اليوكون ( للقوة هيبتها )

[Desert_Man]

مساكم الله بالخير ياجماعة الخير ...

الحقيقه لي أكثر من أربع سنوات وأنا أدخل على موقع مكشات وأتصفحه وأستفيد من مشاركاتكم القيمة ...
لكن ما أدري وش طرا لي اليوم إني أسجل وأبد أتفاعل معكم وأشارك ولو إني ما أصل ماوصيلك لكن لكل مجتهم نصيب ...

ما أبي أطول عليكم ياجماعة الربع أنا صراحه ودي أطلع لي موتر وكاله والحقيقه عاجني بالحيل اليوكون 2007 بس أبنتظر شوي لحد ماينزل 2008 وأشتريه لانه إحتمال ينزل في نظام الملاحه
وأنا ودي أخذ رأي الأخوه الأعضاء أهل الخبرة والتجربة بهالسيارة سوا 2007 أو 2008 إذا فيه أي معلومات عنه وأكيد أنه ماراح يتغير أبد خصوصا في الهيكل الخارجي لكن إحتماليه نزول نظام الملاحه هو اللي معطلني شوي ومخليني أاصبر وبرضوا ماله لزمه الحين بحكم إني مانيب رايح ولاجاي بهالصيف وبخليه عقب رمضان إن شاء الله ..

وبرضوا لا ننسى نتكلم على السعر هل معقول سيارة أمريكية توصل هالسعر 130 ألف إلى 180 ألف للدينالي .

أعتذر على الأطاله بس أعذروني عضو جديد وودي أمرن المعرف على المنتدى قبل لا أدخله للتشييك :d

[MAP330]

مريت العيسى أمس و قالوا أن الدينالي اللي بدون ملاحة خلص و كان سعره 163.000 .. عندهم الآن دينالي بنظام ملاحة و كاميرا بس ما تتوفر منه كل الألوان و سعره 181.000 !!!!! و النوع العادي بين 130و 160 حسب المواصفات .

[عاشق السيل]

هالأسعار والله حرام أحطها بأمريكي وإذا بغيت أبيع بعد سنة طاح نص السعر ..

الأمريكي مايتميز على الياباني إلا بالراحة والسعة بسسسسسسسسسسسسس !!!


عاشـقhttp://www.mekshat.com/pix/upload/sign/images/mk49539.gifالسيل

[الفااهم]

higdk ,sigdk

[فهد 1426]

هالأسعار والله حرام أحطها بأمريكي وإذا بغيت أبيع بعد سنة طاح نص السعر ..

الأمريكي مايتميز على الياباني إلا بالراحة والسعة بسسسسسسسسسسسسس !!!


عاشـقhttp://www.mekshat.com/pix/upload/sign/images/mk49539.gifالسيل

ولا ازيد على السمن الا عســـــل

[alkongrs]

هاذي شينت الامريكي وقطع غياره نار

[هاوي الله]

ولا ازيد على السمن الا عســـــل

ولا أزيد على السمن والعسل إلا مراصيع :good: :D

160 ألف في إمريكي !! غير معقول !! والــ vxr وارد اليحيى موجود :good:

[دواس الظلمة]

ولا أزيد على السمن والعسل إلا مراصيع :good: :D

160 ألف في إمريكي !! غير معقول !! والــ vxr وارد اليحيى موجود :good:



والله انا معي يوكن ألفين وثلاثة فل كامل من طقطق للسلام عليكم

وطلعت به يم البطيحانية مناك ونزلت على مناخ والحصبيات والعوشزيات ومناك على الدهناء على نقاء التنهاة وعلى التنهاة إلى الطوقي على الرياض وما قال أح

ويالله لك الحمد مضبووووووووط وما شفت منه خلاف


وما ازيد على العسل والسمن والمراصيع الا حليب أبو قوس


:D

[abufahad2008]

خلوووووووووووووووووووها



الامريكي معروف الصديق الخائن

[Desert_Man]

كثر خيركم ياشباب على هالردود ... لكن يا راعي الفي أكس أر تهقى به في أكس أر بأقل من 200 ألف غير أنه بيتغير شكله بعد سته شهور 2008 وخذها من زيادة بأسعاره بما لايقل عن 20% يعني محدودين على الأمريكي ومجبر أخاك لا بطل

والباترول برضوا غالي صراحه الفتك ماهو بأقل من 160 ألف ... وش رايكم أنتم ؟؟؟؟

[راعي ساموده]

ولا أزيد على السمن والعسل إلا مراصيع :good: :D الا هدد :D :D :D :D :D

160 ألف في إمريكي !! غير معقول !! والــ vxr وارد اليحيى موجود :good:

سافرنا على دينالي الفين وسبعه ( بصراحه اصوات الديكور الداخلي مزعجه )

[حجلان]

انا جربت الياباني والامريكي وبصراحه ولو اني اكرههم :mad: بس الامريكان سياراتهم هي السيارات المفضله عندي في الصحراء :good:


هذا رأيي

[هاوي الله]

:D

قلبنا الموضوع >>>> أكلات شعبيه

:D

ياصاحب الموضوع إتصل على معرض اليحيى واستفسر ..... تقريباً ماني متأكد بتلقى سعره 180000 والله أعلم >> VXR2007

معلومه ( عند نزول موديل 2007 .. سعر موديل 2006فُل كامل جديد 170000)VXR

يستاهل معرض اليحيى :good:

[Desert_Man]

شكرا على الردود الطيبه لكن ما بعد حصلت رد يشفي غليلي ...

ولد العمدة بالنسبة لقطع غيار الأمريكي تعتبر معقوله جدا بالنسبة لقطع غيار النيسان ....

[s3ed]

عدنا في الامارات اقبال كبير على الجمس مادري ليش حتى سار بالحجز

بس اعتقد سعر التيوتا المبالغ فية صرف الناس عنة واتجهو للامريكي ليس للجودة ولكن للسعر المنافس للتيوتا

[الشقردي]

صدقت يا سعيد مع الوقت بتنحد الناس على الرخيص وخاصة مع رخص البنزين في السعودية ولكن اسمع المثل اللي يقول

يدلك على الخيل أثمانها ......

ويقول الشاعر في مديح الـ Vxr (ولو انه يمكن مبالغ شوي)

بأشريه لو قيمته كلها دين .... أهديه للي بالكرم مجدوا به.

(ترى نقل الابيات لك عليه شوي)

سلام

[شبح الصحراء]

:no2: قاطعوا السيارات الأمريكية :no2:

[مخرب طلعات]

ياصاحب الموضوع إتصل على معرض اليحيى واستفسر ..... تقريباً ماني متأكد بتلقى سعره 180000 والله أعلم >> VXR2007

معلومه ( عند نزول موديل 2007 .. سعر موديل 2006فُل كامل جديد 170000)VXR
!
!
!
!

يا أخواااان سعر الجيب اللاند كروزر 180 ألف على أيش ؟

شوفوا الدينالي 2007 سعره 180 ألف زيادة 10 ألف ريااال بسسس

وعلى فكره قطع الجمس نااااااااار بس بالعشر سنين خربه وحده بسسسسس

وترى اليوكون مافيه أقوى منه

الفتك 4800 و اليوكون 6200 وفي النهاية سعر اليوكون أقل من سعر الفتك ؟مع أن الفتك ماكينته أضعف من ماكينه اليوكون

ومواصفات اليوكون أحلى وأفخم وأزبط من الباترول وخويه اللاند كروزر هذي الصراحه وجزيتم !

[مخرب طلعات]

ويا أخواااان إنتظروا لا تشترون موديل 2007

لأن الهيكل جديد وقد تكون هناك أخطاء منسية

فإنتظروا 2008 زي البرق عاد بالنسبه لي

بنتظر إلى 2012 يقولون الهيكل بيتغير وبتقوى الماكينه وترجع زي أول مو 6200 بل 8100
وبتتغير الواجهية واللحيه وبقوى الدبل وأشيااااااااء كثيرة

مع السلامة

[بدوي جنوبي]

هالأسعار والله حرام أحطها بأمريكي وإذا بغيت أبيع بعد سنة طاح نص السعر ..

الأمريكي مايتميز على الياباني إلا بالراحة والسعة بسسسسسسسسسسسسس !!!


عاشـقhttp://www.mekshat.com/pix/upload/sign/images/mk49539.gifالسيل


هلا بالغالي عاشق السيل

ندفع الزود عشان الراحة والفخامه ;)


تحياتي للجميع

[بنزرت]

سلام
انا قبل ما اشتري سيارتي رحت استاجرت في اكس ار وجربته لمده اسبوع
لقيته ضيق ومراتبه مو مريحه على قيمته وفي البر ما يمكن تدوس عليه لانه غالي وبعدين ماصمم للكرف في البر
بعدين استاجرت يوكن لقيته اوسع بفارق شاسع من حيث المساحه و فرق شاسع من حيث الراحه والمراتب وثيره وطبعا هو زي الفي اكس ار في البر لم يصمم للدوس والكرف في البران ومادام اني ماني راعي تطعيس ولا جور على السياره وحدي مكشات اوادم ماهوب مكشات بزارين فقررت اشتري اليوكن ولا انسى انه ارخص في السعر وارخص في قطع الغيار من الياباني(الفحمات ما تغيرها الا كل ثمانين الف كم).
وبعدين لقيت ان مساله يطيح سعره مساله شخصيه لان مستوى النزول من مستوى السعر الاساسي لسعر السياره . وينزل السعر بمقدر الفائده اللي تحصل عليها من السياره فا اللي يشتري كامري ويستخدمها مو مثل اللي يشتري كدلك ويستخدمها. صحيح راعي الكامري وفر عند البيع لكن راعي الكدلك كسب راحه اكثر .وانا اذا فكرت اوفر ....اخلي افلوسي في مخباتي ولا اشتري سياره بها الاقيام ... واللي يشتري في اكس ار مثل اللي يستاجر بفندق خمسه نجوم ( جناح )وينام في السيب عشان يوفر.
في الاطاله افاده وسلامتكم

[النايف2020]

شف التاهو ارخص من اليوكن.........والله يوفق وتشري السياره المبروكه

[s3ed]

سلام
انا قبل ما اشتري سيارتي رحت استاجرت في اكس ار وجربته لمده اسبوع
لقيته ضيق ومراتبه مو مريحه على قيمته وفي البر ما يمكن تدوس عليه لانه غالي وبعدين ماصمم للكرف في البر
بعدين استاجرت يوكن لقيته اوسع بفارق شاسع من حيث المساحه و فرق شاسع من حيث الراحه والمراتب وثيره وطبعا هو زي الفي اكس ار في البر لم يصمم للدوس والكرف في البران ومادام اني ماني راعي تطعيس ولا جور على السياره وحدي مكشات اوادم ماهوب مكشات بزارين فقررت اشتري اليوكن ولا انسى انه ارخص في السعر وارخص في قطع الغيار من الياباني(الفحمات ما تغيرها الا كل ثمانين الف كم).
وبعدين لقيت ان مساله يطيح سعره مساله شخصيه لان مستوى النزول من مستوى السعر الاساسي لسعر السياره . وينزل السعر بمقدر الفائده اللي تحصل عليها من السياره فا اللي يشتري كامري ويستخدمها مو مثل اللي يشتري كدلك ويستخدمها. صحيح راعي الكامري وفر عند البيع لكن راعي الكدلك كسب راحه اكثر .وانا اذا فكرت اوفر ....اخلي افلوسي في مخباتي ولا اشتري سياره بها الاقيام ... واللي يشتري في اكس ار مثل اللي يستاجر بفندق خمسه نجوم ( جناح )وينام في السيب عشان يوفر.
في الاطاله افاده وسلامتكم



محد ياطويل العمر ينكر فخامة الامريكي وسعتة وحتى لو انك ماهو راعي بر وتتطعيس

اهم شي في السيارة الاعتمادية

بالنسبة لي مستعد اروح الربع الخالي بتويوتا موديل 78ولا اخاطربجمس موديل 2006

الامريكي غدار يتعطل عليك في اي مكان لاسمح الله مسافر وتنقطع في خط مقطوع هذة اكبر مشكلة
السلامة من رب العالمين بس لازم نبحث عن الاسباب
وهذا الكلام من خبرة ملايين البشر اللي تعتمد على التيوتا في كل مكان في العالم بعكس الجمس :no2:


http://www.mekshat.com/pix/upload/images37/mk11661_76.jpg

[بنزرت]

اخوي سعيد s3ed
سلام
من يوم عمري 14 سنه ...موديلات 77و80و84و90و87و93و2002 لاند كروزر تويوتا استخدمتها ....... والتايوت مثل كل السيارت
يا ما خرب ويا ما غرز وثولث ويا ما وهقنا في مقناص وتعطل وجريناه مثل باقي السيارات

[فهد 1426]

فا اللي يشتري كامري ويستخدمها مو مثل اللي يشتري كدلك ويستخدمها. صحيح راعي الكامري وفر عند البيع لكن راعي الكدلك كسب راحه اكثر .وانا اذا فكرت اوفر ....اخلي افلوسي في مخباتي ولا اشتري سياره بها الاقيام ... واللي يشتري في اكس ار مثل اللي يستاجر بفندق خمسه نجوم ( جناح )وينام في السيب عشان يوفر.
في الاطاله افاده وسلامتكم[/quote]
----------------------------------------------------------------------
ليس بهذا هو مفهوم الراحة ــ انت لا تشتري سكن ـ حتى تكون الراحة هي المطلب الاول الاساسي ـ في وسيلة النقل يجب ان يكون الاداء العملي والتحمل هي المطلب الاول الاساسي ـ تتأتي بعده الراحة ـ
لقد عشت واقعا مريرا مع السيارات الامريكيه ـ ووالله انني اضرب الاخماس في الاسداس اذا شديت عليه السفر بصحبة العائله غرباً او جنوبا ـ سيارة منعدمة الثقه في أداءها ـ فلماذا اشتري القلق والهم لنفسي ؟؟؟
أخيرا اخي الكريم : فكر في الأمر ملياً قبل ان تتخذ أي قرار 0 وأتجه مع السواد الأعظم
ـــــــــــــــــــــــــــــــ

[Desert_Man]

أخوي فهد ما تلاحظ أن السواد الأعظم بدأ يتجه لليوكون ... والدليل شفه في كل شارع والوكالات مايلحقون على الطلبيات

[فهد 1426]

مع احترامي وتقديري الشديد لرأئك ـ
لا يمكن ـ ان يكون ذلك مقياس نعتمد عليه في ان اليوكن او الاكسبدشن او الانفوي او غيرها من السيارات الامريكيه ـ تتفوق على مبيعات الاندكروز ـ وأكبر دليل تلك الحملات الاعلانيه الضخمة التي تطلع علينا في الفينة والأخرى من قبل الوكيلين لجنرال موتورز ـ عن تخفيضات واسترجاع مبالغ وتسهيلات في الدفع آلخ ـ هل تسألت عن سبب ذلك !!!! طالما ان الوضع مثل ما تفضلت به ـ
آخي الكريم ـ الشمس لا يمكن حجبها بغربال ـ فلنكن واقعيين ـ اسعار الاندركروزر مرتفعه وهذا واضح ـ ولكن لا زال الإقبال عليه ليس لدينا في السعوديه بل حتى في الدول الخليجيه واليمن والسودان وليبيا من الوطن العربي ـ
تقبل احترامي وتقديري ,

[عرق رملان]

تبي تريح راسك استاجر يوكن او للاندكروز او اي سياره كانت وقرر انت
اما بخصوص القوه في اليوكن من خلال تجربتي بيوكن 2004 ما شاء الله تبارك الله
واذا تبي راحة ما مثلة واتحدى اي سيارة دفع رباعي مثل راحته .
والله يوفقك

[Bader-M]

تبي نصحتي
توكل على و اجزم

تحياتي اليك

[الاتصال السريع]

السلام عليكم ورحمة الله وبركاته

لست بشيخ ولا طالب علم لكن بغضي لأمريكا وغيرتي على إخواني المسلمين الذين تجرعوا مرارة القتل والتشريد من قبل أمريكا مباشرة أو غير مباشرة ( انظروا إلى جراحات المسلمين في العراق ، وأفغانستان ، والصومال ، وفلسطين ، ولبنان ، والسودان ) فبصماتها لتدمير الإسلام واضحة وهذا مايدفعني لنصح إخواني الكرام

يا جماعة الخير إلى متى وانتم تدعمون ( الولايات المتحدة الأمريكية ) ماذا يعني لك الاسم فقط عدوة الإسلام والمسلمين وأخشى أنكم تأثمون بهذا لا تقولوا شركات وتجار مالهم علاقة بالحكومة الامريكيه ، مقاطعة من يخفي عداءه للإسلام واجبه فما بالكم بمن يظهر عداءه للإسلام والمسلمين ويقتلهم في شتى بقاع الأرض .

وأنت لست مجبرا فأمامك الخيارات واسعة .



وجزاكم الله خيرا

[ابوريناد1979]

أخوي فهد ما تلاحظ أن السواد الأعظم بدأ يتجه لليوكون ... والدليل شفه في كل شارع والوكالات مايلحقون على الطلبيات
بقول شغله
الكابرس الجديد اول مانزل طارو فيه العالم ولايقعد بالوكاله والا يومك والناس يشترونه
ولــكــن رح لمركز الصيانه في العيسى والجميح وشف الطقاق عندهم ولاتهون صناعية الخرج
باختصار
اذا تبي موتر شخص وراحه ولايهمك قيمته بعد ماتشتريه ولاتهمك الخرابات ولاهوب مصمم للبر خذ يوكون و(والحقيقه انه شخصيه خصوصا الأسود)
وذا تبي موتر كد ومد ويمسك سعره ولافيه كلام خذ تويوتا
لو كان الخيار لي ماتعديت التويوتا وترا الجي اكس آر سعره مناسب >>> الــ في اكس ار سعره مبالغ فيه
ولاتنسى انه بيتغير شكله في 2008 يعني احتمال ينزل 2007 قبل ماينزل 2008
هذا رأي الشخصي ,,,,, وبالله التوفيق

[ابن هدبة]

السلام عليكم


بالنسبة لليوكن عندى 2004 ماشاء الله تبارك الرحمن فوق الممتاز من مركب الى خطوط الى تحمل
والامريكى معروف مايحتاج لايقرقع اما بالنسبة لقطع الغيار اسعاره معقولة وارخص من اليابانى
وترى من اول يقنصون على الشفر والجمس مايعرفون الجيب ( اما الدبل والله مامثل ماشاء الله
النيسان ) خوى اللى متضايق من النفود والا كلهن الله يكفينا شرهن