ايهما افضل حرض او الاحساء انا مسافر لدبي

[فارس نجد 2006]

ممكن مساعده ابي اسافر للامارات ايهما افضل طريق حرض وكم المسافه
او طريق الاحساء وكم المسافه انا من الرياض

[محمد الجويسر]

اخوي الغالي طريق حرض اقرب مسافة من طريق الاحساء ولكن طريق حرض اخطر من طريق الاحساء مع العلم انه طريق الاحساء صعب

وتوح وتجي بالسلامه

[فارس نجد 2006]

الله يسلمك

[abufahad2008]

http://www.mekshat.com/pix/upload/images36/mk49692_azsaxs.jpg





اخوي انا رحت قبل اسبوع مع خط حرض بس مانصحك تروح



تقولي ليش



اقولك الخط متحفر ومطبات وبعارين وتريلات والله يستر





بس كانك تبي الراحة عليك بخط الاحساء لانه يفرق عن حرض تقريبا 100 كلم





تقبل مروري

[فارس نجد 2006]

كم يفرق عن الاحساء

[فارس نجد 2006]

مشكور والله يعطيك العافيه

[فارس نجد 2006]

من الاحساء الى البطحاء هل هو سريع ام لا اذكره كانو شغالين فيه

[ابوحماد]

من الاحساء الى البطحاء فيه صيانه ويفرق عن حرض فوق 140 كيلو بزود

بس أنتبه من تقاطع حرض

فيه تقاطع قبل حرض و بعد نقطة التفتيش تقاطع شين

تقاطع الموت

[فارس نجد 2006]

كم المسافه من الرياض الى دبي عن طريق الاحساء
وكم عن طريق حرض
ولكم مني كل تقدير

[فارس نجد 2006]

افيدونا اكثر انا بكره مسافر

[دغيم1]

السلام عليكم

حياك أخوي : فارس نجد 2006
بالنسبة لسفرك إلى دبي .
الرياض - الخرج - حرض - منفذ البطحاء - منفذ الغويفات - دبي -
هو الأفضل شريطة أن يكون سيرك في النهار وذلك لأن الطريق مسار واحد ويوجد فيه أبل ورمال متحركة ولكنه يبقى الأقصر والأفضل .
والمسافة من الرياض إلى منفذ البطحاء - 500 كم تقريبا .
وأِشكر أخي : الفتك وبس - على التوضيح الجميل - والمخطط الأنيق - بورك في جهوده .
المسافة من الرياض إلى دبي عن طريق حرض = 1000 كم - تقريبا
من الرياض - الاحساء - دبي = 1100-كم وقد تزيد قليلا - مع الوقت الذي ستمضية لدخول محافظة الاحساء والخروج من زحماتها .
بالسلامة للجميع .
تحياتي ....

[مجتهد***]

من الأحساء أفضل و أريح ولو كان الأبعد

[فارس نجد 2006]

دغيم 1 الله يعطيك العافيه



ولك تحياتي

[صليب الرأس]

اخوي فارس نجد بدون اسئلة طريق الاحساء افضل لك وانا اخوك

[صائد الفوائد]

استخر وامش بالنهار وقد يكون الطريق قصير لكن يأخذ وقت طويل وعليك بالطريق الآمن ولو طالت المسافة
سفرا سعيدا وعودا حميدا
ولاتنسانا من الهدايا

[فارس نجد 2006]

الله يعطيكم العافيه

88888888
77777

[ابوحماد]

أنا مكيلها من يوم طلعت من دبي الى وصولي الى الرياض عن طريق الاحساء حوالي 1260 كيلو

ومن حرض تقريبا فوق 1000 بخمسين

[فارس نجد 2006]

الله يعطيكم العافيه

[khalid 6]

انا مع الشباب حيث ان طريق الاحساء آمن ومعظمه بيكون شارعين بس عيبه انه اطول وتآخذ وقت للخروج من الاحساء
اما طريق حرض اقصر واسرع وعيبه انه غير آمن ويتكون من شارع واحد يعني رايح جاي وكله شاحنات وبعارين وان عزمت عليه تحمل تطلع بالليل تراه واااااااااايد خطر وخلك حذر دايما ولا تلهي نفسك بأي شي.
صراحه انا دايما اتوكل على الله واسلك طريق حرض والله الحافظ..(من الرياض للبطحاء 500كم _ ومن البطحاء لدبي 500 كم)
توصل بالسلامة ان شاء الله واسمحلي على الاطاله.

[HRH_220]

طريق حرض خطر تصدقون قبل سنه دورت من نص الخط ونمت فى الرياض وثانى يوم رحت مع الاحساء

[escape_man]

لاصرت عزوبي سريت مع خط حرض

واذا معي العايله ماغامرت ابد وسلكت طريق الاحساء

طريق حرض يطرب اهل المقانيص بالرمله

يعني يقطع عليك الخط وانت سارح بافكارك

[okour]

مشكورين يا اخوان
انا معي سيارة بي ام دبليو 2001 الفئة السابعة ونظام الملاحة الموجود فيها بس للإمارات. فيه حد عنده للملكة العربية السعودية شرط يكون سي دي ولنفس موديل السيارة عشان يشتغل

ومشكورين
okour@yahoo.com

[الرحال الحزين]

سافرت عن طريق حرض في شهر 1\2007 وكان جميل وامن

بس حاول تخلي مشيك في النهار لانعدام وجود سيارات الشرطه ونقط التفتيش

والله يحفظك وعليك باوراد النبويه والتوكل على الله سبحانه وتعالى

[صبي غلباء]

بعد السلام على الجميع
من تجربه ويقولون اهل مكه ادرى بشعابها
اذا انت من اهل الخرج مع حرض اصرف كثير بحكم انه يطيح عليك كثير وخل مشيتك تقريبا الساعه وحده بالليل ليش لانه مابعد تحركت سيارات المشاريع بالخرج لانه في النهار تنشب بتريله ماتقدر تطوف عليه والسيارات مقابلتك ويكون وصولك المنفذ تقريبا الفجر تصلي وتختم وتدخل الامارات والساعه تسع ونصف وانت بدبي والحمد لله على السلامه
من الخرج الي حرض 180كيلو ومن حرض الي المنفذ 250 كيلو تقريبا
والخط مليان امن طرق والجوال شغال
خذ بالك من الابل
المحطات موجوده
من حرض الي البطحاء انتبه لسافي الرمل يكون طالع على طرف الطريق عشان كذا قلنا مشي الليل اصرف لانه الخط فاضي وتتلافى السافي لانه مافيه سيارات مقابلتك
وشكرا اتمنى اكون خدمتك

[snnar]

اعتقد طريق حرض اسرع من طريق الاحساء وعند الذهاب لدبي يكون السافي على السيد الثاني الخطورة انة تقابلك سيارات وانصح قطع الطريق نهارا وفي العوده تكون مركز ومنتبه جيدا لان الرمل سيكون في سيدك ولا انصحك تمشي معة ليلا والمسافة 220 كيلو اول ما تمسك الطريق تشوف البطحاء اذا كنت زرقاء اليمامة لانه ما فية انعطافات وفية محطات وجوال

[اخت المحبه]

كم المسافه من الرياض الى دبي


13 ساعه

تقريبا;)

[الرسن]

الاخوة اللي في الرياض مامثل طريق حرض ولايكثر
قال ايش مع طريق الاحساء تخيل انك تاخذ دورة على حيكم عشان تاصل للبقالة بينما هي تبعد عن بيتك
حذفة عصا يعني تطولها برجليك.
حرض زين بس تمشي في النهار وهذا اهم شي وانتبه تخلي الشمس تقابلك وانت تمشي خل الشمس وراء ظهرك دائما.
يعني اختر التوقيت اللي يناسب عيونك.
معالسلامة

[راعي الذيب]

اخوي الكريم .. اعتقد ان في هالمسألة تختلف الآراء حسب الظروف .. وش السيارة و هل شوفك زين وغيرها
انا رحت مع حرض قبل ثلاث سنوات مع العائله , فيه مشكلتين الأولى طريق الخرج حرض متهالك شوي ما أدري هو الحين أزين ولا أشين
الثانية طيق حرض بطحاء فيه رمال زاحفة ,, يعني جزء من النفد يطلع وغطيلك الكتوف أو أحيانا السيد اللي تمشي فيه كله .. فلازم تصير مفتح عيونك
وعموما أنا لو رحت مرة ثانية أبروح مع نفس الطريق.
وتروح وتجي بالسلامة.

[مرهاش]

السلام عليكم ورحمة الله وبركاته

من الرياض الى دبي عن طريق الخرج حرض 1000 بالتمام والكمال، ياخذ معك اذا كان معدل السرعه معقول يعني 130 تقريبا، 9 ساعات، والطريق من الخرج الى حرض 170 تقريبا هو الاسوء ومن حرض الى البطحاء 255 كم جيد ولكن الانباه للرمال المتحركه والجمال السائبه، وكما ذكر الاخوان يفضل السير بالنهار، واذا تبي رايي امش الفجر بدري وتوكل على الله مع طريق حرض لانه اقصر من طريق الاحساء باكثر من 200 كم

ولا تنسى تعبي بنزين من الخرج ثم من محطة الطواله بعد حرض بـ 60 كم تقريبا ثم تعبي عند الحدود من ساكو او سحاب (علما انه احيانا ما تلاقي بنزين في هاتين المحطتين، لأن الناس تعبي منها بسبب رخص السعر عن الامارات).

صحبتك السلامه

[يزن2]

شي مهم لازم تاخذ احسابك له

رش السيارة قبل المغادرة لان الطريق مع حرض رمال لاينفع معها فيري ولا رشت بخاخ
انا كنت حاط رشة بخاخ وماشي بالنهار يعني راش الانوار بعد
ولكن كل شي امسح كاني مغسل السيارة من الرمل والذي اعدم الانوار الاماميه واللوحة راحت الارقام
واحسن شي برقع يغطي الانواروالصدام فقط ولاصوت وشي