تمويل شراء سيارة جديدة

[ريمي]

السلام عليكم ورحمة الله وبركاته


مساكم الله بالخير أعضاء منتدانا



الحقيقه إن شراء سيارة جديدة يتطلب ميزانية عالية

وتحويشة سنين كثيرة


أنتم عارفين مافيه سياره هالحين الا بقطع الظهر ... والوضع

المادي للبعض صار


متدهور خصوصا بعد نكبة الأسهم ... أو لوجود إلتزامات

خاصه أو لأسباب

أخرى


فبودي يا جماعة الربع نتشارك بالنقاش والخبرة بما يعود

على الجميع بالنفع والفائدة



في كيفية تمويل شراء سيارة ... هل عن طريق الشركة

نفسها ... أو عن طريق أحد البنوك ... أو عن طريق

شركات تقسيط خارجيه أوعن طريق أحد ا لأفراد


وإذا كان عن طريق البنوك أو شركة تقسيط خارجيه فما هو

أفضلها ( تعاملاً ونسبة فائدة )



وهل التأجير المنتهي بالتملك جيد ... وهل


هو مجاز شرعا عند المشائخ بصيغته الحاليه ؟

وما هو أفضل الخيارات السابقه ؟



والآن نستمع لآراء الأعضاء وتجاربهم في هذا المجال والله

يكتب اللي فيه خير للجميع




===

[ريمي]

وينكم يا أعضاء المنتدى


ما فيه احد له تجربه في شراء سيارة


أو ناوي يشتري سيارة

[ريمي]

ماشاء الله عليكم يالربع


كلكم كاش

[تلسكوب 1]

الكاش افضل اذا كام متوفر اما اذا لم يتوفر فمالك الأ التمويل بأحد الطرق التي ذكرتها
وانا اسف مالي تجارب مع تمويل البنوك او الأفراد حتى اناقشها لكن حبيت اشارك معاك

[فهد 1426]

يشرفني المرور على موضوعك اخي الكريم لأدلي بدلوي لأفيد واستفيد ـ
سبق ان حصلت على تمويل عن طريق سامبا ـ (( تمويل الخير المجاز شرعا )) بنسبة مرابحه وقدرها 4.5 % حيث انني حصلت على تمويل وقدره 130000 ريال وطلعت على بـ 159000 ريال يعني بزياده وقدره 29000 ريال ـ خلال مده وقدرها 5 سنوات وقسط شهري قدره 2666 ريال
-----------------------------------------------------------------------------------------------------------------------
طبعا في ذلك الوقت كان هذا البنك هو اقل نسبة مرابحه ـ لكني سمعت انه سوف يكون بالقريب العاجل بنوك تقدم تمويل بنسب منخفضه جدا
اهم شيء ابعد عن شركات الجشع والطمع اللي يسلخون الواحد من جلده حسب الله عليهم ـ

[طحنون]

اهم شي ان يكون التمويل شرعي وعلى ذمتهم هم
بس والله من الناحيه الشرعيه الموضوع اذافيه شبهه ابتعدعنه
والشي الثاني اذا اقدمت على التمويل
حاول ان تذأخذ المببلغ الادنى وليسى الاعلى على شان ماتتعب نفسك من الدين ترى الدين ثقيل اثقل من الجبال
يعني مثال عندك مبلغ وقدره 15الف ريال وتبي تموين يغطي سياره قيمتها 95الف اطلب تمويل بقيمه 75 الف اوثمانين الف والباقي يسهل الله
واطلب من الموظف ان يجعل مده السداداقل من 48شهر اوحتى 40 شهر
والله يكتب بما فيه الخير

[ابو عزة]

انا عندي لك حل ونشاء اللة تدعي لي رح لبنك مسقط خيرات شفة على طريق الملك فهد مقابل الفيصلية وفتح حساب عندهم وحول راتبك عليهم ونسبة مرابحتهم 2,50 % ونشاء الله تدعي لي او رح لبنك الامارات قبلة باشارة ونفس الشي رح وجرب والله يوفقك وسلامتكم

[عاشق السيل]

والله الشباب ماقصروا ،،

وأنا تجربتي واللي أنصحك فيها وهي مجازة شرعا إنك تشتري أسهم من الراجحي بالقيمة اللي تبيها
( وأنصحك لاتضغط على نفسك ترى الدنيا عبرة )
وبعد مايمتلكها الراجحي يبيعها عليك بالتقسيط المتفق بينكم وبنفس الوقت يبيعها لك بالسوق وتنزل بحسابك على طول علشان ماتخسر شي ،،
وبقيمتها اشتر السيارة اللي في بالك ،،
بس أهم شي ابعد عن شركات التقسيط أو الوكالات تراهم يسلخون الظهر ،،

تقبل مروري ...


عاشـقhttp://www.mekshat.com/pix/upload/sign/images/mk49539.gifالسيل

[روافد]

يا جماعية والشخص الغير موظف وش يسوي افزعولي يالربع احتاج خمسين الف بس و الباقي موجود
تحياتي للجميع

[المميـز]

ماشاء الله عليكم يالربع


كلكم كاش

ههههههههههههههههههههههههههههه :D اعجبتني هالكلمه

قصد من عند الامثل

[ريمي]

السلام عليكم ورحمة الله وبركاته


أشكر كل من شرفنا بمروره وشاركنا برأيه


سألت عن التأجير المنتهي بالتملك عند الحاج


وصارو يأخذون دفعه أخيره في نهاية التقسيط ( وهذي فيها نظر عند بعض المشائخ .. يحرمونها )


والنسبه حوالي 9.5 ... والراجحي عندهم يأخذ قريب من هذه النسبه .... ولا يأخذ دفعه أخيره ... لكن يأخذ دفعه مقدمه

يسميها أتعاب إداريه ( نوع من الضحك على الدقون ) حتى يقول انها حلال ...


ونبي نمر على وكالات أخرى ونشوف


واللي سبق وسأل لا يبخل علينا بالعلم



تحياتي للجميع

[فهد 1426]

الوكالات والشركات
هذه اسلوبهم قص ظهر ـ يستغلون فرصة انهم ما يطلبون تحويل راتب ـ
الله يعينك ـ بس رأي اخوي ابو عزه ـ رائي سديد وأيده إذا كان يتناسب معك 0

[L I M I T E D]

يسميها أتعاب إداريه ( نوع من الضحك على الدقون ) حتى يقول انها حلال ...




اي حلال واي هم يحزنون

الا ربا وسحت

نصيحه ابعد عنه وش لك وش الحرام

باتسر تنقلب فيه انت وعيلانك ماتنفعك

[Bader-M]

مد رجل على قد لحافك

......

اسمع وانا اخوك
الدين مايجي وراه غير وجع الراس
زين سيارتك بالقروش الي معك لما يفرجها ربك
وتذكر ان السياره وسيله لا غايه

تحياتي اليك

[ابن صقيه]

ابعد عن الدين فإنه ذل بالنهار هم بالليل

[بدوي جنوبي]

عليكم اسلام ورحمة الله وبركاته

الان البنك الاهلي تقريبا مسيطر علي جميع وكالات السيارات من ناحية البيع بالتاجير المنتهي بالتمليك
مثال
ابو نسب شرا سياره قيمتها كاش 66 الف
طبعا بدون دفعه اولي
بدون تحويل راتب
بدون كفيل
القسط الشهري 1252 علي خمس سنوات
الاجمالي طلع عليه ب 88 الف
يسدد الاقساط للبنك الاهلي عن طريق الايداع
والسيارة تبقي بأسمهم حتي تنتهي الاقساط
المشكله فيه دفعه اخيرة الرجال شوارني قلت ابعد عن الدفعه الاخيره لان فيه شبهه حسب ما نسمع والله اعلم
الدفعه قيمتها 13 الف ريال وهي من ضمن الاجمالي 88 الف
لكن طلعوا بشغله ثانيه ان البنك يلزمك تدفع تامين شامل للسياره قيمته 10 الاف ريال
معقوله تامين لمدة خمس سنوات ب 10 الاف !!

الله يعنيك اخوي ريمي

بالتوفيق

[alshebel]

الله يوفقك

اولا- حاول تشري سيارة باقل تكلفة ممكنة مثلا مستخدمة قليلا كانها جديدة او عرض على موديل السنة الماضية لدى الوكالات او اللي مقسطين ويبعونها كاش بالمعارض .
ثانيا - فكر مليا بنوع السيارة وحاجتك لها وسعرها في حال رغبت البيع لاي سبب
ثالثا- افضل طريقه للي ماعنده كاش ياخذ تمويل مجاز من هيئة شرعية من احد المصارف ذات السمعة الجيدة والبعيدة عن الربا
رابعا - حاول تاخذ اقل مبلغ على اقصر فترة ممكنة من السنوات ( اي اقل مبلغ يكفيك وتطلب من البنك يستقطع اعلى قسط من راتبك في اقل عدد من السنوات)
بذلك تضرب عصفورين بحجر : تسدد الدين مبكرا و تقلل قيمة هامش الربح عليك
متمنيا للجميع التوفيق