من اطبوع الطير ((الحلقة الاولى))

[المري]

السلام عليكم ,,, اخواني اعضا ء مكشات

وقت القيض الله يعينكم على اخوكم المري بيزعجكم بكثرة المواضيع

ولكن تحملوه ايام قليله الين يبارد الجو.

عندي موضوع وهو عن اطبوع الطيور الطيبه واطبوعها الذميمة وسوف اجعلها على حلقات


الحلقه الاولى : تتكلم عن الطلع والطلع كما هو معروف ميزه طيبه في الطير .

وينقسم الطلع الى اربعة انواع (( حسب عرفي ))


النوع الاول:

وهو الطلع الراكد الي يركد على المرتبه ويطلع على اليد و يطلع الحبارى على مسافه بعيده ويركد من الصباح حتى المساء, ويكون حذر جدا ونبيه , ولا يكون طلعه كاذب , ويكون شديد الانتباه وتحصله مشغول في الالتفات يمنه ويسره خوفا لا تفوته حبارى عن غفله حتى انك تشفق عليه من حرصه الزائد, فهذا هو الغاية.

النوع الثاني:

وهو الطلاّع الذي يزهق من كثرة التطلاع على التكايه فتحصله يركد له 4 ساعات ومن ثم يزهق وتحصله اما ينقز (يطمر) على المرتبه الخلفيه ولا يكفخ يبي يطلع مع الدريشه ولا يبي ينط فوق راسك..


النوع الثالث:

وهو الطلاّع الذي اذا وجد الصقار جرة الحبارى اخذ منه برقعه وجعله يتطلع والسياره واقفه فتحصله يركد على المرتبه واذا مشت السياره كفخ او انه ينزل به خارج السيارة.


النوع الرابع:

وهو الطلاّع اللي على اليد فتحصله كأنه طابوقه على يد صقاره واذا نزلته على المرتبه كفخ يبي اليد , او انه ينزل به من السياره وهو على يده وتحصله لو يمشي مسافه طويله وهو على يده مايتحرك ولا يكفخ.

وطريقة تعليم الطير الطلع:

انك تجعل الطير اولا انه يوالفك وان يأنس اليك ومن ثم تربطه على التكيه وتجعله يعلف عليه وتخليه في اليوم

الاول ساعه ومن ثم تبرقعه وبكره تخليه على التكيه وتخليه يشوف فريسه مع النافذه وتعلمه كيف يخرج

منها بطريقه سليمه.


ومن اهميه الطير الطلع انه اذا كنت في مطر يعنى القاع راشها مطر فان الجرة ماعاد تبين بالمره فتلك اللحظه الطلع هو الحل.


ايضا اذا جيت قاع جبليه الجرة ماتبين الا مع الوديان او المساييل (( اثار السيل )) فتلك اللحظه الطلع هو الحل.


ايضا اذا كنت تقص ((تتبع) جرة حبارى وفجأة تجيك جرة غنم في حدود الالفين وتخرب الجرة بالمره ففي تلك

اللحظه الطلع هو الحل.


ملاحظة:
دائما تحصل الطيور اللي تطلع هي من فصيلة الحرار , والشاهين قليله جدا وذلك يرجع الى ان الشاهين
تحب الكفخ والطيران كل اشوي


الى اللقاء في اللحلقه الثانيه وعن طبوع طيبه للطير.

[أيمن]

مواضيع ونشاط تشكر عليه .. عزيزنا الغالي المري ..
فيعطيك ربي ألف عافية على هالمجهود الذي ليس غريب على شخصكم الكريم ،،
متمنين لك دوام التوفيق والسداد ..

تحيتي

[المري]

هذه تكلمه للموضوع السابق.


ايضــا من الطبوع الطيبه والزينه في الطير هي :


عـــدم الحـــوم :

تـــجـــد بــعــض الــطيور انــه مـــايحوم لو يفل((يترك)) صيده بوقت الظهيره , لان بعض الطيور كما

هو معروفه اذا افلس من صيدته فأنه من الصعب انه يرجع لك فتجده يحوم ويتنكر على راعيه.


ايضا من الطبوع الزينه في الطير هي :

عــدم الصــياح :

فتجد بعض الطيور التي تصيح تزعج الصقار في كل مكان ان كانت في السيارة فهي تزعجه وان

كان عند ربعه يبي ينقل الطير عندهم فتجده يصيح فيزعج اهل المجلس وان وديته للسوق وسمعو اصياحه

قالو: صيّاح مشكله.


ايضا من الطبوع الزينه هي:

عدم الهوش على العلف:

فأذا جاء وقت العلف وامسك بعلفته تشوف في حالة وحشيه وتعصب

ويحاول انه يضرب صقاره بمخالبه وذلك عداوة وذلك كله من اساس قل الصقاره يوم كان فرخ فقد كان

يوخذ منه العلف قبل ان يشبع .


الى اللقاء في الحلقه الثالثه وربما الاخيره ايضا.

[الباهي]

اخي العزيز المري
ياسلام عليك:good:
بالفعل انك موسوعه عظيمه لابد من اي صقار مهما كان محترف الرجوع والاستفاده من موسوعتك القيمه والله العظيم وربي انك افدتنا بشكل كبير فكيف نرد لك (الجميل) ونا اخوك

وافضل شيء استطيع عمله هوالدعاء

(الله يجعله في ميزان حسناتك , ويجزاك الله خير ,ويغفرلناولجميع المسلمين الهم امين) وتقبل تحيات
اخوك
الباهي

[المري]

تـــــكـــمـــلة للموضوعين السابقين

ونـــأتي للطبوع المذمومة عند بعض الطيور:


التسرع بالكفخ اذا أخذ برقعه:

تجد بعض الطيور فيه طفوقيه اشوي , وهوانك اذا وجدت الحبارى واظهرته مع النافذه وخذيت برقعه يفوع

ويفر من يدك كأنه شافها وهو ماشافها فدائما يطير من يدك بدون ان يشوف الحبارى , فيطير في اتجاه

معاكس للحبارى فربما ان الحبارى هربت ومن ثم طارت وانت مطارد ورى الطير.



ايضا من الطبوع الذميمة:

كفخ الطير من الورعان ومن الحرمه:

فيه اطيور ترفع الضغط اذا شافت الورع الصغير او الحرمة تحصله تكفخ بشدة فلربما انكسر فيه ريش

او ان ريشه مازال يسوق فينفضخ الريش, ايضا اذا رحت والبيت مافيه الا اهلك وقلت عشو الطير

فأذا دخلو عليه وشاف زولهم قام يكفخ على زوره بشده , وهذا من شدة اختلاط الورعان والنساء مع الطيور

في الوقت الحالي عكس الزمن السابق فانك تجد الطير مع العائله في بيت الشعر ولا تحصله يكفخ من اي

واحد منهم, (( الله يرحمك ياحامد )) هذا رجل من اهل الشمال وكانت اطيوره ماتكفخ من الحريم لانه

كانت لديه بنت تسوى عشرين صقار تنقل الطير وترمي الرمي بجميع انواع اطياره وكل شي وكانت تهد الطير

وكانت تقود السيارة بأبوها. يعنى صقـــــــــــاره بمعنى الكلمه.

ايضا من الطبوع الذميمه :

كفخ الطير في السيارة:

تجد بعض الطيور يكفخ في السيارة بشده وتحصله يضرب في التنده وهذه يضر بريشه وبصحته

فمثلا , وقد احصلت علي انا شخصيا اذا كنت تتبع جرة حبارى وهي قريب منك والوقت حار عليك اشوي

فتجده يكفخ حتى اذا لقيت الحبارى تجده وقد تعب جدا.


ايضا من الطبوع الذميمة:

صعوبة البراقع:

بعض الطيور يغث كبدك بكثرة الكفخ اذا جيت تبرقعه , ومن يوم يشوف البرقع في يدك يصيح ويكفخ

هربا منه, فأذا جيت وانت عجل او وقت ظهيره يبقالك ساعة حتى تبرقعه وبعض المرات تبرقعه على الارض.



اخواني الاعزاء عسى ان يكون الموضوع فيه شي من الفائده واللي عنده شي يضيفه حتى نستفيد جميعا.

تقبل تحيات اخوكم: المري

[المري]

هلا اخوي ايمن حياك الله


وكثر الله من امثالك...


وعسى الله يعطيك العافيه


وترى ماسوينا الا الواجب..


تقبل تحيات اخوك:المري

***********************************

مرحبا بالباهي

هذا من فضل ربي ولا يسعنى الا ان احمده عز وجل على ماأنعم علي من نعمة.

وجزاك الله خير على الدعاء .

والله ان ردك يااخي الباهي اثلج صدري


وجعلك ذخرا ان شاء الله

تقبل تحيات اخوك الصغير((كثر منها)) : المري

[تالي الاولين*]

.


اخوي المري عز الله انك ماقصرت وبيض الله وجهك

والله انك تثرينا بمعلومات ماهي بسيطة


اخوي المري صياح الطير مثل ماقلت مزعج لصقار ويحرجه دايم

بس مابه طريقة نتخلص بها من صياح الطير ؟



والله يعطيك العافية ولا يحرمك الاجر


.

[طيرالحمــــاد]

ياسلام على مواضيعك يالمري

ماقول الا الله يعطيــــــــك العافيــــــــــــة وبالتــوفـيــــــق أنشاء الله



تحياتي لك
طيـــــــــر الحمــــــــــــاد

[السفير]

جزاك الله خير على هالمواضيع
وعزالله انّك هيّضتنا

[elshamri]

الله يعطيــــــــك العافيــــــــــــة


اخوي تالي الاولين يقولون تقدر تضربه ابره في حلقه تلين العضلات


تحياتي لك
اخوك الشامري

[المري]

مرحبا والله اخوي تالي الاولين


وحياك الله ولا شكر على واجب واحمد الله عز وجل على التوفيق في موضوعي هذا.


بالنسبه لصياح الطير والله جربت اكثر الطرق بس مافاد .


يقولون في دكتور في الامارات يقطع الاوتار الصوتيه للطير , علما انه فيه واحد

سواها وصحيح ان الصياح راح من الطير بس مازال يفتم فمه وصار شكله يخوف

او كما ذكر اخوي الشامري ابره تمنع ظهور الصوت .


بس اذا بغيت الصراحة لاتسوي ذي ولا ذي خله كما هو وفعله مايرده الصياح.

شكرا ل

[المري]

مرحبا والله اخوي تالي الاولين


وحياك الله ولا شكر على واجب واحمد الله عز وجل على التوفيق في موضوعي هذا.


بالنسبه لصياح الطير والله جربت اكثر الطرق بس مافاد .


يقولون في دكتور في الامارات يقطع الاوتار الصوتيه للطير , علما انه فيه واحد

سواها وصحيح ان الصياح راح من الطير بس مازال يفتم فمه وصار شكله يخوف

او كما ذكر اخوي الشامري ابره تمنع ظهور الصوت .


بس اذا بغيت الصراحة لاتسوي ذي ولا ذي خله كما هو وفعله مايرده الصياح.

شكرا لك ياتالي الاولين

[المري]

مرحبا والله ياطير الحماد


وانت كذلك عسى الله يعطيك الصحة والعافيه

وترى ماسوينا الا الواجب تجاه اللي مثلك وشرواك.

تقبل تحيات اخوك: المري

[المري]

اخوي السفير

شكرا لك على الاطلاع


وحاضرين للطيبين اللي مثلك وشرواك.

تقبل تحيات اخوك : المري
*******************************

اخوي الشامري

واشكرك على المعلومه حول هذه الابرة التي تعطى الطير بس والله انصح

بعد اخذها لان الطير يصبح شكله غلط..

تقبل تحيات اخوك : المري

[صقر]

السلام عليكم ورحمة الله وبركاته

مشكور اخوي المري على الجهد الرائــع وتشكر عليه

[جني ابوشوشه]

10%10 يالمري
ماشاء الله عليك
من موضوع رائع الي موضوع اروع
ومشكور ويعطيك العافيه ياصقر المنتدى:good:

[المري]

مرحبا ياجني ابوشوشة وحياك الله

وتسلم اخوي

[عبدالعزيز الدباسي]

وش دعوى اخوي المري ، تقول تحملوني في القيض .

يا اخوي اسعد اللحظات واطيب الاوقات اللي نشوفك كاتب موضوع جديد ، وعسى القيض يطول ، اذا كنا نبي نشوف مواضيع ونشاط ومعرفة من واحد صاحب معرفة ويعتبر مدرسة في هذا المجال .

لنا الشرف انك تكتب مواضيع ، ولك الشكر اذا كتبت مواضيع

[ابو عايد]

يا طير لوتبعد عن الدار وتحوم=حطيت بقلوب النشامى علامه


أخي المري مشكور على هذه السلسه من المواضيع الحلوه والشيقه



ويعطيك العافيه وليست غريبه منك فانت تسعى جاهدا لطرح مثل هذه


المواضيع التي يستفيد منها جميع من في المنتدى


وتقبل تحيات ** العاشق الولهان

http://www.mekshat.com/pix/upload/images/kk55.jpg

[المري]

هلا اخوي شقردي وحياك الله والحمد لله على سلامتك


وتسلم على المرور..... على المشاركه

[المري]

مرحبا والله يابو عايد


ومن طول الغيبات جاب الغنايم


وين هالغيبه يابو عايد لاحس ولا خبر .


تسلم على المرور الكريم...

[هبوب الحماد]

بسم الله الرحمن الرحيم
السلام عليكم ورحمة الله وبركاته


ماشاءالله عليك اخوي المري على الملومات الرئعه لاكن ابي اسألك
هاالخبر كم اخذت منك سنه إذا مافيه مانع!!!!!
يعطيك العافيه وجزاك الله خيرآ واثابك

ولك كل الشكر واطيب التحيات اخوك:هبوب الحماد

سبحان الله

[المري]

مرحبا ومسهلا بهبوب الحماد وحياك الله وتسلم على المرور على الموضوع.


بالنسبه لسوالك : انت كاتب الخبر ماادري هل مقصودك الخبره او شي ثاني.

اذا كان سوالك عن الخبره فأنا من الاساس ((من الصغر)) وانا ولله الحمد صقار

حتى انه كان عندي اطيور ولا عندي سيارة لاني كنت مااعرف اسوق السياره..!!!!


بس الحين اسوق الطيارات ,,, شكرا لك اخوي هبوب الحماد وانا جاوبت على الخبره

بس الخبر تونى ماجاوبت عليه..

تقبل تحيات اخوك: المري

[هبوب الحماد]

السلام عليكم ورحمة الله وبركاته

ماشاء الله عليك تلقطها وهي طايره,نعم كان قصدي الخبره بس نسيت الهاء
ياخوك هااليومين الواحد قام ينسى واجد لاكن الحمد لله النسيان نعمه
واتمنالك التوفيق والنجاح

تقبل تحيات هبوب الحماد

سبحان الله

[ميراج]

ماشاءالله عليك اخوى المرى كل موضوع اميز من الثانى

الله يعطيك العافيه عز الله ماقصرت

ولكن وش رايك فى الطير الى يكوش على العلف خصوصا مع الصقارين المستجدين

مهوب طبع شين

تقبل تحيات اخوك ابو طارق

[المري]

هلا اخوي ميراج

وتسلم على المشاركه

بالنسبة للطير اللي يكوش والله انه عذروب كبير بس يحاول صقاره انه مايخليه

يأخذ العلفه من الدس وان يدعيه بالملواح ويخلي العلفه عنده في الدسه.

والطير اللي يكوش يحرمك من الهدد الكثير على الحمام ولا لقيت كراوين واجده

وهديته على اول واحد يبقالك ساعه حتى تعزله منه واذا عزلته تجده تعبان من الكواش.


وتقبل تحيات اخوك / المري

[akhan]

مشكووووووووووووووووووووور

[ابو عايد]

للرفع

[العتيبي......]

السلام عليكم ورحمة الله وبركاته

الف الف عافيه يالمري مواضيع مميزه ننتظر المزيد انشاء الله.

اخوك:العتيبي.

[بن ذيب]

السلام عليكم ورحمة الله وبركاته

اخوي المـــــــــــــــــــــــــــري

ما شاء اللة عليك مدرسة في الصقارة.

اللة لا يحرمنا من علومك الطيبة

وهذة المعلومات تقصر علينا السنوات الطويلة الازمة لاتقان فن الصقارة

ودمت سالما دائما ،،،،،،،،،،،،

[المري]

تسلمون جميعا وماقصرتو..

[راعي مسكت]

هههههههههههههههههههههههههههههههه
جعلك تسلم يابومعيض

[المري]

وش ذا الضحك ياراعي مسكت!!!!

أن لم تكن ذيب أكلتك الذئاب..

وسلامتك

اخوك - المري

[أبو رداد]

السلام عليكم ورحمة الله وبركاته


ماقصرت يابو معيض
ماشاء الله بضاعتك ماتبور
موضوعك من اربع سنين مكتوب
والان يتناقلوه في المنتديات الاخرى
وحقه راعي مسكت من يضحك
لان الموضوع نقل من جديد الى مكشات

[abu saud]

بيض الله وجهك يا بو معيض :good:

أرجو منك وضع حلول للطبوع الشينه للطير
ومثل ما قالوا لكل داء دواء
وشكرا لك أخوك/ أبوسعود :D

[sasasasas]

مشكووووووور اخوي والله يعطيك العافيه

تقبل مروري

[hawwamT]

عشت..كلام طيب جدا ومهم ومفيد