للسفر والرمال: ميشلان او يوكوهاما او دنلوب ؟

[anas]

السلام عليكم ورحمة الله وبركاته
بغيت الله يخليكم كفرات ممتازة في السفر ما تسمع صوتها وزينة في التطعيس حتى اذا نزلت الهواء الى 10 ،،،
مقاس الكفرات(265/70/16)
السيارة باجيرو 2004
السعر غير مهم حتى لو غالي لأني يوم حسبتها وجدت أفضل الأنواع يفرق عن الباقي 50 ريال تقريبا وأظن 200 ريال زيادة في الطقم ويجلس معاك الكفر سنتين بالقليل .
اما بالنسبة للاسعار للكفر الواحد :
الميشلان 510 ريال
اليوكوهاما 450ريال
الدنلوب لا اعلم ،،،،،

[ناوي نيه]

والله انا اشوف الناس يمدحون ميشلان

[القناص]

1. ميشلان
2. دنلوب
لينات ويكدن وتستحق الثقه في رأيي
والله خير حافظ

[مهندس الكشتات]

اخوي انس



حتي تكون مقارنتك صحيحة .... يجب ان تضع جدول للمقارنة

و ليس الاسم او السعر كافي.... بل

1/ سنة الانتاج (كلما كان حديث كان افضل )

و كم يتحمل الاطار من

الضغط .... السرعة .... الحرارة

[فال الخير]

السلام عليكم
أنا أنصحك تسأل عن برجستون أو بي أف قودرش.

[ناوي نيه]

انا احس بس مدري ان دنلوب قاسيه بس البرجستون ما احس متئكد انها قاسيه

[ناصح]

من خلال تجربتي الشخصية

حيث جربت النوعين على الجيب الذي معي

ميشلان ودنلوب لا يعلى عليهم ...

ميشلان أقوى لكن مطباته قاسيه حدا ما ..!!

الدنلوب رائعة بمعنى الكلمة وتتفوق على كل الكفرات اليابانية ( بالنسبة لمقاسات الجيوب ) ..

[هاوي الله]

ميشلان = خط فقط ( أفضل نوع بالنسبه للخط )

برجستون = خط + تطعيس والهواء على 15

أخي آنس حياك الله : لازم تسمي بالرحمن الرحيم وتدعي ( مشاءالله تبارك الله ) على الكفرات الجديده >>> لأي نوع من الكفرات

اخوك هاوي هدد = سابقاً

[saher911]

خذ نصيحة من لا يغشك ميشلان الفرنسي وبس انتبه تقرب للياباني تراه عضل وينفجر ومطبه قوي
الفرنسي ينفع خط ورمل وحصى
محاكيك يداوم يوميا 140 كيلو وماشاءالله كد ومد
وكل سيارتنا بالبيت ميشلان ولا قد شكينا منه ولله الحمد

[ABO-AZIZ]

تبي تطيع شوري يطيب لاتركب الا دلوب احسن للجيوب
يتحمل الخطوط وتحميل لسياره
وزين للنفود
تحياتي
ابو عفجة

[ناوي نيه]

ترا تويو والله زينه هي وسموتو بلاها هي تنصنع في مصنع واحد والدنلوب
تحياتي

[maxima20009]

أنا أنصحك بالدولوب

[ملاعب الريح]

Dunlop أكثر من 6 طقوم ( شعبان - رمل - خط - حصا - طين - ..........) وسعره هالأيام من 350 إلى 380


والله يكتب لك اللي فيه الخير

[anas]

الأخوة الأعزاء على قلبي
ناوي نيه
مهندس الكشتات
القناص
فال الخير
ناصح
هاوي الله
saher911
ابو عفجة
ملاعب الريح
maxima20009
أشكركم جميعا وجزاكم الله خيرالدنيا والآخرة
وبانتظار مشاركة باقي الأصدقاء لأني سأشتري الطقم بناء على آرائكم ،،،،

[سندباد الخليج]

اخي الكريم انس

الكفرات تقريبا كلها متقاربه بس اعتقد ان الدنلوب افضلها

سيارتي جيب gxr كانت فيه دنلوب ممتازه جداً وجاني واحد ونصحني بالمشيلان وركبته والحقيقه استعمالها ممتاز بس مطبها عسر يعني قوي
واستخدامها بالرمل ممتاز وعريضه يعني بالرمل مايحتاج تنزل هواها كثير 25 في كل كفر كافي ويمشي الموتر بالراحه

ورجعت قبل اسبوعين وركبت دنلوب والحقيقه ارتحت من المطبات بس بالرمل لازم انزل هوا الكفر من 20 الى 15

وانت حر نفسك تحياتي لك وللجميع

[شامخ ألهيلا]

لسفر مشلان والخطوط والزفلت واطول عمر
وللسفر والبر دنلوب بس انتبه من السرعه تراها ماتتحمل السرعه بالحيل في الحر يعني 140 منيحه معها وسعرها الرخص من الميشلان

[السنع كله]

طيب وش الراي بالكوري وخاصه هنكوك اشوف الناس طايحه فيه وتمدحه ودي اركب على الجمس عطونا رايكم الله يسلمكم من كل شر

[جي اكس أر 3]

في اعتقادي دنلوب فقط خط ورمل وحصاء وطين
ولا يقل الهواء عن 40 افظل واطول لعمر الكفر
ولاكن الرمل يحتاج تنزيل الهواء ،،،
تحياتي

[F B I]

مساء الخير يا اخوان انا عندي جيب 94 وركبت قبل مدة يعني من شهر 12 كفرات يوكوهاما وللحمد ابشركم الكفرات لايعلى عليهن ونصيحة ياعزيزي لاتركب الا يوكوهاما واحسن من اي كفر سواء برمل ولا حجر ولا سفر والله يوفقك لما يحبة ويرضاة

[هولوكس2005]

اخوي مزة الدنلوب بأنه ماهو قاسي ولا هو لين بالوسط بينهن

ممتاز خذه ولا تشاور انا معي دنلوب انسمه ادخل عل 10 بالنفود وبالخط زين مطبه وهذي الكفر الي على موتري

اما اليوكهاما حمار كده بس عضل شوي قاسي يعني بالنفود لا زم تنسمه واجد

[هولوكس2005]

طيب وش الراي بالكوري وخاصه هنكوك اشوف الناس طايحه فيه وتمدحه ودي اركب على الجمس عطونا رايكم الله يسلمكم من كل شر



انتبببببببببببببببببببببببببببببه والله العظيم ولا بريال انتبه لا بعد تبي تركبه على صالون الصالون لا تركب غير برجستون وقل يالله سترك بعد بالسفر

والله يهال صعانين يالي تطلع فيه تقول كور من كبرهن ولا بعد داخل عليك الصيف

تراه شين مافكرت اركبه على موتري من شينه مع انه لين قوه يصلح لنفود بس ادنى حصاه لو توطاء عبسه انشق عليك الكفر


اخوي ماتسواء زيادة دراهم على راحة البال وروعه هال بزارين لا سمح الله

[هولوكس2005]

لسفر مشلان والخطوط والزفلت واطول عمر
وللسفر والبر دنلوب بس انتبه من السرعه تراها ماتتحمل السرعه بالحيل في الحر يعني 140 منيحه معها وسعرها الرخص من الميشلان


مالك لواء مكتوب على كفر موتري 275 كيلو متر في الساعه

وا وش الي خلاك تحدد هال سرعه



وميشلان تسميه كفر ميشلان يوم يصنع بأمريكاء هذاك الكفر الي ينغزاء فيه

[برق ورعد ومطر]

عندي لاندكروزر جي اكس آر من فكيته من الوكاله ما اركب له الا دنلوب وبس حتى الآن ماشي 580000 الف كم ما شاءالله يعني غيرت الكفر اكثر من 5 مرات ... بصراحة جيد بالخط والرمال .. عيبه الوحيد لا يخدمك بالحجرة ( الميشلان افضل بالحجرة )
كذلك انتبه للشوك خاصة الطلح الكفر من الجانب لا يتحمل الشوك ..... هذا ما لدي .

[هولوكس2005]

صدقت اخوي برق جانب الكفر مو متين مره دايم تلقاء الي يقنصون وعول وأهل المناطق الجبليه يتجنبون الدنلوب

[شامخ ألهيلا]

مالك لواء مكتوب على كفر موتري 275 كيلو متر في الساعه

وا وش الي خلاك تحدد هال سرعه



وميشلان تسميه كفر ميشلان يوم يصنع بأمريكاء هذاك الكفر الي ينغزاء فيه


اخوي طال عمرك انا استعمل على جيب لاند والسرعه القصوى المكتوب عليها 220 في الاجواء الطبيعيه
مهب تمسك عليها خط الظهر وتمشي 200 وتقول موصفات تتحمل :no2: بس اكيد ان كل شي قضاء وقدر
ولاكن الحذر لابد منه خصوصا في مناخنا الحار جدا

اما بخصوص مشلان فانه سعره غالي وموصفاته عاليه ولو ترجع لمواصفات المشلان فتجد انه من افضل الكفرات في العالم هي و بريلاا وتجد ان فيه جميع الواصفات والانواع شي لسرعه وشي لسباقات وشي لتحميل وشي لصحاري والثلوج
وللمعلوميه ان شركة مشلان شركه المانيه وليست امريكيه
وتنتج من مصانع لها في فرنسا وامريكا والصين وتايلند

وتقبل تحياتي شامخ الهيلا

[anas]

سندباد الخليج
شامخ ألهيلا
هولوكس2005
برق ورعد ومطر
fbi
جي اكس ار 3
السنع كله
جزاكم الله خير الدنيا والآخرة
لكن يا جماعة الخير انا سمعت ان ميشلان مع الوقت يصير يطلع صوت مع اللفات؟ وهل التنسيم الكثير ينفع فيه والا يخرب ؟
معليش طولنا عليكم الاسئلة. والان صفي لنا من الكفرات ميشلان او دنلوب

[سفاري نجد]

انا مع اخوي هاوي الله ،،،

برجستون نقشة 840 قيمته حدود 530 ريال

جربته على على موتري شد بلد سفاري مافيه مشاكل والحمدلله

غيرت لفايرستون ميزة الفايرستون خط بس بالرمل يالله تنزل 10 وتمشي زين

اما البرجتسون ماشاء الله تبارك الله تنسم لحد 20 يشمي وهو مرتاح الموتر ،،،

وناوي ارجع لبرجستون شد البلد نقشه 840 ،،،

فيه نقشه ثانيه نسيت رقمه اقل قيمه ،،،

وللمعلوميه فرق السعر تراه في فرق المواصفات ارجوا الانتباه من الاخوان ،،،

شف الدنلوب ارخص لانه مواصفاته غير الميشلان والبرجتسون فرق السعر حدود 150 ريال

وفيه كفرات قوديير اللي تركب على اليوكن والسوبرمان أغلى من الميشلان ب600 ريال ،،

ونصيحه محب لا تركب غير الياباني وبس !!!
ولكم جزيل الشكر

[المميـز]

تكفى ابعد عن اليوكوهاما : مززززززززززعج بالطريق وياااااااااااااابس ولو تحط فيه عشره مايفرش واسألني <<<< مجربه

انا الحين مركب فايرستون وماشاء الله تمام التمام ولو تحط 15 يفرررررش على طول

والميشلان واحد من الشباب مركبه على باث ويمدحه والـ 15 بالنفود يفررررش

والدانلوب معروف باللين والبرجستون بعد ممتاز والباجيرو 2007 صار يجي برجستون جنط 17 اما جنط 16 يوكوهاما

[الداير11]

السلام عليكم ورحمة الله وبركاته

أخوي أنت تقول :لكن يا جماعة الخير انا سمعت ان ميشلان مع الوقت يصير يطلع صوت مع اللفات؟ وهل التنسيم الكثير ينفع فيه والا يخرب ؟



أنا مجرب الميشلان 265/70/16 ( على فكرة المقاس هذا يجي ياباني فقط )
على صالون 2002
وجمس ونيت 95
وعلى باترول 97

يعني مركب 3 طقوم

الكفر مايعلى عليه لا في السفر ولا في البر عيبة الوحيد أنه وعر شوي على الموتر
في الديرة لا ينقص عن الأربعين وفي البر 25 وتمش علما بأني مجرب الشاهين والبالون والتويو والبرجستون

وأنا شخصيا أفضله عليهن كلهن

هذا شي الشي الثاني اللي يبي يمدح كفراته يمدحها بس وودك ما يذم أحد كفر إلا إذا كان مجربه وفعلا وجد فيه
مشكلة ,,,
والسلام عليكم

[ابو؟؟؟]

بالنسبة للسفر والخط والرساوة ميشلان
بس للنفود والبر دنلوب
وترا ميشلان ما عليها في البر
وسلامتك

[فهد 1426]

بصراحة كان معي باجيرو وكان عليه كفرات دنلوب ـ بصراحه ما يعلى عليها
لكن من واقع تجربة ـ انا مخلي وزن الهواء على 30 وفوق الاسفلت مع الملفات كنك ملك التفحيط ـ اصوات ما شاء الله
بس بصراحه عزالله انها كفرات لينه في الاسفلت ومتازه في التطعيس

[الداير11]

عفواً .... مقاس الميشلان 265/75/16
وليس 70 وآخر خبري بسعرها كان قبل سنة تقريبا كان بـ 600 في الوكالة وفي الغرابي بـ550

[هاوي الله]

انا مع اخوي هاوي الله ،،،

برجستون نقشة 840 قيمته حدود 530 ريال



أخي سفاري نجد حياك الله

وش مقاس جنط سيارتك 17 أو 16 ؟

لأن الــ 16 سعره تقريباً من 350إلى 400 ... قبل سنه والله أعلم

[السنع كله]

المشكله الباعه للكفرات لا يعرفون المواصفات تقول له وين تاريخ الصنع وانت تعرف تشوفه يقلب الكفر يمبن وشمال وكانهيتهجا وهو مادرس اول ابتدائي ومثلي ما اعرف لغه لان المعلومات بالانجليزي وين المحل الفاهم اللي يفرق لك ويقول هذا يتحمل السرعه والحراة والاحمال ووو لكن هم جهله وبعض المستهلكين كحالي لايعرف فمن يجهل يبيع على جاهل

[Abu.Saif]

السلام عليكم

وجهة نظر عن تجربه..ميشلان الفرنسي اللي تشده من الوكاله..الجفالي..
والله..لولا يقولون سويت له دعايه..
كان انزله موضوع لحاله في المنتدى..
النوع اللي يجي مكتوب عليه
4x4 synchrone
وهذي صورته

http://www.mekshat.com/pix/upload/images38/mk48242_ltx_m_s.jpg

على الزفلت شيخ وعلى الرمله يبي لك تنسم له زود عن غيره من الكفرات 15 تكفيه لكن لا تنسى بعض الكفرات لا نسمت له لين لكن لا سمح الله وطيت لك حجره او تغيرت الارض يمكن تعدمه وهذا ميزة الميشلان انه صلب حتى لو نسمته

والسلام

[مغلي]

اخواني

الميشلان 265/75/16

كم سعره بالرياض

وكيف ادائه بالسفر والبر

[الكاسر23]

أخوي أنس

لا بد قبل كل شي تقرأ مواصفات الكفرات اللي تنصح بها الشركة المصنعة للسيارة لأنها هي المناسبة للسيارة سواء من ناحية العرض أو الارتفاع، وكذلك من ناحية ضغط الهواء في الكفرات، تحسبا لدرجة الأمان والسلامة عند السرعات والمنعطفات.

طبعا هناك خبرات لا بد من استشارتها في نوعية (ماركة) الكفرات وهي في هالمنتدى كثر ما شاء الله والله يزيدهم .. لكن المقاس يبقى حسب توصية الشركة المصنعة للسيارة، ولكن تبقى هناك مواصفات يمكن اضافتها لكافة المقاسات، وهي درجات تصنيف الكفر والتي تتمثل في درجة تحمل القصوى لكل من (الوزن على الكفر - درجة الحرارة - الضغط) وهذه الدرجات مهمة خصوصا عند السفر وفي الخطوط الطويلة في درجات حرارة عالية مثل أجواء المملكة ، لذلك لا بد من الحصول على إطارات الأداء العالي نظرا للحمولة ودرجات الحرارة والضغط داخل الكفر.
وبعدين لو تدخل على اي وكالة كفرات راح تلقاهم مسوين قوائم لنوع السيارة وموديلها وماركتها وبالتالي يعطيك النتيجة (الكفر المناسب)

وهذه احد الجهات الرسمية ، ما عليك سوى ادخال البيانات لنوعية سيارتك ويعطيك النتيجة
http://www.nhtsa.dot.gov/cars/testing/ncap/

وهذا موضوع مهم جدا في عملية اختيار الاطارات

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=170394


http://www.mekshat.com/pix/upload/images39/mk9192_170394_40-1_small.jpg


http://www.mekshat.com/pix/upload/images39/mk9192_170394_40-3_small.jpg


http://www.mekshat.com/pix/upload/images39/mk9192_170394_40-4_small.jpg



وبالتوفيق للجميع
اخوكم
ابو محمد

[الكاسر23]

وهذه معاني العبارات والرموز اللي على الإطارات


http://www.mekshat.com/pix/upload/images39/mk9192_170394_40-2.jpg


وهذه اهم موضوع مميزة في المنتدى اعيد لك رابطه :

كيف تختار الإطار المناسب لسيارتك
للأخ (شقردي)
http://www.mekshat.com/vb/showthread.php?s=&threadid=1475




ولك تحياتي
اخوك
ابو محمد

[anas]

اشكر جميع الأخوة كلاً باسمه وجزاكم الله خير الجزاء

كما اشكر اخونا الكاسر 23 على المعلومات القيمة ،،،،،،

[الروض]

في الحقيقة عندي ربع باترول سلوقي أركب عليه شد البلد
بريجستون لكن مقاسه 235/80/16
ومالقيت في الدمام وطقيت لي نفس المقاس يوكوهاما أحسها ممتازة وألين بالرمل والمطب
ولها على موتري ما يقارب سنة ونصف
والله يوفقك

[anas]

اليوم غيرت الكفرات بميشلان سعر الكفر الواحد 490 ريال ..

الغريب يا جماعة في الأمر أن صاحب المحل قال لي احسن لك خذ مقاس 275/70/16 بـ490 ريال أرخص من 265/70/16 بـ 510 ريال .. والسبب ان الأول عليه طلب كثير والثاني لا يوجد طلب عليه

[رجل كريم]

اليوم غيرت الكفرات بميشلان سعر الكفر الواحد 490 ريال ..

الغريب يا جماعة في الأمر أن صاحب المحل قال لي احسن لك خذ مقاس 275/70/16 بـ490 ريال أرخص من 265/70/16 بـ 510 ريال .. والسبب ان الأول عليه طلب كثير والثاني لا يوجد طلب عليه


نعم اخوي الكريم /anas


الكلام اللي قاله لك صاحب المحل سليم 100/100 وانا ايضا عندي باجيرو 2004 وركبت ميشلان نفس المقاس اللي ركبته انت بالضبط قبل سبع شهور والحقيقة انه ممتاز جدا في الطعوس والسفر والثبات وتقدر تطلع عليه صخور الجنوب بكل سهولة ويتحمل ضربات الطرق الوعرة ويخدم معك اكثر من الانواع الاخرى ولكن عيبه صوته في الخط مرتفع شوي .

الف مبروك اختيار موفق

الصورة المرفقة لباجيرو باطارات ميشلانمقاس

275/70/16





http://www.arb-up.com/get-6-2007-nnfyni7t.jpg (http://www.arb-up.com/)