سؤالبخصوص أفضل كفرات تركب على جنوط الهلل غير البالون ...

[علي عليوه]

السلام عليكم ورحمة الله وبركاته

يا اخوان انا عندي جنوط هلل ودي أركبهن على الجيب

بس احترت في نوع الكفرات اللي تناسب لهن

مع العلم إني راعي خطوط ونفود ففتي 50 % ففتي

لأن دوامي فيه وصلة بسيطة نفود

أرجو إبداء النصح من أهل الخبرة

ولكم جزيل الشكر مقدماً

[ابو عاذر]

شف اخوي عندك كفرات الدانلوب الشاهين 245/85/16 أو كفرات الشاهين المعروفة 245/85/16 ولكن غوليات أشوي في حدود 400 ريال ولكن فيه كفرات أستخدمتها على الهدد على جنوطه الاساسيات الهلل ولمدة 8 شهور ولا أروع منها لينات و لا قد بنشرت علي وقطعت بها الصمان من جنوبه لشماله ومن شرقه للغربه والحماد بلأضافة لردمية توصل بين مقر العمل في منطقة صحراوية طولها 120 كلم أمشي عليها بسرعة 80 إلى 100 كلم /ساعة ولا أشتكيت منها مريحة جداً وهذه الكفرات هي كفرات الهنكوك نقشة شاهين 245/85/16 يقالها دينما برور قيمتها 290 ريال مع التركيب والترصيص وكيلها بن شيهون في الحقيقة لا تفوتك بر وبلد وكذلك خط

مع تحيات اخوك ابو عاذر

[علي عليوه]

أبو عاذر وفيت وكفيت وبيض الله وجهك

وفعلا ما للمواقف إلا أهلها

وصدقني إنك نصحتني باللي بخاطري أنا جوطي عريضة وعليها هنكوك

ومرتاح منها بالمرة

وما أقول إلا جزاك الله خير وجعله الله في ميزان حسناتك