تكفون تكفون ::: لا تبخلون علي برائكم

[فهد 1426]

اخواني بيض الله وجيهكم ابي اشاوركم وعلى ضوئه بأتخذ القرار إن شاء الله
قررت بعون الله شراء سيارة جيب وهذه مواصفاتها وصورتها
جيب سوبر سفاري 1999
كامل المواصفات
قير أوتوماتيك..
مسجل مع CD+CDأضافي بالشنطه شد بلده

دبل هزاز

فتحه بالسقف

المراتب جلد

مكيف كامل +ثلاجه

العداد133000 كم تقريبا

أنوار زنن+أنوار خلفية لموديل 2001

يوجد به دعامه مجهزه للمقناص+كشافات ضباب

اللون زيتي +ذهبي

الكفرات جديده دنلووب

http://www.mstaml.com/files/109077-1180159928-psasp.jpg

أخيرا الرجال حد السيارة علي بـــ 50000 خمسين الف ريال ـــ والحمدلله الفلوس جاهزه ومنتظر شوركم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
انا سمعت ان الباترول يصرف بنزين بشكل فضيع ــ بصراحة انا عندي باجيرو 2001 اعبيه تقريبا فل 66 لتر بنزين اخضر ويقطع بي 430 كيلو متر 0
وانا ودي اعرف استهلاك الباترول 0

[عبدالرحمن]

افحصه اذا كان سليم توكل على الله
انت ابخص بالموتر

[سندباد الخليج]

هلا بك اخوي فهد 1426

اسأل عن مثيلاته بالمعارض وان كانت حول قيمته توكل على الله وصل صلاه استخاره لعل في الامر خيره

وافحص الموتر زين والله يكتب لك الي فيه الخير

[باترول للأبد]

أخذة وتوكل على الله صراحة يستاهل وسعرة حلو

وبالنسبة لصرفية البنزين الصرفية حلوة

[ابو نوره]

الصرفيه فيه حلوه مره
بس ترى القير التمتيك ميت بالصيف لان المكينه4500
ولكن ان ركبت له فرارت ومراوح بأذن الله يفرق معك

[فهد 1426]

بيض الله وجيهكم - الرجال معطيني فرصه حتى يوم الأحد
وبالنسبة للسعر ــ سعره معقول حسب السوق

والصراحه الرجال ما قصر خيرني بين الجنوط اللي عليها او جنوط شد البلد ـ وكذلك اعطاني شبك سله فوق التنده

انتظر مزيدا من الاراء ــ وين اهل الباترول

[ابوحماد]

على موديله وماشي 133 الف هذا مؤشر زين

بس أفحص أداء المكينه وشيك من تحت ونصيحه لا تعبي بنزين 91

يدمر قوة المكينه ويستهلك أكثر

وبنسبه للصرف تبي الصراحه اهي على رجل السواق وهو أبخص بحاله

وتوكل على الله وخذ الموتر 50 الف سعره معقول وحط عليها 1000ريال تلميع البودي من الداخل و الخارج مع الامور الثانية

والله يطرح فيه البركه

[Avalanche]

توكل على الله

وخذ الموتر

والله يعطيك خيره و يكفيك شره

((واذا ما ودك في الموتر أنا شراي))

[ابو كلام]

tify] [/color]
مسيك بالخير اولا اشكر للشباب مرورهم على استشارتك ولكن ممكن اني اخالفهم بعض الرأي شوي واختلاف الراي لا يفسد في الود قضيه هذااااااااا اهم شي صح ، لكن عندي تحفظ على الباترول التماتيك حقيقة انا مجرب شاص نيسان موديل 2000م ومجرب صالون الي باترول 99 ، 2000م وجربت صالون 93 وجربت ربع نيسان 2003 قولوا ما شاء الله وجربت ربع باجيروا 2001 و 2003 وحقيقه تبي جيب خذ نيسان لكن لا تأخذ تماتيك تدري :no2: ليش لانه جحش وانتم بكرامه مااااااااااااااااااااااااااا يمشي وبيطيرها معك اولا ما يقارن بالشاص ولا يقارن بالموديلات الي تحت 97 ولا يقارن بالنيسان الربع وحتى ما يقارن بالباجيرو 2003 والله اني لك من الناصحيييييييييييييييييييييييييييييييين تراااااااااااة ميييييييييييييييييييييييييييييييييييييييت مع المييتيييييييييييييييييييييييييييييييييييييييييين هذا وجهت نظري انا وكل واحد له وجهت نظر ، اضافه ارجو ان قد وفقت في شرحي هذا اضافه اهم شي لا يزعلون مني الشباب والله اني احترم وجهت نظرهم لكن هذا الي تبين معي وازودكم من الشعر بين جربت ثلاثه نياسين تماتيك كلها ما تمشي تقول والله ابشتري نيسان فتك اقول توكل على الله رح ولا تشاور تقول ابشتري قير عادي اقول رح وتوكل على الله وشكرا لكم جميعا:)

[ابو كلام]

يتبع اما النزين فأنا اتوقع مع رخص البنزين فما تفرق واجد بين الباجيرو والنيسان والسلام ختام

[عاشق السيل]

أولا أنا مع أخوي أبو كلام من ناحية إنه ميت ، لكن هذا مايعيب الموتر بالنسبة لرجال راكد وماعنده نية يسابق العالم !!

أما صرفية البنزين أنا معي نفس الموتر بس 98 ، خذ نصيحتي وحط بنزين 91 تراه أوفر استهلاك وأوفر قيمة والنشاط نفسه ومايضر المكينة بشي حسب كلام الكتالوج وحسب تجربتي ..

أما الموتر اللي تقول إذا كان هذا ممشاه والمحركات نظيفة ؟ خذه ولاتتردد تراه رخيص جدا بالنسبة للسوق هاليومين ..

وألف مبروك مقدما ،،،،

عاشـقhttp://www.mekshat.com/pix/upload/sign/images/mk49539.gifالسيل

[الدحبول]

ولو إنه غالي ولاكن توكل على الله وشترى لان في الشتاء موديل 1999 يوصل إلى الخمسين
بس إنصحك إتشيكة في ورشة بعيدة عن المعارض يلي رح تشتري منه
وإذا حاولت إتنقص من قيمة يكون إحسن
يعني 47 إو 48

[فهد 1426]

اخوي ابو الكلام بيض الله وجهك وما قصرت كفيت ووفيت ـ ورائك سديد وراشد ــ وجهة نظرك في محلها ـ وكنت بأقول نفس الكلام اللي قاله اخوي عاشق السييل ـ لكنه ما قصر سد اللزوم ـ وكذلك ولا يهون اخوي ابو نوره ما قصر وضع النقاط على الحروف 0
اخوي عاشق السيل ـ علمك غانم 00 ولا عليك امر ياليت انك توضح لي معدل استهلاكه للبنزين يعني مثلا بكم الفل وكم يقطع من كيلو ـ لاني بصراحه انا مشاوري داخل البلد كثيره ـ وودي احسب حساب طيب ـ بصراحه انا قد قريت في هذا المنتدى واحد يقول ((اذا شريت باترول اشتر معه محطه ))
اخوي الدحبول : بصراحة الرجال صاحب السياره ما قصر والطيب ترى ما فيه مطمع ـ اعرف واحد سامه منه 48500 صافي وحاول فيه اكثر من مره ولا باعه ـ علشان كذا طلبت منه حد الموتر ـ وللعلم ان صاحب السيارة ما يدري اني اعرف الشخص اللي سامه منه 0
والله من قلبي اشكركم جميعا على تفاعلكم الطيب ودعواتي لكم بالتوفيق ,,