النيتروجين للاطارات ... [الأرشيف]

أبو رداد

31/05/2007, 02:35 PM

السلام عليكم ورحمة الله وبركاته

قبل فتره سافرت للشام برا من الامارات مرورا بالسعوديه والاردن
ومثل ماتعرفون الطريق طويل ودرجات الحراره مرتفعه
وبصراحه كنت ابدل زيت السياره في ورشه في دبي وشفت اسطوانه
وسالت العامل وقال هذا نيتروجين يساعد على تبريد الاطار
وينفع للطرق الطويله يحميه من الانفجار ويطيل بعمر الاطار
واذا صار ثقب في الاطار يتاخر لين يخرج النتيتروجين (ابطئ من الهواء العادي)
والتكلفه 100 درهم للاطارات الاربعه
قلت القيمه قليله قياسا بالفوائد
وفعلا عبيت الاطارات
وكنت اتلمس الاطارات كل 1000 كم تقريبا
وفعلا كانت بارده رغم ارتفاع درجة الحراره والمسير المتواصل
والحمد لله مشيت في السفره هذه حول 14 الف كم
والاطارات كني مركبها الان
قلت انصح الاخوان عليه
مع تمنياتي للجميع بالسلامه
والسلام

ابو عايد

31/05/2007, 02:48 PM

السلام عليكم ورحمة الله وبركاته

الحمد لله على السلامه وينك في دبي أو الشام

أول مرة اسمع بهذا النوع مدري موجود في السعودية ولا لا

هاوي الله

31/05/2007, 03:18 PM

جزاك الله ألف ألف الف خير

...

الجمرة

31/05/2007, 03:27 PM

مشكوووووور وماقصرت
بس هالخدمه هذي موجوده عندنا في السعوديه والا لاء
ارجوا الافاده من الاخوااااااااااااااااااااااااااااااااااااااااااااا ااان

sal7

31/05/2007, 03:38 PM

جزاك الله خير

فعلا هالغاز مجرب عندنا و أعطا نتيجه مبهره و خصوص لراعين الخطوط

وهو متوفر في مناطق و مناطق لا في السعوديه

تحياتي

:)

ولد الدواسر

31/05/2007, 03:53 PM

السلام عليكم هذي الخدمة طول الله أعماركم موجودة في السعودية -الرياض - طريق الملك عبدالعزيز تخلي فندق صلاح الدين على يمينك أول محطة بعده على طول وجربته ومفيدة جداً خاصة بالأجواء الحارة.
تحياتي

(أبوزيـــــد)

31/05/2007, 04:14 PM

السلام عليكم..

جزاك الله اخوي أبو رداد...

فعلا النيتروجين ممتاز جدا للاطارات ويحمي بعد الله في السفر الطويل وخاصه في فصل الصيف .. آمن جدا وممتاز وانصح به نصيحة مجرب..

وهذا النوع موجود في الرياض في الصناعية القديمة في شارع الجمعية واسمه ميزان الغضيب وايضا ميزان اليرموك...
والسعر للاربع كفرات 70 ريال تقريبا .. ويرجع ذلك حسب نوع الكفر وحجمه ...

ارجوا ان اكون قدمت الفائده..

أبو زيـــــد

w5070

31/05/2007, 04:31 PM

جزاك الله خير
أخوي
أبو رداد
وجزاك الله خير على الأفادة
و
الخبرهذا صحيح 100%
شاكر لك
تحياتي لك
أخوك
A.K.H

نديم السهر

31/05/2007, 04:53 PM

يعطيك العافييه

انا ماجربت والكفرات شي مهم لازم الواحد يعمل مليون حساب قبل يسوي فيها اي شي

يقولون والله اعلم

حراره اقل ثبات بظغط الكفرات تحمل وتحكم اكثر يساعد على تبريد انظمه الفرامل توفير وقود والشركات تقول العكس

anas

31/05/2007, 05:00 PM

مشكور وما قصرت اخي ابو رداد معلومة مفيدة جدا .

Abo Nader

31/05/2007, 05:07 PM

جزاك الله خير على النصيحه...

هذي الطريقه لها الان سنه بالسعوديه...

كانت قيمة الكفر الواحد 10 ريال..و الأربع ب40..

بس يعيبها الي دايم يدخل النفود..و ممتازه لسيارات الصغيره..أعرف واحد ركب كفراته جديده و عباها نيتروجين له سنه و مشاء الله ممتازه..

وبعض المحلات يقول مجانا بس غيرر عندنا الكفرات..

أبو رداد

31/05/2007, 06:08 PM

الله يحي الجميع

واشكر لكم مروركم الكريم

باب هداج

31/05/2007, 06:12 PM

فكره طيبه وجاري تجربتها.......

ناوي نيه

01/06/2007, 12:32 AM

هاذا النيتروجين منذو سنه تقريبن الشرقيه في الرياض في كل مكان
ت________________حياتي

freedom

01/06/2007, 02:07 AM

مشكور يا بعدي ...

النيتروجين متوفر في محلات الطياااار - ماسويت دعايه ابد :)- للاطارات ... بـــ 40 ريال بدون الاستبنه http://smilies.sofrayt.com/fsc/sad.gif
ومع انه تقدر تراجعهم وتعبي مجانا اذا طلعت منا والا منا :)

وللمعلوميه ... غاز النيتروجين يحافظ على اطالة عمر الاطار وتوفير الوقود بنسيه بسيطه...

وشكرا لك يا راعي دبي

صمت اللقاء

01/06/2007, 03:15 AM

الله يعطيكم العافية على هالمعلومة

المميـز

01/06/2007, 04:01 AM

موجود عند فايرستون بالمدينه

ويعبي الكفر بـ 20 ريال والاربعه بـ 80 ريال

وممتاااااااازه وانا مجربها

الضاري

01/06/2007, 01:33 PM

سلامة الاسفار اخي ابورداد

والحمدلله على السلامه

والله يعطيك العافيه على النصيحه وخصوصاً أنها قبل بداية الاجازه

والناس بدأت تستعد للسفر

حفظنا الله وأيكم جميعا من كل شر

أطيب تحيه

عاشق VXR

01/06/2007, 01:49 PM

اخي العزيز .
مشكور على هذه المعلومة ...
الله لا يحرمك الاجر

وحبيت اسأل
س / اذا عبيت الاطارات نيتروجين ونقص نيتروجين احد الاطارات وزدت عليه من الهواء العادي ... هل يؤثر ذلك على الاطار ؟؟؟

جي اكس أر 3

01/06/2007, 01:56 PM

يعطيك العافيه علي هذه المعلومه القيمه
تسلم وكثر الله من امثالك
تحياتي

أبرق دمعة

01/06/2007, 02:29 PM

سلام عليكم ،،،
بالنسبة للنيتروجين .. أنا جربته العام الماضي بالرياض .. .. ( كانوا الناس يقولون أنه أخف للسيارة وأبرد و و و و ........):o
والحقيقة أنه فعلاً أبرد للكفر للي بيمسك خطوط ويحافظ على كفراته .. ..
الشي الثاني .. .. أنا عبيته عندنا ( بالـــرس) الأسبوع الماضي بـ 8 ــريال !! !! !! ;)
:D يعني كل كفر بريالين .. .. .. !؟!؟!؟!؟:D

وشكرأ للجميع ،،

http://www.mekshat.com/pix/upload/sign/images/mk39342.gif

ابوهتون

02/06/2007, 01:17 AM

سؤال اذا ممكن هل ينفع للبر ام لا...شكرا.

هولوكس2005

02/06/2007, 09:40 AM

موجود من زمان اذكر قاري اعلانه قبل سنتين

والي يبي مكانه ببريده يمسك شارع الاربعين جنوبا لمين ياصل دوار الصناعه وياخذ الدور كله ويرجع يعني يو تيرم يرجع شمال بعد الحديقه يدخل يمين يلقاه على يساره اول محل وكاتبها علي بنر كبير يوجد غاز التيتروجين للإطارات

هولوكس2005

02/06/2007, 09:42 AM

سلام عليكم ،،،

بالنسبة للنيتروجين .. أنا جربته العام الماضي بالرياض .. .. ( كانوا الناس يقولون أنه أخف للسيارة وأبرد و و و و ........):o
والحقيقة أنه فعلاً أبرد للكفر للي بيمسك خطوط ويحافظ على كفراته .. ..
الشي الثاني .. .. أنا عبيته عندنا ( بالـــرس) الأسبوع الماضي بـ 8 ــريال !! !! !! ;)
:D يعني كل كفر بريالين .. .. .. !؟!؟!؟!؟:D

وشكرأ للجميع ،،

http://www.mekshat.com/pix/upload/sign/images/mk39342.gif

اخوي الظاهر معبيك هواء من الطرمبه اما كل كفر بريالين

أبو رداد

03/06/2007, 12:20 AM

الله يحي الجميع
واشكر لكم مروركم الكريم

بواردي الدلم

03/06/2007, 12:38 AM

السلام عليكم ورحمه الله وبركاته
مثل ماذكر موجود عند ميزان العضيب بالرياض

بس بالنسبه للأخوان ابو نادر وفري دوم
ممكن توصفون محلاتكم اللي بعشره عشان نروح كلنا هناك

ناوي نيه

03/06/2007, 01:04 AM

يناس انتبهو من النصابين انا امس غيرت كفرات عندبو يمن وقال مجانن نيتروجين قلت زين
وهو يركب اشوفه ينفخ من منفاخ عادي نفخ حول الكفرين وجا بوهنود بيركبها قلتله وقف لا تركب ومازمع الكلام ورحت لبو يمن قلتله وين النايتروجين يحسبني مانيب عارف يوم شافني حجرت تدري وشقال

ايه ايه تونا بنعبي النيتروجين قلت هاذا انت ركبت الكفرات ولا عبيت قال لا حنا عندنا نظام الي هو نعبي الكفر هواء عادي ونركب الكفر بعدين نفضيه ونعبيه نيتروجين ؟؟؟؟؟؟؟؟؟؟؟؟؟؟
قلت طيب ركب كفرين هواء عادي والكفرين الباقيه قاعد يرصصها ويم خلص الترصيص طلع الهواء الي فيها وقام يعبيها نايتروجين قلتله هاماك تقول لازم تركبه في السياره بعدين تفرغ سكت قلت علينا يابو الشباب قام يتضحك ولا النيتروجين الي عنده مغشوش لان وهو يعبي
عباه بسرعه والنيتروجين على شوي شوي يعبي وبعدين تبي تعرف انه نايتروجين وهو يعبي تشوف شي ابيض يطلع من جمب الجنط هو النايتروجين بلاي انا واخوي نغير كفراته عند التميمي فايرستون عبينا نايتروجين وهو النيتروجين الصحيح

ابوقاسم

03/06/2007, 01:35 AM

هل يصلح نعبي الكفرات من النيتروجين وهن قديمات والا الافضل مع تغيير الكفرات
وهل في الاحساء محل يعبي النيتروجين
وشكرا على اثارة الموضوع

ونااااسه

03/06/2007, 02:46 AM

الله يعطيكم العافيه ..
لكن اذا نقص علي الكفر وماعندي نيتروجين
وزودته هوا عادي مايضره .؟
شكرا لكم

المميـز

03/06/2007, 03:30 AM

الله يعطيكم العافيه ..
لكن اذا نقص علي الكفر وماعندي نيتروجين
وزودته هوا عادي مايضره .؟
شكرا لكم

من مميزات النيتروجين انه ماينقص بدون سبب

الا اذا كان عندك مشكله في الكفر او الجنط وتساعد على نزول الهواء فهذا شي ثاني

واذا كنت موجود بالديره يستحسن انك تزوده نيتروجين

وانصح راعين البر وبالذات اهـــــــــــــــل النفــــــــــــــود لا تعبون من هذا الهواء لانه غاااالي وتبي تتحسف انك تنسم على شان تطعس

الا اذا ماعندك نيه تدخل النفود الصيف كلها فهذا شي ثاني :D

منقذ

07/06/2007, 09:49 AM

طيب يأحبابي كيف يتم معرفة النتروجين التجاري والاصلي الاسعار المذكورة مابين مائة ريال إلى ريالين
وانا عليمي ماعرف شي وأيضا كيفية طريقة تعبئة الكفرات
نتروجين ,,,,حتى لايلعب علينا ,,,,تكفون الفزعة

freedom

10/06/2007, 02:34 PM

عشانا

10/06/2007, 02:46 PM

عبيت غاز النتروجين من محلات الطيار الي في طريق عمر بن عبدالعزيز بالربوة
وسافرة الى الشام وانفجر عندي الكفرات الخلفية
مع العلم اني مركب الكفرات عند الطيار يوكوهاما ياباني

والحقيقة مادري هل السبب من الهواء ام من ردائة الطرق ام من الكفرات

أبونواف42

10/06/2007, 06:09 PM

ياليت يـخوان الي عنده اي معلومات يفيدنا أكثر عن النتروجين حيث الظاهر انه ممتاز وعملي بس أتوقع في الصيف والطرق الطويلة ممتاز لكن راعي المكاشيت ماأتوقع وشكرآ

بواردي الدلم

10/06/2007, 08:14 PM

امس كنت ارصص موتري في ميزان المجد بالرياض وسالتهم بكم تعبون قالو نعبيلك الاربع كفرات ب50 ريال
مع العلم ان الجنط 17 بس لاحد يقول لهم شي عن الجنوط عشان مايحطونها سالفه ويبدون يتفلسفون علينا

ARB

10/06/2007, 09:44 PM

موجوده بالسعودية عند ميزان العضيب اربع كفرات بـ 80 اذا ما خانتني الذاكرة

ابرق العزاف

10/06/2007, 11:25 PM

النيتروجين غاز جيد جدا

واطارات الطائرات تعبى غاز نيتروجين لكى لاتحترق
لانه من خصائصه عدم الاشتعال اما الاوكسجين تعرفون انه يساعد
على الاشتعال ومصدر قوي لللاشتعال وانتم شفتم الطائره حين تهبط
وتلامس كفراتها المدرج كيف كمية الدخان الناتج عن ملا مسة الاطار للمدرج
لقوة الحراره ولوكان اكسجين لااشتعلت النيران فورا بمجرد ملامسة
الكفر للاطار لان الاوكسجين يساعد على الاشتعال وهذه من خصائصه الطبيعيه
اما النيتروجين فلا وهو عنصر مسالم صاعد للاعلى
شكرا للجميع

بواردي الدلم

11/06/2007, 12:34 AM

المجد ب50
المجد ب50
االمجد ب50
لمجد ب50
المجد ب50
المجد ب50

mome

12/06/2007, 12:47 PM

هل يوجد محلات تعبة للنتروجين في مدينة جدة

كتاب

12/06/2007, 03:12 PM

يا جماعة الهوا العادي يتكون تقريبا 20 بالمائة أكسجين و79% نتروجين وواحد بالمئة غازات متنوعة

يعني الهواء العادي 80% منه تقريبا نتروجين وأنا خايف أن هذي طريقة جديدة لشفط الفلوس منكم

صحيح في ظروف الحرارة الشديدة مثل كفرات الطائرات أو شاحنات أرامكو في الربع الخالي
يمكن فيه فرق من ناحية السلامة
بس في الظروف العادية ما أعتقد فيه فرق بين النتروجين والهوا العادي .
والله أعلم

أما السؤال إذا عبيت نتروجين ونسمت الكفر وجيت تعبيه هوا
فكما قلت أن الهوا نفسه 80% منه هو نتروجين .
ولا أرى أي ضرر من تعبة الكفر بالهوا.