أيش تنصحوني بالسلة أم العربة للأمتعة في اليوكون؟؟

[ذيب الزوية]

أخواني السلام عليكم ..


والدي عنده يوكون 2003 ووده يركب سلة أو عربة سحاب للأمتعة عند السفر .. فياليت تفيدوني بالأسعار وأصحاب الخبرة يخبرونا عن أكثرهم عملية و أرخصهم وعن أمكان شرائها أو تفصيلها .. علماً أن الحمولة في حدود الـ 150 كيلو ممكن تزيد شوية ..

وأنا بإنتظار الردود يا أخوان ..
شاكر ومقدر جهودكم مقدماً ..


أخوكم أبو فيصل

[شامخ ألهيلا]

السله افضل من العربه بكثير لان العربه مشاكلها كثير وحوادثها كثيره وايضا لاتنفع مع السرعه والمطبات
والسله افضل بس حط طربال على عفشك زين واحكم ربطه ولاثكثر العفش لانه راح يرفع عليك وجه السياره
وتقبل تحياتي

[المنعفط]

العربه افضل لماذا ؟
لان التحميل بواسطة الشبك يضر الدفرنسات حيث تكون الحموله على الجزء الخلفي مع ارتفاع المقدمه
التحميل بالسياره اما ان يكون بالشنطه او فوق الشبك 00 عدا ذلك العربه افضل لجاهزية السياره من المصنع لها
اسف على الاطاله :)

[بدوي جنوبي]

عليكم السلام

ابو فيصل

انا اشوف السله افضل من العربه وارخص بعد

بالتوفيق

[ع ى ع 031]

اخوي انا مجرب السله والقلص(العربه) والصراحه

العربه افضل لانه تحمل الي تبي على حسب الحجم الي ماخذه واحتياجك واريح للموتر مثل ماتفضلو الاخوان لقابليه السياره من المصنع

على السحب

والسله ميزتها رخصها انا مركبها ب 500 ريال بس تلحيم في الموتر من تحت وانواع الحوسه ولها ضرر على الموتر

واسفين على الاطاله

[مقلب]

الافضل السله وازيد على ردود اخواني

اذا سافرت الى ديرة وسكنة في شقه ونزلت العفش تتورط بالقلص اما السله

اسفطها خلف الموتر ولارايح يتغير شئ اما القلص مشبوك خلف الموتر رايح جاي

وبعدين اذا دخلت السوق ولقيت زحمة الله يعين ودك تفك وتنطله

تحياتي

[عرق رملان]

ابو فيصل
ابشر بعزك بخصوص الموضوع
اذا كان عفشك ما يزيد عن 300 كيلو احسن لك السلة .. للاسباب المذكوره من الاخوان سابقاً
بخصوص تضر السياره .. انا معي يوكن ومركب علية سله والحمد الله ما ظرت السياره ولا تجعل اي تاثير فيها .. سافرت الى صلاله ( عمان ) والى مكة والى الشرقية .. والله العظيم ان العفش حول 250 كيلو بدون مبالغة ..
على العموم انا عندي صور في الجوال لسلة وهي فيها العفش اذا كان ودك تشوفها ارسل رقم جوالك على الخاص وسوف ارسلها لك لتشهدها وتكون على بينه ..
بخصوص التلحيم في السياره ، هذا شغل مشي حالك .. الشغل الصح يكون على براغي تثبت في الشاص قواعد السلة وسعر السلة 500 حسب المقاس .
تبي زود من التوضيح .. ابشر يابو فيصل

[Avalanche]

القلص مشبوك خلف الموتر رايح جاي

وبعدين اذا دخلت السوق ولقيت زحمة الله يعين ودك تفك وتنطله

تحياتي

أسف على المداخلة

بس عندي لك حل

اذا وصلت الى الشقة أو المسكن الله لا يهينك سلسلة ب 10 ريال و قفل ب 10 ريال وفي
أقرب عامود اضاءة و انتها الموضوع :D

مع احترامي لكل الأراء لكن انا اره ان القلص مميزاتة أكثر من عيوبة
عكس السلة :no:

على العموم كل واحد يستخدم الي يرتاح له أكثر
من ناحية السعر و الأستخدام :D

ومشكووور يا أخ مقلب على الموضوع :good:

واسف عل الأطالة :j .............

[الدحبول]

لاهمية اليوكن 2003 في سلة إي سكة لونة أسود
هذي قدرتها حدة الاقصى 90 كبلو مكتوب في كاتلوج السوبربان واليوكن 2003

[aziz2727]

ودي اشارك الاخوان
بنسبه لي انا عندي عربه ،، حقيقة مريحتني مره وناوي ان شاء الله اضيف عليها بعض التعديلات علشان تكون مجهزة من جميع الجهات سواء في تحميل الدباب او العفش او الماطور او استوانة الغاز او حتى الخيمه وخزان المويه بعد .. المجال فيها مفتوح وما فيه شي يحكمك اهم شي او توزيع الاحمال هذا اهم شي
والله يدبرنا وياك وكل مسلم على الصالح

[المميـز]

السله تضر الدفرنس وتضر شاص السياره

والعربيه احسن بكثثثثير واكبر مساحه وتحط فيها وتقفل عليها وتنساها

وياليت لو مشرفنا يحط تصويت للموضوع انا اشوفه يستاهل التصويت

[ذيب الزوية]

السلام عليكم ورحمة الله وبركاته ..

شامخ ألهيلا

المنعفط

بدوي جنوبي

ع ى ع 031

مقلب

اول مشاركة

bo_3bood

الدحبول

aziz2727

المميـز



انا شاكر ومقدر جهودكم وإهتمامكم بالرد على موضوعي ونصحكم لي وبيض الله وجيهكم ..والحقيقة أنه بعد قرائة الردود إلى الآن زادت حيرتي حيرة..عشان كدا حنفصفص الحكاية عشان تقدروا تساعدوني بالإختيار ..

أولاً القلص : -بالنسبة لمكان تخزينه هنا في جدة عندنا مشكلة لعدم وجود مكان له .. اما في بلدتنا بسوريا في أماكن كثيرة وإحنى محتاجينو بس مشوار طريق السفر والسيارة مجهزا فعلاً بمكان لوصل القلص وفيش للمبات الفرامل .

ثانياً السلة : ما نبغى نلحم ونحدد السلة بالسيارة ونشوه أو نأثر على حالة المصنع (إلا إذا فعلاً مجرد صواميل وتثبيت ) وقتها يكون مناسب جداً ,, بعدين ما أدري هل السلة تتفك وتتركب على كيفي .. وإذا فيكتها هل ستؤثر القواعد على منظر السيارة ..

وبصراحة عامل الكلفة مهم .. يعني مثلاً في فرق بين قلص بـ3,000 ريال .. وسلة بـ 500 أو 800 ريال .. . مع العلم أنو ما أحد وضحلي تماماً كلفة الإثنين بالظبط أوأماكن توفيرهم بجدة .. معليش يا أخوان يا ليت تساعدوني تعرفون الصيف قرب والوالد خلاص يبغلى يخلص هذا الموضوع ومكلفني فيه وما أبغى أخذله .. وبإنتظار ردودكم وآرائكم ..

وأخوي أول مشاركة مشكور وما قصرت يالغالي وإذا بإمكانك ترسلي الصورة وبعض التفاصيل على إيميلي أكون من الشاكرين ..


أخوكم المحب
محمود (أبو فيصل)


إيميلي mahmoud_d@hotmail.com

[عرق رملان]

الاخ / محمود
بالنسبة لصور كما وضحت لك هي عالجوال ولا اعرف كيف احطها في الايميل عشان ارسلها .. هذا اولاً
ثانيا بخصوص ان قواعد السلة تخرب شكل السيار القواعد ليست واضحة من الخلف وتقدر تشيل السلة اذا وصلت المكان الي ناويه .
اسعارها بالرياض من 450 الى 600 حسب المقاس كما ذكرتلك .
وثالثاً الي يقول انها تضر السيارة ( اليوكن ) .. اقوله كلامك غير صحيح!! لان اتكلم عن تجربة . وليش حددت اليوكن لاني مجربها عليه اما بقية السيارات .. لا اعلم هل هي تضر ام لا .
وضحت الصوره ان شاء الله .

[ذيب الزوية]

أخوي أول مشاركة ...

جزاك الله كل خير وبيض وجهك .. الصورة وضحت تمام وربنا يكتب الخير لي ولك وللأمة الإسلامية أجمعين ...

بإنتظار آراء وخبرات ونائح تانية .....


أخوكم أبو الفياصل

[ذيب الزوية]

صباح الخير يا أخوان ...

برجاء تدلوني أماكن بيع أو تفصيل السلة في جدة .. لأني خلاص إعتمدت عليها ..
ومشكورين إن شاء الله

[alkongrs]

الافضل السله وازيد على ردود اخواني

اذا سافرت الى ديرة وسكنة في شقه ونزلت العفش تتورط بالقلص اما السله

اسفطها خلف الموتر ولارايح يتغير شئ اما القلص مشبوك خلف الموتر رايح جاي

وبعدين اذا دخلت السوق ولقيت زحمة الله يعين ودك تفك وتنطله

تحياتي

أو تفك الشبك وتحطه بالمستودعهم الي بشقه

اما القلص تشتري سلسله 10ريال و10ريال قفل وتربطه بقرب عمود كهرب وإذا طلعت من بوكر ا ودوره ولا لقيتوة وش اتصلح ؟:rolleyes: :confused: .................................................. ....................................
والله يعطيكم الععافيه

[for]

يا اخوان صديق لي معه تريل بليزر وذهب لورشة المواهب في شارع الاربعين لتركيبها .. الحاصل انه لما شافها العامل قال تركب لكن فيه مشكلة ان الشاص تحته مباشره دبة الشكمان يعني بيكون قاعدة السله بين الشاص والدبه ولمسافه بتكون بسيطه لذلك هو متردد يركبها لهذا السبب خايف تنشق الدبه مع المطبات ... طلب مني استشيركم اذا شخص جرب يركبها على التريل وش افضل طريقه ؟؟

[الوانيت1]

شوف هذا الرابط بخصوص السلة وتركيبها....http://www.3arog.com/index.php?sub=14

[for]

<<<<<< Up >>>>>>

[for]

يا اخوان صديق لي معه تريل بليزر وذهب لورشة المواهب في شارع الاربعين لتركيبها .. الحاصل انه لما شافها العامل قال تركب لكن فيه مشكلة ان الشاص تحته مباشره دبة الشكمان يعني بيكون قاعدة السله بين الشاص والدبه ولمسافه بتكون بسيطه لذلك هو متردد يركبها لهذا السبب خايف تنشق الدبه مع المطبات ... طلب مني استشيركم اذا شخص جرب يركبها على التريل وش افضل طريقه ؟؟

معقوله محد جرب على التريل بليزر او يعرف احد ركبها وين خبراء مكشات ؟؟؟؟؟؟؟؟؟؟

[اابو ابراهيم]

اللى اخونا السوري السلام ركب قلص يعني عربة افضل بكثير من السله القلص تقدر تبيعه اذا انتهت حاجتك ويمكن انا اشتريه

[حمد808]

السلة افضل وامن من القلص
وسعره عند عروق الشمال600 والشراع 100

[ذيب الزوية]

هلا أخواني ..

والله أنا بعد ما شفت رأي أن السلة مناسبة أكثر لإحتياجات تنقل أسرتي .. خصوصاً إذا كان ينفك زي ما قال الأخوان .. أتمنى من الي يعرف فين في جدة ممكن أركب السلة أو أشتريها أو أفصلها يدلني .. جوزيتم خيراً .. وأنا بإنتظار ردودكم ..


أخوكم أبو فيصل

[ذيب الزوية]

هلا أخواني ..

والله أنا بعد ما شفت رأي أن السلة مناسبة أكثر لإحتياجات تنقل أسرتي .. خصوصاً إذا كان ينفك زي ما قال الأخوان .. أتمنى من الي يعرف فين في جدة ممكن أركب السلة أو أشتريها أو أفصلها يدلني .. جوزيتم خيراً .. وأنا بإنتظار ردودكم ..


أخوكم أبو فيصل