المساعد الشخصي الرقمي

مشاهدة النسخة كاملة : خويي يبغى مشورتكم بمشكلة سيارته


ابوخالد_k
30/05/2007, 04:24 AM
الاخوه اعضاء مكشات . واحد من خوياي جاني وقعدت اسولف معه عن النت ومقدار الاستفاده منه ..المهم مالكم فالطويله قعدت اعلمه عن منتدى مكشات ومقدار الفائده اللي استفدها منه . الرجال استغرب ان فيه موقع يستفاد منه بالشكل اللي قلتله وانا صادق معه لانني استفدت من مكشات حاجات كثيره فالسيارات وغيرها المهم خوينا عنده مشكله بسيارته وهي

ان دواسة الكلتش لامنه ضغطها بيعشق تبقى مكانها و ما ترجع اللين يسحبها هم ليبغى يعشق مره ثانيه ما يقدر يروح الكلتش خفيف مره و لازم يطفي موتره هم يشغله مره ومرتين الين يثقل الكلتش شوي هم يعشق القير هذه هيه مشكلته عاد هو يبي الحل مني يوم علمته عن بعض مشاكل سيارات اعضاء مكشات .. والله انا ان بغيتو الصراحه افتيت عليه بان الفحمات يبيلها تغيير ولحقت نفسي وقلت مهوب اكيد قال وش رايك تعرض مشكلتي لموقعك اللي تقوله قلت ابشر والاخوان بيعطونك الراي السديد ...ترى سيارته مكسيما2000

ودمتم في رعاية الله وحفظه
غالي
30/05/2007, 04:39 AM
اخوي ليس لها دخل الفحمات في الكلتش
الفحمات تتعلق بالفرامل اكثر
وانا ليس لي علم على سؤالك
اتمنى الاخوان مايقصرون معك
شكرا
الغانم1
30/05/2007, 04:59 AM
أخوي أبو خالد المشكله الله اعلم بسيطه
السلك حق الكلتش يبيله تغيير
أو وزن الزيت حق إصلاح الكلتش بداخله هوء لزم يخرج الهو الى بداخله ويزبط أنشاءالله الكلتش
واتمنى أني أفدتك
بدوي جنوبي
30/05/2007, 05:02 AM
أخوي أبو خالد المشكله الله اعلم بسيطه
السلك حق الكلتش يبيله تغيير
أو وزن الزيت حق إصلاح الكلتش بداخله هوء لزم يخرج الهو الى بداخله ويزبط أنشاءالله الكلتش
واتمنى أني أفدتك

كلام سليم اخوي الغانم1 :good:
هويدي
30/05/2007, 06:57 AM
هلابك ابو خالد الشباب كفو ووفو بس حبيت ادلي بدلوي لان نفس المشكله قد صارتلي

بصني ضغطت الكلتش ولزق بأرضيه الموتر وصار الكلتش ما يشتغل نهائي طفيت الموت وعشقته بواحد

ورحت لأقرب ورشه وطلع مثل ما تفضل اخوي الغانم سلك الكلتش منقطع
راعي كيف
30/05/2007, 07:09 AM
السلام عليكم
شف اخوي عندك عدة امور يجي التأكد منها:
1- إصلاح الكلتش.
2- تنسيم الهواء من الكلتش .
3- الباكم حق العلبة يمكن فية مشكله او العلبة فيها مشكله وهي الغالب .
4- دواسة الكلتش تأكد منها لايكون فية شيئ ماسكها .

اخوك المحب راعي كيف
ابو ناصر
ابوحماد
30/05/2007, 08:46 AM
زيت دواسة الكلتش (السبرقنه) من الخلف

شيك على علبة الكلتش يمكن تكون مجيمه ماتدفع الزيت

او يمكن يكون هواء مسبب المشكلة
جي اكس أر 3
30/05/2007, 09:05 AM
[QUOTE=راعي كيف]السلام عليكم
شف اخوي عندك عدة امور يجي التأكد منها:
1- إصلاح الكلتش.
2- تنسيم الهواء من الكلتش .
3- الباكم حق العلبة يمكن فية مشكله او العلبة فيها مشكله وهي الغالب .
4- دواسة الكلتش تأكد منها لايكون فية شيئ ماسكها .

اخوك المحب راعي كيف
ابو ناصر

ماذكره اخي العزيز/ راعي كيف صحيح 100\100 نعم هذه هي اطال الكلتش
تحياتي
بدوي جنوبي
30/05/2007, 03:35 PM
يوجد علبة فرعيه صغيرة

بجانب القير هذي العلبه وظيفتها تقوم بدفع الساق اللي يحرك الفحمه داخل القير

ممكن تكون خربانه ... لانـ للكلتشـ علبتين رئيسيه وفرعيهـ
بالتوفيق
ابوخالد_k
31/05/2007, 04:15 PM
إخواني الأعزاء بيض الله وجيهكم وأنا اشهد انه ينشد بكم الظهر

كفيتم و وفيتم . وشرفتوني بمروركم

أن شاء الله بقابل خويي أليله وبطبع له ردودكم لعله يستفيد منها

ودمتم بألف خير