تركيب مساعدات جديدة للVXR

[وسيع الصدر]

السلام عليكم

أرجوا المساعدة من الإخوان في التوصيف لأفضل ورشة لتركيب اليايات والمساعدات (تركيب فقط) ، وذلك لأني أود تركيب اليايات والمساعدات الإسترالية اللي موجودة عند الرماية ، وحسب ما سمعت إن ورشتهم مهيب على مستوى جيد، علما إن VXR ما فيه يايات أمامية ولاكن يبي له وزن للعوارض Torsion Bar
، نرجوا المساعدة من أهل الخبرة ؟

وجزاكم الله خير مقدماً

[صالح السليمان]

السلام عليكم

اللي أعرفه وانا اخوك ان أفضل واحد يركب واحد بالصناعية القديمة اسمه علي(يماني)
وهو بشارع الجمعيه جنب ابن مرضاح والظاهر انه تبعه.

وسلامتكم...

[أيمن]

بالنسبة لرايي ..
أتوقع الدعوا مافيها توظيب مكاين، أو تسقيطها :D
الدعوا إنك تدخلها لبيتك يوم من الأيام، ويكون عندك عدة بسيطة (يمكن ماتتعدى عدة الوكالة) وترفع الموتر ..وإن تيسر لك إنك تجعل الموتر فوق فتحة زيت فيكون أفضل، وتجرب حظك مع شي بسيط وما يستاهل .. كلها أربعة مسامير فك وربط .. وانتهينا .
وخل في جيبك 100 ريال!! ومشورة الصناعية.
وبعدين .. حنا يامن نسمى براعين البر لا بد أن نعتمد على أنفسنا في الشيء البسيط لتركيب قطع الموتر مثلا، فما بالك إن خرب عليك - لا قدر الله - شي أكود منه وأنت في البر، كيف تطلع منها .. الله لا يريكم مكروه.
وإن لم تجد الفرصة لعمل ذلك فأرى أن أي ورشة سيارات يستطيع عملها لأنها ما فيها زود معرفة، فقد توفر العدة الكاملة .

تحيتي