القير يتأخر في التبديل ..؟

[x24]

السلام عليكم ورحمة الله وبركاتة

السيارة : جمس ( وانيت )

الموديل : 96

المشكلة بأختصار

القير مرات يبدل بشكل عادي ومرات يتأخر في التبديل و تحن السيارة بدون ما تمشي ..؟

تم تبديل زيت + فلتر الجير

لمحاولة حل المشكلة بدون أى فائدة

[أبـو فـايـز]

اتوقع والله اعلم هذا حساس اسمه حساس صدر المكينة
مكانه حول فلتر الهوا,, تلاقيه خربان ويعطي اشارة ان المكينة مافيها هوا كافي بالتالي مايضخ بنزين كافي
قد صارت معي نفس مشكلتك (الخراب في حساس الثروتل والاثر مايبان الا على القير)
جرب فحص كمبيوتر راح يبين معك ان شاء الله

[بدوي جنوبي]

واحتمال يكون من منظم في القير
هو المسئول عن تغييرات القير يسموه منظم السرعات

ملاحظه اذا كان الزيت ناقص تحن السياره و ما تمشي شيك مره ثانيه علي الزيت

بالتوفيق

[عشانا]

يمكن يكون الخراب في تروس القير يعني متأ كلة

[ابوريناد1979]

شوف نصايح الأخوان الله يعطيهم العافيه
لكن أهم شي :no2: لاتروح لتراي ستار لأنهم عصابة نصب وعلى رأسهم مديرهم اللبناني
هاك سالفتي ....كان معي لومينا وصارت معي نفس مشكلتك تقريبا المهم قالو لي عندك مشكله في الحساسات ومدري ايش (كهرب يعني )وخذوا مني 2100 وخلو السياره 3 ايام , وخذيتها بعدها ولا امداني اطلع من عندهم الا رجعت لي المشكله وارجع لهم مره ثانيه وقالو خل السياره كم يوم وبرضوا نفس المشكله .......ترددت عليهم سبع مرات بدون مبالغة وبدون اي فايده الين طفشوني ولا زانت(خطة تطفيش) ,,,,وتهاوشت انا وياهم ومشيت حسبي الله عليهم

اذا محتاج مره رح افحصها في الوكاله اضمن لك

[x24]

هلا أبو فايز

أن شاء الله راح نفحص السيارة كمبيوتر

بس هل أقدر أعرف اذا الحساس خربان بدون الفحص ..؟

-----------------------------------------------

أخوى بدوي جنوبي

الزيت مبدل بالكامل ولا يوجد هناك أى نقص

----------------------------------------------

أخوى عشانا

طيب هل فحص الكمبيوتر يبين اذا التروس متأكلة ولا لأ ..؟

ولا لازم نفك الجير بالكامل ...؟

---------------------------------------------

أخوى ابوريناد1979

الله يعين بس

أهل الورشة ذممهم ما فية اوسع منها ( الأغلبية وليس الكل )

[إبن فيصل]

الحل بسيط وأنا أخوك هذه المشكلة سهلة جداً وأبسط مما تتصور الحل ياطويل العمر ومحفوظ البقا والسلامة رح لأقرب ميكانيكي وافتح الكبوت راح تلقى سلك حق الابنص (دعسة البنزين) خله يازنه وبعدين بيصير الموتر مثل ما كان عليه...
أكيد أنك مسوي تغيير بواجي أو غسيل بستم أو أي صيانة فكو الابنص ولا رجعوه مثل ما كان ترى الشغله بسيطة جداَ ويصلحها لك ببلاش .
أنا حصلت معي صلحت بالسيارة والميكانيكي الدلخ الاول فك الابنص ولا وزنه مثل أول صار الموتر يحن ويتأخر في التعشيق مره يزين ومره يتأخر وخاصة في السرعات العالية يتأخر والا إذا مشيت تمام ما تحس فيه مريت عالم الي يقول القير خربان والي يقول غير زيت الى أن وفقني الله بواحد أردني خبرة فر معي فرتين على الموتر وقعد يعدل ويبدل في الابنص ورجع الموتر أحسن من الاول .
رح وجرب وبتدعيلي.
وتقبل تحياتي...إبن فيصل،،،،