حسبي الله على هالمنتدى!!!

[سيد القصر]

ايها الساده الاعضاء الماجدين ابناء المنتدى العظيم( صدام حسين على غفله:D )
السلام عليكم ورحمة الله وبركاته
وبعدين وش الحل معكم:(
اول ماشاركت بهالمنتدى كنت مشارك بغيره
وتبغون الصراحه اني اول ماجيتكم قلت هاخذ مع هالربع جوله والا جولتين والا جولات والا هه:D
ولكن تدرون وش اللي صار بعدين:eek:
فنشت كل المنتديات على حساب هالمنتدى وقابلتكم اربعه وعشرين ساعه
حتى ولدي تركي اعطيته اشكل
وحتى امه اعطيتها اشكل.. واحد كذاب مايقدر:confused:
ومثل ماقال امرء القيس : اوله دلع واخره ولع:D :D :D
اصحى على مكشات وانوم
وش رايكم هذي حاله والا لا:mad:
ان طلعنا من الاجهزه طبينا في ادوات الصيد او مرينا على عدة السيارات او مسميات التضاريس
وياليل مااطولك:eek: :eek:
لا وازيدكم من الشعر عماره: الحبر خذ نصف الراتب من كثر ماأطبع من المواضيع واقراها
بالمكتب ... والمراجعين معطيهم اشكل:D :D وابو هنود ذبحته بالشاهي والقهوه:confused:
وعلى فكره تراني سويتلكم دعايه وخليت اغلب الزملاء يشارك بالمنتدى
بس عاد لاتنسون الاتعاب:p
تبون الصراحه ...كل المنتديات غير هالمنتدى ماتسوا شي
الله يوفق من اسسه ومن دعمه وكل الاعضاء الكرام اللي بدونهم المنتدى ماكان كذا
وبعدين تعالوا ابا انشدكم؟؟؟؟؟
ليش اكثركم كاتب جنب اسمه عضو كشات او قناص او او او او او او الخ
وانا مغير عضو ساده:mad: :mad:
ياخواني مايصير..وين الحريه والدمقراطيه
في الختام الله لايحرمني من هالوجيه الطيبه والحلوه...تدرون خلوها على طيبه وبس لان حلوه
والله ماني بداري يمكن معنا وجيه مفكات او ابو جلنبوا :D :D وانا اولهم
شكرا لجميع المشرفين والاعضاء والمراقبين والمشرف العام
ودمتم على خير
اخوكم/ اخو شما

[المري]

حياك الله اخو شما وجزاك الله خير


والله ان كلامك زين بس عنوان رسالتك تخرع بس يوم فلينا الرساله حصلنا


كل علمٍ زين.


تقبل تحيات اخوك: المري

[أيمن]

أنا أضم شكواي إلى شكوى أخو شما ..
ونطالب بالتعويض .. :D

تحيتي

[مكشات]

بارك الله فيك
وعسانا مانعدم أمثالك :good:
...............
التعويض يا طويل العمر
تمر محل نظارات وتقص لك كم نظارة جديدة على حساب أيمن :D

[السمح]

إلا على طاري ياخوشما .. وين فلوسي اللي أنت مواعدني بهن .. ؟؟:p
حولتني على السعلو والرجال أنكرك مثل ما قلت لك في موضوع آخر ..:D
أنا أبرفع عليك دعوى أو اشطب اسمك من المنتدى إذا ما تروح وتوقف عند باب الباكستاني اللي يصلح التلفزيونات بالخرمة وتسوي دعاية قوية للمنتدى .. ما يكفي إنك تتعلق بالمنتدى بلحالك ..:rolleyes:

حياك الله على كل حال حتى لو ماجت الفلوس .. وترى ياعيوني كلنا كذا صار هالمنتدى هو شغلنا الشاغل وما نقدر نصبر عنه إذا دخلت النت ولا مريت عليه أحس إن فيه شي ناقص ..:confused:

مشكور على هذا الشعور اللي ما يستغرب على مثلك ..:good:

أحلى تحية ..

[...الطوقي...]

سيم سيم كلام:D

الله لايحرمنا من هالمنتدى ومن اعضاءه والقائمين عليه ....

وفي مقدمتهم ابونا ابو تركي السمح:p :p ....

جزاكم الله كل خير والله يوفقكم .....













تحياتي لكم
...الطوقي...

[عاشق الصحراء 2]

حياك الله اخوشما

تراي عازمك على الغدى بكره وذبيحتك مذبوحه

ماشالله علييك شكلك مسؤل مهم

كبارية مكشات يحتكون فيك

mekshat والسمح أيمن

وحنا الله يخلف علينا محد عطانا وجه

يمكن اذا بغينا شي من المشرفين توصط النا:D :D :D

[سيد القصر]

مشكورين عل المرور الكريم
1-المري: انت رهيب مثل اسمك
2-ايمن: مرحبا والله ومسهلا , تدري اني يوم شفت اسمك ضحكت لين بغيت اموت:D :D
عارف ليش ..عدد مشاركاتك قارنتها بعدد مشاركاتي وقلت مالت علي وعلى مشاركاتي:(
ولكن ماقصرت صوتك ضمممممم صوتي:D وان شالله يردون علينا بس مادريت؟؟؟؟
انا سمعت والله العالم ان السيد مكشات والسمح مايعترفون بالاصوات وانهم يزورون الانتخابات
وان الاصوات في منتدى مكشات تباع وتشترى ولكنهم مهبل مايشترون الاصوات بدراهم
انا سمعت انهم يبيعونها ويشترونها بالدرابيل والاجهزه ومواطير الهواء :p
3- السيد المحترم مكشات المشرف العام:يووووووووووووووه المشرف العام مرة طقة وحده
انا لله وانا اليه راجعون, يييا طططوووييييييييييييييل اللللعممر مشششششكور على التكرم
والمرور وابشرك كلش زين المنتدى مافيه اي مشكله الاعضاء مبسوطين ويدعون لك
على وجهك وقفاك قصدي وجه وقفا
ارقد مايحتاج واذا صار اي شي اعلمك اول باول, مع اني شاكن في السمح انتبه تراه يحفرلك
وناويك بشر..( واحد يبي يفتن:D :D :D )
4- السمح: يامرحبا عدد مشاركاتك+ مشاركات ايمن+ مشاركاتي( ياحسره مغير تسع)
اما بالنسبه للفلوس انت وافقت على التحويل على السعلو والقانون مايحمي ازززززززززززز
فهمتها:D :D
وبعدين تعال قولي انت ماكملت الدرس وين ياخوي ترا اللي علمتنيه شي بسيييييييط وتراني
كنت اعرف عن الجهاز كل شي بس اني بغيت احتك فيك( واحد نصاب:p )
وبعدين الله يهديك وراك توهقني مع الناس سويتلك عشاء وعزمت عليه الجبرين محافظ
الخرمه وشيخ القبيله واعيان البلد وانت ولا انت هنيا
والنظاره اللي بيقصها لي ايمن:cool: شمسيه والا بطيه قصدي طبيه
وبعدين اتحداك تفصلني من المنتدى والله لخلي ولدي تركي يدب ويبط ولدك تركي
صحيح عمر ولدي سنتين ولكني مركبله ماطور هواء من اللي تقولون عليها بالمنتدى :D
5-الطوقي : حياك الله ومرحبا بمداخلتك وانت فعلا عضو رائع
6- عاشق الصحراء: مسكين عضو جديد كأنك بعض الناس:( ولكن ابشر ولا يهمك ابا اتوسط لك عند صديقي السمح وبرسلك رسالة شفاعه للسيد المشرف العام مكشات ومشكور على مرورك طال عمرك
شكرا لكم جميعا والله لايحرمنا منكم
ودمتم على خير
اخو شما;)

[algarmeen]

حياك الله اخو شما ؟؟؟؟؟؟؟؟؟
:) :) :)

[هواوي]

الاخ اخو شما

والله حنا سبقناك في هذه لمعاناه

قلنا نخش ونقعد يوم و يومين او نشوف اخر الخبار البر والربيع والامطار ولكن الان من اول ما فتح المنتدى وانا مرابط هنا صيف وشتا وربيع وخريف

كني عسكري في نقطه تفتيش

عموما الله يحييك وصراحه هذا المنتدى من اهم المنتديات واكثرها فائدهوالاهم ان الكل ما شاء الله تبارك لاله كنهم اخوان ما فيه مهاترات ولا شي من هذي الامور الي ترفع الضغط وكل الي يصير هنا انك تخش وتطلع بمعلومه مفيده او صداقه جديده
واخيرا تحيه من القلب الى كل اعظاء المنتدى بدون استثنااء وانت اولهم

بالنسبه لكلاك عن ايمن

فاقول بسم الله ماشاء الله فمواضيعه كثير والي مزينها ومخلي لها نكهه انها كلها مفيده

والله حبيب البي ايمن _((مثقف اعرف احكي لبناني ))

[الفرعاوي]

ابو تركي ..

شرحك سرا ...

[سيد القصر]

الاخ/ القارمن , الهواوي , الفرعاوي
شكرا لكم على المرور الكريم

[حفيد أبو الليول]

أخوي أخوشما السلام عليكم وبعد:
فالحمد والشكر لله على ذلك
وترانا كلنا الحال من ابعضها
لكن ما لنا غناة عن مكشات أبد أبد لأنه سالم من القيل والقال ومنافعه وفوائده لا تعد ولا تحصى لعشاق البراري والرحلات بل وحتى محبة الأخيار أمثالك ومنسوبي مكشات

أدعو الله لنا جميعا بالسلامة والمحبة في الله والاستقامة على منهجه وشرعه


والسلام عليكم ورحمة الله وبركاته

[سيد القصر]

للاخ حفيد ابو الليول عل المرور الكريم

[akhan]

حياك الله اخو شما