الفزعه يا اخوان الموتر مايشتغل.!

[الوافي99]

السلام عليكم

اليوم طلعت اصلي الجمعه ركبت السياره (باترول -اس جي ال - صالون)طبعا بخاخ شغلت مارضى يشتغل :confused: حاولت برضوا مافيه امل الكهرب واصل لمبات الطبلون شغاله صوت مضخة البنزين اسمعه بس مايشتغل حتى جههههه مايعطي وش السالفه .

[ناوي نيه]

حاول سو اشتراك بعض الاحيان تشوف فيه لمبات بس لوسويت اشتراك يشتغل انشالله
واذا مشتغل شيك على اسلاك الكمبيوتر يمكنها ذايبه مع الحراره انت دخلبه بر فيها يمكن مع الحنحنه
بعض الاحيان تذوب الاسلاك انت مركب هدرز

[الوافي99]

الموتر شد بلد مافيه اي اضافات ولا جاه حنحنه البارح واقف مافيه الا العافيه والبطاريه جديده

[ابو عاذر]

شف شيك على سلك الديلكو يمكن منفك من محله

مع تحيات اخوك ابو عاذر

[ناوي نيه]

طيب شيك وسو اشتراك ماتدري كان معنا نيسان 2004 نفس الحكايه سوينا اشتراك واشتغل

[دحوش]

سو اشتراك اذا مانفع الله يخليلك الصناعيه

[الوافي99]

اخوي ابو عاذر مشكور لأهتمامك ومرورك:)




طيب شيك وسو اشتراك ماتدري كان معنا نيسان 2004 نفس الحكايه سوينا اشتراك واشتغل

صدقت والله:D .

الواحد منا يتكلم بدون مايجرب:mad: رحت بعد ردك ولا يهون اخوي ابو عاذر وشيكت على الاسلاك والبطاريه توقع وش لقيت:p .....





















البطاريه ناشفه مافيها ماء :j

[الوافي99]

سو اشتراك اذا مانفع الله يخليلك الصناعيه

هلا اخوي دحوش هانت ابشرك الله لا يحدنا على الصناعيه

[باثفندر]

http://www.mekshat.com/pix/upload/sign/images/mk41765.gif



يمكن السلف مفوت

دايما يخرب السلف .

[ناوي نيه]

بايث فايندر اضاهر انه عرف الحل

[الوافي99]

طيب انا ابي ابدل البطاريه لاكن ايهما افضل العاديه او الالكترونيه وكم امبير اركب علما ان الاوله عاديه 95 امبير وانا معي ونش اتوقع انه هو اللي لعب بالبطاريه .

[الوافي99]

http://www.mekshat.com/pix/upload/sign/images/mk41765.gif



يمكن السلف مفوت

دايما يخرب السلف .

البلاوي بدت تطلع الله يستر اولا البطاريه لقيته ناااااشفه مافيها شي قلت هي السبب حطيت فيها ماء برضوا من بكره عيا يدق سلف نتعته ورحت اغير البطاريه مالقيت باقادر 95 امبير دقيت على كهربائي اعرفه ابيه يشحنه يمكن تضبط جيته وبغى يسطرني يقول البطاريه 100% ممتازه قلت يااخي لقيته فاضيه جاب الجهاز وراني واثبتلي ان البطاريه ممتازه واخبرني ان السلف هو السبب وانصدم من الخبر سلف جديد بـ800 ريال يارب استر قالي هذا نوع ولاكن فيه نوع اسمه سلف مجدد بـ300 ريال وحليل قلت ركبه لي بس فكنا من الـ800 ذي واللحمد لله اللحين انا مرتاح بإذن الله واشكر كل من رد على الموضوع وكل من شاهده .

[الاشعل 316]

ياخي يمكن مولد الكهرباء

[المميـز]

اجل البطاريه الله والعالم انه له فتره بدون ماء ومن كثر ماحاولت وانت تدق سلف تأثر السلف

بس زين انك لقيت لك سلف رخيص

[banshy2009]

صارت معي ولقيت علبة الفيوزات جنب البطاريه فيها فيوز مو اصلي محترق