وش رايكم بمكينة gxr تويوتا

[الروض]

الموتر ما عليه عندما ننظر إلى متانته وتماسك هيكله
ولكن علته في مكينته التي لا ترتقي إلى وزنه الثقيل
فهو بمثابة الثور بقلب الجدي ما فيه تناسب
بعكس الباترول ذو الأربعة أبواب فهو خفيف وزن
ومكينته عالية التجاوب تعطي طاقة عالية تتفوق على وزن السيارة
وخصوصا vtc
ولو تندمج تويوتا ونيسان راح ينتجون سيارات
فمن نيسان البراعة في المكاين والقيور ومن تويوتا البراعة
في سبك البدي والسعة والديكورات وجمال الشكل والتقنيات
=======================
أخواني الأعزاء هذه وجهة نظري ولا يزعل أحد

[الدحبول]

انشهد انك صادق
مهوب الفتك بس حتى 4500

أنا أتمنى إتحاد جنرال موتور وتويوتا ونيسان وينتجون سيارة
مكينة فورتك8100
الجير لاندكروزر فيكسار
نظام التعليق حق البترول
وديكورات الداخلية حق جمس دينالي
الشكل تويوتا لاندكروزر 2007
وش رايكم ؟؟؟؟؟؟؟؟؟؟؟؟؟
إنشهد إنها رح تكون إبداع

[ولد السبعان]

يازين سفينة الصحراء

[باترول للأبد]

أنا والله اقول نيسان لحالها تكفى يازينها في كل شي

وانا أشوف لو أتحدت نيسان وتويوتا بتصير مالها داعي

حلاتها نيسان بلحالها ولأهلها .. وتويوتا بلحالها ولأهلها

[ايوه111]

انا والله اقول ان التويوتا احسن سياره في العالم

علماً ان اول كنت اموت في شي اسمه نيسان والي يغلط عليه كأنه غلط فيني

لكن صرت اكره كره لانه خرخاشه ولا هو مريح وخرباته كثيره وقطع غياره غاليه وصيانته زفت

علماً اني عندي سيارتين نيسان وربعي كلهم عندهم نياسين كثير منهم اختربة قيورهم والي عنده منظم الهوا والي عنده الكهرب والي المكيف والي تصرف المكينه زيت وصلحوها على حسابهم

وانا عن نفسي مافي امل اني اشتري نيسان تويوتا وبس

اسمحوا لي يا الربع هذا من وجهة نظري ومن واقع تجربتي

[غالي]

نيسان فعلا فلحت في القوه للمحرك
لكن
لكن لايعيش اكثر من 10 سنوات
فا اين البراعه في صناعة المكاين عند نيسان؟؟؟
والي مو مصدق كلامي يروح لقسم بيع السيارات وشف باترول موديل اقل من 97 اذا كان مشيه عادي جدا جدا ماتخزن
فا هذا وجهي ان كان راعيه ماوظبه وغير وجه المكينه
اتمنى اخوي اخذ هذا الجانب لان المنتدى يعم الفائده بالجميع
وكم من واحد غشيم لايعرف السيارات وان حبيت انا اول الغشاما
فا بياخذ بكلامك وهذا تغرير
فا نقول التجربه خير برهان
هل انتشار باترول من 79 الى 89 للبيع مثل انتشار التويوتا ((ابو شنب؟؟؟))
الجواب: لا
تعرف ليش لا؟؟
لان هذي الموديلات من نيسان اصبحت خرده لا من تصدي هيكلها ولا خراب مكينتها
باختصار وزبدة حكيي:
القوي قوي ولو ضربوه بمطرقه :)
شكرا لك اخي الكريم وعسانا نملك مصانع هالثنين تويوتا-نيسان

[باترول للأبد]

أرجع وأقول مابعد النيسان وكالة

واللي يقول النيسان زفت

يجي عندي وأورية كل مواتر الشباب ويسمع وش يقولون عن قوة النيسان وراحتة وعن قلة خراباتة

[الروض]

ياشباب ترى الكلام مهوب عن عوايل أو قبايل الكلام عن مواتر حديد في حديد
لذا يجب أن نكون موضوعيين في بيان وجهة نظرنا
والا ترى نيسان وتويوتا لليابانيبن
وكل شي مصنوع في هذا العالم له جوانب إيجابية وأخرى سلبية
وكذا الباترول والكروزر
مثلا أنا ملكت كريسيدا ثم لاند كروزر ثم كابرس ثم باترول ربع ثم سوبر سفاري
وايام الكابرس عندي لوحده كنت أذمه واكرهه واكره شيء اسمه جنرال موتور
وأصرح بهذا ولا أقعد أمدحه علشانه عندي
بينما الكريسيدا عز الله موتر والكروز برضه موتر بس ثقيل واستبنته تحت تعلق ما اعجبني البته
والباترول الربع هو اللي غير مفاهيمي عن النيسان ما شاء الله موتر ولا فيه قرقعة إلا بالخلفي
ثم شريت سوبر سففاري وكالة 2007 ومن فضل الله أقدر أطلع vxr لكن فضل النيسان عليه
والله يوفق الجميع

[ابو عاذر]

انا والله اقول ان التويوتا احسن سياره في العالم

علماً ان اول كنت اموت في شي اسمه نيسان والي يغلط عليه كأنه غلط فيني

لكن صرت اكره كره لانه خرخاشه ولا هو مريح وخرباته كثيره وقطع غياره غاليه وصيانته زفت

علماً اني عندي سيارتين نيسان وربعي كلهم عندهم نياسين كثير منهم اختربة قيورهم والي عنده منظم الهوا والي عنده الكهرب والي المكيف والي تصرف المكينه زيت وصلحوها على حسابهم

وانا عن نفسي مافي امل اني اشتري نيسان تويوتا وبس

اسمحوا لي يا الربع هذا من وجهة نظري ومن واقع تجربتي


نيسان فعلا فلحت في القوه للمحرك
لكن
لكن لايعيش اكثر من 10 سنوات
فا اين البراعه في صناعة المكاين عند نيسان؟؟؟
والي مو مصدق كلامي يروح لقسم بيع السيارات وشف باترول موديل اقل من 97 اذا كان مشيه عادي جدا جدا ماتخزن
فا هذا وجهي ان كان راعيه ماوظبه وغير وجه المكينه
اتمنى اخوي اخذ هذا الجانب لان المنتدى يعم الفائده بالجميع
وكم من واحد غشيم لايعرف السيارات وان حبيت انا اول الغشاما
فا بياخذ بكلامك وهذا تغرير
فا نقول التجربه خير برهان
هل انتشار باترول من 79 الى 89 للبيع مثل انتشار التويوتا ((ابو شنب؟؟؟))
الجواب: لا
تعرف ليش لا؟؟
لان هذي الموديلات من نيسان اصبحت خرده لا من تصدي هيكلها ولا خراب مكينتها
باختصار وزبدة حكيي:
القوي قوي ولو ضربوه بمطرقه :)
شكرا لك اخي الكريم وعسانا نملك مصانع هالثنين تويوتا-نيسان

كلامكم صحيح 100% وأزيد أن أهل الامارات يرهمون مكينة الجكسار 4500 على الباترول 97 وكذلك وجدت ناس منهم بالمنطقة الشرقية ايام الربيع سياراتهم باترول 99 و2000 مكاينها تويوتا 4500 بخاخ مزودة سألتهم ليش قالوا تصبر وتتحمل كرف وأقل خرابات بكثير من مكاين النيسان

مع تحيات اخوكم ابو عاذر

[abufahad2008]

اخوي جرب الفكس آر وتعرف شنو المواتر

[أبو محمد2010]

لا حول ولا قوة الا بالله

الله يهديكم جميعاً خلاص ما عاد ينفع هالكلام الي تقولون نيسان ولا تويوتا إلى متى ونحن بهذه العقلية الصغيرة....

كل واحد يشري الي هو يبي ويركب الي يعجبة لكن المسألة ما توصل لهذه الدرجة ترى راعين اليابان ما درو عنكم الله يهديكم....

إرتقوا بتفكيركم تـــــكــــفـــــون.....

[مقلب]

التويوتا ,,,, ياجماعة الخير لايقارن بأي سياره

لاتنسون مقطع فيديو ,, البترول ـ واللند اللي يتحدون بعض بالسحب

متشابكه من الخلف والكل شاف اللند سحب النيسان كنه ورقة قرطاس

(((( تويوتا وبس ))))

تحياتي

[ايوه111]

ياخوي ابومحمد 2010 السلام عليكم

ترى احنا ندردش ولا ناخذ الامور على محمل الجد كلن افلوسه عنده وملن يشري الي يبي

لكن الباب مفتوح لنقاش

وانا والله يعز علي الي يجمع له قرشين ويشتري سياره وبعدين ويتبهدل فيها

وانا والله انصح الناس لاني جربت النيسان عز التجربه واعرف كل مواصفات النيسان وجربت التويوتا

لكن عز الله التويوت موتر وبس النيسان الي بشتريه سنتين ثلاث وببيعه وهذا الشي اكيد مين بيتحمل قطع الغيار الغاليه والصيانه

التعبانه ولجيت تبيع النيسان بطفسه نص قيمته او اقل لكن التويوتا شيك في المخبى

تحياتي لكم

واشكرك يا اخوي ابومحمد على اهتمامك عدم وقوع الشحناء بينا