وش افضل زيت لسيارتك

[VXR.2007]

السلام عليكم وش افضل زيت سياره في جو الحر ويكون ثقيل:confused: :confused:...

[مقلب]

انا بصراحة اشتري الزيت بالكرتون من شارع الريل
بالرياض من نوع (( جي تي اكس )) سعر العلبة من 13 الى 14 ريال
وانا اخذ الكرتون بــ 205 ريال وبصراحة نوعية
زينه وما يسود بسرعة امشي عليه تقريباً 1500 كم ومايتغير ابد

تحياتي

[البيـرق]

احسن شي لمناخنا في السعودية هو 20 على 50.............

وافضل زيت هو موبيل 1 بس غالي مرة...............

وبعده من عندي من واقع تجربتي

كاسترول 20 على 50....13 ريال......وموبيل xhp بس هذا 15 على 40 ولكن ممتاز......13 ريال.......

[G X R 7]

سوبر جي تي ذو العلبه السوداء وبس

[فهد717]

زيت اس كيو مكتوب عليه 40000كيلمتر(اربعون الف) لكن انا استخدمه ومشي عليه 15000كيلمتر(خمسة عشرالف)
سعره العلبه 17.5ريال الكرتون فيه 24 علبه بـ412ريال

[ابو مريم]

بحكم استخدام يزيد عن ال 9 سنوات تقريبا

اقول فوكس سوبر جي تي

ويمكن الاخوان عندهم خبره اكثر

[المرابط]

السلام عليكم ورحمة الله وبركاته

أنا عني أستخدمت سوبر موبيل تيربو 10 سنوات على كامري

ومشت 450ألف وبعتها ومكينتها نظيفه ماشاء الله عليها وعلى

الزيت وأمس رحت لمحل الجمله للزيت وشريت وموبيل xhp

الكرتون ب210 ريال تطلع الحبه ب 8.75 ريال بعد توصيه

من أحد الشباب المتخصصين يقول مطور ولزوجته أقوى من

سوبر موبيل تيربو والبناشر لاعبين علينا يبيعونه 13 -14

ويوم جيت البنشري قلتله غير الزيت وقلتله الزيت موجود

ويوم شاف الزيت قال بكم اشتري كرتون حبه كم أطلع

6 ريال قلتله لا حبه أطلع 14 ريال ويطالع فيني بحقد

وانا لمعة اسناني تبرق معلنة الأنتصار وظهر الحق وزهق

الباطل إن الباطل كان زهوقا وقلتله الحين زيت إجي غالي

صديق مافي سم سم أول هاذهي العباره لطالمى رددوها

علينا منول وحنا نهز روسنا ماندري وش السافه يا ناس

أصحو من سباتكم العميق وقاطعو شراء الزيوت من البناشر

وردولهم الصاع صاعين منول أغير الزيت مع السيفون

عندهم 109 ريال واللحين ب 81 ريال وفرت 28 ريال

في كل تغييره يعني تقدر تفلل بها بنزين 91 وكونو معي

إخوتي تحت عبارة غير زيت وأحصل على تعبئه بنزين

مجانا وقاطعو غير زيت وتحصل على غسيل مجانا

وآسف على الأطالع وإنما أتمنا لكم الخير من محبكم

وأخيكم المرابط أنتهى .............

[VXR.2007]

مشكووووررررين

[ابوعبدالهادي]

لوسمحتوا الافضل للاند كروزر وشكراً لصاحب الموضوع

[ابو عاذر]

لوسمحتوا الافضل للاند كروزر وشكراً لصاحب الموضوع

الافضل هو زيت تويوتا مهما قالوا عنه
البعض يقول أنه يتحول لونه إلى البني الغامق الذي يميل إلى السواد بعد الاستعمال الطويل وهذا لا يعد دليل انه زيت غير جيد ،،،،،،،،،،،، وذلك يرجع للزوجته العالية (( oil20W 50)) فتجد لونه يميل للون العسلي الغامق فمع الاستعمال يسود قليلا ً بعكس السوبر جي تي والكالسترول التي لزوجتها منخفظة (( oil10W 30)) فتجد لونها يميل للون العسلي الفاتح فتجدها مع الاستعمال يكون لونها عسلي غامق بعض الشيءفيتوهم البعض انه الزيت الممتاز والذي لا يعلى عليه نظراً لعدم تغير لونه وهذا الزيوت الاخيرة لا تصلح الا في فصل الشتاء اما في الصيف فلا تصلح لتبخرها السريع وخاصة خلال الاسفار وقطع الخطوط الطويلة فتجد البعض يقول سيارتي جديدة تنقص ربع علبة / نصف علبة ويعيش في الاوهام ومن ورشة لورشة والسبب انه يستخدم زيت ذو لزوجة منخفضة (( oil10W 30)) وخاصة في الصيف .

مع تحيات اخوك ابو عاذر

[بنزرت]

سلام اخواني
الزيوت الجيده كلها تقريبا متشابهه .................. الفرق الوحيد باسم الشركه وشكل العلبه ....... واللا ترا المصدر واحد ............ كل شركه حاطه لها بزبوز من تانكي ارامكو............وحنا فاتحين اثامنا ومصدقين...........والدليل ما ذكره الاخ المرابط.....لان وزاره التجاره( اسمها وزاره التجاره لانها تحمي التجار) ما تهتم في المصداقيه وحنا اخر اهتماماتها .واللي يحب يتاكد بشان سعر الزيوت يشوف رابط جريده الجزيره التالي
http://www.al-jazirah.com/498042/th1.htm
وسلامتكم

[ابوعبدالهادي]

الافضل هو زيت تويوتا مهما قالوا عنه
البعض يقول أنه يتحول لونه إلى البني الغامق الذي يميل إلى السواد بعد الاستعمال الطويل وهذا لا يعد دليل انه زيت غير جيد ،،،،،،،،،،،، وذلك يرجع للزوجته العالية (( oil20W 50)) فتجد لونه يميل للون العسلي الغامق فمع الاستعمال يسود قليلا ً بعكس السوبر جي تي والكالسترول التي لزوجتها منخفظة (( oil10W 30)) فتجد لونها يميل للون العسلي الفاتح فتجدها مع الاستعمال يكون لونها عسلي غامق بعض الشيءفيتوهم البعض انه الزيت الممتاز والذي لا يعلى عليه نظراً لعدم تغير لونه وهذا الزيوت الاخيرة لا تصلح الا في فصل الشتاء اما في الصيف فلا تصلح لتبخرها السريع وخاصة خلال الاسفار وقطع الخطوط الطويلة فتجد البعض يقول سيارتي جديدة تنقص ربع علبة / نصف علبة ويعيش في الاوهام ومن ورشة لورشة والسبب انه يستخدم زيت ذو لزوجة منخفضة (( oil10W 30)) وخاصة في الصيف .

مع تحيات اخوك ابو عاذر


وفقك الله يا أبو عاذر على التوضيح

والحقيقةأني أعبي كاسترول سوبر جي تي 30 -10 والسيارة vxr
بعد كلامك انشاء الله تويوتا 20 -50

[المميـز]

فايـــــــــــرستون عندهم زيت ممتاااااااااااااااااااااااز

والله نسيت اسمه

لكنه ممتاز 10/30 يمشي 6000كم وعلى ضمانهم

هم يقولون لك تعال بعد 3000كم ويشيكون عليه اذا تمام يقولك تعال بعد 3000كم ثانيه

[منقذ]

اخي المرابط بصرتني بشيء غافل عنه انا اغير زيت سوبر جي تي كم بيلع لو اشتريه من الموزعين بالكرتون
حيث أشتري العلبه ب13 ريال

[ابو عاذر]

سلام اخواني
الزيوت الجيده كلها تقريبا متشابهه .................. الفرق الوحيد باسم الشركه وشكل العلبه ....... واللا ترا المصدر واحد ............ كل شركه حاطه لها بزبوز من تانكي ارامكو............وحنا فاتحين اثامنا ومصدقين...........والدليل ما ذكره الاخ المرابط.....لان وزاره التجاره( اسمها وزاره التجاره لانها تحمي التجار) ما تهتم في المصداقيه وحنا اخر اهتماماتها .واللي يحب يتاكد بشان سعر الزيوت يشوف رابط جريده الجزيره التالي
http://www.al-jazirah.com/498042/th1.htm
وسلامتكم

كلامك صحيح اخوي 100%
وجميع الزيوت الموجودة في السوق كلها (( سوبر شل / سوبر جي تي / كاسترول / موبيل / الترا7 / تويوتا / موبيل )) صناعة سعودية 100% صناعة شركة بتر لوب السعودية احدى شركات بترمين سابقاً وأرامكو حالياً ومقرها جدة بترخيص من الشركات اصحاب العلامة التجارية ولا تختلف في المواصفات الا بنسب بسيطة لا تذكر يعني كلها سواء ما هناك فرق واضح الا في قيم اللزوجة ،،،،،،،،،،،،،،،، لماذا هذا الغلا الفاحش في الاسعار وهي تصنع عندنا يعني لا عليها رسوم ولا ضرائب ولا تعرفة جمركية وكذلك رخص وقود وسائل النقل التي تنقل هذه الزيوت ومع ذلك تقوم هذه الشركة وتحدد سعر ثابت 14 ريال للعلبة ليش هذا الجشع والطمع ياشباب خلونا نكون يد واحدة ونتفق على رأي :no2: :no2: :no2: :no2: :no2: :no2: :no2: لا أحد يشتري من محلات البنشر علب الزيت التي بــ 14 ريال وأنما نشتري من محلات الزيوت البيع بجملة أذا كانت العلبة بتطلع قيمتها بــ 8 ريال تقريباً وبذلك الاجراء لا تجد محال البنشر من يشتري من عندها مما يدفعها للبيع بسعر الجملة وبذلك نكون فرضنا رأينا بدون تدخل وزارة التجارة / أدارة حماية المستهلك عفواً حماية التاجر الجشع الطماع :confused: :confused: :confused:

مع تحيات اخوكم ابوعاذر

[روافد]

مرحبا الموضوع شائك ( وش رايكم في الكلمه ) انا استخدم زيت فوكس سوبر جي تي 10-30 سعر العلبة 14 ريال واغير الزيت مع الفلتر كل 4000 كم واذا غيرة اشوفة اسود ولكن به لزوجة وانا متحير في هذه الاجوال الخارة ولكن فوكس الاسود ممتاز وذلك بخبرة 9سنوات كاملة

[مكشات الغضا]

فوكس سوبر جي تي وبس أغيره كل 5000 كلم مره مع السيفون ومره بدون سيفون

[علي عليوه]

موبيل 1 تربو الذهبي وبس

[الوافي99]

الترا 7 وبس

[مرقاب الشرق]

الترا 7 الاكثر لزوجه 10/30 .

[باثفندر]

http://www.mekshat.com/pix/upload/sign/images/mk41765.gif


على قولتهم الحليب على كثر انواعة كله من بقرة واحدة

الزيت يمكن كله من بير واحد .

[مفتاح الفرج]

زيت
.
.
.
.
.
.
.
.
.
.
.
زيتون مقري فيه



امزح وانا اخوك ..... بس شركات الزيوت المشهورة كلها واحد

[ابو علي96]

انا افضل واذا الموتر الي معاك جديد خذ شل وامش عليه 3500الى 4000 وان شاء الله تدعيىلي

[هاوي الله]

سوبر جي تي فوكس 20دبليو50 = امشي 10000كم وكل مره سيفون >>> آخر كلام هههه

[salehhd]

السلام عليكم

الحين لي اكثر من سنة ونص استخدم زيت بترومين 4x4 يمشي اكثر من 10 الاف كيلو واخر مرة قالي الزيت باقي فيه حيل رغم اني مشيت اكثر من 10 الاف
كان سعر العلبة 22 ريال والحين رفعوها حتى 30 ريال
وصرت ما اشوف محل تغيير الزيت الا كل 6 شهور مرة