ابي حل للرجه الاماميه

[صلفيق]

اذا ضغطت فرامل من سرعه 120 الي 90 يرج معي الدرقسون وش الحل والموتر جديد ما مشا لا 7000 كيلو

[فهد 1426]

رجعه للوكاله خلهم يفحصون الهوبات والكليبرات محتمل يكون هناك مشكله
كان سيارتي نفس المشكله ـ والحمدلله انتهت بعد ان غيرت الكلبسات وشديت على الكليبرات
ترى سيارتي مستعمله ـ

[((الخالدي))]

أنت وش كفراتك ؟
أذا كان بالون أنصحك أنك تحرقهم وتستبدلهم بالشاهين

[عاشق السيل]

7000 كيلو بس ؟؟!!!! غريبة !!!

وش سيارتك يالغالي ؟


عاشـقhttp://www.mekshat.com/pix/upload/sign/images/mk49539.gifالسيل

[أبو محمد2010]

اذا الكفرات سليمة و الهوبات والفحمات فشف لك ميزان طيب و أنا أنصحك بالعضيب....

[سعد777]

وشي سياااااااااااااااااااااارتك

[شبح الصحراء]

مالك إلا الوكالة السيارة جديدة وعلى الضمان لا توديها للورش يلعبون فيها .

إلا ما قلت لنا وشو موترك؟ وبعدين انت غيرت كفراتك أو ما جيتها؟ هل سبق وضربت مطب جامد على موترك؟

[الدحبول]

إذا كانت السيارة جديدة مالك إلا الوكالة لانة على كفالة إي ضمان

[صلفيق]

مشكورين وما قصرتو اخواني موتري Gx هدد 2007 بس مادري وش الي صار فيه يوم كمل 7000 جت الرجه وبس اذ ضغطت فرامل وسرعه محدده من 110 الي 90 وبس والباقي سليم ودخلته الوكاله اكثر من مره ونف الحكايه يطلع سليم وبعد 100كيلو ترجع

[شبح الصحراء]

والله باين من كلامك إن المشكلة من الهوبات فربما الهوبات جاها كرف شديد فخفـف رجلك شوي على دواسة الفرامل وهدئ السرعة قبل التوقف بمدة كافية ولا تدوس بشدة على الفرامل ودع مجال كافي للتوقف .
وعلى العموم المشكلة بسيطة إن شاء الله فعندما يحين وقت تغيير الفحمات الأمامية اطلب من الفني خرط الهوبات إذا كان التلف فيها بسيط أو غيرها إذا كان التلف شديد .

[abosami]

أخوي العزيز صلفيق

صارت معي نفس الحالة والموتر ماتعدى 1000 كم يعني تحت التمرين وبدلت الكفرات الخلفية بالأمامية وماشاء الله ضبطت الأمور
جرب ولن تخسر ولا ريال واحد والنتيجه مجربة
وأخبرني بما يحدث لك وأتمنى أني أفدتك أخوي العزيز

[صلفيق]

مشكورين اخواني والله يعطيكم العافيه وابشركم حليتها عند الوكاله بعد عناء كبير ومهاوش مع الوكاله وغيرولي الهوبات والفحمات وبرضوه موجوده لاكن نشبت لهم نشبه علي كيفك وطلعت الجنوط فيها رجه قويه وهم كل مره برصصونه ويطلعونه لي لين مريت ابو يمن يفحصها لي طلعت فيها رحع الجنط قال لازم تغيرها وانا الغريبه اني مداري علي الموتر من طلعته ولا اخذه احد مني بس عيب مصنعي

[شبح الصحراء]

صلفيق أنا سمعت معلومة تقول أن جميع جنوط اللاندكروزر جي أكس آر تجي صناعة صينية من الوكالة! أما الفي أكس آر وليكزس تجي يابانية وعلى العموم الحمد لله ان المشكلة انحلت .
ولو اني اعتقد ان المشكلة من الهوبات لأن الرجة تظهر عند الضغط على الفرامل عند سرعة معينة .
ولكن بالنسبة للهوبات والفحمات يجب ان تعرف ان سيارتك جيب صالون وهو كبير الحجم ولا يقارن بالجيوب الصغيرة فلا تزيد الضغط على الفرامل دون داعي كي لا تتضرر الفحمات والهوبات وهدئ السرعة قبل التوقف بوقت كافي .

[ابو ســــاره]

اتوقع الكفرات حرقانه دائماً اذا صار الموتر جديد وصار فيه رجه تغير الوكالة الكفرات لك بطقم جديد .