ياشباب الفزعه !!!!!! ما تاخذ منك دقيقه

[أبو رواف]

السلام عليكم ورمة الله وبركاته


انا معي جالوبر 2001

المهم يطلع دخان أسود ((يكربن))
وش الحل معه ((مع العلم انه بخاخ))

والشي الثاني شيكت علي الراديتر لقيه فاضي للأخر عبيته ورحت لمشواري يوم وصلت وينفقع خرطوش وش الحل معه
الله لا يهينكم............................................ ..

[دحوش]

انت شكلك مب راعي خطوط يعني مب راعي سفرات وخذ العلم خل القير بالفاضي وادعس له كل شو قو الدعسه بيطلع دخان واجد خله ادعس له ربع ساعه
واشاء الله يزين واذا مازان الصناعيه
تقبل مروري

[فلان بن عفتان]

العزيز أبو رواف ,


المهم يطلع دخان أسود ((يكربن))
وش الحل معه ((مع العلم انه بخاخ))

المشكلة من البخاخ مايبخ بنزين كافي , لأنه متسدد برواسب البنزين ,أو ممكن السبب من البواجي قد تكون مستهلكة وماتحرق خليط البنزين والهواء بشكل مثالي .

الحل :

1 - غير فلتر البنزين .
2- تنظيف البخاخات .
3- فصل البطارية لمدة نصف ساعه لإعادة البرمجة .
4- تغيير البواجي .


والشي الثاني شيكت علي الراديتر لقيه فاضي للأخر عبيته ورحت لمشواري يوم وصلت وينفقع خرطوش وش الحل معه
الله لا يهينكم............................................ ..

الخرطوش منتهي غير الخرطوش بنوع جديد أصلي .

[ناوي نيه]

الله لا يهينكم وشي ذي السياره

[أبو رواف]

مرحبا بكم جميعا ومشكورين

كل من رد على الموضوع وما قصرت يا أخوي فلان بن عفتان

[ولد وايل]

البخاخ له طريقة تنظيف سريعه تشتري بخاخ اسي ديلكو حق البخاخات الاصلي وتبخ بالتانكي اثنين اهم شي يكون تحت الربع بعدين امش عليه لين يقرب يتنهي وغير الصفاي حق البنزين بعد ما تعبيه فل

اما تهريب المويه فيه ورشه بالصناعيه زوينه راسلني عالخاص واوصفها لك