يااااااا اخوني انتبهوا من البناشر

[سراب الصيف]

السلام عليكم يا المكشاتيين
والله من محبتكم
ابا اةولكم السالفه


يا جماعه الربع قبل فتره معزومين على عشا بالقصيم والله وانا اطلع من الدوام بدري مبسوط ومستانس ما ادري وش السبب قلت خل اروح اغير زيت السياره يوم جيته وانا اسلم عليه كيف الحال ياصديق
قلت فيه سوبر جي تي قال ايه قلت فيه سيفون اصلي قال ايه
قلت يالله يوم جا يركب السيفون وانا اناظر الصناعه ولها تايلندي قلت لا ابي ياباني قال موجود
ويجيب سيفون اصغر من اللي جابه انا توي شاري السياره ما ادري عنها شي
قال هاذا ياباني قلت هو للجيب قال ايه ويغيره الرجال قلت خل اغسل السياره واغسل السياره ومشيت العصر
يوم مشيت تقريبا120 كيلو واسمع الصوت بالمكينه وانا اوقف على طولواناظر الكبوت ولا كله زيت
ويضيق صدري ولا بنشري قريب من عندي واروحله ويفتح الصره ولا مابه الا ملي بياله الشاهي
ويناظر السيفون قال هاذا حق كامري شف الوساخه وصلت الا انه يركب حق الكامري عشان يمشي سوقه
لاكن ما قول الا حسبي الله عليه


ارجو من الاخوان التاكد من السيفون هل فيه تهريب ولا لا
لان بعض البناشر ما يربط السيفون زين



انا ادري اني طولت عليكم لاكن ابي اعلمكم

[][ســهم][]

يعطيك العافيه وماتقصر على المعلومه
بس تكفى علمنا اسم الورشه عشان مانجيها

[سراب الصيف]

ابشرك البنشر خسر ولا عاد يه زباين وقفل المحل

[المميـز]

الحمد لله على السلامه وزين اللي لحقت على موترك قبل لا تروح مكينته والسبه عامل مايدري وش السالفه

والله يعيننا على هالعماله اللي تمشي البضاعه على عماها

ومشكووور على التنبيه

[عقـــــــــاب]

صراحه لابد من وقفه مع هؤلاء ..

والحمد لله على سلامتك ياسراب الصيف .

[هاوي الله]

إلى متى وحنا انسامح ابو هنود إلى متى إلى متى !!! لازم يتحمل لازم يتحمل أي نتائج سلبيه تحصل عن ذلك الإهمال

[ابو كلام]

الحمد لله على السلامة اولا وثانيا لوني مكانك رحت لابوهنود فرشت فرش الين يتأدب ويعرف ان الله حق:no:

[سراب الصيف]

مع العلم يا شباب ان السياره خبطت
لاكن ما اقول لعلها خيره

[فل اوبشن]

اقول جعل هالعامل الخبطه ارجع ولزخه ..

[أبو مسفر]

ياخوي نصيحة الى لقيت السيفون تويوتا تايلندي تراه الاصلي
والى لقيت السيفون تويوتا ياباني تراه مقلد
والدليل رح لشارع الريل واسأل اليمانية عن كرتون السفونات تلقاه بـ 65 ريال فيه عشر حبات ويقول لك هذا السيفون اصلي حق البناشر
وهو مقلد
اما الوكالة تراها تبيع الاصلي التايلندي

[هاوي الله]

ياخوي نصيحة الى لقيت السيفون تويوتا تايلندي تراه الاصلي
والى لقيت السيفون تويوتا ياباني تراه مقلد
والدليل رح لشارع الريل واسأل اليمانية عن كرتون السفونات تلقاه بـ 65 ريال فيه عشر حبات ويقول لك هذا السيفون اصلي حق البناشر
وهو مقلد
اما الوكالة تراها تبيع الاصلي التايلندي

كلام جميل يابو مسفر :good:


[line]
سراب الصيف :

خبطت !!! أجل ترى العامل لازم لازم يتحمل نصف قيمة التوضيب أو تغيير المكينه تزود أو تنقص بكيفك أنت وياه .

وإذا كانت ديانة العامل = مُسلم .... وسامحته فالعوض عند رب العالمين .. أسأل الله أن يعوضك بموتر أفضل من موترك الحالي...إن الله على كل شيءٍ قدير .. وسلامتك

[فهد 1426]

بصراحة اخوي ثقه زائده في غير محلها ـ او حسن نية ــ ما ادري وش اسميها ـ تساهلك سبب لي نوع الشد ـ ولين وقع الفاس بالرأس قلنا ياليت اللي صار ما صار ــ (( اسمح اخي الكريم على المقدمه الأنفعاليه )) لكن من حر ما أونس ـ
بصراحه ـ المفروض انك ما خليت حقك ـ فيه نظام بالبلد وفيه شرطه ـ انت فرطت في حق من حقوقك لو انه عامل كان ماخلاك حتى لو على 5 ريال ـ وهذا اكبر سبب لأستمرار مثل هالاشكال في مجتمعنا ـ اليوم قفل محله هنا بكره يفتحه هناك وعلى الحال لين ينصب على كم واحد ـ لذا المفروض الواحد ما يتنازل عن اي حق له ـ بالذات مع هالعماله التي تغش الناس عيني عينك ـ
بالنسبة لي فأن لدي طريقه ماشي عليها ـ
اشتري الفلتر من الوكاله ـ ولين جيت اغير الزيت ـ اعطيه اياه واكون حوله علشان يركبه ويشده مضبوط واعطيه 5 ريال ـ
وحاول انك تتعرف على محل لتغيير الزيت يكون ثقه ـ ويكون تعاملك معه على طول 00
وكذلك بالنسبة لفلتر الهواء والباواجي ـ نفس الطريقه ـ وريح نفسك من النصابين اهل المشاحم ـ
الله يعوض عليك وتقبل تحياتي ,,

[عاشق VXR]

حسبنا الله ونعم الوكيل

[طخيمان]

ما نقول اللا آآآآآآآآآآآآآه يا حماية المستهلك وينكم ...

[فهد 1426]

ابو الطوارئ
الله يوسع صدرك بالعافيه ـ اين تقع هذي بالمريخ والا أين اول مرة اسمع ان فيه شيء بهذا الاسهم
مثل الحروف اللي تكتب ولا تنطق

[ملاعب الريح]

مع العلم يا شباب ان السياره خبطت
لاكن ما اقول لعلها خيره


الله يعوضك خير والله ثم والله لو إني محلك لأشتكي للشرطه على البنشري حسبي الله عليه جيب وجديد ويروح بغمضة عين حسبنا الله ونعم الوكيل

لا تترك حقك
لا تترك حقك
لا تترك حقك



ملاعب الريح

[aziz2727]

والله علشان كذا الواحد يروح يم الوكاله ويريح رااااااااااسه
حتى اذا حصل شي لا سمح الله الين قدامك قبيل
صحيح ان الوكاله تاخذ واجد شوي بس ترتاح
والحمد لله على سلامة موترك

[ابو؟؟؟]

يعطيك العافية

[alkongrs]

نفس سالفتي الوالد عطان الجيب وقال رح لبو يمن غير الزيت والسيفون المهم يوم غيرالزيت والسيفون مشيت رحت للبيت وما دريت الا الزيت كله من كب رحت ان والولد موتر اخوي ومسكنا ابويمن وتطاه الوالد توطي والمكينه راحت خبطت المكينه زي اخوي سراب الصيف لحد يغير عند ابو هنود ولا ابو يمن الله يعز اي سي دلكو الي مخرج 15 او الوكالات بس الوالد خلاه يدفع قروش المكينه الي شراه واسف على الاطاله

[فهد 1426]

ولد العمده
بردت سبدي ـ

[العيد]

تنبيه في محله

جزاك الله خير

[alkongrs]

والله حرام اخوي فهد1426 ولا يهونون الربع تشتري موتر بقيمة160الف الى 200الف ويخرب عليك الموتر واخر شي يجي يقول السياره خربانه من يوم قبل اغيرلك الزيت وراه ما يتكلم ويقول قبل ما يغير الزيت والله حرام تشوف الواحد مجمع ريال على ريال علشان يشتري موتر زين موب ايكلام ويجون ابويمن وابوهنود يهزون دمايجهم ويلعبون على الناس والله ماتكلم من حرتي عليىهم يخربون السيارات ويقلون مافيه انا الي يبي يغير الزيت والسيفون عندهم لازم يشيك قبل ما يمشي واهم شي السيفون السيفون لانهم ما يغلقون السيفون زين ما قول الا حسبي الله ونعم الوكيل

نصيحة الي كل من معة موتركبير او صغير لاتغيرون عند المحلات الله يعز الوكاله ياخذون منك دراهم كثيره ولا يخرب الموتر صح:good: ولا لا:no2: ياشباب:D

[عبدالله العمرو]

بصراحة اخوي ثقه زائده في غير محلها ـ او حسن نية ــ ما ادري وش اسميها ـ تساهلك سبب لي نوع الشد ـ ولين وقع الفاس بالرأس قلنا ياليت اللي صار ما صار ــ (( اسمح اخي الكريم على المقدمه الأنفعاليه )) لكن من حر ما أونس ـ
بصراحه ـ المفروض انك ما خليت حقك ـ فيه نظام بالبلد وفيه شرطه ـ انت فرطت في حق من حقوقك لو انه عامل كان ماخلاك حتى لو على 5 ريال ـ وهذا اكبر سبب لأستمرار مثل هالاشكال في مجتمعنا ـ اليوم قفل محله هنا بكره يفتحه هناك وعلى الحال لين ينصب على كم واحد ـ لذا المفروض الواحد ما يتنازل عن اي حق له ـ بالذات مع هالعماله التي تغش الناس عيني عينك ـ
بالنسبة لي فأن لدي طريقه ماشي عليها ـ
اشتري الفلتر من الوكاله ـ ولين جيت اغير الزيت ـ اعطيه اياه واكون حوله علشان يركبه ويشده مضبوط واعطيه 5 ريال ـ
وحاول انك تتعرف على محل لتغيير الزيت يكون ثقه ـ ويكون تعاملك معه على طول 00
وكذلك بالنسبة لفلتر الهواء والباواجي ـ نفس الطريقه ـ وريح نفسك من النصابين اهل المشاحم ـ
الله يعوض عليك وتقبل تحياتي ,,



هذا هو الكلام اللي يجمد على الشارب ... لا هنت يا فهد ...

أخوي تقبل مني هالكلمة واعرف انه يضيق الصدر :

أنت السبب وأنت بطيبتك من يعطي مثل هالأشكل فرص النصب عليك وعلى غيرك .. خصوصاً إن خسارتك ماهي هينة (( تخبيط ماطور )) والله قهر بجد ...
كان يجب تحميل العامل كااااااااااااامل الخسائر وبالوكالة ... حتى قيمة إيجار سيارة حتى تخلص سيارتك يتحملها بدون أي تنازلات ...

يا جماعة نتنازل عن المسكين اللي يقدر الله عليه أمور خارج عن إرادته .. ولكن بعمليات النصب لا وألف لا ...

ومادامكم راضين لهم خلوهم يلعبون لعبتهم ....

تحياتي /

[سراب الصيف]

مشكورين يا شباب على ردودكم ومروركم بالموضوع
لا كن تحملها العامل وظبته على حسابه

[سراب الصيف]

مع العلم انه كلف4500 ريال
ولا المكينه الجديده 6 سلندر 30000gxrريال يعني يقعد طول عمره وهو يقصد لا يمكن نموت وهو ما خلص