تــــــكـــــــفـــــــى يا اهل الابل

[بو مشعوفان]

لماذا توجه الابل جسمها للشمال أثناء نزول المطر؟؟؟؟؟؟؟؟؟؟؟؟؟؟؟؟؟

[مطرح البعارين]

لماذا توجه الابل جسمها للشمال أثناء نزول المطر؟؟؟؟؟؟؟؟؟؟؟؟؟؟؟؟؟


الحقيقة لم الااااااااحظ هذا الشيء


لكن الذي الاحظه ان البل تقفي عن المطر

اي تكووووون وجيهها معاكسة لنزول المطر من حيث كااااااااااان اتجاهه


تقديري

[السهل 494]

السلام عليكم ورحمة الله وبركاته اخي بو مشعوفان على حسب علمي ومشاهدتي للابل اثناء نزول المطر او اثناء هبوب الرياح القويه فأنها تجعلها خلفها
يعني اذا كان المطر والهواء قادم من جهة الجنوب فانها تدير وجهها ناحية الشمال يعني دائما تجعل مصدر الرياح او المطر خلفها وليس دائما ناحية الشمال فلو كان لديك ابل تابعها وسوف تلاحظ هذا الشي
تقبل تحياتي اخوك السهل

[ال معلى]

الابل يا طويل العمرررر

دائما وأبدا لا تعطي وجهها للهواء يعني اذا الهواء شمالي بركت عكس جنوب او اي شي غير الجهه الي جاء معها الهواء

[عبدالله العمرو]

السلام عليكم ورحمة الله .... مسيك بالخير

لم نلاحظ يا ابو مشعوفان ذلك مع المطر ...

ولكن مع احترامي لآراء الأخوة بالنسبة للهبايب والرياح فأنا أخالف ما ذكروه جميعاً ...
المعروف عند أهل الأبل إن الأبل مع الهبايب تواجه الهوا ولذلك يكثر ضياع الأبل مع الهبايب وأول ما يبحث راعي البل عن إبله يسأل إذا ما كان موجود وقت الهبايب (( عن وجهة الهبايب )) فيقتفي أثر أبله مواجهاً للرياح ...
وهذه معلومة مؤكدة ...

أما المطر فأغلب ما لاحظناه بأن الأبل تقف مكانها وإن كانت في المفلا ...

ولكم أن تتصلوا بأصحاب الأبل ....

تحياتي

[بو مشعوفان]

ما قصرتوا يالربع و جزاكم الله ألف خير

[راع الابل]

يالله حي الربع كلن باسم وهلللو وكبر ترى التهليل والتكبير يطرد عنا الشياطين وخلكة المسلطين

ههههههههه

والموضوع طيب والجماعة اللي ردوا عليه اطيب خصوصاً رد اخونا العمرود (عبدالله العمرو) جوابه وافي وكافي الله يعافيه وبأختصار البل ما عليها من المطر ولا عليها من العج ولا الغبار

وبالنسبه للامطار فانها ترفع روسها وهي في مفلاها وحسب اتجاهها

واما العج فاذا كان العج جاي من الغرب والبل مغربه تجاه العج فاني لاحظة على البل انها تقرب من السيارات ويصير فيها حركة قبل ما نشوف العج حنا يالانس لانها تروح ريحة العج والمطر من مسافات سبحان خلقهاااااا

وقد صارت معي يوم كنا متجهين الى كبري حفر العتش وحنا في روضة نورة وكان الجو غيم لكن في هوا قوي وبعد ما تعدينا اعمدة الكهرب قدمنا السيارات حوالي 18 كم قدااام ثم قامت البل تزرفل شوي ثم اسرعة ثم قام بعضها يسبق بعض وخلت الرحول وراها متجهه للسيارات واثرهااا تشوف العجه وحنا ما نشوفهاااااا وبعد حوالي 5كم نشوف العجه كنها سحابه جاييه وبعد ما وصلتنا مشت البل مع العجه شوي ثم اكبستنا المبروكة ( العجه) اللي فيها رمل قوي مرة ثم دارت البل على بعضهااااا وابركة كلهاااا لكنها ناطحت العجه يعنى ما يهمها لا عج ولا مطر

تقبلو هذا الكلام من اخوك راع الابل

وعلى العموم يوجد على عين الناقة غلاف يحمي العين من التراب ومن الشوك وغيره

[راع الابل]

على فكرة نسبت اضيف بالنسبه لعنوانك يمكن تقصد اذا طاح المطر على الشمال رفعت البل خشومها تبي الشمال وتبي المطر والحيا

لانها تروح المطر من مساااااااااااااافات

الشكر

[nashad]

الوالد له خبر طوييله في الابل
واذكر انه قال كلام زي كذا زمان برجع اسئله وارد عليكم
بس اظن انه صح انا الابل تتجه للشمال بالذات وقت المطر

[بو مشعوفان]

ما قصرتوا يالربع و جزاكم الله ألف خير

[نجم حفرالباطن]

ماقصرت يالغالي يعطيك الف عافيه

[بو مشعوفان]

الله يعافيك