزاز والرؤيا ولما تيجي فكه يبهذلك

هذول على الأقل ضمانهم 10 سنوات يغير الفلم كله إذا جاه شي ..

=====

أخوكم / ابو عبدالله .


وش خليت يابو عبدالله

الصراحة كفيت ووفيت

ابي رايك في سوبر كوول ، سمعت فيه او احد مجربه ؟

او اركب في كوول وخلصنا

سيارتي يوكون

اخوك

[عبدالرحمن]

اذا كان الاقبال على التظليل والاستفسار عنه مهم وانت في مدينه الرياض و خاصه شمال الرياض

فيه تظليل كوري اعتقد او تكون صناعته الي تكون قيمته 100 ريال بالدرجه الي تناسبك لكامل السياره

الملاحظه المهمه انه على سيارتي القديمه من 4سنوات , وتشوفه اليوم ما تفرق بينه وبين السياره الثانيه كانه مظلل امس ولا تخرب القزاز ولا اسلاك الضباب

الملاحظه الاهم ان طريقه تظليلهم تشوف القزازه صافيه كانه شد بلد

المكان حي المصيف تخلي بنده على يمينك وحي المروج وراك , بعد قصر ال الشيخ ( بيت بني واضح على الشارع ) تحصل 3 محلات عندها مظله صغيره خشب , هو المحل الاوسط .

[بنزرت]

كل الهرجه هذي عن التضليل؟؟؟؟؟؟؟؟؟؟
طيب مادام انكم مهتمين بالتضليل وتضللو سياراتكم مره وحده وعلى طول..............طيب ليه ما اششتريتو سياره يكون زجاجها مضلل من الاساس وانا متاكد ان اغلبكم اشترى السياره من الوكاله جديده
انا الحمد لله سيارتي مضلله تضليل طبيعي ( لون الزجاج)ومرتاح عسى الله يبارك لنا

[مرور الكرام]

أخوي نمبر ون


ولا يهونون باقي الأخوان


أنا ماجربت سوبر كول لكن سألت عندهم عن تظليل الجيب قالي يكلف 1700 ريال

الأمامية والجوانب الأمامية شفاف وباقي السيارة غامق

وبصراحة الي جربتهم لومار ممتازين وشغلهم زين وضمانهم حقيقي

بس كان على سيدان سيارة صغيرة مو جيب ..

وسألتهم عن الجيب قالي 1900 ولازم تحجز موعد لأن عندهم زحمة خصوصاً بفترة الصيف

وأخوك لحد الآن ما سوى شي !!

[ابوريناد1979]

يارجال نصيحه :no2: لاتركب تظليله بها الديره
(مع اننا اكثر ناس محتاجين للتظليل مع هالشمس)
ماتسوى عليك يوقفك عسكري مايسوى التالي من الغنم (تكرمون) ويذلك عندها حتى لوهي خفيفه جدا
<<< أسأل واحد مجرب تلزخ من قسايم التظليل لين قال بس:(

[مرور الكرام]

يارجال نصيحه :no2: لاتركب تظليله بها الديره



(مع اننا اكثر ناس محتاجين للتظليل مع هالشمس)
ماتسوى عليك يوقفك عسكري مايسوى التالي من الغنم (تكرمون) ويذلك عندها حتى لوهي خفيفه جدا
<<< أسأل واحد مجرب تلزخ من قسايم التظليل لين قال بس:(







يا طويل العمر ... مراكز التظليل الي نتكلم عنها تظلل السيارة حسب تصريح إدارة المرور

بحيث تكون الأمامية والجوانب الأمامية الراكب والسائق شفافة 100 %

يعني كأنك منت مظلل

كيف يعطيك مخالفة إذا كنت منت مظلل ؟

الفائدة منها تخفيف أشعة الشمس والحرارة حتى لو كانت شفافة 100 %

وتصل إلى 55 % درجة العزل يعني تخيل أكثر من نص الحرارة تخف داخل السيارة !!

[freedom]

انا انصح بتظليلة جنسون الامريكيه( الفلم العازل الحراري ) جدا رائع وافضل من V-cool بحكم تجربتي
بالجيب الاند بــ 1600 (كامل السياره حتى الي قدّام والفتحه ) وضمان لمدة خمس سنوااااات ... وخدمتهم ممتازه ...
طبعا انا ظللت تظليله خفيفه 01 تسمى عندهم E60

[Abo Fhad]

ياخيو نصيحه ركب الكوري من شركة Skc

والله اني استخدمها من 6 سنوات وماشاء الله طيبه ومعقوله

الون ماتغيير والحراه داخل السياره معقوله والفرق واضخ قبل وبعد

تكلفك 100 ريال بالكثير

[سلطان العوني]

اخوي شف التضليل العازل الحراري الكوري ممتاز سعره ما بين ( 80 إلى 150 ) ريال حسب نوع السيارة وأنصحك بتضليل أقل درجة يعطي للسيارة منظر وترتاح من تفتيش المرور لأنه نسبة التضليل المسموح بها 30 % وابعد عن ماتروج له شركات التضليل مثل زيبارت وفي كول والله حرام أضلل بــ 1800 ريال وفيه بدائل أرخص وأفضل :confused: :confused: :confused:

مع تحيات اخوك ابو عاذر
لا تعليق كلام سليم 100%

[No.1]

الله يعطيكم العافية جميعا كفيتوا ووفيتوا

سأخبركم ان شاء الله بتجربتي بعد التظليل

[ابوريناد1979]

يا طويل العمر ... مراكز التظليل الي نتكلم عنها تظلل السيارة حسب تصريح إدارة المرور

بحيث تكون الأمامية والجوانب الأمامية الراكب والسائق شفافة 100 %

يعني كأنك منت مظلل

كيف يعطيك مخالفة إذا كنت منت مظلل ؟

الفائدة منها تخفيف أشعة الشمس والحرارة حتى لو كانت شفافة 100 %

وتصل إلى 55 % درجة العزل يعني تخيل أكثر من نص الحرارة تخف داخل السيارة !!
اظاهر عندك محل وتبي تمشي سوقه :D
والله اعرف واحد ما تدري ان سيارته مظلله ولا لا من خف التظليله
ويوقفه عسكري على طريق المطار ويصكه بقسيمه يحبها قلبك
العسكر اللي عندك زي الآله اذا قالو له ممنوع يقول خلاص ممنوع شفافه ولامهيب شفافه
يعني لو حس مجرد احساس ان القزازه ثقيله شوي لو 5% بيوقفك وويشيك عليها وان شاف تظليله انبسط كنه مكتشف شي مهم

[مرور الكرام]

اظاهر عندك محل وتبي تمشي سوقه :D
والله اعرف واحد ما تدري ان سيارته مظلله ولا لا من خف التظليله
ويوقفه عسكري على طريق المطار ويصكه بقسيمه يحبها قلبك
العسكر اللي عندك زي الآله اذا قالو له ممنوع يقول خلاص ممنوع شفافه ولامهيب شفافه
يعني لو حس مجرد احساس ان القزازه ثقيله شوي لو 5% بيوقفك وويشيك عليها وان شاف تظليله انبسط كنه مكتشف شي مهم


أتمنى من الله العلي القدير أنه يرزقني وأفتح أي محل المهم أدخل مجال التجارة ... الله يسمع منك يارب .


أخي الكريم حنا ما شاركنا بالمنتدى إلا علشان نفيد ونستفيد من تجارب بعض !!

=====

يا أخي الكريم الي أقصده بالتظليلة الشفافة أنها تكون شفافة 100 %

يعني معدومة هي والقزازة واحد

وعلى فكرة هذي كانت موجودة قبل أكثر من 10 سنوات أيام كان التظليل ممنوع منعاً باتاً لا عائلي ولا جانبي و لا خلفي

كانت موجودة للحماية فقط يعني تعزل الحرارة فقط

يعني مستحيل تبين أنها موجودة !!

أرجو أنك تكون فهمت علي ويمكن الي انت تقصده ( 00 ) هذي يبين لون خفيف جداً

لكن أنا الي أقصده هي ولون القزاز واحد

أتمنى أن تكون وصلت الفكرة . .

[هاه..؟]

انا انصح بتظليلة جنسون الامريكيه( الفلم العازل الحراري ) جدا رائع وافضل من V-cool بحكم تجربتي
بالجيب الاند بــ 1600 (كامل السياره حتى الي قدّام والفتحه ) وضمان لمدة خمس سنوااااات ... وخدمتهم ممتازه ...
طبعا انا ظللت تظليله خفيفه 01 تسمى عندهم E60


ودي اسئلك أخوي عن فرعهم بالرياض؟؟؟؟؟؟؟؟؟؟؟؟؟؟؟؟؟؟؟؟

وسلامتكم يا بعد حيي

[نويت مربآعك]

V-cool غالي بالحيل وفيه شبيه لـه بكل المواصافات والجوده
انا مظلل علي سيارتي تظليل زيبارت حراري والله انـه ممتاز قيمـه التركيــب علي سياره هوندا اكوورد جميع النوافذ + القزاز الامامي
بـ 400 ريال فقـط والضمان ثلاث سنوات
والـ في كوول يووصل الـ 1500 وكلهم نفس الخامـه والــجوده
ملاحظه : مايضمن قزاز الهوندا والمرسيدس والبي ام الامامي للراكب والسائق تتشلخ بعد فتره لقساوه جلد القزاز
وإن شاء الله افدتكـم

[القويعي]

وش تنصحونا طيب؟؟ أي نوع؟

[ابوبدران]

السلام عليكم




أنا مضلل ( في كول ) كامل السيارة القزاز الأمامي والفتحة بـ 1900 ريال صرحه تفرقها في المشي في الشمس يعني ما تتعبك الشمس زى ألي ما ضلل أو مركب تضليله رخيصة

أعطيك مثال كنت راجع من الشرقية الساعة 2 الظهر إلى الرياض أشوف بعض الناس يحط شماسه أو سجاده أو أي شي يمنع حرارة الشمس بينما أنا ولله الحمد لم أضع أي شي لان ألتضليله عاكسه نسبه كبيره من ضوء الشمس والحرارة طبعا مع تشغيل المكيف و بعد ما تضايقك الشمس في المشاوير داخل المدينه في عز الظهر

كنت عندي حساسية من ضوء الشمس في الظهر يعني لازم البس النظارة الشمسية وإلا تدمع عيوني واقعد فترة لين اعتاد على الضوء لكن بعد التضليل ارتحت وصر الأمر عندي عادي


ملاحظه مهمة جدا


لا تظن انك أذا وقفت السيارة في الشمس تحصلها باردة لا تحصله حارة ولأكن اخف من السيارة ألي ما ضللت والديركسون حار بس ما يلسع زى ألي بدون تضليله
ركب أي ماركه تحب أهم شي أنها تكون ماركه( في كول ) ( جونسون ) ( زيبارت ) ( لومار ) ( كول لايت ) ( بدون ترتيب )

أيضا التضليل الماركة يكون تركيبه تحت أيدين ناس فهمه
وتناظر من خلال ألتضليله ما تشوف إشعاع مع الاضاءه في الليل وأنوار والسيارة ألمقابله يعني ألتضليله صافيه بنسبه عاليه جدا
ايضا عندي القارمن ما يستقبل الا باريل خارجي بسبب التضليلة

ونصيحه لا تكبها الا على سياره جديده علشان تتمتع به اكثر وقت ممكن