أركب فرارات ولا لا

[مسايف الطعس]

السلام عليكم ورحمة الله وبركاته

يا أخوان أنا معي باترول ربع سلقة2006 ماشي15000 الف ومحتار أركب فرارات ولا لا لأني أبغاء الموتر يخف ويقل صرفه


فياليت تذكرون مميزاتها وعيوبها

وماذا تنصحوني به


تحياتي

مسايف الطعس

[الاشعل 316]

ياخي لا تلعب بالموتر

خله على حطة يد الوكاله

وتقبل تحيات

اخوك ابو سطام

[المميـز]

المميزات اللي اعرفها عن الفرارت:
يخف الموتر وتحس بزيداة العزم

والطاره تخف معك

والعيوب اللي اعرفها:
مافي عيوب ميكانيكيه بس العيب الوحيد واللي كنت اعاني منه انا اذا غرزت ( لازم تنزل من السياره على شان تشغلها ~_~ )

واذا تبي الموتر يخف زود عليك بالمراوح الكهرب مع الفرارات

[اول]

ركب ولا تشاور

[ابونايف الروقي]

انا مركبهن على باترول سوبر سفاري 98 والحمد لله كلو تمااااااااااام بس استفسر عن الافضل ولا تستعجل لين تاخذ فكره كامله عن الفرارات .

[الدسك 039]

السلام عليكم ورحمة الله وبركاته

بنسبة لى انا مايجتاج بدا بدا بدا اولا موتر جديد ماشاء الله والله يطعمك من خيرة ومسالة انه يخف مااعتقد لن المسألة اوهام نفسة الموتر يمشي 200 سواء ركبت فرارت او ماركبت وجرب انت في الممشاء وبنسبة للصرف البانزين ماعتقد فية فرق واجد التانكي البانزين مصمم يمشيك من 450 الى 480 كيلوا متر مربع سوا ركبت فرارات او ماركبت وانت اسال قبل وشف وهذا الى عندي وسلام عليكم ورحمة الله وبركاتة

[عاشق السيل]

لدام الموتر جديد ماأنصحك أبد أبد أبد أبد تركب ،، لأنك ماراح تلاحظ شي !! لايخفف الموتر ولا يوفر البنزين بس تبي تغثك بالربط والفك وخاصة إذا غرزت وقت المطر الشديد أو البرد الشديد أو العجاج الشديد أو أرضية مليانة نمل ( واسأل مجرب ) ،،

تقبل مروري .....


عاشـقhttp://www.mekshat.com/pix/upload/sign/images/mk49539.gifالسيل

[منصور ع]

ركب وانت مغمض انا مااشري جيب الا واركب الفرارات من بكره تخف السيارة وتعطي عمر اطول للعامود حق الدبل ...........بس يطفشك اذا غرزت لازم تنزل من السيارة وتشبكه ........ انا اول ماادخل البر اشبكه الين امسك الخط مرة ثانيه وارجع افصله

[البديوي 2]

شكل الشباب عجازين ينزلون ( داير شنو )

لدخلت البر اشبكهن على طول

واذا طلعت افصلهن

وانتهت المشلكة الي مزعلتن الشباب

[شبح الصحراء]

ركبهن على طوووووول .

أهم ميزة فيهن أنك تحافظ على العكوس الأمامية والدبل وعمود الدبل من الإستهلاك غير الضروري يعني اذا ركبتهن وجيت بعد عشر سنين تحس الدبل للحين جديد كأنك توك شاري الموتر .

[بنزرت]

انا ما ادري اني شابك اوفاصل الفرارات الا لما اغرز ........ اذا شبك الدبل اعرف اني ما فتحتهم واذا ماشبك انزل اقفلهم
مساله انه تخف السياره او يحافض على العكوس او يقلل الصرف فاعتقد انها حاجه نفسيه

[راعي عقاب]

ركب فرارات اصلي ولا اتركه على شدالوكاله

[مقلب]

بصراحة انا ركبت فرارات برازيلي على باث

وخف الموتر وزادت السرعة 20 وهدت اصوات الدفرنس

الامامي والدبل ,,,,,, وركب ولاتتردد لانه ماله اي تأير على السياره بالعكس مفيد

تحياتي

[شبح الصحراء]

على فكرة الهايلوكسات الدبل التي تصدر لدولة ماليزيا توجد فيها فرارات شد بلد وكالة والدليل كاتلوج الهايلوكس تحصل فيه قسم عن الفرارات وكيفية تشغيلها ومكتوب ملاحظة لدولة ماليزيا فقط! وهذا دليل على إهتمام ماليزيا بوجود الفرارات للسيارات المستوردة لتقل الحاجة لإستيراد قطع الدبل والعكوس الأمامية .
الفرارات هي أهم حاجة لمن يريد المحافظة على الدبل والعكوس الأمامية من الإستهلاك غير الضروري .

[مغلي]

هل يمكن تركيب الفرارات على اليوكن 2002

[برق بن رعد]

اتفقوا يا شباب على علم

[الساهر2003]

اخوي
تبي العلم الاكيد
اذا السيارة بتطول معك ولا لك نية في بيعتها قريب يعني بعد سنة فلا تركب فرار
واذا بتكد السيارة فركب فرار ولا تشاور ابد لانه يحافظ على الدبل والدفرنس الامامي وعامود الدبل من الاستهلاك الغير مفيد
وفائدة الفرار
- يقلل صرف البنزين داخل المدن بنسبة بسيطه جدا لكنها واضحة
- يزيد من خفة السيارة وعزم السيارة بنسبة بسيطة جدا
-يقلل من صوة الضجيج الصادر من مقدمة السيارة اذا مسكة خطوط طويلة
- والسيارة بشكل عام تخف وكانها فاضية
واعطيك طريقة حلوة للقياس قبل لاتركب الفرار نسم كفرات موترك الاربعة الى 20 وامش عليها 15 دقيقة ثم اتفخ الكفرات 30 على وضعها الطبيعي وراح تحس بالفرق
ومسالة تنزل وتشبكها لان الشباب عادينها مشكلة
في الاصل انت في بداية الدخول في المناطق الرملية او الشعبان لازم تنسم الكفرات كثير او قليل يعني لزم تنزل من السيارة وعلى دربك اشبكها واذا مسكة الطريق لمسافة طويلة افصلها واذا المسافة قصيرة 30 كيلو فمايحتاج تنزل وتفصلها
والسلام ختام
ركبها ولا تشاور عند السليماني ممكن تحصل عندهم فرار لونه نيكل

[الوحش79]

يااخوان

من كثر ما اسمع بالسليمان ودي اعرف له فرع بالشرقيه او لا
ويليت مكانه الله يخليكم

واذا ماتدرون يليت من يزودني بتلفون السليماني سوائا بالرياض او جده وانا بتصل وبسال عنهم وعن بعض الاغراض

واكون شاكر لكم حسن تعاونكم

[ولد مطلق]

ركب ولا عليك ان شاء الله بس لا تركب صيني ابعد عنه ركب برازيلي اللي مكتوب عليه السليماني.

[بواسامه]

نصيحة مجرب
مايحتاجها الا القديم
والموتر الاربعه سرندل
اما موترك عطي الله جديد
لا رجه ولا مشاكل
ولو تنساها ماتدري انت قافله ولا لاء
طع شوري لا تركبها وانا اخوك ومالك فيها حاجه

وفقك الله

[بن لوتيه]

نصيحه ركب لانها مفيده وتفكك من أصوات عمود الدبل وغيره
بعدين فيه اشياء تدور والسياره تمشي وانت مالك حاجه فيها مثل العكوس وعمود الدبل
والفرارات وطيفتها توقفها
عشان كذا اتوقع يزيد عمرها
المختصر المفيد ركب ولا تشاور ولو ما بغيتها حط اعلان في الموقع وتبيعها على طول

[على رمشي تمشي]

ياخوك الموضوع من 03/06/2007 تلقاه باع الموتر او انه ركب واستخدم - عموماً ماقصرت على افادتك والفرار ممتاز إلى يقدر يركبه يركب ولايشاور

[sgl2002]

أنا مثلك احترت كثير وسألت كثير ... وركبتها على باترول 98 ربع سلقه وما فرق معي شي كثير ... لأن الموتر الحمد لله نظيف لكن :

إذا استخدامك للدبل دايم .. وسفرياتك ومشاويرك داخل البلد قليله ( لا تركب )
إذا استخدامك للدبل قليل مره .. ركبها لأنك تستهلك العمود اللي قدام والعكوس والدفرنس على غير سنع ..

وأنا بالنسبة لي صرفية الموتر خفت كثير يعني أعبي 10 ريال وتوديني 100كيلو بالراحة