هل هو بجيح ؟؟؟؟؟

[سمير]

ياجماعة الربع

الموتر موتري والعزبه عزبتي والطباخ حضرتي

ومع ذلك تدفع للقطة وإذا نقص ريالين يقول راعي الميزانية باقي ريالين جب ماء صحه؟؟؟؟!!!!

قد يظن البعض أني ماعندي سلوم الرجال وأن هذا من العيب
ولكن أين الإنصاف ؟
شخص أو أشخاص معهم سيارات غير مكشاتيه أو حتى مكشاتية ولكن من باب التوفير
يتصل أحدهم عليك قائلا: يالله مشينا نشوف هاك الشعيب ترانا (مبطين)من زمان ما طلعنا لنا اسبوع!!!!!!:eek:
ثم كالمعتاد يقول لك تحصلني عند بيت أهلي _علشان عندهم شجرة كبيرة فيها ظلال زين_ ثم تنطلق إليه ويقول لك يالله ترانا تأخرنا _طبعا يركب وهو خالي اليدين من ثلاجة شاي أوقهوة طارفة أو حتى حب(فصفص)_:mad:
الحاصل انطلقت الرحلة بحمدالله وزوزوزوزوزوزوزوزوزوزوزوزوزوزوزوزوزوزوزوززوزوزوزوزو زوزوزوزوزوزوزوزوزوزوزوزوزوزوزوزوزوزوزوزوزوزوزوزوزو زوزوز
طبعا أنت السواق وهو أخذ غفوة ( شي ساعتين)
وبعد ما وصلتوا للموقع بدأ العمل ( بو طع بق بررررر وشش وزززز) طبعا هذه أعمال شاقة لا بد تصلحها أنت .......وبعد تقديم الغداء يقول لك :مااظن يصير الطبخ مثل هاك الطلعة قبل سنتين ...تذكر هاهاهاهاها
طبعا تبي تجامل تبسم وأنت القيلون يلقط من (اللهده) القهر:(
=================يتبع

[بواسامه]

فدعه ولا تكثر عليه التأسفا
وربعه واجد ابو ريالين
بذات اذا زبط الجو وطلع كايف ابشر بهالاشكال
ولكنهم في القوايل قليل
ارفع نفسك عنهم

[كهلان]

اخوى سمير
الشرهه عليك الله يسلمك اللى تخاوى هالاشكال وش تبى بهم
الرجال اللى عليهم الكلام وترتاح معهم يتهاوشون على الشغل كلن يبى يبيض وجهه مع رفقاه
واحرص على رفقة الطيب ان مانفعك ما ضرك
ولك تحياتى

[عروق الدهنا]

في انتظار باقي السالفه

[أسير مكشات]

اخوي سمير ههههههههههههههههه الله يكون ابعونك
احسن حل هو انك تسحب عليه بوصط الشعيب عشان يعرف انه الله حق
وانه ماعنده سالفه هههههههههههههههههه
مغير امكبر الوساده
وكنه واحد اعرفه

[مزيون بيرق]

اخوي سمير يعطيك العافيه اخوي على طرحك الموضوع
وننتضر باقي الموضوع
وشكراً

[سمير]

====المهبول ماينسى سالفته

المهم يحس صاحبنا (البجيح)إنه ماصلح شي يعني وده يشتغل فماذا يصنع؟
يعمل براد شاي صغير الحجم عاقد يلوي اللسان من المرارة ثم يدردبه ( يحتسيه) لوحده
لأنه ماعنده خيارات أخرى.......
.............ومالكم بالطواله ياأحبابي في نهاية المطاف يحس الرجيلي بالملل ثم يبدأ بالنواح
والزن عليك حتى ترجعون من مسيان قبل العين تظلم....وه.
وأنتم في طريق العودة ينتظر البث يأتي للجوال فيبدأبالمكالمات (الفضايح) سوينا و حطينا
حتى توصله لبيت أهله ثم يقول ...نسينا نحسب القطة وش الراي؟؟
ثم تضرب صدرك كالمعتاد يارجال ماتسوى :mad: . على طول مايصدق خبر:D يقول: أجل أستودعك الله
وززززززززززززززززززززززززززززززززززززززززززززززززز زززززززززززززززززززززززززززززززززززززززززززززززززز زززززززززززززززززززززززززززززززززززززززززززززززززز زززززززززز
وطبعا من بيت أهله إلى بيتك وأنت تحظرم ...الله يلعـ.......الله ياخذ.......
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ياجماعة أنقذوني من هؤلاء (البجيحين) الدلوخخخخخخخخخ
كل مارأيت سيارة مكشاتيه أقف إجلالا وإكبارا لصاحبها
وأقول :يسلم اختيارك يا مكشاتي:good:
وإذا شاهدت سيارة غير مكشاتيه أقول : الله يحله بس
............وفي النهاية تقبلوا شخابيطي..............
ومرور حلو يا مزيون بيرق_أسير مكشات_عروق الدهنا_كهلان_بوأسامه

[ابوعدي]

يعطيك العافية

وفي انتضار باقي السالفة


ابو عدي

[مافيا الصحاري]

يا كثر هالأشكال وكم مرة أخذنا منهم مقلب بس مالهم إلا (ركبة)

[عاشق السيل]

أنا تصير معي نفس السالفة مع بعض الاختلاف ،،

السيارة وكامل العدة والطبخ والشيل والحط والخيمة وتغسيل المواعين بالبيت والغاز اللي كل أسبوعين تعبيه ومواد العزبة من سكر وشاهي وقهوة و،و،و،و،و،و،و،،،، وكلها من جيبك ،، وأنواع الشرشحة لو ينقص شي ،،

وفي نهاية الطلعة يقولون يالله شباب القطة ،، إلى هنا عادي وكله تمام ونمشيها ،، بس ياويلك تقول أنا المفروض إني ماأقط معكم !!!

لكن الله يعننا على هالأشكال اللي أحيانا لابد منهم ....

تقبل مروري وكثرة كلامي بس والله من القهر اللي أعانيه مثلك ....


عاشـقhttp://www.mekshat.com/pix/upload/sign/images/mk49539.gifالسيل

[سلطان العوني]

الله يعينك اخوي سمير
وانا كنت اعاني من السالفه هذي لاني امير الطلعات كلها لكن الله يسر امري وكنسلت على الفئه هذي من الناس
وصرت احارب النوعيه هذي
والله يحييك كأخ وصاحب

[ابوقاسم]

والله انا اقول مالك غناة عن بعضهم لاكان ولد عم او صديق من ايام المدرسة وصحبة
بس الكلام لازم يكون صراحة والاجاويد يعينون لاشافوا الكلام الصريح
وان كان بيطالعك في القطية او كيه اقط معاهم بس تصير العزبة عندي
وتامن اغراض العزبة من القطة واغراضك تخليها للبيت والبنزين محسوبمن العزبة وهالاشكال ما ينفع معاهم الا كذا واللي يعجبة زين واللي ما يعجبة ياخذ له ملاس او صحن ويطلع من العزبة
اسف على الهذرة الطويلة ولكن اعذروني مقروص مثلكم
وسلامتكم

[سمير]

ابوعدي الله يعافيك ترى السالفة خلصت كل واحد يروح لأهله:p
سلطان العوني لي الشرف بصحبتك وأخ عزيز
مافيا الصحراء تسلم ركبتك ياحبيبي
عاشق السيل لازم الواحد يهيظ عن صدره علشان ماينفجر
ابوقاسم كلامك أخوي صحيح مجبورين بهم الله لا يكثرهم
وياليت واحد من النشامى يكتبلنا موضوع بعنوان شروط المكشاتي أو قوانين الكشاته أو ما شابه ذلك
عسى أن نجد حل لهؤلاء الطفيلين
ودمتم سالمين

[الهجري]

يا كثرهم هلأشكال

[ذيب صعفيق]

ياكثرهم الله لايكثرهم00 :no: 0لاولو عندك أستراحه كان شفت الامرين منهالطفيليه ;) إذااكل المقسوم 00نحر الباب مادام الناس لاهين

[مساير الليل]

هالأشكال واجدين لاكن تهون هاذي وإن شاء الله الله مغنينا عنهم أن دفعنا 400 ريال ولا أكثر ولا أقل مايهم أهم شي سعة الصدر

لاكن ألي يذبحك وأنت بموترك شاريه من دم قلبك وإذا جاء الطعوس قمت تسايسه ولا أماكن شينه عيت تدخلها ولاشعيب ولا وادي

شبو فيك أنت شاري جيب ليه أجل وشوله شاري جيب يا.... يا....

وهم مثل ماقلت موقفين مواترهم تحت شجرى كبير ولاهمهم شي لو جاء سيارتك شي

[escape_man]

لي ربع انصاهم كل خميس في ديرتهم ... نكشت ببر قريب من ديرتهم

القاهم محمضين من العطش والجوع ويحتروني اجي وانزل العزبة ونضبط الشاهي

بغير الحال يتغير لكن !! وشهوله يتغير ... مبسوطين الخدمات الفندقية الي اقدمها

واجيك ذاك اليوم محدر من النفود والاهم كالعادة يحترون الاعانات البشرية واقوم

اشعط الموتر من جنبهم واقابلهم على بعد 300 متر. واصلح شويهيي وقهوتي وانا مرتاح

من الحرقان والقولون العصبي.

الي مايتحي منك لاتستحي منه بهالوقت

وعيال عمي ولو طافين ضو ابضفهم ولا عليهم حسافه لكن غيرهم منيب موكل عليه

[سمير]

شكرا أخوتي: man-صديق الهم (الله يفرج همنا وهمك)-ذيب صعفيق-الهجري

وأبشركم سوف أعمل خطة خماسية لطرد هؤلاء أو تغيير طبعهم
والخطة هي كالتالي: وضع هالول بالشاي(هاهاهاهاهاهاهاهاها):D
والذهاب إلى أرض (قاع) جردا مافيها ذرا وتعطيل السيارة بحيث لا يستخدمها
وسوف تشاهد فلم مرعب

[ALBDRANE]

المحتوى شيق ولو أن الموضوع مايدل على المحتوى
المهم تراني ضحكت من كلمت ((القيلون يلقط )) والاشكال هذي كثيرة وحاول تستغني عنهم قدر الامكان والي عاد ماعنده غيرهم يعني محدود عليهم يصبر على المر ومسئلة أن راعي العزبة والسيارة يقط هذا ما أشوف لها أي مبرر والطلعة الي ما يجي فيها قطة أفضل يعني كل وأحد يتنومس ويشتري جزء من الاغراض حتى ولو كان المبلغ الذي سيدفعه أكثر من غيره والمراجل تكاليف وتحياتي

[كــحــيــلان]

سلامي للجميع ... هذولي نسميهم طال عمرك على طاعته .. المرتزقه :looney:..
و ترا منهم فايده على فكرة مثلاً ياكلون باقي العيشة - يرصون القش - تضحك عليهم - تهاوشهم :director: - تفش خلقك فيهم - يعني بالعربي تاخذهم ملطشه في حالة وحدة بس و هي أنك ما تلقى قروم تخاويهم!؟
لأن الوالد الله يحفظه علمني: إن اللي مافية خير فراقه أخير؟:no2:
أما كظية القطه -حلوه كظية صاير أبو مازن- هاذي عاد مرجله و أنا أخوك و كلاً ياخذ منها بحسبه و لا تفهمني غلط لكن و أن أخوك ماهنا مروه إلا بصبر و أنت و أمثالك من القروم أهل للكرم و علوم الرجال. و تحياتي للجميع:D

[باثفندر]

http://www.mekshat.com/pix/upload/sign/images/mk41765.gif


صدقت والله

بس وش تسوي اذا مالقيت الا هو ؟؟؟؟؟؟؟

[بواسامه]

http://www.mekshat.com/pix/upload/sign/images/mk41765.gif


صدقت والله

بس وش تسوي اذا مالقيت الا هو ؟؟؟؟؟؟؟
اطلع بدونه 000000:D
ولا اقعد بحوشكم اوسع لك صدر000:good:

[القناص]

والله شي

ياصبرك

الحلال حلال ابونا والقوم طردونا

لكن ولو خلك اطيب منه

والتمس لاخيك سبعين عذرا

ولا يمنع من ان تنبهه الى خطأه.

[سمير]

ياجماعة الربع مايجينا من هالموضوع إلا إن أخونا كحيلان يرد و يشارك

يعني تاريخ اشتركك بالموقع عام2004 ومشاركاتك 12 ونحن في عام2007
نقسم 12 على 3=4 يعني أربع مشاركات بالسنة فرصة سعيدة حبيبي كحيلان
طبعا أعذرني على الشهابة!!!
______________________________________________
آسف على الشطحة خارج الموضوع
حبيبي القناص بدل ماتتعب وتلتمس أعذار عطه الخامس
وعلى طاري الباثفندر يقول الشاعر:
إذا المرء لا يرعاك إلا تكلفا...فدعه ولا تكثر عليه التأسفا
ففي الناس أبدال وفي الترك راحة....وفالك المليون (نسيت الباقيا)
عزيزي البدراني العنوان مختلف عن المحتوى بسبب اللي يلقط:d

[ضلع الرقيبه]

انحش عنه اللى يسوي كذا واختر اصحابك كما تختار افضل ثيابك لأنه سوف يفرح لفرحك وسوف يحزن لحزنك وهو مقارب لك دائماً كثوبك

انا اقول الله يعينك على ها الشكليات

[همّام]

كان الله في عونك

ولكن مثلك جدير بتربية هالأشكال ..

لا أوصيك فيهم ،، لا كثرهم الله ..

[راعي ساموده]

ههههههههههههه الله يغربل شرك كنك تتكلم بلسان كل واحد فينا ,,الاشكال هذي واجد ( والمال السايب يعلم ..... ههه .
شف وانا اخوك انا غالبا استلم القطه والمصاريف وما الى ذلك ولا تواجهنا هالمواضيع في الغالب بس تصير بعض الاعتراضات على كمية المقاضي و خلافه بس اهم شي عندنا قاعده مهمه وهي التمييز بين عضو واخر مثلا :

1- يحسب متوسط تكلفة البنزين وتقسم بالتساوي على الاعضاء وتعطى اصحاب السيارات .
2- الحرص على ان تكون القطه منطقيه وتناسب اقل شخص دخل في الاعضاء .
3- يتم توزيع اغراض الطلعه على الاعضاء مثل اغراض القهوه والشاهي فلان واغراض الطبخ فلان واللي يبي يجيب المقاضي فلان و.. و.. .
طبعا اكيد كلنا نتوافق بالاساسيات بالطلعه بس تختلف بعض التفاصيل وبعدين لاتستحي بالحق واللي وسيع وجه يستاهل اللي يجيه

[مداوي]

اخوي سمير السلام عليكم ورحمة الله وش أقول وش أخلي ماقصر الأخوان قالوا وأفادو وأجادو والأشكال هذي كثيره وانا أخوك ومثل هؤلاء تسحب عليه السيفون لو أطلع وحيد للبر ولا أجر لي بهيم ماينفع ولعلي أن أشارك بهذه الأبيات للإمام الشافعي رحمه الله


اذا المرء لم يرعاك الا تكلفا***فدعه ولا تكثرعليه التأ سفا
ففي الناس أبدال وفي الترك راحة***وفي القلب صبرللحبيب ولوجفا
فماكل من تهواه يهواك قلبه***ولا كل من صافيته لك قدصفا
اذالم يكن صفوالوداد طبيعة***فلاخيرفي ودٍيجئ تكلفا
ولاخيرفي خلٍيخون خليله***ويلقاه من بعدالمودة بالجفا
وينكرعيشاقدتقادم عهده***ويظهرسراًكان بالأمس قدخفا
سلام على الدنيا اذالم يكن بها***صديق صدوق صادق الوعدمنصفا

[سمير]

انحش عنه اللى يسوي كذا واختر اصحابك كما تختار افضل ثيابك لأنه سوف يفرح لفرحك وسوف يحزن لحزنك وهو مقارب لك دائماً كثوبك

انا اقول الله يعينك على ها الشكليات
المشكلةياعزيزي إذا كل ثيابك مرقعات مالك إلا هن!!:(

[سمير]

كان الله في عونك

ولكن مثلك جدير بتربية هالأشكال ..

لا أوصيك فيهم ،، لا كثرهم الله ..
الله يجزاك خير ولا يبلاك
أشكرك على الإطراء (مثلك جدير);) يعني أروح أفقع وجهه الحين:mad:

[سمير]

ههههههههههههه الله يغربل شرك كنك تتكلم بلسان كل واحد فينا ,,الاشكال هذي واجد ( والمال السايب يعلم ..... ههه .
شف وانا اخوك انا غالبا استلم القطه والمصاريف وما الى ذلك ولا تواجهنا هالمواضيع في الغالب بس تصير بعض الاعتراضات على كمية المقاضي و خلافه بس اهم شي عندنا قاعده مهمه وهي التمييز بين عضو واخر مثلا :

1- يحسب متوسط تكلفة البنزين وتقسم بالتساوي على الاعضاء وتعطى اصحاب السيارات .
2- الحرص على ان تكون القطه منطقيه وتناسب اقل شخص دخل في الاعضاء .
3- يتم توزيع اغراض الطلعه على الاعضاء مثل اغراض القهوه والشاهي فلان واغراض الطبخ فلان واللي يبي يجيب المقاضي فلان و.. و.. .
طبعا اكيد كلنا نتوافق بالاساسيات بالطلعه بس تختلف بعض التفاصيل وبعدين لاتستحي بالحق واللي وسيع وجه يستاهل اللي يجيه
عزيزي راعي ساموده دام إن المصيبة وحدة ليش ما نقنت عليهم
غدا الجمعة .
وبالنسبة للتنظيم اللي تصلحونه ممتاز بس المشكلة إذا كنت أنت أقلهم سنا ومرتبا وتكد عليهم
(بيني وبينك لا ترافق المدرسين أنواع الصقارة)وكل شي ماله داعي :no2:

[راعي تميم]

والله ياجماعة الخير شرواكم000
كنت طالع مع ناس من ها لنوعيه السيئه واللي قاهرني انا اللي اسوي القهوة والشاهي والطبخ ولا احد منهم يسوي شي مغير شرب واكل والله الحقيقه اني ناوي اترك هلنوعيه حتى وان كانو من احب الناس لي 0والله الله بأهل المكاشيت شرواكم

[رعد الفجر]

مشكور يا أخوي موضوع في اعتقادي الكثير يعاني منه

والحل والله مادري

لكن جرب تلمح لهم من بعيد

يعني تقول إنك طلعت مع ناس والله مافيهم خير مغير الواحد جيد بالأكل والبربرة وإنهم ضيقوا صدرك وتفكر إنك .. عاد كمل الباقي وشف ردة فعلهم إذا شفتهم تغيروا وإلا صارحهم بالموضوع ولاتستحي منهم

[سمير]

اخوي سمير السلام عليكم ورحمة الله وش أقول وش أخلي ماقصر الأخوان قالوا وأفادو وأجادو والأشكال هذي كثيره وانا أخوك ومثل هؤلاء تسحب عليه السيفون لو أطلع وحيد للبر ولا أجر لي بهيم ماينفع ولعلي أن أشارك بهذه الأبيات للإمام الشافعي رحمه الله






اذا المرء لم يرعاك الا تكلفا***فدعه ولا تكثرعليه التأ سفا

ففي الناس أبدال وفي الترك راحة***وفي القلب صبرللحبيب ولوجفا
فماكل من تهواه يهواك قلبه***ولا كل من صافيته لك قدصفا
اذالم يكن صفوالوداد طبيعة***فلاخيرفي ودٍيجئ تكلفا
ولاخيرفي خلٍيخون خليله***ويلقاه من بعدالمودة بالجفا
وينكرعيشاقدتقادم عهده***ويظهرسراًكان بالأمس قدخفا
سلام على الدنيا اذالم يكن بها***صديق صدوق صادق الوعدمنصفا



الله يجزاك خير على الأبيات وصح لسان الشافعي رحمة الله عليه
شكل الشافعي رحمه الله طير بر ومكشاتي من الطراز الأول
ياحظ أخوياه اللي مصادقينه , يعني لو ربعنا مثل الشافعي كان عادي أتعب وأتخسر حلال
بس المشكلة ( شين وقوي خشم )

[سمير]

والله ياجماعة الخير شرواكم000
كنت طالع مع ناس من ها لنوعيه السيئه واللي قاهرني انا اللي اسوي القهوة والشاهي والطبخ ولا احد منهم يسوي شي مغير شرب واكل والله الحقيقه اني ناوي اترك هلنوعيه حتى وان كانو من احب الناس لي 0والله الله بأهل المكاشيت شرواكم
كلام صحيح الله الله بالصلاة ورفقة المكاشيت شروى أعضاء هالمنتدى
( شرواك الطيبة )

[سمير]

مشكور يا أخوي موضوع في اعتقادي الكثير يعاني منه

والحل والله مادري

لكن جرب تلمح لهم من بعيد

يعني تقول إنك طلعت مع ناس والله مافيهم خير مغير الواحد جيد بالأكل والبربرة وإنهم ضيقوا صدرك وتفكر إنك .. عاد كمل الباقي وشف ردة فعلهم إذا شفتهم تغيروا وإلا صارحهم بالموضوع ولاتستحي منهم
العفو طال عمرك بالطاعة
سوف أجرب التلميح ومعي أم خمس واللي ما يفهم ...راح وطي يصير الحلقة الأخيرة له
(

[ملاعب الريح]

السلام عليكم



هذي الأشكال اللي ما تطلع إلا إذا (برد الجو - ولا أمطرت - ولا جت مزوووون حليوه...........)


إذا إتصلوا عليك خلك صريح وقل (مواعد رجاجيل ووراك ما تتصل إلا إذا أمطرت إطلع مع أخوياك اللي تتكي معهم دايم الله يعافيك)


وخلك صرييييييييييييييح صدقني بتستريييييييييييييييييييح لأنه ما يظر زعل ولا رضا



وكانك تبي تريح راسك سو مثل محاتسيك لا ترد وإذا رجعت من كشتتك دق عليه (آمر يالحبيب داق علي طبعاً بيكون الرد : إيه بس خلاص فات الأوان أنت : أفا وش السالفه (كأنك ما تدري:):):)) هو : كنت بخاويك للبر بس ما رديت أنت : الجوال كان بالدرج وعلى الصامت وش أبي به بالبر)


ومشكور على الموضوع اللي بالصميييييييييييم


تحياتي (ملاعب الريح)

[سمير]

السلام عليكم



هذي الأشكال اللي ما تطلع إلا إذا (برد الجو - ولا أمطرت - ولا جت مزوووون حليوه...........)


إذا إتصلوا عليك خلك صريح وقل (مواعد رجاجيل ووراك ما تتصل إلا إذا أمطرت إطلع مع أخوياك اللي تتكي معهم دايم الله يعافيك)


وخلك صرييييييييييييييح صدقني بتستريييييييييييييييييييح لأنه ما يظر زعل ولا رضا



وكانك تبي تريح راسك سو مثل محاتسيك لا ترد وإذا رجعت من كشتتك دق عليه (آمر يالحبيب داق علي طبعاً بيكون الرد : إيه بس خلاص فات الأوان أنت : أفا وش السالفه (كأنك ما تدري:):):)) هو : كنت بخاويك للبر بس ما رديت أنت : الجوال كان بالدرج وعلى الصامت وش أبي به بالبر)


ومشكور على الموضوع اللي بالصميييييييييييم


تحياتي (ملاعب الريح)
وعليكم السلام صدقت عزيزي ملاعب الريح
الصريح دايم مستريح . المشكلة إني ماعندي إلا خيارين:
1- أجاملهم:p
2-ألعن سلسفيلهم:mad: عفوا أتشاجر معهم :j

[ديرتي]

ياسمير خلك بحر ومشها ترا الدنيا تبي من يسايرها

[الوانيت1]

جميع الخطوط مشغولة يرجى الاتصال فى وقت أخر...............................للى مافية خير وترى اللى مااااااااافية خير تركة أخيير...................وكثرهم جعل ربى ماااااااااااايكثرهم وعندهم أسلوب يفكك البراغى والواحد منهم مايزعل بسرعة ويدخلونك مثل النعاس قبل النوم مااااااااااااااا تقدرعليهم الابعدين عقب ماااااايلحقونك أقصاك.....ولانك طيب وفيك خير يحدونك على الردى ونت ماتبية والردى هذا أنك تطردهم وهذا طبع ماهو فيك ولكن يحدونك علية أو أنك تنزل مستواهم فى صقارة الردى وهذا صعب عليك والله المستعان...////

[سمير]

ياسمير خلك بحر ومشها ترا الدنيا تبي من يسايرها
عزيزي ديرتي
حتى البحر يجي له يوم ويثور

[سمير]

جميع الخطوط مشغولة يرجى الاتصال فى وقت أخر...............................للى مافية خير وترى اللى مااااااااافية خير تركة أخيير...................وكثرهم جعل ربى ماااااااااااايكثرهم وعندهم أسلوب يفكك البراغى والواحد منهم مايزعل بسرعة ويدخلونك مثل النعاس قبل النوم مااااااااااااااا تقدرعليهم الابعدين عقب ماااااايلحقونك أقصاك.....ولانك طيب وفيك خير يحدونك على الردى ونت ماتبية والردى هذا أنك تطردهم وهذا طبع ماهو فيك ولكن يحدونك علية أو أنك تنزل مستواهم فى صقارة الردى وهذا صعب عليك والله المستعان...////
كلامك صحيح يالونيت
وعلى طاري الونيت ودك تجمعهم بالونيت وتمسك بهم مسحية الطراق

[تميم]

عزيزي سمير / بصراحه اختيار للموضوع رائع ...
خلك مثلي انا قسمت كشتاتي لثلاثة اقسام :
1- (شلة الانس) ربعي الاساسيين القرمين عسى الله يخليهم ناس تحب الشغل وتموت عليه.. صاحب العزبة يجلس عند العزبة والباقي عليهم """ تقطيع - تغسيل- ضف مواعين - طق الخيمة - الحطب """ وطبعا كل هذا يتم بانتظام وكل واحد عارف شغلة وراعي السيارة والعزبة مستحيل ناخذ منه ريال واحد.........

2- اهلي واخواني اللي لهم حق علي اكشت فيهم بالشهر مرة او مرتين وطبعا الاهل بيكون معهم صغيرين وترى هالصغيرين يحبون الشغل وبيكفونك عن كل شئ.

3- اكشت انا وواحد من اخوياي العزيزين جدا لحالنا نروح للتنهات والصمان وكل مكان وهو الله يجزاة خير يكفين بكل شئ من ناحية الاغراض يعني ماجيب معي الا العزبة والطبخ علي انا والباقي يجيبة هو حتى البانزين مايخلين ادفع ولا ريال ..

ريح عمرك ياسمير ولا تروح الا مع ناس ترتاح معهم ولا عليك من احد اللي يبي يزعل خلة يزعل ترضية نجد.
اذكر مرة زمان كشت معنا واحد (عجاز بدرجة خيالية) بصراحه ماشفت مثلة بس يتسدح ويتبطح ولا يلمس ولا عود حتى من شدة عجزة تصدق انه يتوضاء من ماء الفناجيل عجزن لايقوم يتوضاء من السيارة

ارجو اني افدتك ياسمير

تقبل تحياتي

[سمير]

عزيزي سمير / بصراحه اختيار للموضوع رائع ...
خلك مثلي انا قسمت كشتاتي لثلاثة اقسام :
1- (شلة الانس) ربعي الاساسيين القرمين عسى الله يخليهم ناس تحب الشغل وتموت عليه.. صاحب العزبة يجلس عند العزبة والباقي عليهم """ تقطيع - تغسيل- ضف مواعين - طق الخيمة - الحطب """ وطبعا كل هذا يتم بانتظام وكل واحد عارف شغلة وراعي السيارة والعزبة مستحيل ناخذ منه ريال واحد.........

2- اهلي واخواني اللي لهم حق علي اكشت فيهم بالشهر مرة او مرتين وطبعا الاهل بيكون معهم صغيرين وترى هالصغيرين يحبون الشغل وبيكفونك عن كل شئ.

3- اكشت انا وواحد من اخوياي العزيزين جدا لحالنا نروح للتنهات والصمان وكل مكان وهو الله يجزاة خير يكفين بكل شئ من ناحية الاغراض يعني ماجيب معي الا العزبة والطبخ علي انا والباقي يجيبة هو حتى البانزين مايخلين ادفع ولا ريال ..

ريح عمرك ياسمير ولا تروح الا مع ناس ترتاح معهم ولا عليك من احد اللي يبي يزعل خلة يزعل ترضية نجد.
اذكر مرة زمان كشت معنا واحد (عجاز بدرجة خيالية) بصراحه ماشفت مثلة بس يتسدح ويتبطح ولا يلمس ولا عود حتى من شدة عجزة تصدق انه يتوضاء من ماء الفناجيل عجزن لايقوم يتوضاء من السيارة

ارجو اني افدتك ياسمير

تقبل تحياتي
ياعزيزي تميم
الله لا يضرك ويتمم عليك أنت رجل :good: ويكفي اهتمامك بالعائلة ومرورك هذا لم يفدني أنا شخصيا بل أنا متأكد أنه سيفيد شريح كبيرة من المكشاتيين وكلماتك تكتب بماء الذهب
تصدق يوم قريت ردك قلت الحمد لله لا زال هناك أناس طيبين ويستاهلون .قل آمين عساك بالجنة وفالك المليون حسنة

[ذيب صعفيق]

ياعزيزي تميم
الله لا يضرك ويتمم عليك أنت رجل :good: :good2: :burnout2: ويكفي اهتمامك بالعائلة ومرورك هذا لم يفدني أنا شخصيا بل أنا متأكد أنه سيفيد شريح كبيرة من المكشاتيين وكلماتك تكتب بماء الذهب
تصدق يوم قريت ردك قلت الحمد لله لا زال هناك أناس طيبين ويستاهلون .قل آمين عساك بالجنة وفالك المليون حسنة
وأنا كذلك0000

[ا لطرقي]

يقول الشاعر
ليابلاك الله بعاقه واحد من الرفاقه
فلاتوريه الحماقه اصبر الين الله يقلعه
__________________
نحن وانت نمر بمثل هذه العينات ولولاهم لما عرفنا قيمه الشقرديه والنشاما وكما قال الشاعر وبأضدادها تعرف الاشياء

[طح طوح]

إنك لا تهدي من احببت ولكن الله يهدي من يشاء


سمير موضوع مميز وخاصه للمكشاتيين
وهاذولي مرتزقه لذالك فائن الصراحه تفي بالغرض
(فائن لم تستحي ففعل ما تشاء)


تقبل مروري

[abo lafi]

والله انا اقول مالك غناة عن بعضهم لاكان ولد عم او صديق من ايام المدرسة وصحبة
بس الكلام لازم يكون صراحة والاجاويد يعينون لاشافوا الكلام الصريح
وان كان بيطالعك في القطية او كيه اقط معاهم بس تصير العزبة عندي
وتامن اغراض العزبة من القطة واغراضك تخليها للبيت والبنزين محسوبمن العزبة وهالاشكال ما ينفع معاهم الا كذا واللي يعجبة زين واللي ما يعجبة ياخذ له ملاس او صحن ويطلع من العزبة
اسف على الهذرة الطويلة ولكن اعذروني مقروص مثلكم
وسلامتكم

الله يعينك الكثير من الكشاتيه يعانون نفس المشكله والحلول موجوده ان شاء الله

[سمير]

يقول الشاعر
ليابلاك الله بعاقه واحد من الرفاقه
فلاتوريه الحماقه اصبر الين الله يقلعه
__________________
نحن وانت نمر بمثل هذه العينات ولولاهم لما عرفنا قيمه الشقرديه والنشاما وكما قال الشاعر وبأضدادها تعرف الاشياء
صحيح أخوي الطرقي
كماقال الشاعر:لا تصبر سنتين اصبر خمسين ألف سنه لين الله يحله

[سمير]

إنك لا تهدي من احببت ولكن الله يهدي من يشاء


سمير موضوع مميز وخاصه للمكشاتيين
وهاذولي مرتزقه لذالك فائن الصراحه تفي بالغرض
(فائن لم تستحي ففعل ما تشاء)


تقبل مروري

مرورك زي العسل ياطح طوح
وهؤلاء المرتزقة العلوج سوف نبيدهم قريبا

[راعي طواش]

مشكور اخوي سمير علي الموضوع
وبانتضار باقي الموضوع

[ابوفهد225]

هههههههههه

انا سجلت دخول علشان موضوعك وانا اشوف انه مهم

الحال من بعضه

لاتشرح لي ابكيلك

انا ملييت من تجميع شنط العده (العزبه &الثايه)

واكملها من الى واذا جينا نطبخ ينقز واحد من اللي تقول واقسم بالله انه جاي خاوي اليدين ويقول ابطبخ

ليين كرهت العده

وصرت انقل معي عده للقهوه والشاهي

ولا خلصنا بعد اذا جبت تمر سكري قال وراك ماجبت نبتة علي ثم يبداء على قولتك القولون يشتغل

يعني كرهك بالطبخ والحين بالتمر

يارجال لقيته لاتصير قرم ولاتطق صدرك اذا جت الكشته اذا بدأو بالطلبات طق حوله مثل مايسوون

والله يعين على هالاشكال

[فطري]

السلام عليكم ورحمة الله وبركاته

الأخ سمير - ولا يهون بقية الأخوة



ما اقول إلا إن الله يعينكم، وحبيت ان اقدم لكم خلاصة تجاربي في هذا الموضوع:



- اختار اصحابك في السفر والطلعات بعناية:

1) يعني هل هي أول مرة تطلعون مع بعض؟ - نعم – إذاً انت معذور – ولكن حط قدام إسمه X في المستقبل.

2) سبق وإن طلعت معه؟ نعم - وش كان دوره في الطلعة الماضية؟ وماهي نقط ضعفه أو قوته (مميزاته)؟ حاول إستغلالها... لإن فيه اشخاص دائماً يحتاجون احد يأمرهم ويوجههم، ولا يستطيعون اخد المبادرة من انفسهم، أو ما يفهمونها وهي طايره. وعلشان يغطي هذه النقطة من البلادة فيه.. تلقاه يعايب على أي شئ جيد يقوم فيه الأخرون (خذه على جنب وتفاهم معاه بشكل صريييييييييح جداً ولا تكلمة قدام الأخرين مطلقاً) وحتشوف النتائج.



- حاول ان تخطط للرحلة بشكل جيد:

طبعاً لا اتحدث هنا عن العزبة او السيارات، اتحدث عن الأشخاص فقط: حاول توزيع الأدوار لكل شخص مسبقاً (يعني فلان مسؤول عن كذا وعلان عن كذا)، بإتفاق مسبق بحضور الجميع.



- القطية مهمه جداً وقد اثرى الإخوة هذا الموضوع بشكل جيد و اوافقهم.



- انت ليش طالع من الأساس: ماهو علشان ترتاح وتنبسط؟ إذاً لا تذهب في رحلة وفي قلبك عدم إطمئنان لها او لشخص فيها، وإشر راحتك،



عذراً على الإطالة – ولكن الموضوع يستاهل



وللجميع أعطر التحية والتقدير

أخوكم / فطري

[مريتو]

ياكثر ماصارت معي
لكن الحل إن كان معاك جيب لاند كروزر أوغيره من الجيوب بعه وخذ لك شاص ولا يركب معاك الا عيالك انكان هنا عيال

ولامايحتاج يركب معك أحد وهذا الي سويته وتقبل مروري...

[سمير]

مشكور اخوي سمير علي الموضوع
وبانتضار باقي الموضوع
عزيزي شكلك فاصل أسلاك القيلون
القصة ما فيها شي يونس ما غير مغاث ونكد
بس الجاي أحلا عزيزي

[سمير]

يارجال لقيته لاتصير قرم ولاتطق صدرك اذا جت الكشته اذا بدأو بالطلبات طق حوله مثل مايسوون

[/quote]
كلامك حكم ياابوفهد وعزالله إنهم حدوك على ماتكره

[سمير]

السلام عليكم ورحمة الله وبركاته


الأخ سمير - ولا يهون بقية الأخوة

ما اقول إلا إن الله يعينكم، وحبيت ان اقدم لكم خلاصة تجاربي في هذا الموضوع:

- اختار اصحابك في السفر والطلعات بعناية:
1) يعني هل هي أول مرة تطلعون مع بعض؟ - نعم – إذاً انت معذور – ولكن حط قدام إسمه X في المستقبل.
2) سبق وإن طلعت معه؟ نعم - وش كان دوره في الطلعة الماضية؟ وماهي نقط ضعفه أو قوته (مميزاته)؟ حاول إستغلالها... لإن فيه اشخاص دائماً يحتاجون احد يأمرهم ويوجههم، ولا يستطيعون اخد المبادرة من انفسهم، أو ما يفهمونها وهي طايره. وعلشان يغطي هذه النقطة من البلادة فيه.. تلقاه يعايب على أي شئ جيد يقوم فيه الأخرون (خذه على جنب وتفاهم معاه بشكل صريييييييييح جداً ولا تكلمة قدام الأخرين مطلقاً) وحتشوف النتائج.

- حاول ان تخطط للرحلة بشكل جيد:
طبعاً لا اتحدث هنا عن العزبة او السيارات، اتحدث عن الأشخاص فقط: حاول توزيع الأدوار لكل شخص مسبقاً (يعني فلان مسؤول عن كذا وعلان عن كذا)، بإتفاق مسبق بحضور الجميع.

- القطية مهمه جداً وقد اثرى الإخوة هذا الموضوع بشكل جيد و اوافقهم.

- انت ليش طالع من الأساس: ماهو علشان ترتاح وتنبسط؟ إذاً لا تذهب في رحلة وفي قلبك عدم إطمئنان لها او لشخص فيها، وإشر راحتك،

عذراً على الإطالة – ولكن الموضوع يستاهل

وللجميع أعطر التحية والتقدير


أخوكم / فطري
والله أنت اللي تستاهل ياعزيزي فطري مرحبا بم
وحقيقة أنا استفدت من كلامك وراح أطبق بإذن الله
تشكرات حبيبي فطري

[سمير]

ياكثر ماصارت معي
لكن الحل إن كان معاك جيب لاند كروزر أوغيره من الجيوب بعه وخذ لك شاص ولا يركب معاك الا عيالك انكان هنا عيال

ولامايحتاج يركب معك أحد وهذا الي سويته وتقبل مروري...
مرورك مقبول عزيزي مريتو
بس المشكلة الحوض الشاص يركب ثلاثة
والحل الظاهر باشتري شيول ما فيه إلا مقعد واحد

[قصرصالح البديوي]

الـــــــــــــــــــــــــــــلام عــــــــــــــــــــــــــليكم

فضفضوا ياشباب عطونا سوالف من هيك النمونه !!!
لاكثرهم الله

شكراً يا ســـــــــمـــــــيــــــر على هيك موضوع

والله ولي التوفيق

[myking]

هذي ياخوي سمير نقطه لصالحك ممكن يكون عنده ضمير ويصحى

وأنت ينطبق عليك المثل (خوي الرديان)

[Ghazi]

سمير كيف حالك ؟
والله اني حاس فيك. ومثل ماقالو الربع اسحب عليه حتى لوكن ولد عم ولا عزيز لان وانا اخوك انت رايحن تستانس ليه تاخذ ذا العله معك ويضيق صدرك. :no2:

[الفن الأصيل]

الموضوع شيق والردود رائعة ..

لكن ما كأن الموضوع قديم شوي :d 3/6/2007

[كن كن]

مشكلة اذا صاروا اخوياك الخاصين كلهم معهم سيارات صغيرة وانت الوحيد اللي معك جيب

[zaxs2010]

يعطيك العافية

















Zaxs2010

[راعي الفروة]

الله يكون في العون شرحك سرى ولكن انا انسان ماأجامل احد على حسابي لان فيه مثل يقول (لادام الحساب دامت الصحبه)أخواني صراحة هذا الموضوع ممتاز ويعاني منه كثير من أعضاء مكشات لانهم قروم ويطيحون في ناس مايعرفون الطلعه الابأسمها ويدبلون اسبودهم ويخربون عليهم الطلعه والوناسه طيب ليش أنا اتحمل شخص مثقل علي وبدال ماني رايح استانس وانبسط اشيل معي من ينكد علي ويجب لي الهم وأذاكان كما قيل أم بلابها الشيطان فلك خيارين الاول ان تصارحه بان الدعوى فيها قطه وفيها شغل وفيها كلافه بيوافق اهلا وسهلا الخيار الثاني تقله ياخي انت ماتصلح في الكشتات وماعمرك خاويت نشاما ماتعرف من الطلعه الا اسمها طبعاً بيقولك ليش ؟ بعدها تقله وش الي حصل منه او وش لاحظت عليه في الطلعات السابقه وبكذا ريحت نفسك هذ من وجهت نظري انا واسف على الاطاله والله يكون في عون المستحين.

[أدقس]

طيب معليش عندي مداخلة

الآن من المعروف إنك اذا كنت مع خوة المفروض إنك أنت اللي تخدم و تباشر خوياك

الذي يحصل أن البعض اذا طلع كشتة يلزم على خوياه إنه هو اللي يطبخ و يسوي و لا يعطيك فرصة إنك تسوي معه شي
تحاول فيه يمين و شمال ما فيه فايدة
يعني 80% من الكشتة هو اللي قايم فيها
الى هنا تمام
لكن اللي ما هو تمام إن الأخ بعد الكشتة يتفشخر عليك و يلمح ان الشغل عليه بس
و يلبخ فيك بالهرج
طيب أنا ما هو ذنبي انت اللي لزمت علي و تكفلت بالشغل

الخلاصة
اللي يلزم على خوياه في الكشتة لا يمن عليهم و يخليها لله

طبعاً أنا هنا أتكلم عن اللي يروح مع مجموعة و كل واحد وده يشتغل و يخدم
و لا أتكلم عن اللي يروح و لا يسوي شي ما غير يتبطح و يتسدح

[االديحاني]

بالعربي الي يخاويك خله ضيف شرف ترتاح مثلي
لاقطه ولايحزنون لانه لو يقط يصير هو الريس
خله يجلس ببيته او يركب مثله مثل .........

[سمير]

غازي=اشكرك بعنف ولاضاق صدري بس أحب اسولف
الفن الأصيل=إذا كان الموضوع شيق والردود رائعة لايهمك أحد
كن كن= يعني ابيع الموتر واشتري صني بوقس
zaxs2010=الله يعافيك عيني
راعي الفروة=كلماتك روعة واصبت عين الحقيقة والحمدلله لازال في الناس خير مادام فيه زي راعي فروة
أدقس=ممتاز إذا فيه أحد يبغى يشارك بس المشكلة اللي ماعنده استعداد وكأن فيه نواسير
االديحاني=أنت شهم وكريم وطبعك أصيل بس تبلى بالبجيح مثله مثل ...

مروركم مكسب وردودكم تهيظ وتوسع الصدر

[راعي الفروة]

شكراً اخي سمير وشهاده اعتز فيها والله يطول عمرك ويبارك فيك

[مزن الوسم]

كان الله في عونك يا أخوي سمير .............
لكن اللي مثل هذا تخلص منه وما لك بالطويله ........
المعروف بالرحلات بالنسبة لربعي ................ راعي السيارة ما يدفع ولا ريال ............. وله الجميله بعد ...... وكثر خيره ...

أخوي مداوي ..... أنا أشهد إنك داويتها .... بأبيات الشعر ...........

[تركي0500]

موضوعك ياسمير بصراحة جمييييييييل..
وواضح من الموضوع انك انت انسان ونعم ورجال وتنشرى بالذهب .. وذهب العالم كله مايسواك..

والمشكلة الكبرى في هالنوعية انه لو انك انت مصلح الغدا وتغيدتوا ولله الحمد .. هو مهب مغسل الصحون.. لازم تأمرة .. واذا امرته قال لك ابشر والله تامر امر.. كن له منّة عليك..

وبصراحة اللي لقيته في هالنوعية مسيكين فيه طبع شين ولا يدري عن نفسه..

[كحيلان.]

الله يكون في عونك هذي الدنيه خذ وخل وأنا أخوك

وخل صدرك كبير :heart:
والله يكون في عونك
:row:

[الغزال الشارد]

يعطيك العافية

[سمير]

راعي فروة= الله يعافيك حبيبي تسلم تسلم

مزن الوسم=كلامك صحيح ولكن التطبيق صعب ومشكوووور

تركي0500= الله الله يا اخوي ارفق علي ترى القلب هبره والذهب غالي جدا
ولكن كلامك يخليني أنسى الهموم مشكور حبيبي على الإطراء

كحيلان= الصدر له منتهى وينفجر كل شيء له حد ياعزيزي

الغزال الشارد= الله يعافيك

[الساهر2003]

السلام عليكم ورحمةالله وبركاته
تسلم اخوي على الموضوع الخطير واصاب في مقتل لشقردية واما البجيحين فانهم مادرو عن المكشاتيين ولعل هذا الموضوع يفتح في مخختهم شوارع والشباب ماقصرو وللاسف ينظرون لنا باننا نبحث عنهم ونتوسل لهم بالخروج معنا للبر والطيبة الزايده فينا نطق على صدورنا وجدا راعين كيف وحساسين وهم مثل جراكل الماء مادرو عنا اول كانت معي سيارة صغيره وفيها كل شيي ومسمينها الشقه اي شي يخطر ببالك موجود والله اني امشيي في النفود بها من دون شد عليها واطعس وهم معهم ونيتات وجالسين حول الطريق يرفقون على سياراتهم والي رافع ظغطي وانا حار جدا انهم يكسر عليك شي غالي ولا يخرب عليك شي بالحسره لقيته في محل بعيد ولا يعجب بحاجه وياخذها وانت تعبت حتى حصلتها وتكد عليهم وانت موظف عادي وهم يتحججون مو متوظفين ولا ودهم يتوظفون وكل واحد منهم ورثه اكثر من المليون والله اني صادق شي يبط الكبد وانت تكد عليهم مانختلف مره تباشر مرتين هذي سلوم ونعرفها والقطه مانختلف عليها وكان عندي ربع يحسبوني على هالعزب الي ماليه دار ابوي تقل عفش مطلقه كلها خساير يحسبوني صحيح ويلزمون على في الجيه ويوم تاكدة سحبة عليهم وقلتها في وجيهم حدكم رصيف واقولهم ان عزبة الشاهي موجوده لكن مانزلها ولكن الان احمد ربي واشكره اكتملة العزبه بشراء الجيب وقلت لهم الحقوني فوق راس طعس ولا اطلع لحالي ابرك لي وقليل اطلع مع ربعي لان الشقردية قليل جدا جدا ففكرة كثير ووجدة الحل المناسب لي وهو الخروج للبر مع الاهل والوالد والوالد يحب البرو الصمان فهو اولي بخدمته من هذولا الرخوم والوالد ينبسط اذا طلعت معها واي طلعه لزم اطلع معه وقليل اطلع مع شقردية شرواكم واذا طلعت معهم ارتاح كثير يطيح عليك بعض الشغل و والله اني احب اطلع مع الوالد ومعه اثنين من ربعه وانا عمري دون من الثلاثين وهم حول الخمسين ووالله انهم شقرديه مايخطر ببال احد ومره ماشين مع درب شوية راجعين وكنت اسوق الجيب للاند ونسم الكفر والوالد يكلم بالجوال مكالمه من احد الزملاء القداما وتم تغيير الكفر في زمن اقل من ثلث ساعة والوالد تعجب من السرعة وهو لم ينهي من المكالمة هذا افضل مثال لكل مكشاتي رح للبر لحالك ولا مع اهلك هم اولي ان تخدمهم والمتزوج ياسعده كل اسبوع لاكشت بالمدام واخدمها واستهبل عليها ونوسع الخاطر افضل من تجميع الخمام
ويبقى حديث الرسول للي يقدر يطبقه( ماكان اليين في شيء الا زانه )
واسف على الاطاله من حرتن بالخاطر

والسلام

[أبووليد..]

والله معذور أخوي .. فيه بعض الناس يرفع الضغظ
يدق عليك يابوفلان مشينا يم المكان الفلاني .. وتاخذه وطبعاً عليك العزبه والسياره والبنزين و الغداء الله يعينك .. وبالطريق يدق أبوها نومه لاشغل ولامشغله وطبعا من يوم يطلع إلين يرجع مايسولف أبد .. ويامن رجعتوا قال يابوفلان مامعك سلف .. :d :d :d

الله يعيننا ويخلصنا من الأشكال هذي ..

[سمير]

السلام عليكم ورحمةالله وبركاته
تسلم اخوي على الموضوع الخطير واصاب في مقتل لشقردية واما البجيحين فانهم مادرو عن المكشاتيين ولعل هذا الموضوع يفتح في مخختهم شوارع والشباب ماقصرو وللاسف ينظرون لنا باننا نبحث عنهم ونتوسل لهم بالخروج معنا للبر والطيبة الزايده فينا نطق على صدورنا وجدا راعين كيف وحساسين وهم مثل جراكل الماء مادرو عنا اول كانت معي سيارة صغيره وفيها كل شيي ومسمينها الشقه اي شي يخطر ببالك موجود والله اني امشيي في النفود بها من دون شد عليها واطعس وهم معهم ونيتات وجالسين حول الطريق يرفقون على سياراتهم والي رافع ظغطي وانا حار جدا انهم يكسر عليك شي غالي ولا يخرب عليك شي بالحسره لقيته في محل بعيد ولا يعجب بحاجه وياخذها وانت تعبت حتى حصلتها وتكد عليهم وانت موظف عادي وهم يتحججون مو متوظفين ولا ودهم يتوظفون وكل واحد منهم ورثه اكثر من المليون والله اني صادق شي يبط الكبد وانت تكد عليهم مانختلف مره تباشر مرتين هذي سلوم ونعرفها والقطه مانختلف عليها وكان عندي ربع يحسبوني على هالعزب الي ماليه دار ابوي تقل عفش مطلقه كلها خساير يحسبوني صحيح ويلزمون على في الجيه ويوم تاكدة سحبة عليهم وقلتها في وجيهم حدكم رصيف واقولهم ان عزبة الشاهي موجوده لكن مانزلها ولكن الان احمد ربي واشكره اكتملة العزبه بشراء الجيب وقلت لهم الحقوني فوق راس طعس ولا اطلع لحالي ابرك لي وقليل اطلع مع ربعي لان الشقردية قليل جدا جدا ففكرة كثير ووجدة الحل المناسب لي وهو الخروج للبر مع الاهل والوالد والوالد يحب البرو الصمان فهو اولي بخدمته من هذولا الرخوم والوالد ينبسط اذا طلعت معها واي طلعه لزم اطلع معه وقليل اطلع مع شقردية شرواكم واذا طلعت معهم ارتاح كثير يطيح عليك بعض الشغل و والله اني احب اطلع مع الوالد ومعه اثنين من ربعه وانا عمري دون من الثلاثين وهم حول الخمسين ووالله انهم شقرديه مايخطر ببال احد ومره ماشين مع درب شوية راجعين وكنت اسوق الجيب للاند ونسم الكفر والوالد يكلم بالجوال مكالمه من احد الزملاء القداما وتم تغيير الكفر في زمن اقل من ثلث ساعة والوالد تعجب من السرعة وهو لم ينهي من المكالمة هذا افضل مثال لكل مكشاتي رح للبر لحالك ولا مع اهلك هم اولي ان تخدمهم والمتزوج ياسعده كل اسبوع لاكشت بالمدام واخدمها واستهبل عليها ونوسع الخاطر افضل من تجميع الخمام
ويبقى حديث الرسول للي يقدر يطبقه( ماكان اليين في شيء الا زانه )
واسف على الاطاله من حرتن بالخاطر

والسلام
وعليكم السلام ورحمة الله وبركاته

لاتعليق طال عمرك كلام يجمد على الشارب واللحية

الله يوفقك ويخليك لعين ترجيك

وعلشان نكون منصفين هناك الكثير من النشاما والشقردية ولله الحمد

ولكن من باب التوجيه والتنبيه

مشكووووووووووووووووووووووووووووووو
وووووووووووووووووووووووووو
ووووووووووووووووو
ووووووووو
وووو
ور

[سمير]

والله معذور أخوي .. فيه بعض الناس يرفع الضغظ
يدق عليك يابوفلان مشينا يم المكان الفلاني .. وتاخذه وطبعاً عليك العزبه والسياره والبنزين و الغداء الله يعينك .. وبالطريق يدق أبوها نومه لاشغل ولامشغله وطبعا من يوم يطلع إلين يرجع مايسولف أبد .. ويامن رجعتوا قال يابوفلان مامعك سلف .. :d :d :d

الله يعيننا ويخلصنا من الأشكال هذي ..
يعني فوق الغثاثة يبغى سلف وه
هذا ممكن أنزله يشتري بارد واروح عنه

لا عدمناك طال عمرك ومشكور على المرور

[cruise]

المحتوى شيق ولو أن الموضوع مايدل على المحتوى
المهم تراني ضحكت من كلمت ((القيلون يلقط )) والاشكال هذي كثيرة وحاول تستغني عنهم قدر الامكان والي عاد ماعنده غيرهم يعني محدود عليهم يصبر على المر ومسئلة أن راعي العزبة والسيارة يقط هذا ما أشوف لها أي مبرر والطلعة الي ما يجي فيها قطة أفضل يعني كل وأحد يتنومس ويشتري جزء من الاغراض حتى ولو كان المبلغ الذي سيدفعه أكثر من غيره والمراجل تكاليف وتحياتي




عجبني ردك اخوي وفعلا هذا هو عين الصواب وهذا فعل الشقردية ..........

[cruise]

القرم يقدح مثل عود الكباريت =والنذل لو تحرقه ما فيه نيره
والقرم يرفى هافيات التهافيت=والنذل لو تنخاه ما فيه خيره
القرم مداته خفا ما هي تصويت=شيال نوبه شايلن نوب غيره
يفرح بذكرك ان رحت اوجيت=وهو يرتكي للنايبات العسيرة
يرخص لك الغالي بذل ما هو تفتيت=هذا الكرم يا هل القلوب البصيرة
هذا ك طابت خوته في السباريت=نعم الخوي والله ونعم الخشيرة


سالفتكم هذي هيضتني وحبيت اشارككم بما دار في خاطري

اخوكم .....عبدالله

[الكونترولCONTROL]

بصراحــــــــــــــــــــــــــــة تــــــــــامة !!!!!!!!!!!!
===========================
فيه رجال تشريهم يطلعون معك ..... و ان بغوا لا يجيبون الا حاجاتهم الخاصة .... لأنك أنت الكسبان !!!!!!!
و فيه رجال تدورهم إذا ما لقيت ربعك المفضلين .... هذولا حاسبهم بالهلل و ما هوب ظلم !!!!!!

[cruise]

انا اشهد ..........

[طحنون]

هاذي الامور عاديه ومتعودين عليها ومفهومه
لاكن اللي يقهرك انك اذا اتفقت مع اخوياك كلهم وفيه واحد تغيرت نيته وقال انا ماني رايح معكم اذا قدرت ابلحقكم اذا جاتني فرصه
او يمكن اني امر عليكم مرور او اني ابكلمك تلفون ابي اشوف الوضع ((((ليه علشان يتهرب من القطه ويتهرب من الشغل والتعب ))))
يبي كل شي جاهز وبعد مايجي ويستانس يروح بعيد مسافه 50 متر ويجيك ((طبعا تمثيل ))) يالله ياشباب والله جاني اتصال وماشي ضروري
الحين
طبعا هو الحين فرك ومسوي نفسه ذكي لاكن بتطلع عليه اكثر من بيع السوق (((قمه البجاحه )))
مافيه خير ولاهو برجال
الله مغنينا عنه وعن قطته الله يقطه من فوق برج ايفل امين مع ذا الاشكال المتطفله والمرتزقه


وفي نوع ثاني يسوي نفسه ان محافظ ولا يحب الاسراف والتبذير
ويبي يعيش نفسه واللي معاه بمجاعه افريقيا ويقول (((لا تكثررز مين اللي بياكله )) او يقول الله بسوي نص الذبيحه وحنا سته انفار واجد علينا
او يقول تشتري ثلاثه كراتين مويه ياخي عب الجركل الكبيربـــ 3 ريال وخلاص مايدري ان الرحله طويله ويبي غسيل ووضوء وشرب وووووووووو


الله يعين

[البراري ديرتي]

مشكور أخوي سمير والموضوع بالصراحه في الصميم

[ام صتمه]

اخوي (سمير) ...
وش حادك على المرياخوي
والله لوي منك كان قد سحبت عليهم من زمن
لكن اله يعينك على هاذي الا شكال الوقحة

وشكرااااااا

[محمد الصليمي]

الصبح تلقـى للحبـاره مماشـى



ومقيضـات ماثعوهـن صقاقيـر





وطلعت قرناس بصـدره نقاشـى





ومجرب ماهـو براعـى تناكيـر





لاشاف طلعه زان وجهه وهاشـى





ثم انطلق والكف يرخي له السيـر





وسقنا خلافه مع حروف الدشاشى





متجنبين الروض هـو والعثاميـر





سواقنا ماهـو خطـات الجغاشـى





متعلمن للطرد فـي ديـرة الطيـر





حول من اللجة تقل وبـل ناشـى





وصاد المخيش واكتنفنا المخاميـر





وثارن عليهم بالمكـن والنواشـى





ماطار طاح ونومس راعى الطيـر





ويازين عقب العصر وقت المعاشى





وتعليمنـا لوحوشنـا بالمواكيـر





هب البرد وصار فيهـا رشاشـى





ثـم انحرفنـا للـدلال المباهيـر





فى وسط صيوان ملى بالفراشـى





فية النشاما والوجيـه المسافيـر





رفقة خلا ماهي بخـوة معاشـى





وبين خويانـا ماتهـم المخاسيـر

[محمد الصليمي]

واين الاهل المقناص

[سمير]

القرم يقدح مثل عود الكباريت =والنذل لو تحرقه ما فيه نيره
والقرم يرفى هافيات التهافيت=والنذل لو تنخاه ما فيه خيره
القرم مداته خفا ما هي تصويت=شيال نوبه شايلن نوب غيره
يفرح بذكرك ان رحت اوجيت=وهو يرتكي للنايبات العسيرة
يرخص لك الغالي بذل ما هو تفتيت=هذا الكرم يا هل القلوب البصيرة
هذا ك طابت خوته في السباريت=نعم الخوي والله ونعم الخشيرة


سالفتكم هذي هيضتني وحبيت اشارككم بما دار في خاطري

اخوكم .....عبدالله
صح لسانك والله كلام القرم لو خسرت عليه ماهي مشكلة لكن النذل خسارة عليه كوب الماء

لا عدمناك وصح لسانك وطال الله عمرك بطاعته

[سمير]

بصراحــــــــــــــــــــــــــــة تــــــــــامة !!!!!!!!!!!!
===========================
فيه رجال تشريهم يطلعون معك ..... و ان بغوا لا يجيبون الا حاجاتهم الخاصة .... لأنك أنت الكسبان !!!!!!!
و فيه رجال تدورهم إذا ما لقيت ربعك المفضلين .... هذولا حاسبهم بالهلل و ما هوب ظلم !!!!!!


يا خلفهم والله أنت حكيم

واعتقد إنك حليت المشكلة

تشكراتي لك

[سمير]

هاذي الامور عاديه ومتعودين عليها ومفهومه
لاكن اللي يقهرك انك اذا اتفقت مع اخوياك كلهم وفيه واحد تغيرت نيته وقال انا ماني رايح معكم اذا قدرت ابلحقكم اذا جاتني فرصه
او يمكن اني امر عليكم مرور او اني ابكلمك تلفون ابي اشوف الوضع ((((ليه علشان يتهرب من القطه ويتهرب من الشغل والتعب ))))
يبي كل شي جاهز وبعد مايجي ويستانس يروح بعيد مسافه 50 متر ويجيك ((طبعا تمثيل ))) يالله ياشباب والله جاني اتصال وماشي ضروري
الحين
طبعا هو الحين فرك ومسوي نفسه ذكي لاكن بتطلع عليه اكثر من بيع السوق (((قمه البجاحه )))
مافيه خير ولاهو برجال
الله مغنينا عنه وعن قطته الله يقطه من فوق برج ايفل امين مع ذا الاشكال المتطفله والمرتزقه


وفي نوع ثاني يسوي نفسه ان محافظ ولا يحب الاسراف والتبذير
ويبي يعيش نفسه واللي معاه بمجاعه افريقيا ويقول (((لا تكثررز مين اللي بياكله )) او يقول الله بسوي نص الذبيحه وحنا سته انفار واجد علينا
او يقول تشتري ثلاثه كراتين مويه ياخي عب الجركل الكبيربـــ 3 ريال وخلاص مايدري ان الرحله طويله ويبي غسيل ووضوء وشرب وووووووووو


الله يعين

سبحان الله نفس الفكرة تصدق اعرف ناس نفس وصفك

ولكن كما ذكرت عزيزي طحنون الله يعين بس

تنبيه : 6انفار واجد عيهم الذبيحة هاهاهاهاهاهاه ( مجرد مزح )

[سمير]

مشكور أخوي سمير والموضوع بالصراحه في الصميم

الشكر لك طال عمرك على المرور

ودمك زي الشربات حبيبي

ولا تبطي علينا بمقالاتك كلنا شوق لجديدك

[سمير]

اخوي (سمير) ...
وش حادك على المرياخوي
والله لوي منك كان قد سحبت عليهم من زمن
لكن اله يعينك على هاذي الا شكال الوقحة

وشكرااااااا
والله السحب عليهم صعبة
ولكن كما ذكرت أخي الله يعين

آه مااطولك ياكشته

[برق بريده]

الله يعينك
والله إن اغلب ربعي تسذا


ولد شلوى

[سمير]

الله يعينك
والله إن اغلب ربعي تسذا


ولد شلوى

الله يعيننا وإياك

لكن ماتلاحظون يا شباب إن البجيحين كثيرون>>>واحد يدعي كثيرون خبر إن مرفوع

المهم لازم نسوي حل يعني كل من مر على الموضوع قال نفس الشلة

يعني رحنا وطي من البجيحين لازم نخترع سم أو دواء يقضي عليهم
بدون رائحة بعد

[مجنون نيساني]

والله اني كرهت البروالصيد منهم
والمشكلة لارجعت للديرة وقابلتة من بكره جلس يستهبل ويضحكـ عليكـ (انت ماتعرف تسوق ماتعرف تطبخ انت سبيكه مسوي راعي بر
وانت ماعندكـ سالفة)
والله والله والله اني كرهت البر منهم .......................
الف شكر على الموضوع........

[صليب الرأس]

تبون العلم اللي يجمد علي الشارب اذا خويك مغير صديق بر طقها في وجه ولا يهمك احد وانت ماقلت الا صدق ( هذا شغلي )

[سراقة مواظيع]

خير لاعاد تعطيه وجه


اذا قال لك مشينا قله انت مر علي عشان شجرة اهلي حنينه

واذا قال لا انت مر قله انا مشغول

وبس مايبيلها وجع راس

[يازين الجو]

وانا اعاني بعد نفس الحاجه

المشكله يوم تطلب منهم طلب كل واحد يطالع الثاني

طيب استح على وجهك خل عندك دم المفروض بدون كلام كل واحد يمسك له شي

لكن ماقول غير الله يعيننا عليهم ويبدلنا بغيرهم

[سحاب1111]

مشكور اخوي
ونت صادق لا وما اكثرهم بعد ولو ترفض كان صرت انت الغلطان
لاكن الانسان لازم يكون دقيق وحذر في اختيلر الصديق
والله عندي ان الي يقرا التغليقات على مو ضوعك وهو منهم يبي يضيق صدرة
ويقول والله ناس فاضية

عموماً الف شكر لك اخوي

[سمير]

والله اني كرهت البروالصيد منهم
والمشكلة لارجعت للديرة وقابلتة من بكره جلس يستهبل ويضحكـ عليكـ (انت ماتعرف تسوق ماتعرف تطبخ انت سبيكه مسوي راعي بر
وانت ماعندكـ سالفة)
والله والله والله اني كرهت البر منهم .......................
الف شكر على الموضوع........
لالالالالا

هذا اللي كنت خايف منه إنهم يكرهوننا في الطلعات والكشتات

يا الله إنك تحله

[سمير]

تبون العلم اللي يجمد علي الشارب اذا خويك مغير صديق بر طقها في وجه ولا يهمك احد وانت ماقلت الا صدق ( هذا شغلي )
والله كفو يا صليب

لا بد من وقفة حازمة في وجوه الأعداء (الخونه العلوج ال ال ال ال الحمارين):mad:


أنا كل أبو دايم أقول نفس كلامك بس إذا جا الصدق (كلام الليل يمحيه النهار):(

[سمير]

خير لاعاد تعطيه وجه


اذا قال لك مشينا قله انت مر علي عشان شجرة اهلي حنينه

واذا قال لا انت مر قله انا مشغول

وبس مايبيلها وجع راس
طيب يمكن يمرك بسيارته ويلبق بجنب موترك

ويقول ماشاء الله والله اشجرتكم أحسن من اشجرتنا <<<<(اشجرتكم أحسن من مرقت اشجرتنا)قلها بسرعة:p

[سمير]

وانا اعاني بعد نفس الحاجه

المشكله يوم تطلب منهم طلب كل واحد يطالع الثاني

طيب استح على وجهك خل عندك دم المفروض بدون كلام كل واحد يمسك له شي

لكن ماقول غير الله يعيننا عليهم ويبدلنا بغيرهم
يابعدي لو كان يستحي ما كنا وصلنا هالمواصيل

يا حلالي أنت حبيب ورجل

[سمير]

مشكور اخوي
ونت صادق لا وما اكثرهم بعد ولو ترفض كان صرت انت الغلطان
لاكن الانسان لازم يكون دقيق وحذر في اختيلر الصديق
والله عندي ان الي يقرا التغليقات على مو ضوعك وهو منهم يبي يضيق صدرة
ويقول والله ناس فاضية

عموماً الف شكر لك اخوي

فعلا عزيزي ساردار لعلهم يقرأون الردود ويخجلون على بجاحتهم

والله إنك جبتها:good:

[مدور ربيع]

بارك الله بذا البجيح (رفيقك :o ) ,, اللي خلاك تجيب الموضوع وتبدع بردوده


الصراحه خيو سمير ,, انك وسعت صدري وخصوصا سالفة انك تشتري شيول ... ههههههههههههههههههههه شيول ياظالم (انصحك بالشيول الصغير , واذا خبرتلي واحد رخيص , افطن لي لاهنت ههههههههه (


عموما انا مع الاخوان اللي اقترحو انك تخليه ضيف شرف , وضيف لايمكن تكراره مرة اخرى

وانا لااكشت الامع ناس اعرفهم جيداا , ولهم خبرة طويلة بالبر , وكل منا متخصص بشغلة على طول


واهم نقطه بالكشته ان كل واحد منا على سيارته الخاصه بدون خوي
وهذي عطتنا حريه وخصوصيه اكثر

مع تمنياتي لك بكشتات خاليه من الدسم الطفيلي ههههههه :j

[سمير]

بارك الله بذا البجيح (رفيقك :o ) ,, اللي خلاك تجيب الموضوع وتبدع بردوده


الصراحه خيو سمير ,, انك وسعت صدري وخصوصا سالفة انك تشتري شيول ... ههههههههههههههههههههه شيول ياظالم (انصحك بالشيول الصغير , واذا خبرتلي واحد رخيص , افطن لي لاهنت ههههههههه (


عموما انا مع الاخوان اللي اقترحو انك تخليه ضيف شرف , وضيف لايمكن تكراره مرة اخرى

وانا لااكشت الامع ناس اعرفهم جيداا , ولهم خبرة طويلة بالبر , وكل منا متخصص بشغلة على طول


واهم نقطه بالكشته ان كل واحد منا على سيارته الخاصه بدون خوي
وهذي عطتنا حريه وخصوصيه اكثر

مع تمنياتي لك بكشتات خاليه من الدسم الطفيلي ههههههه :j
ياسلام يا خيو<<حلوه خيو>>

والله ياخيو (مدور الربيع) لو كل واحد يطلع بسيارته كان دهلو البر وصار البر تقل مواقف الجامعة

ولكن تصدق أحسن علشان كل واحد ياخذ راحته بسيارته ولايصير موترك (((مزغلة))))_ مع تحفظي على هذه

الكلمة المخلة بالنواحي الاجتماعية والبريرقراطية المروحة_ وحتى بعضهم بكل بجاحه يقول عن إنذنك المفتاح بي ز.........((( عاد هذي صعب أقوله ))

لذلك أأكد على فكرتك خيو بأن كل واحد ياخذ سيارت هو هو وه يعني موتره
شيكرن مدور ربيع

[أبومنصور]

لا تحسب انـي يـوم اخاويـه مغليه
*************** الجـوع حـد الـذيـب ياكل فـطيـسه

[سمير]

لا تحسب انـي يـوم اخاويـه مغليه
*************** الجـوع حـد الـذيـب ياكل فـطيـسه














إن شاء الله ما ناصل هالمواصيل

وصح لسانه

[alkongrs]

اذااتصلو عليك يالله نطلع قل موتري خربان وبالعربي صرفهم اذا قالو يمين ويسار ابدا بالتصريف :D :D
ماعندك الاكذا والشباب الي زي كذا اسحب سيفون يمشي مليون لا وسيفون ايطالي:D

انا بعض الشباب زي كذا رفعو ضغطي الموتر والعدة القهوة والشاهي وعدة الطبخ وجراكل الماء
جيت قلتلهم والبنزين قالو علينا قلت اكيد ما اجيب افلوس قالو هاهاهاهاها لا جب قطه البنزين نص نص قلت زين

واجيك الفجريه صليت والسرير يشتكي والشباب يدقون والسيفون يمشي مليون وايطالي:D

[رعد النجدي]

ما لكم لوا
والله اذا ربعي يستهالون والله ما احاسبهم على كليوين لحم ولا دجاجتين
الروحات الخفافيه مب هم حق ليله
لكن اذا العلوم قنص ومشاوير
والله ان ما احط ريال هم يتكفلون بكم شيْ وهذي سلومهم معي يقولون قطتك الموتر الي ينقلنا وكثر خيرك لا ويعطوني 15 ريال حق تغسيل السياره
زي هالربع تبوني احاسبهم على زرقات ليله او عصير
اما اذا ما يستهالون لو يمرون علي ويقولون اركب مكفول محشوم لقول لهم معليش عندي شغل هذولي ربع ابو ريالين من تصد عنهمما يدورونك

[عاشق الحريق]

ياكثرهم الله لايكثرهم00 :no: 0لاولو عندك أستراحه كان شفت الامرين منهالطفيليه ;) إذااكل المقسوم 00نحر الباب مادام الناس لاهين :confused:

[سمير]

ولد العمدة/المشكلة السيفون منقطع حبله

تشكرررررررررررررررررراتي لك عيني

رعد نجد/ كلامك صحيح اللي يستاهل شروا من يقرا ماهي مشكلة

ولكن الدايم شديد مرورك عسل خيو

عاشق الحريق/ وين استراحتكم سجل عندك واحد طفيلي هاهاها
ويا مرحب ويامراحب باهل الحريق النواجب

[آل مهنا]

والله ياشباب قريت الموضوع من اوله لاخره ... و موضوع جميل ويوسع الصدر ...


وممكن يكون معاناه اذا الجميع رموا الحمل على واحد ...



من الردود ان المتطفلين اكثر من الشقرديه في البلد (كلا يشتكي) ... يعني بالله معقوله ولا واحد مدح ربعه ...كل انسان وقدرته ... فيه ناس الله سبحانه موسع عليها ...وناس تعوض في الخدمه (اذا قصرت في القطه) ...


صعبه شوي يكون الواحد بخيل (اوفقير) وكسول في نفس الوقت ... يعني لا يقط و لا يخدم ... يمكن يكون دمه خفيف ويحلي الطلعه ...

[alkongrs]

السيفون يصلح وانا اصلحوه لك هههههههههههههههههههههههههههههههههههههههههههههههههه هههههههههههه

[مكشات عنيزه]

وانا اخوك انت مثلي بالضبط....... والمشكله بس انا عندي سيارة بر والباقين مواتر عاديه
ومثل ما يصيرلك الطلعه على موتري والعزبه انا الي اكمله والبنزين انا الي اعبيه
والي يخث اعبي وهم معي ولا واحد يقول يعيال خل نقط بالبنزين
ثمين نطلع ونستانس ونتعشا واذا دخلنا قالوا كم قطتنا...... يفلان بكم شريت الحمه.......يفلان بكم شريت البارد
وياليتهم يقولولي بكم شريت الرز وهم مقضين ثلاث ارباع الخيشه...... ثمين يقسمون المجموع على عددنا
آخر شي طفح الكيل وطلعن قرون براسي... يوم قالوا نبي نطلع قلت دبرولكم عزبه عزبتي فاظيه(والعزبه مكمله من الى) قالوا وراه قلت ما معي دراهم..المهم دبًروا اسم عزبه يلاه يبو صالح حم موترك قلات مابه بنزين وعلى هالحال ثمين بدينا اي شي يتعلق بالطلعه نقطبه
حتى كيس البلديه الاسود نقطبه
لأن الحقيقه مايستعمل العزبه الا انا وربعي والصحيح انهم يقطون
هذي مشكلة الحليل الكل ياكله

[سمير]

وانا اخوك انت مثلي بالضبط....... والمشكله بس انا عندي سيارة بر والباقين مواتر عاديه

ومثل ما يصيرلك الطلعه على موتري والعزبه انا الي اكمله والبنزين انا الي اعبيه
والي يخث اعبي وهم معي ولا واحد يقول يعيال خل نقط بالبنزين
ثمين نطلع ونستانس ونتعشا واذا دخلنا قالوا كم قطتنا...... يفلان بكم شريت الحمه.......يفلان بكم شريت البارد
وياليتهم يقولولي بكم شريت الرز وهم مقضين ثلاث ارباع الخيشه...... ثمين يقسمون المجموع على عددنا
آخر شي طفح الكيل وطلعن قرون براسي... يوم قالوا نبي نطلع قلت دبرولكم عزبه عزبتي فاظيه(والعزبه مكمله من الى) قالوا وراه قلت ما معي دراهم..المهم دبًروا اسم عزبه يلاه يبو صالح حم موترك قلات مابه بنزين وعلى هالحال ثمين بدينا اي شي يتعلق بالطلعه نقطبه
حتى كيس البلديه الاسود نقطبه
لأن الحقيقه مايستعمل العزبه الا انا وربعي والصحيح انهم يقطون
هذي مشكلة الحليل الكل ياكله



فعلا جبتها يامكشات عنيزة أغلب الشباب يحسبون اللحمة وينسون أو يتناسون الرز ( مع انه زاد سعره) والبصل

والبهارات ووبافي التكميلات اللي طالعة عليك بالقيمة الفلانية

ولا يلزم ياعزيزي إني أغير طبايعي علشان البجيحين الطفيليين لأن المسألة تبي إحساس وشخص يكون عنده أخلاق

وتصدق في سنوات مضت كنت أداوم في قرية فيها جلد(مسحية) وكان جاءلمنا واحد والمشكله راتبه اكثر منا وجلس

يتردد معنا اربع شهور والله مادفع ولا ريال ما غير يركب ويفطر معنا بالمجان وعليه الشرهه بعد

ولكن يكفي إنه ترك وصمة عار لن تمحى من مخيلتنا إلى الأبد

فعلا عامل الناس بطبيعك ولا تنظر إلى اللإيم فسيأتي يوم ويعض أصابع الندم

وكن دائما (( راع الأوله)))

أشكرك على مرورك يامكشات عنيزة والله يصبرنا عليهم

[alkongrs]

اخوي سمير تبي تقول وش ذا ولد العمدة والله ماله داعي كا شوي داخل يقرا والله موضوعك حمسن من جد فيه نوع جديد واسميه الزبده بمعنى الكلمه ازبد ابوجهو ه وما ينفعلهم الا كذا وتشوف اذا ما مشو سيدا وذا كان كلا مي خلط ارجو منك التصحيح والك مني الشكر والتقدير :j

[سمير]

اخوي سمير تبي تقول وش ذا ولد العمدة والله ماله داعي كا شوي داخل يقرا والله موضوعك حمسن من جد فيه نوع جديد واسميه الزبده بمعنى الكلمه ازبد ابوجهو ه وما ينفعلهم الا كذا وتشوف اذا ما مشو سيدا وذا كان كلا مي خلط ارجو منك التصحيح والك مني الشكر والتقدير :j
يا هلا يا بعد المكاشيت كلهم ياولد العمدة
مرورك زي النسمة الباردة هالأيام
وش دعوى (عيني) افرشك الأرض دخل واغطيك قميري
ولا يهمك راح اطبق كلامك ولكن إذا حصل مجازر ترى أنت المسؤل
تصدق والله ودي اصير صريح بس إذا جت الصدقه<<حلوه الصدقه>> يصير وجهي بيج واستحي:p واقول يارجال ما تسوى وكل يوم على هالسيرة.
وبيني وبينك قضت الدنيا ماباقي إلا القليل والله يختم لنا ولك بالحسنى.
مرررررروووووررررك عسسسسسسسل

[عبدالله الضويان]

اخوي سمير
موضوع رائع وشي يهون عند شي
تخيل انك تروح تقنص الرمله ولك انت سيارتين (شاص ونيسان ) وهي سيارات الرحله وتبي تاخذ اخوانك اللي اصغر منك معك ويجيك احد الاصدقاء ويشوفك مربط عفشك
ويقول ما شاء الله رايحين المقناص
وتقول له انت ان شاء الله ان الله كتب
ويقول ورى ماعلمتوني انافاضي ابي اخاويكم
وتقول الله يحيك
ويقول وش اجيب معي
تقول له سلامتك مانبي شي
المهم مشيتو الذبيحه انت اللي جايبها والعزبه من عندك والسيارات لك والبنزين عليك والطيور والسلق لك والسلاح لك والرصاص من عندك وخويك ماجاب الا فراشه حتى الملابس ماجاب وتعطيه واحد من ثيابك لونه اشهب ولازم يطقم بالشماغ الاشهب طبعا من عندك
والمهم في اخر محل تعبية بنزين ينقز مثل الذيب(يبي ينحاش يخاف يحاسب) ويقول وش تشرب
وتقول له سلامتك مابي شي
ويجيب لك ببسي وهو سفن اب طبعا بعد ماتخلص انت معبي ومحاسب وتجلس تنتظره شوي لين يطمئن انكم خلصتوا يجيك والسياره الثانيه ساحب عليهم السيفون والي هالحين الوضع تمام ولا تبي منه شي اهم شي انكم خلصتوا وقنصتوا
وبعد المقناص رجعتوا والعوده نفس الذهاب ومع التعب في الرجعه كلن نايم وهو الاول طبعا ومن بداية الرحله مالمس الطاره ويوم نزلته عند بيتهم (الله لا يهينه طويل العمر)كان معكم في الثلاجه 20 ارنب هي حصيلة كل صيدكم قبل يسلم عليك وبعدمايشكرك على الرحله المتميز اللتي حظيت بصيد وفير( هاه صيد وفير)
يقول لك الا كم صيدنا اللي جبنا
تقول له 20 ارنب
يقول ماشاالله والله واجد
تقول الحمد لله
ويقول لك يالله تكفى عطني قسمي بسرعه لاني مستعجل تعبان ابي انام (يقصد يكمل نومه)
تقول له ابشر وتطمر للثلاجه وتنزل له 5 ارانب اطيب ما تشوف
وتقول له سم بالعافيه
ثم يناظرك بعين زعل
ويقول وش ذا
وتناظر انت لياك غلطان ومنزل له السلق بدل الارانب تشوفهن ارانب وتعلمه هذي ارانب
ويقول ادري انها ارانب والا تبي تاكل حقي
وتقول افا ياذا العلم وش حقك اللي ابي اكله
يقول حقي عشر ارانب انا مارحت معك للرمله اسبوع في التعب والشر ومهمل اهلي اسبوع علشان ارجع ادودل يديني ماغير خمس ارانب
وتقول له يابن الحلال انت نسيت اللي بالسياره الثانيه ترى لهم قسم بالارانب
يقول لك السياره الثانيه اخوانك انت واياهم واحد وبيت واحد 0000000000
وش رايك ياسمير مهب ابجح من البجيح
وياليت اللي يقراها يعطيني رايه وبصراحه
وتقبلوا تحياتي

[alkongrs]

اخوي سمير الله يسلمك وجرب والله انا مجربه اهجدو عقب ما صلحتلهم كذا وسحبة سيفون تمشي مليون اهجدوا

[alkongrs]

اخوي ابوالمها يرفع الضغط والسكر والصمرقع ودك اتصلحبوه زي ما صلحبك

[galal]

السلام عليكم بصراحة موضوع جميييييييييييل ومداخلات سمير اجمل بصراحة
مداخلات خفيفة وظريفة

طبعا الدنيا ما تخلا من زملاء طيبين وهبات ريح ...... ويازينه الخوي الي كل ما قلتله شي يقول فوقها انا
ارووح كشنه مع هاالنوعيات ان بغيت تقنص معك وان بغيت تمسي معك وان بغيت تعود معك .... معك معك معك معك بس انت امر ويجيك مطامر ونفس الشي طبعا متبادل بينا لاطلب منك شي تقول ابشر بسعدك
وانت ان طلبت منه شي يقول ابشر بسعدك هذولا الي بهم تزن الطلعة يبديك على نفسه في المجلس ويكفيك
بالشغلة ولا يجلس يطالع فيك وانت تشتغل وخفيف دم وسواليفه عسل واما من ناحية القطة

فاذا معه فلوس بدون ما تطري موضوع القطة اصلا وهو رامي لك المقسوم في درج السيارة لانه عارف انك ما راح تاخذ منه شي ولا تدري الا والاتصال على جوالك ويحدد مكان الفلوس

وان كان ما عنده الحين لا بد يعوضك بطلعة ثانية على حسابه بدون ما تتكلم وان ما عوضك ياجعل الدنيا فداه
وقت الصلاة يقوم يوضي ويصلي ولا تسمع منه محشه في احد اخوياه ولا تسمع منه الا كل علم غانم

بهاولاء تتم الطلعة ولا تراني ادق سلف ولا امسي فيها ليله والشرهة علي اذا باقي طلعت طلعه هم فيها

[سمير]

ابو المها/ بالنسبة لطلعات الصيد هذه لها حكم آخر فلا مجاملات ولا مداهنات ولا مهاترات


ولا يمكن بحال من الأحوال اصطحاب (البجيحين) لرحلات الصيد لأن الصيد يكتاج


إلى رجل بكل ماتعنيه هذه الكلمة (لو ياصل الدم الركب),ولكن المقصود في طلعات الونس


والكشتات الخطافية هذه هي مدار حديثنا .


واعتقد لو فيه مثل هالنوعية اللي تقول كان على طول استقيل من الصيد واروح اسرح شعري وابيع


موتري واشتري اكورد واستلم الشوارع تمتير.
( سعدت بمرورك ياابو المها )


ولد العمدة / يا عزيزي قلت لك القلب هبره ما نقوى على سحبت السيفون.هههه;)


galal/ أحسنت أحسنت فعلا تكلمنا كثيرا عن البجيحين وكأن الدنيا كلها بجيحين


والحقيقة كما ذكرت مازلنا ولله الحمد نتفيأ ظلال هذه الصحبة التي نسأل الله أن لا يغيرها


صحبة( شروى من يقرا) تزيد من عمرك بصحبتها


(بالعربي يا خي الواحد ليش متكلف وطالع وتارك اعياله إلا علشان سعة الصدرويلقى من يهيظ عنده)
اتشرف بمرورك يا جلال وكلامك يالصميم تحياتي لك

[معدي الطويله]

السلام عليكم أخوي سميروالله ياما وياما حصلنا من هالاشكال لاكن الشكو على الله بل أن بعضهم مايرفع البياله واحدن من هالصنف رايحن معي مره ومعه قميص النوم ويوم شافوه خوياي قالو عز الله أنه شغيل وأول ماوقفنا لبس ثوبه وتكى على المرك يتحرى القهوه والشاي عشان يتفنجل ويوم جينا نصلح غدان حدر الشره وهو يروح للشره الي جنبنا وهو يحط راسه يقيل عمي أفندي ويوم جهز الغدا وهو ينا ديه أحد الشباب هييييييييييييياه تعال أكل اكل




لذالك يجب علينا قبل المقناص والمكشات أختيار الرفقه واما داخل الديره ماعندك
مشكله وتسلم على هالموظوع وتقبل تحياتي أخوك معدي الطويله;)

[عا شق الصقور]

شكرااااااااااااااااااااااااا لك اخي 0000000000000000

[سمير]

السلام عليكم أخوي سميروالله ياما وياما حصلنا من هالاشكال لاكن الشكو على الله بل أن بعضهم مايرفع البياله واحدن من هالصنف رايحن معي مره ومعه قميص النوم ويوم شافوه خوياي قالو عز الله أنه شغيل وأول ماوقفنا لبس ثوبه وتكى على المرك يتحرى القهوه والشاي عشان يتفنجل ويوم جينا نصلح غدان حدر الشره وهو يروح للشره الي جنبنا وهو يحط راسه يقيل عمي أفندي ويوم جهز الغدا وهو ينا ديه أحد الشباب هييييييييييييياه تعال أكل اكل




لذالك يجب علينا قبل المقناص والمكشات أختيار الرفقه واما داخل الديره ماعندك
مشكله وتسلم على هالموظوع وتقبل تحياتي أخوك معدي الطويله;)
وعليكم السلام والرحمة والله يعيننا عليهم ولعله من باب تكفير الذنوب

وإن شاء الله مأجورين يامعدي الطويلة

تشرفت بداخلتك و فرصة سعيدة

[سمير]

شكرااااااااااااااااااااااااا لك اخي 0000000000000000
العفو طاااااااااااااااااااااااال عمرك

[ابوسعدبدر]

اخوي ياكثرهم كثراااااه الله يقلل اشكالهم
بس لايصير ناسي المحفظه بعد في الطلعه الثانيه اذا فيه طلعه ثانيه ......ذكره قبل الممشى .

[غيانا]

السلام عليكم
اخوي سمير
علم الله اني انبسطت من ردودك
وهذي اول مرة بحياتي الانترنتية اقرأ موضوع بردوده
لكن
لكن
لكن
ليش ما نتجمع يا راعين الردود بكشته
بس اخاف يطلع بعضنا ياللي ردو من نمونة الربع
ونقول يا ليل ما اطولك

شكرا مرةاخرى

[سمير]

اخوي ياكثرهم كثراااااه الله يقلل اشكالهم
بس لايصير ناسي المحفظه بعد في الطلعه الثانيه اذا فيه طلعه ثانيه ......ذكره قبل الممشى .
هاهاهاهاها وعلى طاري المحفظة بعضهم يجي ومعه 500ريال
وكل شوي يطلعها ونقول لالالالا ماله داعي
ولا يصدق خبر على طول يرجع الفلوس
ــــــــــــــــتحياتي لك ياابوسعدـــــــــــــــــ

[سمير]

السلام عليكم
اخوي سمير
علم الله اني انبسطت من ردودك
وهذي اول مرة بحياتي الانترنتية اقرأ موضوع بردوده
لكن
لكن
لكن
ليش ما نتجمع يا راعين الردود بكشته
بس اخاف يطلع بعضنا ياللي ردو من نمونة الربع
ونقول يا ليل ما اطولك

شكرا مرةاخرى
والله الشرف لي طال عمرك بك وامثالك من الوجيه السفره اللي ترد الروح

وعلى قولتك الطلعة يمكن يكون مفاجأات تكتشف إني أنا من البجيحين الطفيليين هاهاهاهاهاهه

بعدي والله طلبك من جهتي أنا موافق لكن إذا ابرد الوقت إن شاء الله

عزيز وغالي ياغيانا

[alkongrs]

السلام عليكم
اخوي سمير
علم الله اني انبسطت من ردودك
وهذي اول مرة بحياتي الانترنتية اقرأ موضوع بردوده
لكن
لكن
لكن
ليش ما نتجمع يا راعين الردود بكشته
بس اخاف يطلع بعضنا ياللي ردو من نمونة الربع
ونقول يا ليل ما اطولك

شكرا مرةاخرى

والله لي الشرف بس زي ما قلت اخاف يطلعون ناس امون عليهم بس قدام ميخالف

[الطرفاوي@]

اخي سمير انا من شفت اسمك عرفت انك منت مكشاتي بصدق لاان الممكشاتي الصحيح يسحب على هذه الأشكال ولايعدهم من المكشاتين ومع ذالك اقول الله يعينك ان كان هذا طبعك
والسالفة مهي بس عليك تمر على كل من كشت بناس مثل خويك سالف الذكر

[سمير]

اخي سمير انا من شفت اسمك عرفت انك منت مكشاتي بصدق لاان الممكشاتي الصحيح يسحب على هذه الأشكال ولايعدهم من المكشاتين ومع ذالك اقول الله يعينك ان كان هذا طبعك
والسالفة مهي بس عليك تمر على كل من كشت بناس مثل خويك سالف الذكر

ياعيونه السالفة تراها ماهي بالشكليات والظاهر لي وقفة مع ((من هو المكشاتي )) قريبا إن شاء الله


كم واحد اسمه -الذيب أو مخاوي الذيب أو الظلماوي أو طير شلوى - واسماء كثيرة


ولكن ماهو المضمون؟؟!!! صحيح السيارة آخر موديل ولا لك مكان في التنده من الآرايل


ولكن لو يتعدى الدائري كان ماحولك ارسال ....(عموما لي وقفة قريبا)


وللمعلومية اسمي سميّر بتشديد الياء


وعلى طاري سحب السيفون أنا اعتبره خلق سيئ لأنك لوكل واحد غثك سحبت عليه كان


مايصفي لك من الناس أحد ولكن المسألة صبر وتحمل وراعي الردية هو اللي بيندم


تشكراتي لك ومرورك عسل يا الطرفاوي

[aflaj12]

آآآآآآآآآآآآآآآآآه حركت المواجع ياخوي ياكثرهم الله لايكثرهم اذا زان الجو أشغلوك وان سرقت عمرك مرة من المرات تنظروك الله يكفينا شرهم واعطبوك

[سمير]

[quote=aflaj12;1065029]آآآآآآآآآآآآآآآآآه حركت المواجع ياخوي ياكثرهم الله لايكثرهم اذا زان الجو أشغلوك وان سرقت عمرك مرة من المرات تنظروك الله يكفينا شرهم واعطبوك[/quote

بسم الله عليك من الآه
تصدق ياخيو إن طبعهم مثل البقاليه لذلك نبي نطلق عليهم اسم((البنقاليون))
والله يسلمك يا افلاج12

[المداء]

اخي سمير هاك السالفة من بعض البجيحين

ذهبت مرة للساحل للصيد انا وشباب معي وتعرفون طلعات الساحل مصارف وبهذله من فشق وغيره وجاب الله لنا بجيح ولصق بنا ما معه ولا ريال جاي بثيابة وصلنا للساحل. وبداء المطارد والصيد وزود على بجاحته بداء بالتدبير مثلما تعرفون رح يمين!! ورح شمال!!! وخلون ارمي!!! واش علمكم للرمي وإذا رمي اخطاء ثم قال بارودكم ما تنفع ههههههه. وذا قلنا البارود زينه قال أجل فشقكم ما ينفع والبرود من احسن البنادق وهي السوبر والفشق من احسن أنواع الفشق وبالأخير قمنا وقشيناوه قش على محطة باصات ضباء وما قصرنا معه اعطيناه قيمة التذكرة و أعطيناه مصاريف الطريق ولا سلمنا حيث بداء بالأتصال وش سويتو وش حطيتو وش صيدكم وكم وما ادراك ماكم وقلت للربع الصيد الجاي كل واحد يجي لحاله بسيارته ويحط على باب يمين ( بــلــكــــه ) احسن من بجيح يركب على باب يمين ويغثك ويفقع مرارك وهذا شي بسيط من اللي شفنا منهم وهذه الأجناس ما يصلح لهم الا هـــــلــــــول هههههههه.

[جار ابو علي]

هههههههههههههههههههههههههههههههههههههههههههههههههه هههههههههههههه والغدوه الجايه الي قبلها احسن منها

[سمير]

أخي المداء

لالالالالا أكيد ماسك عليكم شيء أو عنده واسطة بشيء كبير

إذا لم يكن بهذه الصفات فأنتم ظالمون باصطحابه معكم

تصدق لو كان معي كان كان استاجر (لنش) وادخل البحر 12 كيلو

واقوله يمدحونك بالغوص ...ثم ينتهي المسلسل.

(تحية لك ومأجورين)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
جار ابوعلي


وعلى هالسيرة الله يبارك فيك لين تجي الجلطة

(( تسلم من كل مكروه يا عيني)).

[صبر]

موضوع جميل جدا وطرح لمشكلة عويصة قد تحدث لك في بعض المرات


ولدي بعض النقاط في حال كونك ورطت معهم

-- خلك رسمي مرة

-- لاتجامل أحد

-- الصراحة راحه فاتحهم بالموضوع ووزع العمل والتكاليف عليهم ولا عليك منهم

-- أي تجاوز من أحدهم على طول ناقشه بالموضوع ولكن بأدب وبصراحه تامة


-----------

[النبقي]

السلام عليكم ورحمة الله وبركاته
اخوي المداء
تشكر على الموضوع
والله وكثر هالنوعيات من البجيحين
ولو انا في مكانك كان احطه امام الأمر الواقع واخليه عند القش يحرسه مثل تكرم ( الكلب )
واطقها بوجهه خله المرة الثانية يحرم يجي معي
اخوك
النبقي

[سمير]

صبر;1067176]موضوع جميل جدا وطرح لمشكلة عويصة قد تحدث لك في بعض المرات


ولدي بعض النقاط في حال كونك ورطت معهم

-- خلك رسمي مرة

-- لاتجامل أحد

-- الصراحة راحه فاتحهم بالموضوع ووزع العمل والتكاليف عليهم ولا عليك منهم

-- أي تجاوز من أحدهم على طول ناقشه بالموضوع ولكن بأدب وبصراحه تامة


-----------[/quote]
تسلم يا الغالي ولك مني يا خيو إني أكون صريح وعلى قولتهم أخربها (( اصلحها))

ولكن الرسمية الزايدة ماتصلح لأنك طالع تبي تستانس وتصلع

يمكن يجيك ضغط أو تكون ( نفسية :looney: )من الرسمية .

[فتى التويم]

حنا اللهم لك الحمد اذا جينا نطلع نحسب الصغيره والكبيره...

نتقاط في عزبتين وحده للقهوه والشاهي ووحده للطبخ

ونجيب كل اغراضها ونحطها عند واحد يراعيها ويداريها ويزودها اذا نقصت(ونحاسبه على اللي دفعه)

واللي يبي العزبه ياخذها منه,,,


الموتر نحسب البنزين وتغسيل السياره بعد مانرجع

كذا اغلب طلعاتنا وتكون النفوس صافيه ولله الحمد والمنه

[سمير]

حنا اللهم لك الحمد اذا جينا نطلع نحسب الصغيره والكبيره...

نتقاط في عزبتين وحده للقهوه والشاهي ووحده للطبخ

ونجيب كل اغراضها ونحطها عند واحد يراعيها ويداريها ويزودها اذا نقصت(ونحاسبه على اللي دفعه)

واللي يبي العزبه ياخذها منه,,,


الموتر نحسب البنزين وتغسيل السياره بعد مانرجع

كذا اغلب طلعاتنا وتكون النفوس صافيه ولله الحمد والمنه

تف تف تف ماشاء الله عليكم

هذا السنع هذي العلوم السنعة الله يبشرك بالخير

لازال في الناس خير الله

يهنيكم يابوي ويزيدكم من فضله (( مرورك والله يشرح الصدر يا فتى التويم))

[ab0saif]

اللي يحب المكشات يتغظى بعض الشي لكن المرة الثانية ان طلع معهم يشرط عليهم لان الموتر لو استئجر و العزبة لو اجرت هذا بدون السكر و الشاهي بيطلع اكثر من سهمك في القطة
ام اذا بيحسبونك على كل شي قلهم اجار الجيب و بنزينه عليكم

[أبوحمد6]

حنا اللهم لك الحمد اذا جينا نطلع نحسب الصغيره والكبيره...

نتقاط في عزبتين وحده للقهوه والشاهي ووحده للطبخ

ونجيب كل اغراضها ونحطها عند واحد يراعيها ويداريها ويزودها اذا نقصت(ونحاسبه على اللي دفعه)

واللي يبي العزبه ياخذها منه,,,


الموتر نحسب البنزين وتغسيل السياره بعد مانرجع

كذا اغلب طلعاتنا وتكون النفوس صافيه ولله الحمد والمنه

نعم هذا هو الصواب بارك الله فيك يا راعي التويم وجزاك الله خير الجزاء

والشكر موصول طبعا لصاحب الموضوع وفقه الله لمرضاته اللهم آمين



http://www.mekshat.com/vb/showthread.php?t=99356

http://www.mekshat.com/vb/images/misc/progress.gif

[ابو شجاع]

ولله ياخوي سمير الرجال معروفه با مجالسها وافعالهم اللي من هالنوعيه انا اعتذرة حتى لو كنت انا مانيب امير الرحله تفاديا للاحراجات لأنى رجال حار اقبس من ادنى فعل خاصة مع هالاشكال التعبانه وله يالصبر المبتلى فيهم بس مهما كان نمشيها مرة مرتين بس مهوب امرار

[عاشق وادي الدواسر]

الله يعينك عليهم ولاكن إن بغيت خوي ابشر والله بخوي يعز خويه ويفديك بروحه لأني مريت بلأشكال هاذي وعرفت قدر المعاناه الى تعانيها

وتقبل مروري اخوك ابو سلمان

[abu saif]

بسم الله الرحمن الرحيم
ولله فيه ناس تطلع معهم والسياره واعزبه واللحمه وكل شي عليك لا وبعد انت السواق والطباخ والي يفرش الفرش اذا وقفتو ولكنهم يستاهلون وعلي قلبك مثل العسل هذولا يستاهلون من يخدمهم اعرف من تخاوي ودايما زي ماتعلمنا اختر انت من تخاوي لا تخلي الناس هم من يختارك
وشكرا

[سمير]

Abosaif/أحسنت يا عزيزي ما كان أوله شرط كان آخره نور كلامك درر


أبو أحمد6/ الله يشكر سعيك ويوفقك آمين دوووووم على هالمنوال إن شاء الله


أبو شجاع/ لالالا انتبه من الزعل والتكدر ترى الدنيا ماتستاهل ياابوشجاع وانصحك
افصل الفيورز اللي يقبس على طول وحط الإديتر اربع رصات.


أبو سلمان/ ياخلفهم يفداك اللاش لي الشرف طال عمرك بس الوادي بعيد عن ولعلنا نترافق
بصفحات مكشاتنا العزيز أقرب .


abu saif/صحيح كلامك يا خوي { فيه ناس خسارتك عليهم مكسب لك
وناس مكسبك منهم كله خسارة} ....(طاح حنكي يوم قلت هالجملة)

[مستبشر]

ذكرتني وانا أخوك 00ايام زمان 00ايام الملاعب والانوار كنا نطلب فزعات (الشغله) اسلاك انوار 00الخ00الخ00ماتحصل احد حولك 00وأول مايزن الملعب 00يهجم عليك جمهور من الطفيلين والكسالى كأنهم شريشرا مجتمعين على نجفة00
*****
وصاحبك هذا سهل التصرف معه انحرج دقايق ولا تغتم طول اليوم وتتركها في خاطرك 00
وفي النهايه انت مو ملزوم تمشي وتفرج هالاشكال

[البدر000]

الله يكون في عونك ويرزقك بخوي يسوى 100 رجال

[سمير]

مستبشر/أبشر طال عمرك سوف اغمض واقول اللي في خاطري
تشكراتي لك عزيزي

البدر000/اللهم آمين جزيت خيرا