المساعد الشخصي الرقمي

مشاهدة النسخة كاملة : أبي ورشة راديترات مضبووووطه .. في الرياض أو المجمعه . فزعتكم يالنشاما


برق السما
30/05/2007, 09:08 PM
السلام عليكم ورحمة الله وبركاته ,,

ياجماعه أبي ورشة رديترات .. شغلهم مضبووووط ..

عندي تهريب مدري وش منه في موتري وأبي واحد يضبطه لي , وابي واحدن لا جيته ما اطلع منه إلا وموتري مضبوط [بإذن الله] ...

والمكان الرياض , ومافي اشكال لو كان بالمجمعه ,,, وياليت تذكرون لي [رقم جوال العامل]


فزعتكم يالربع , , والله لايهينكم !!
ابو عاذر
30/05/2007, 09:17 PM
شف اخوي فيه ورشة يماني بالصناعية القديمة بالرياض شغله مضبوط 100% وراعي ذمة وضمير ما عنده لف ودوران وصف الورشة :-
وانت مع الدائري الشرقي ومتجه جنوب يجيك مخرج 16 أدخل وخذ من عنده يمين متجه غرب بتل لين تجيك الاشارة خذ من عندها يسار متجه جنوب بتل تجيك أشارة خذ من عندها يمين متجه غرب بتل تجيك أشارة هذه (( أشارة الصناعية القديمة الاولى طريق الامير سلمان )) من عندها خذ يسار متجه جنوب لين يجيك شارع على يمينك كبير يقاله شارع الجمعية بتل معه متجه غرب يجيك تقاطع الورشة بعد التقاطع مباشرة على اليمين بجانبها محل شكمانات ارجو اني وفقت في الوصف .

مع تحيات اخوك ابو عاذر
برق السما
31/05/2007, 01:26 AM
تسلم ابو عاذر .. بس مادري وش اسم الورشة , او اسم اللي يشتغل بها !!
ibrahim_isz
31/05/2007, 11:44 AM
الأخ برق السماء السلام عليكم.....
اخر تقاطع في شارع الجمعيه وأنت متجه من الشرق إلى الغرب بالركن الغربي الأيمن ورشه تفتح على الشــارعين والمسؤل يماني والعماله يومنا و هنود(الريـــــــــــــــــــــــــــاض)
rayes3
31/05/2007, 01:53 PM
السلام عليكم ورحمة الله وبركاته

اخوي برق السما
نصيحه اخويه اذا الاديتر قديم يعني 6سنوات او اكثر وغيرنظيف انصحك بالجديد
اولا الان مقبلين على حر الله اعلم به

نصيحة اخو طق لك جديد وريح بالك

واسف على الاطاله
stranger
31/05/2007, 07:13 PM
اخوي برق السما

انت تقول ان المويه تنقص هذا موه شرط يكون الرديتر عندك خربان أو يهرب ممكن يكون عندك تهريب في طباة المويه اللي في الماكينة تأخد أول من أحد الميكانيكية اللي توثق فيهم وبعدين حدد ويش اللي باتسوية لأنة ممكن تصلح الرديتر والمشكله ما انحلت وخسرت فلوس بدون فايدة
برق السما
01/06/2007, 04:43 AM
الله يسلمكم جميعاً على التفاعل ..


البلا يا stranger من الاديتر نفسه .. وفكيته اليوم وطلعت بلاوي مدري من وين طلعت ,, يكفي ان المراوح مصديه من التهريب!!!


على العموم خذت بشورك يا rayes3 وغيرنا جديد أبشرك ,, والحمد لله الوضع [إلى الآن] تمام وأدعو أن الله يتمي به ويستمر الخط على الربع !! , لأني ولله تبهذلت مع هالحرارة وان شاء الله تسلك الامور معي !